【香港第一次行廿幾公里山｜走到香港陸地最東端：長咀】
當你每一日已經諗唔到有咩好做、天氣又咁好，行山正係最好選擇，呢排幾乎日日都去行。從冇諗過香港原來仲有咁多好地方，堅係望落去同置身外國冇分別，我諗，呢啲就算係平時喺外國去到冇地方好去，不如Google吓有咩隱世山路，就總會搵到啲外國Travel blogger寫嘅神秘奇境－－果類你要天未光起身，再轉幾次車先去到嘅地方。
喺外國每日行廿幾公里好正常，南美最癲一日行四十公里山都試過，香港地有幾大？先發現原來今次，係第一次喺香港行超過二十公里山，去到地理上香港本土最東（唔計東坪洲）嘅地方長咀－－好在冇放個牌俾人影相。由西灣亭或赤徑出發，經過人氣度爆燈嘅鹹田灣，仲要再入，來來回回行埋部份off-track，呢段路接近21公里，如果唔係跑山堅係要行足一整日。正正因為呢個地方好偏，亦唔係普通行鹹田灣「兩手fingfing」就入到去果隻，所以人流唔多（雖然都比想像中多，我以為又係行成日都見唔到一個人），過程一步一景超舒服。
雖然香港又限聚又禁堂食又停曬課而你都唔駛旨意會搵到工，但呢個咁無聊時間，喺香港重拾返呢種旅遊嘅感覺，都未嘗唔係一件充實嘅事。平時喺外國最鍾意去啲off-track甚至連Lonely Planet都冇介紹、有種好冒險感覺去挑戰神秘地方，原來香港都可以做到，重點係你唔駛擔驚受怕，死啦，會唔會miss最後一班車？中途站會唔會冇位？言語不通果架車係咪真係去到想去地方？甚至，我經常都要計定，如果真係上唔到車出唔到去，行出最近市鎮要行幾耐？截車得唔得？
香港你去到西貢咁偏，兜兜轉轉點都會返到大路，一架94/ 96R總會幫到你，仲開到夜一夜添。
喺外國行廿幾公里成日有呢種壓力，唔知自己行得啱唔啱，亦驚行完走唔到，反而香港好安心唔會出唔返去，更有閒情欣賞四周圍景色。如果喺外國講緊行成二三十公里walking trail，隨時已經上咗千幾二千米，中途已過唔知幾多次蚺蛇尖咁嘅山，第二日堅會累到傻，但香港上上落落坡幅大極有限，有靚景又唔駛喘曬氣。
往年每次去旅行，都最少搵一個山嚟行，行廿幾公里正常不過，喺香港挑戰二十公里，竟然好似係個久違嘅奇蹟。唔知今年有冇機會再喺外國行？
真心，咁無聊日日四圍探索，我驚好快行曬香港大大小小嘅山，而你仲未搵到工或出得國，依家真係正宗寄情山水呀😂
長咀嘅詳細遊記可看留言連結。
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
全記點心西貢 在 西貢全記海鮮酒家-萬年街店 - Facebook 的推薦與評價
金牌點心系列｜您又試左未】 全記– 金牌流沙奶皇包– 一口咬下 ，裡頭的餡料緩緩流出 誘惑口感 ，深受食客歡迎 甜蜜提示 ： 廚師建議即時享用才能享受最 ... ... <看更多>