極度偏心（下）
上集：http://bit.do/fpVHg
我個心愈嚟愈寒，好似跌咗落冰湖一樣，成個人迷迷糊糊，連細佬幾時帶女友走，我都唔清楚。
一直以嚟，細佬對我嘅關愛都係假嘅？
我唔敢相信，於是，我呢個月交少咗人工，俾父母鬧到狗血淋頭嘅同時，
我買咗一個竊聽器，裝喺細佬間房。
我聽晒細佬嘅祕密，聽到佢對每個人嘅不滿，對我當然嗤之以鼻，對父母都充滿嫌棄。
細佬咁同女友講：「唔知阿爸阿媽幾時死，又煩又無用。唉，不過我形象好重要，又唔可以對佢哋太差，唯有許願祝福呢對老嘢早歸極樂啦。」
我好嬲，我要揭穿佢嘅真面目！
我將段錄音畀父母聽，當然重點係細佬咒佢哋死嘅部份，我知道佢哋唔會在意細佬鄙視我。
點知阿爸聽完之後，伸手就刪咗段錄音，大聲鬧我：「不孝子，搞埋啲陰質嘢！」
「我不孝？佢咒你哋死喎。」我難以置信。
「佢把口咒啫，實際上，我哋舒舒服服有頭有面，都係靠呢個仔咋。」
阿媽加多句：「佢都講咗，佢要形象嘛，佢唔會對我哋差㗎。」
我仲想反駁，阿爸冷笑：「唔係你想點？我得呢個仔有用，唔通你養得起我哋？」
阿媽附和：「咪係囉，親戚問我個仔做咩工，我梗係答『大公司嘅經理』啦，唔通答『洗廁所』咩？」
我一時語塞。
我好失望，搬咗出去住劏房，轉咗份工，當然唔再上交人工。
細佬都搵過我，講過吓好說話，但我唔再信佢。
之後父母就到處宣揚，話我不孝，不過，形象對一個洗廁所嘅人而言，其實唔重要。
所以過咗一段時間，我就遠離咗佢哋三個。
幸運嘅係，我都遇到我嘅愛情。
同事蓉蓉因火災而毀容，受盡白眼，我哋都係被人輕視嘅族羣，同病相憐，好快就一齊咗。
我哋結咗婚，一齊住劏房，一齊為未來而努力，希望有一日可以儲夠首期買樓。
有一日，我同朋友飲酒傾計，朋友笑我，點解娶個咁醜樣嘅老婆。
醉醺醺嘅我下意識答：「無計啦，我又窮又樣衰，除咗個毀容妹，仲邊度搵到第個女人，會同我一齊儲首期？」
朋友問：「假如你好有錢，你會娶個靚女？」
「梗係唔係啦，我要......十個靚女！」我大叫。
呢個時候，我突然聽到門口有踉蹌嘅腳步聲，
我打開門，喺轉角處隱約見到蓉蓉嘅衣角閃過。
死啦，佢早咗返嚟？係咪聽到晒我啱啱講咩？佢會唔會好失望，要同我離婚？
我唔敢再諗落去，我即刻關番門，唔敢再講蓉蓉。
但之後，一切平靜，蓉蓉無提過當日聽到我講嘢嘅事。
蓉蓉真係唔介意？定係其實，蓉蓉嘅諗法同我一樣。
佢嫁畀我，只係因為我係佢僅餘嘅選擇裡面，最好嗰一個。
我哋都會繼續講「我愛你」，欺騙對方，催眠自己。
不過呢個都係人之常情，其實好多人結婚，都係娶一個最「適合」自己嘅人㗎啦，「適合」當然包括條件嘅比較......
我開始幫自己辯解，然後不由自主咁諗，阿爸打我、阿媽餓我、細佬利用我嗰陣，
佢哋心裡面，係咪咁樣幫自己辯解，令自己嘅良心過意得去？
人人都覺得自己遇過衰人，但好少人認為自己係衰人。
我哋會為其他人嘅虛情假意暴跳如雷，但對於自己嘅虛偽，我哋總會有一百種解釋。
嚴於律人，無須律己，
或者，都係人類虛偽嘅其中一種方式。
－完－
將專頁設定為「搶先看」/ "See first"，最新故仔馬上睇！
新書《寓言地府動物園》已經出版了，現正發售中，
詳情可點擊這裡：http://bit.do/e37JG
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #極度偏心
公司裝竊聽器 在 [勞資] 工作場所裝監視器監聽器有犯法嗎？ - 看板PttLifeLaw 的推薦與評價
事實經過：
我在診所隔壁藥局上班，這邊一直有裝監視器(醫師裝的)，讓員工感覺不太舒服，
不過久了也就習慣了，我有時候上整天班，中午會到診所的病床午睡，
因為大家一直懷疑監視器有監聽功能，今天我在睡前到醫師診間內，
打開監視器螢幕的電源，還有旁邊的小喇叭電源，
(它就放在診間放疫苗的冰箱上面)
才發現我們員工上班時一舉一動都很清楚，
而聲音更清楚，連小聲講話都無所遁形。
難怪老闆和護理長似乎都知道我們在私下批評他們...
問題：
請問老闆在工作場所裝監視器監聽器算合法嗎？
先感謝各位幫 小弟/小妹 解惑或提出建議，如內容尚有不足，盼請提出需補充之處。
--
※ 發信站: 批踢踢實業坊(ptt.cc)
◆ From: 211.20.185.36
※ 編輯: suckspur 來自: 211.20.185.36 (10/07 18:49)
... <看更多>