《窮人的財技 - 公屋都要「爭產」》
研究財經知識多年，我雖不是細價股的專家，但對於金融上的財技算是略懂一點。證監對細價股／創業板股票上監管，令莊家可以在不透明的情況以各種財技「明屈」你錢。是故多年我唔沾手細價股的原因，我不是金融才俊，這是不我賺的錢。講到大莊家，當然有好多財技可以用，但原來窮人都有窮人嘅世界，有窮人嘅財技。而報導出黎嘅，竟然係《東張西望》，呢次等窮生同大家拆解下到底發生咩事。
據《東張西望》報道指，當事人黃小姐是大家姐，並有3名弟妹。眾人原本一同住在大坑公屋，兩名妹妹在結婚後遷出公屋，加上父親已入住老人院，該公屋目前只剩下她及其任職教師的弟弟居住。由於兩姐弟擔心在戶主父親離世後，能否順利繼承公屋，加上弟弟的收入超出公屋入息上限，若不將他除名，公屋稍後仍需交還房屋署。然而，若刪除弟弟的戶籍，由於他未能置業，因此需長期負擔昂貴租金。因此，弟弟當時建議二人交出公屋，並改為購買綠置居。然而，在新居入伙後，弟弟不但阻撓她入屋，更要求取消其戶籍，導致她被逼暫住劏房。
件事算唔算呃呢？我覺得係算。首先呢個Case真係好常見，係戶主(父親)已入住老人院，呢個情況房署係會傾向取消個老人家戶主資格，收返間公屋。問題就黎，以窮生查返資料，公屋戶主去世或遷出後，單位租約可無條件地批予在單位內居住亦是認可成員的戶主配偶；倘若戶籍內並無戶主的在生配偶，有關的租約亦可批予在單位內居住的其他認可成員，但他們須接受「全面經濟狀況審查」（包括入息及資產審查）及「住宅物業權審查」，以釐定他們批出新租約的資格及應繳的租金水平。而只要達到家庭總入息不超逾公屋入息限額 5 倍及家庭總資產淨值不超逾公屋入息限額 100 倍。房署理應會批出新租約。以黃小姐同細佬二人嘅情況，入息冇可能會過，因此要超過$97,150先會過，我唔相信細佬教書過到呢個數。
不過，我都有聽過人係俾房署嚇走，基本上只要原戶主過身／長期係老人院，房署會用好多方法嚇走你，收返間屋。好多時就要迫你用左張綠表。咁個問題就黎，個家姐長期都冇做野，其實佢係無敵，就算要走就係細佬有機會要走。咁細佬當然唔想承擔昂貴嘅私人市場租金，所以就用家姐deal。呢個政策令到窮果個係有絕對優勢，好過癮嘅係。點deal呢?就係由細佬出錢買層綠置居，俾返間房家姐住。咁當然之所以會爆出黎就係因為細佬反口趕個家姐出門口啦！
以下落黎就係計數，到底當初張綠表係邊個嘅呢？層樓又係寫邊個個名呢？據段片講，最後細佬願意向家姐支付120萬元，我就發覺窮人真係唔識得保護自己。第一，佢開出咁既條件，證明其實佢都知家姐有權住係度，而佢趕人走咁做係犯法，但係間屋以外，你可以停俾佢嘅生活費，你可以要求佢一齊供樓，呢d係合理合法好多。第二，如果筆錢係一筆過俾，對細佬而言一間49折大約2球多d嘅樓，值唔值用120萬買斷呢?真係要好睇好後市先得，事關佢層樓就值5球左右(補埋地價)，不過呢個開價我都覺得fair嘅。我調返轉賣返層樓俾家姐，叫你供你都供唔起。家姐一直話自己聽阿媽話要照顧細佬妹，而佢係冇做野，我想知佢係點照顧呢？到底係邊個照顧邊個呢？十幾年都唔做野，更加冇可能證明係計劃買果陣，佢有意欲去一齊供樓，片度有講其實細佬一直每個月都有俾錢家姐，好老實講如果有個人係十幾年都係靠家人養，就憑間公屋有佢名就咁惡，我都會唔服氣。當之後所有人問點解家姐唔幫手供層果陣，佢先講話係細佬冇叫，喂！食飯間野都唔會叫你埋單，你都係要埋單的。之後之揭發家姐係向兄弟姊妹身上，一個月合共可以得到差不多萬五蚊，而佢亦儲左筆錢唔出聲，到而家先話其實佢可以供得到樓，你話幾奇。最後，阿家姐又幾好笑，佢竟然覺得佢攞住果120萬可以登記輪候公屋單位。呢個就係窮人嘅世界，窮人嘅財技。係成件事入面，一個就奸，一個就懶，呢種家庭，係公屋真係好多，我真係見過。
窮，唔係因為單純冇錢，而好多時係唔make sense。
原文:
https://www.patreon.com/posts/38592386
公屋戶主去世 在 公屋戶主若果離世仔女有冇得繼承公屋單位？ 招國偉 - YouTube 的推薦與評價
免費訂閱我的YouTube頻道：https://bit.ly/subscribe-chiu 加入成為會員: https://bit.ly/member-chiu 0:00 開始0:22 #房委會# 公屋戶主 過身，配偶可以 ... ... <看更多>