【 #他們的愛情故事 - 老人癡呆伯伯帶老婆逃出療養院 】
「 或者有日我會唔記得全世界，但仍然會記得邊個係我最愛！ 」
.
美國田納西州有對老夫婦住喺當地一間療養院，伯伯同婆婆都分別患有失智症同阿茲海默症。點知日前伯伯竟然回帶返自己後生嗰陣當兵嘅經驗，靠聽聲知道咗電子密碼鎖密碼，仲成功帶埋老婆走佬，離開咗療養院去附近散步！就算伯伯有老人癡呆症，仍然智破醫院保安系統，最緊要係仲記得帶埋老婆一齊私奔，精靈得嚟仲有少少sweet～
.
根據英國《太陽報》報導，療養院職員其實早前已經發覺伯伯成日鬼鬼祟祟探查院內出口，每次職員輸入密碼，更加會合埋對眼聽到實。有見及此，院方特登增加巡房次數，仲安排額外嘅戶外散步時間。點知伯伯最後都係帶埋婆婆成功逃走，最終喺逃出30分鐘後被路人發現並通報，當時兩位已經喺兩個街區外，仲拖住手仔周圍走緊～分分鐘行快少少，就真係成功私奔。
.
後尾職員問返伯伯，先知原來佢後生當兵時學過摩斯電碼，可以聽出唔同數字鍵嘅聲音分別，先成功擊破密碼，將太太拯救，逃離人類荒謬！網民都大讚伯伯好叻仔，叻在當年嘅技能仲記得，更叻在就算已經唔記得大部分記憶，仍然記得自己畢生最愛。
.
有啲重要物品係點都要隨身攜帶！可能會唔記得返屋企嘅路，可能會帶漏咗搭車嘅散紙，但我一定會記得拖住你隻手。婆婆真係無嫁錯老公！
.
#其實人地都係想同婆婆喺埋一齊姐 #定其實伯伯真心唔認得老婆 #純碎當咗佢係新女 #靚女要唔要同我一齊逃走 #哪裡只得我共你 #港式情侶 #情侶 #戀愛 #女朋友 #拍拖 #老人家 #老人癡呆 #浪漫 #有合理理由懷疑密碼是0000
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
