【決定離開…唔係咁易】#你以為我講愛情 #其實最尾都係講商業 #MrBusiness
話說A君同B君是情侶關係，但因為C君介入而鬧翻，身邊「塘邊鶴」慫恿斬纜分手，但最後A君選擇原諒B君，共渡艱難日子，一班花生友對結果為之氣結。其實要放底廿幾年感情談何容易，尤其一齊時間越耐，突然分手情況就越少，可以點解釋現象呢？
讀econ朋友應該都聽過sunk cost (沉沒成本)，意思指已經發生而且無辦法收回的成本。大家做決定時都會考慮不同因素，而sunk cost就屬於其中一部分，例如入戲院睇場戲，套戲做到一半你覺得好爛，但你可能抱住「睇戲睇全套」心態而繼續逗留至完場；又好似職業賭徒，相信有賭未為輸，點知越輸就越繼續賭，全因想追返之前輸掉的賭本。所以當情侶決定分手抑或維持現狀，都會考慮自己付出的青春、精神及金錢，一齊時間越耐，感情投入越多，越不捨得斬情絲。
其實商業層面都有受到sunk cost左右決定的例子，好似香港現時大型基建工程，當初工程費用估算一個數，但延誤導致超支不絕，為了避免所有投資付諸流水，政府最後都會出錢埋單…另一方面，企業表現不佳時，其中處理方法就是向管理層開刀，就算新物色的替補人選能力未必較好，但因為新人事新作風，沒有企業根深蒂固的思想包袱，就較容易作出重大變革。
