我嘅睇法係吹下風,睇下大家有咩反應,幫大家做好個期望管理,到時候如果只係加少少稅,你咪好開心囉...
講起遺產稅,我有位朋友個老豆生前屎忽痕用閒錢買左間渡假屋,點知三十年後,嗰度變左富豪休閒退休聖地,漲左唔L知幾多十倍。
最搞笑嘅係,佢老豆自己年老後老人癡呆症都唔記得左自己買左間咁嘅野,然後當佢過左身後,我朋友話:遺產稅係我朋友全副身家一倍半。 😂😂😂
呢個時候,我覺得我要扮下啲人問:
幫朋友問:請問英國係咪有遺產稅?有沒有辦法可以唔死?如果瀕死時擺入雪櫃算不算死?英國有沒有茅山師傅?如果將佢魂魄封入公仔,咁可唔可以向稅局證明佢未死?
#Annabelle起源之謎解開了
#其實遺產稅係有得搞不過請搵專業人士去做
#喂我唔係真係指茅山師傅啊
#會計師係會計師啊
#你估英國係中國政府咩
#人地靈童轉世都要管
Search