【一文睇晒點解香港嘅大學重研輕教】
//係呢個大氣候底下,好多大學為左研究質量,都會犧牲左教學既質素。每個學系都會希望投入最大既人力同資源落研究,令教師百上加斤。佢地除左要兼顧教學同研究,亦都要花好多時間去做同評審有關既行政工作。每人每日只有二十四小時,但佢地就要花額外既時間同精力去應付研究既壓力。學系部門除左會向教職員施加壓力,有限既資金亦都令佢地傾向聘請研究成績較好,但教學能力成疑既教師返黎,又或者催谷全職教師做研究,然後請兼職講師返嚟教書。更甚者會裁減大量服務多年、教學優秀嘅基層教師,然後用多出既資源聘請研究做得好嘅老師。
有心教學嘅講師因為要追上研究指標,可以花喺教學嘅時間同心力愈黎愈少,壓力都愈黎愈大,而係研究主導嘅大環境之下,堅持教學既講師都好少獲得晉升既機會。重視教學嘅回報愈黎愈低,成本就不斷上升。近年「流浪講師」呢個詞語十分流行,講既就係上一段提到既兼職講師。大學因為要削減支出,但同時要保持教學量,所以就會用最低既成本聘請大量兼職講師。呢啲講師合約長則一年,短則只有四個月(一個學期)。佢地好多時會同時係幾間大學教書,留係每間大學嘅時間可能只有一星期一日左右,連屬於自己嘅工作枱都無,學生就算想搵佢問學業有關既野都好難搵到。而學期一過,呢班兼職講師可能連大學圖書館都入唔到。流浪講師即使熱心教學,但因為要周圍教書,接觸大量學生,每個學期都會面對全新嘅環境,所以大部分同學生關係都會比較疏離,長遠影響學生對學系嘅歸屬感。//
【大學是甚麼的一回事?】
最近幾年成日都會聽到講香港各大學排名嘅新聞。大學之間嘅排名成日都會變,而各大學嘅排名同坊間日常對大學嘅印象都有好大嘅分別。但排名係點黎嘅呢?對於國際排名組織嚟講,一間大學要點樣先算「好」?
原來喺國際排名機構,例如QS (Quacquarelli Symondss)同THE (Times Higher Education University Rankings),都會以學術名聲、論文引用率、僱主評價、國際化同師生比等作為排名標準,而當中研究成績,即係學術名聲同論文引用率,就係佔最大嘅比重。可想而知,如果大學想排名高啲,都會推高自己嘅研究質量。
研究質量除左影響一間大學既排名,仲會影響每間大學獲得嘅撥款。香港嘅大學教育資助委員會(教資會)每六年都會進行一次研究評審工作,然後會根據評審結果將約二百億既整體補助金(block grant) 分配俾各大學,而呢個評審結果好大因素都係基於研究嘅質量。不過教資會對各大學無準則差異,所以較少資源的大學就會容易喺評審中被比下去,導致「貧者愈貧、富者愈富」。整體黎講,每間大學為左撥款同排名,都會施展渾身解數去令自己出到更好更top嘅研究。
可惜,係呢個大氣候底下,好多大學為左研究質量,都會犧牲左教學既質素。每個學系都會希望投入最大既人力同資源落研究,令教師百上加斤。佢地除左要兼顧教學同研究,亦都要花好多時間去做同評審有關既行政工作。每人每日只有二十四小時,但佢地就要花額外既時間同精力去應付研究既壓力。學系部門除左會向教職員施加壓力,有限既資金亦都令佢地傾向聘請研究成績較好,但教學能力成疑既教師返黎,又或者催谷全職教師做研究,然後請兼職講師返嚟教書。更甚者會裁減大量服務多年、教學優秀嘅基層教師,然後用多出既資源聘請研究做得好嘅老師。(其中一例請詳見
https://www.hk01.com/社…/185504/理大炒9名半職社工導師-關注組聯署促復職-周五將於校內集會)
有心教學嘅講師因為要追上研究指標,可以花喺教學嘅時間同心力愈黎愈少,壓力都愈黎愈大,而係研究主導嘅大環境之下,堅持教學既講師都好少獲得晉升既機會。重視教學嘅回報愈黎愈低,成本就不斷上升。近年「流浪講師」呢個詞語十分流行,講既就係上一段提到既兼職講師。大學因為要削減支出,但同時要保持教學量,所以就會用最低既成本聘請大量兼職講師。呢啲講師合約長則一年,短則只有四個月(一個學期)。佢地好多時會同時係幾間大學教書,留係每間大學嘅時間可能只有一星期一日左右,連屬於自己嘅工作枱都無,學生就算想搵佢問學業有關既野都好難搵到。而學期一過,呢班兼職講師可能連大學圖書館都入唔到。流浪講師即使熱心教學,但因為要周圍教書,接觸大量學生,每個學期都會面對全新嘅環境,所以大部分同學生關係都會比較疏離,長遠影響學生對學系嘅歸屬感。
由於以研究主導撥款同排名,資源重新分配,教學嘅質素不斷下跌,同學除左可能會少左老師(同有心教學既老師)同少左科揀,課程都會有好大嘅轉變。除左排名會以國際化作為一個標準,如果想增加研究質素同論文引用率,學者做既研究都要先得到著名國際期刊刊登,而咁樣就代表佢地要寫一啲面向國際,較易得到關注嘅題目,當中就會犧牲左本地嘅研究,長遠黎講,學生對自己地方嘅知識就會愈黎愈無深度。更可惜嘅係,近年已經少左好多人願意做香港同華南既研究。
總括黎講,重研輕教其實會影響教與學嘅質素,同所有大學教師同學生有關,就算係新生或者係未入大學嘅朋友仔,呢個議題都係非常切身。如果你覺得呢篇文章有用,歡迎你地留個言或者分享俾你嘅朋友。
#睇政
#重研輕教
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...