《那些住日的美好》
最近係fb成日都見到朋友係一個地方打卡
就係荃灣#荃新天地，因為果到有個微型展覽係展示返舊香港面貌出黎
執媽最近真係忙到屎都唔得閒痾，所以我去唔到親身睇，不過屋企人去左，仲影左好多相比我睇
見到展覽入面放左間涼茶舖，仲係好傳統有個大涼茶鼎果種，聽媽媽講，以前周街都係呢種涼茶店，店入面有唔係人人屋企都有既電視機，📺同鄰居既小朋友成日都會借d意去飲碗幾毫子既涼茶🍵扮哂野係人地鋪頭睇成個鐘電視👭👭反觀而家既小朋友有邊個係可以睇到成個鐘電視？有邊個放學唔係忙住要去一埋補習班興趣班？再者仲邊到周街有涼茶舖？有都係得連鎖「海x堂」👨🏻👨🏻
展覽入面仲有間好微型既冰室，部電視同風扇都識郁架！勁得意！話說執媽好鐘意食冰室架！菠蘿油🥧雞批、紅豆冰🍧茄牛面🍜！而家好食傳統既冰室買少見少，都係比地產霸權趕走哂，有冇官商勾結造成今日既田地我唔知，但以前真係唔係咁架！細個成日聽「只要努力腳踏實地」總會有出頭天，但而家眼見上班族只有行屍走肉咁返工就係為左個追唔到既樓市！問題真係嚴重到「唔係去少個旅行、捱下麵包就買到樓」！！而家係香港，衣、食、住、行都好有問題😩😩😩
撇開民生問題唔講其實個展覽係好吸引既，佢仲有個舊九龍城地區微模型，模擬返以前住九龍城有飛機係屋頂止飛過，執媽好細個時機場已經搬左去赤鱲角，我只係有好零碎既記憶去過送機。。。我明白每個國家每個城市係有必要發展有必要進步，好似啟德機場唔夠用發展左個赤鱲角國際機場出黎係可以幫香港增加競爭力、步向國際，但香港唔需要過千億去起條跑道囉！香港都需要高鐵去同國家接軌，但係唔需要不斷幾百億幾百億咁超支囉🤬🤬🤬唔該增加左醫療撥款先喇
而家暫且都仲可以回億下舊香港，再過幾十年之後，而家既小朋友仲有咩童年快樂回憶可以流傳比下一代聽？
我相信每個媽媽十月懷胎，或者經歷任何生產併發症時，最大既心願都係bb健康順利出世、開開心心成長，唔係望佢3歲要拎到畫畫冠軍、10歲要考到小提琴十級，希望我地係不可能既情況之下都努力提供一個快樂童年比小朋友，等佢地大個都可以回億下
唔好變成咁樣：
「我細個一放學就上幾個興趣班，補中英數、遊水、打非洲鼓、冇時間玩架～我真係好開心呀（曲）」🙄
「我細個工人姐姐湊大架，呀爸呀媽要搵食好少見到佢地架，有幸去公園玩都淨係聽到巴基斯坦話同埋國語架咋，真係好開心架（曲）」🙄
「我地冇文誤活動架，黃牛黨買哂架，十幾年冇聽過演唱會，細個最鐘意既子華神告別棟督笑都買唔到飛架，真係好快樂（曲）」🤬
你地細個有咩快樂童年回憶？
你而家又生活得快樂嗎？
分享下呀
#我又9up了
#你唔搞政治但政治會黎搞你
#多謝你地聽我廢up
#唔緊要喇呢到係我既廢up小天地
#荃新天地
#回味香港情
#真心靚既
#有機會去睇下喇
#得返幾日架咋
#冇咩事我出返去做野先喇
