[冷氣企管系列]國泰唔還優先股股息,會唔會爆煲?(圖:經濟日報,國泰航空第二度拖欠政府優先股股息(https://bit.ly/3fRqDVB))
1. 事忙,昨晚寫Patreon都六點先瞓,起身又見工(!)。「你都仲搵工?」。我冇搵工,但有人搵我。當然我唔係扮晒嘢話咩「人地咁有誠意咪應酬下佢」,幾有趣嘅role,但搞得掂先再諗。
2. 亦係我在我本書都有提,maximize your options.你揀人好過人揀你。唔知份工做唔做好?見咗先(前題係你可以鼠出去見工,或者在公司後樓梯zoom)。到人地出offer畀你你先慢慢諗。當然我呢啲講法,係HR同埋公司CEO嘅眼中釘。但我唔係為佢地服務,係為讀者服務嘛。對不?「所以我仲會教你返工搞自己嘢,好似你而家睇緊呢篇文咁」。大逆不道?理由同上。況且,公司炒你嗰時幾時會同你講感情?
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
3. TLDR:冇得飛,邊有錢畀?而有得畀都唔會畀住。反正唔會罰息唔會起釘唔會有得清盤。又,到底你知唔知咩叫「優先股」?有得派息你咪優先過普通股293啲友,但冇得派嘅,一樣係冇。正如你鑽石菠蘿優先上機,當然可以打人尖—但架機唔嚟你都不能衝出跑道嘛。
4. 但講返,今日嘅主菜係國泰。大家知,「拖數」,爭政府嘅優先股股息。當然你睇啲評論,全部都係先有立場再塞啲嘢落去。
5. 好簡單,個講法當然係國泰好唔掂(而家先知?冇得飛可以點掂?),拖政府錢。「會唔會畀人起釘罰息清盤架?」。又或者話違約呀,政府啲錢掉晒落鹹水海,做咗傻仔呀咁。
6. 有立場唔緊要,問題啲嘢仲要係錯嘅,fit story into narrative,係我過去十幾年返工做嘅嘢。但都唔該專業少少嘛
7. 講真,成件事合理之極,一早估到。唔係馬後炮。點解一早估到?因為上一次都已經冇畀啦!你剛剛偷渡落嚟?咁上次爆咗煲未?清咗盤未?至於股價影響?零。上次仲要有得升添。我知股價「勁跌」1.5%,咁你堅持係受呢單嘢影響,隨你。不過可口可樂在C朗唔飲後就股價反彈。
8. 好啦,香港地,真係街市師奶都識講引伸波幅,我冇見過一個地方咁高水平。但同樣地,其實,大家知唔知咩叫「優先股」?你唔使好波過美斯先可以講美斯,但至少你應該識英文先可以評莎士比亞下話?
9. 當你乜都唔識,望文生義,其實都唔難。優先,唔等於包生仔嘛。優先登機,都要你隻機嚟咗先有得登嘛。有得派息的話,你咪優先過買普通股293嘅人,但冇派息你咪冇,有幾難明?包有得派息嘅叫債券。我知,總有啲人要拗,咩呀,債券都可以違約。當然可以,但債券唔派息係有後果的,就真係違約,分分鐘可以清你盤。但優先股唔派息?近乎冇後果(唔係完全冇,陣間講)
10. 同樣,優先股嘅,大吉利事公司清盤嘅,賣餐車賣制服之類,你咪優先過啲普通股293股東拎錢—但當然後過債權人,即係銀行呀,恭應湘呀之類。
11. 唔望文生莪呢?咁你唔識Google,唔識英文,應該都識中文架可(雖然我發現越嚟越多文盲上網)。咁你咪睇下原本約嘢,「合約精神」嘛(*),我唔懂事基本上都白紙黑字(https://bit.ly/3lMzLPd)
12. 合約寫明,延遲派優先股股息,「可以因為任何原因」—細心諗下,「可以因為任何原因」,亦即係「唔使任何原因」。近乎冇任何懲罰,唔會違約,冇得清盤,冇得告,唔會罰息唔會起釘。
13. 但係咪全無後果?又唔係。簡單嚟講,舊數未清新數免問。你優先股股息可以拖,但不能走數(破產都要走,不過係找咗其他債主先),一路積上去,雖然唔使額外罰息。
14. 仲有,只要你仲拖欠一個仙嘅優先股股息,你公司就不能派息,亦不能回購股份,亦不能贖回其他債務。唔係咩叫「優先」?呢個亦係好重要嘅考慮,例如呢個情況,優先股股東係政府,不能公帑借錢/入股畀你,然後你拎去派息或回購,益咗高層或其他基金之類。同樣地,亦不能係我公帑借錢畀你,你就用舊錢去贖其他債。(實務上,就睇啲seniority,係咪Pari passu之類。講句拉丁文即時好撚型)(**)
15. 另外,延遲派優先股息,好合理。首先冇咁嘅能力,都冇得飛,派條毛?況且,就算有,國泰亦都冇意慾去畀。正如有錢還都可以唔還,「你都試過借錢畀人,然後個朋友一年去幾次日本,但話冇錢還畀你」
16. 因為,反正冇罰息,咁仲乜要咁早還?頭先講話冇得派息冇得回購,但咁情況,冇優先股都唔會諗呢啲嘢啦。所以梗係拖住先。
17. 記住啦,踢波嘅嘢,根本好簡單。前面入多啲波,後面唔好失波。正經,做生意嘅嘢,我都講過,其實唔難,Buy low sell high collect early pay late avoid tax.「你MBA畀百萬學費都係學呢啲咋」
18. 仲有,都係文件有講。頭3年,優先股息係3厘。高定低任你講,但肯定係,頭3年都係咁嘅息,我做乜要1年就畀?(睇多次上面句金句)。冇錯,之後加上去,第四年5厘,第五年7厘。第六年開始9厘息。
19. 呢個設計,固然係會令國泰唔會好快還,但亦「迫」佢唔好一路唔贖。好簡單,去到第6年,捱9厘息—我估到時公司出面發債都唔使9厘啦,咁我出面借錢,然後贖咗啲優先股咪得(當然找埋啲未找嘅息)。呢個設計就係等國泰唔好無了期咁爭住舊錢
20. 呢個時勢,幫政府講好嘢真係等於自殺,我亦唔會做打手,又唔係有錢收,況且我個良心都好大。但真係要講,傾呢堆terms嘅人,或者出面幫手搞嘅金融撚,都至少有用過下腦。唔會係啲terms搵鳩政府笨益晒國泰。咁固然係街外啲金融撚法律撚搞,但至少呀邊個(劏房波?)都要過下目。啲terms係合理嘅,襟蚊business practice
21. 你特別見到,啲設計點樣去畀唔同嘅誘因,encourage 或discourage 你做不同嘅嘢。例如要找咗優先股先,等你冇得回購益高層或出面基金(美國啲公司之前畀人鬧到七彩)。例如第6年要9厘息,近乎係「迫」你贖返佢。全部都有佢嘅原因
22. 好多商業問題,都係principal agency 問題(唔知中文叫乜,我都係譯做「Meg Ryan除衫問題」—如果套戲(In the cut)咁好,點解Nicole Kidman自己唔去除衫,要老點朋友?)
23. 呢個亦係我本書講嘅嘢,唔同遊戲有唔同規則,從而去限制或鼓勵你做唔同嘅嘢。讀書係咁,打工係咁,甚至溝女,投資都係咁。不過有啲規則寫得明,有啲遊戲易玩。有啲遊戲係「潛規則」(唔係指嗰啲潛規則,但亦包括嗰啲潛規則),冇人話你知。對我嚟講讀書遊戲易玩,規則簡單明確,話明你知。但其他遊戲就靠你自己摸,因為設局嗰個都未必話到你知。
(*)見一次屌一次,係香港(定大中華?)地區先有「尊重合約精神」呢啲咁撚搞笑嘅講法。我冇見任何鬼媒會咁講。合約「精神」唔使你「尊重」的,你唔守咪上法庭,十分簡單。
(**)話說我朋友做airline,都幾大粒,有次同佢一齊坐啲平價飛,「士大夫飛」或稱「乞兒飛」,就真係去到機場望天打掛,要望有人no show。呢啲飛當然在食物鏈低層,但最好笑係好似十三張咁,有晒唔同排位,畀錢嘅客當然最先,乜乜白金會員更先。然後去到乞兒飛都仲有高級乞兒同低級乞兒,例如前面嗰個係老臣子 CXO,你係入職半年嘅小薯,咁得一個位,你估邊個上先?完全係一條歧視鏈。好難受呀?「咁你畀錢買張飛」,就好似橋牌trump卡咁,一張平價econ Trump死人地隻紅心A(當然實際上可以好多其他安排,舉例啫)
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
同時也有1部Youtube影片,追蹤數超過80萬的網紅果籽,也在其Youtube影片中提到,|唔想道歉除咗學林鄭講「I do not feel guilty」仲有好多英文講法 馬米高教5句non-apology apology 道歉對某些人來說從來都是難事,例如某林姓女士就經常拒絕道歉,又或是say sorry都say得冇誠意。有錯總是別人錯,自己沒有錯(想起曾生名句「你哋冇做錯到!」),...
冇誠意英文 在 Facebook 的精選貼文
[音無響子](*)又一個欣榮花園商場。唔怪得張栢芝都變張百知。我頓時覺得小米改Logo好有誠意好大分別!
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
耶L勿睇,費事你覺得好冒犯。咁亦可能,係我會寫錯嘅,有幾出奇?
TLDR:Aberdeen改名,變做Abrdn.點讀?「就係讀Aberdeen」
1. 繼福士汽車Volkswagen話改名做Voltswagen以突顯自己專注電動車後,估唔到英國人都咁幽默。今次Abrdn話係趕上新時代,個名潮好多喎,係咪好潮先!
2. 不過福士係愚人節玩嘢,而唔好笑,亦提早外泄咗,Abrdn就唔係講笑啦。
3. 官方真係咁講架:The new Abrdn name (pronounced "Aberdeen") will be part of a modern, agile, digitally-enabled brand that will also be used for all the Company's client-facing businesses globally.
4. 又,係咪潮啲?雖然近年唔少樂隊都改啲冇響音嘅名(https://bityl.co/6Yvv),但我覺得係復古。點古?希伯來化!耶L化!
5. 憑我細個返主日學有限嘅耶L知識(好出奇?我返過基督徒團契添,主要因為有個好大胸嘅師姐。願主赦免我),神的名字叫乜先?叫「耶和華」嘛(你可以叫「雅威」,但我諗起艾威)。但耶和華英文係乜?Jehovah?好似話唔多準,其實都冇乜人知,都有好多寫法。大佬,耶穌又會講英文啦?
6. 咁應該好多人知,原文就係四個希伯來字母,יהוה(當然係抄維基的)。咁都話耶穌唔係講英文亦唔講意大利文亦唔講以色列文(**),所以「拉丁化」就變咗……其實任你寫,可以係IHVH,YHVH,YHWH,JHVH或JHWH(***)
7. 見唔見到個特點係乜?特點係,「都唔知點發音」,因為全部係consonant(子音),冇vowel(母音,或叫響音,AEIOU之類)。當然耶穌唔係啞嘅,以色列人猶太人都唔係啞嘅,希伯來文都有響音,但關於呢個JHVH嘅 vowel係乜,就失傳咗。
8. 亦因為,古希伯來文獻,就係全部冇響音嘅。任你質入去。
9. 既然唔係耶L,做乜又講呢啲?因為關係就大。
10. 唔係耶L,大約都聽過「聖經密碼」,暗示晒所有宇宙會發生嘅事咁喎。諾查丹馬斯或者推背圖燒餅歌或者六合彩藏寶圖啲朋友,話2020肺炎疫情都早有預言咁喎。你問我就當然係偽科學,即係好似薯仔又見到媽祖 多士又有聖母個樣咁。但反正信者恒信
11. 但我想講「聖經密碼」一個好大嘅flaw係,用古希伯來聖經,而係冇響音嘅。咁就大檸樂,因為啲響音任你填,然後你拎返嚟對現代嘅人名地名,就實可以中的。加埋啲IJ又亂咁轉,VU又任你揀
12. 仲有個插曲係,「聖經密碼」個作者,當然堅稱自己係啱,話你用第本書搵唔到呢啲嘢,仲話「你拎本無比敵Moby Dick搵到有呢啲訊息我就話你叻」。都唔好講話古希伯來文呢啲嘢,好大彈性,亦應該長過Moby Dick好多(你估有Dick就長咩),但結果都係被打面:就有人搵到甘地遇刺嘅「信息」
13. 無論如何,即使係「官方」,即係教廷,都唔認可呢個「聖經密碼」。不過諗真啲好合理,「教廷即係歐洲足協咁」,佢壟斷咗個解釋權嘛。其他當然係異端—咁即係,你唔鍾意嘅宗教咪邪教,未奪權成功嘅咪係異端。
14. 又,如果埃汾要走響音,就變咗….N。我是N仔。
15. 由金融講到相聚一刻講到希伯來文馬榮成史匹堡葉芳華,證明我都係狐狸唔係刺猬,a fox knows many things, but a hedgehog knows one big thing
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
(*)其實原本個題想叫做「狂野三千響」,但應該冇乜人睇過套戲。巧震憾的說,特別係結局一幕,自己上網搵。又,當時葉芳華巧正的說。
(**)以色列講咩文?講希伯來文咯。咁巴西講咩文?睇片咪知(https://ytube.io/3HDF)
(***)呢個係「Indiana Jones and the Last Crusade」(聖戰奇兵)嘅一個機關(https://ytube.io/3HDI),四十歳以上嘅多數睇過。跟隨神嘅腳步,呀夏里遜福就係後生仔未夠爐火純青,諗住Jehovah,踩咗落去J度,幾乎跌死。都係老豆辛康納利醒,即使係拉丁文,都唔會有J!後來「風雲」嘅小說版照抄呢條橋,變咗步驚雲踩般若波羅蜜多心經
冇誠意英文 在 Tamigraphy Facebook 的最讚貼文
謝謝八月及九月班嘅同學仔~🥰🌸
喺呢個時期大家都仲好熱衷嚟上堂~
同埋好多堂上發問嘅問題都要練習過先會問得出
而且放學大家都好似唔捨得走咁😂
睇得出大家真係好有誠意學習☺️🙏🏻
好多謝上完course主動去留comment比我嘅學生😆 (絕對冇收賣佢哋㗎!😂)
亦都好多謝上完鋼筆班即刻報埋brush modern嘅同學仔🙏🏻
謝謝各位嘅信任👼🏻💕
希望之後都仲有機會見到大家!🌹😘
******廣告時間😆******
下一場鋼筆班會在11月逢星期三晚上7:30-9:30 (4/11, 11/11, 18/11, 25/11) 舉行~
有興趣嘅朋友可以PM查詢😊
另外brush modern calligraphy再次在11月開班!
詳情可以留意以下link:
https://www.facebook.com/766350193470782/posts/2972283149544131/?extid=7OKKJFePD9VbLfql&d=n
有興趣報名可以留言或PM通知☺️
#西洋書法 #西洋書法班 #英文書法 #英文書法班 #calligraphy #tamigraphy #copperplate #engrossersscript #italic #gothic #spencerian #moderncalligraphy #brush #grafitti #hkcalligraphy #calligraphyhk #rulingpen #americancursive #businesscursive #cursivewriting
冇誠意英文 在 果籽 Youtube 的最佳解答
|唔想道歉除咗學林鄭講「I do not feel guilty」仲有好多英文講法 馬米高教5句non-apology apology
道歉對某些人來說從來都是難事,例如某林姓女士就經常拒絕道歉,又或是say sorry都say得冇誠意。有錯總是別人錯,自己沒有錯(想起曾生名句「你哋冇做錯到!」),又怎樣能說得出Sorry呢?這一位林姓女士,早前有人問她,有沒有對某些事情內疚或後悔?她便直接說:「I do not feel guilty. What wrong have I done? 」雖然直截了當,亦如實反映從不認錯的討厭性格,但英文人生教練馬米高就教大家,即使覺得自己沒有錯,也可以說得更大方得體一點,無謂讓自己變成太過討厭的人。「在英語中有一種句子叫『non-apology’ apology』,直接說就是『不道歉的道歉』,即是你說了sorry,卻沒有真正sorry的意思。」馬米高說。
道歉最簡單當然就是「I’m sorry.」但馬米高說,只要在後面多加一句,意義即時改寫:「只要說:『I’m sorry to anyone who was offended.』就能輕鬆把你做錯的事,推到被冒犯的人的感覺上。」此句直譯是「我對任何人感到冒犯感到抱歉」,但卻暗指「我本沒有冒犯性的,但如果你覺得你被冒犯,那麼小器的話,那我便說對不起,但真正錯的是你吧。」馬米高:「Offend這個字如放在I’m sorry中一起使用,就能把視線轉移到被冒犯的人身上,這裏的offence (n.)是指被冒犯的人,亦可說是一件事被冒犯。」所以大家可說成「I am sorry if you took offence at this.」亦可以把offence變成形容詞offensive,即是「I am sorry if you found it offensive. 」,當然亦可把sorry改成apologize:「I apologize if I offended anyone.」(我在此道歉若果我冒犯了任何人),總之意思都是:「只係你小器,唔係我唔啱!」
https://hk.appledaily.com/lifestyle/20201219/XJ3SK3MOJVCFDHGUSDQBQX3VOI/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#英文 #林鄭月娥 #馬米高 #道歉 #sorry
#果籽 #StayHome #WithMe #跟我一樣 #宅在家
![post-title](https://i.ytimg.com/vi/Y37FqYdk6ts/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLDZZyHUB2XMopgVTAZDAqfvTb5lcQ)
冇誠意英文 在 沒有誠意英文 :: 台灣健保特約藥局查詢 的推薦與評價
無誠意英文翻譯:insincerity…,點擊查查綫上辭典詳細解釋無誠意英文發音,英文單字,怎麽用英語翻譯無誠意,無誠意的英語例句用法和解釋。,他的話沒有誠意英文怎麼說? ... <看更多>