#再戰Epicland #裝修後多咗挑戰區 #大人細路放爆電 #文末有送禮
半年前，嶠媽就已經介紹過 Epicland 歷奇王國，前排佢地仲進行內部裝修，裝修後，嶠媽梗一家梗係又去玩過啦！今次仲約埋另一家朋友一齊去，四個小朋友一齊玩，梗係更盡興啦！
講得係歷奇，大家都知，入面一定充滿住好多刺激好玩嘅遊戲啦！今次我地第二次游 Epicland，一入去當然係去玩彩虹滑梯🌈啦！不過由於安全理由，一米以下小朋友都唔玩得，所以細佬只係得個睇！大人夠堅，細路夠1.2米高，仲可以挑戰黑洞滑梯，嶠爸話好快，好黑，好驚🤣🙈
另外，再講下有啲咩新嘢玩啦！多咗一個勁好玩嘅「飛索」，望落好驚，但下面有一堆軟棉棉嘅方塊墊住你，飛過對面再跳落軟棉棉嘅方塊池，真係勁 high😚當你玩過一次，真係會不停排隊再玩玩玩🙈
跟住就繼續挑戰，5層高嘅玩樂區，底層有樂多唔同玩意，有繩網做成啲梯，要爬過繩網先可以過到對面，仲有唔同嘅挑戰，芊嶠仲細，好幾個活動都要靠契爺契媽協助完成，不過肯玩其實已經好大膽❤️我想講，呢5層玩樂區都比較暗，大家上落要小心呀⚠️
另外，必玩超直滑梯，條滑梯真係好直，直到你真係唔敢滑落嚟😫仲有新加嘅「氹氹轉」，快又得，慢又得，睇你接受到幾快🤭小朋友真係玩到唔捨得走😢你咪以為得細路啱玩，我地成班大人去到後面嘅海綿球大戰區，提供多支噴射槍，一人拎一筒海綿球，再左右對戰互射，之後邊個落去執海綿球又會成為鏢靶，真係玩到出哂汗，笑到痴咗線🤣
仲有舊有嘅「Air Trek 空中漫步」，夠膽挑戰嘅你一定要報名參加👍🏼以前嘅攀石區都有改變，變咗兩福唔同高度嘅攀石牆，嶠媽有挑戰，但落嚟嗰下原來就係要好大勇氣，驚到我叫阿媽呢🙈仲有一個波波球攀石，難度在於你要搵位攀上去，真係唔易！仲有行木樁挑戰，總共11支木樁，由矮至高，就好似新年醒獅玩跳木樁，呢個雖然係行，但愈行愈高，冇得扶呢下真係驚到一個點，芊嶠契爺契媽都有挑戰，契媽成功上到第8支，勇氣可加😎
玩到累，仲有 cafe 可以坐下，買嘢食，飲杯嘢休息下！因為全場都係著襪行，我幾欣賞佢地廁所有拖鞋提供，大人細路 size 都有！同埋場中間 Golf 場係小朋友至愛，劻霖玩到唔捨得走！再細啲嘅b仲有小童區，有白色波波池，有小滑梯，芊嶠都話要去玩🙈
✨去 Epicland 入場要填 Waiver Form，但進入智能手機時代，大家亦可以係 App Store download「EpicLand」，直接禁 Waiver Form，再填寫所需資料，之後就會收到確認電郵，再 show 比職員睇就ok！
+++++++++++++++++++++++
歷奇王國 EpicLand
地址：愉景灣北商場地下
開放時間：09:30 – 19:30 (星期一至日)
電話：2441 0098
入場費：星期一至五 (公眾假期除外)：$188 (8歲以下，已包一成人)，$188 (9-12歲)，$200 (成人)，$100 (孕婦或65歲以上老人)；周末及假日：$208 (8歲以下，已包一成人)，$208 (9-12歲)，$228 (成人)，$100 (孕婦或65歲以上老人)。
+++++++++++++++++++++++
今次好開心，Epicland 會送出 One Day Pass (已包1位大人 + 1位8歲以下小朋友)，名額：10個。
❤參加 Giveaway 方法❤
1⃣「讚好」#芊嶠與細佬·雞蛋仔 及 EpicLand 專頁
2⃣「讚好」及「分享」此post (請在 Share 時將Post 設定為公開，以便嶠媽檢查核對)
3⃣ 在【芊嶠與細佬·雞蛋仔】專頁 留言位置回答「最想去 Epicland 玩邊個設施？」，並Tag 3個未讚好芊嶠與細佬·雞蛋仔專頁嘅朋友。
4️⃣ Like 專頁內任何5個 Post！
截止日期：2019年9月1日
**多同嶠媽互動係可以增加中獎機會㗎！
**得獎者將於9月3日公佈結果，得獎者需 inbox 芊嶠與細佬·雞蛋仔領獎。
**得獎者必需提供聯絡資料，方可領獎，參加活動即代表同意及接受這安排。
**如有任何爭議，芊嶠與細佬·雞蛋仔將保留最終決定權。
