上星期講我打算去做Food Panda,好多人以為我講笑,但我今日已經開左工喇😂
呢個體驗,只需要200蚊加上你既時間,但我諗唔會有人想大熱天時三十度去做到身水身汗,所以等我分享比大家知啦
1)是日工作時間11-6
2)搵幾多?比我預期多,成700蚊
3)我做左幾多單?23單
4)攰唔攰?我可以形容,同疫情前去日本陪老婆行足一日shopping咁攰⋯⋯
5)難唔難接單?我做完之後會叫少好多外賣,根本單接單無停過,廁所都無時間去
6)其實唔需要去廁所,因為汗都流晒出黎🤭
7)最難既單係咩?送日用品,兩大袋,重到我要搭巴士過幾個街口
8)最輕鬆係咩?接左張餐廳係個客對面,我由接到送到都只係十分鐘,都成廿幾蚊🤑
9)是日飲左兩支寶礦力,兩支700ml既水
10)我以後都唔駛比錢gym,想操同減肥就送外賣,仲有錢收
11)客有冇禮貌?全部都好好禮貌,但鬼佬最nice,笑住咁出黎拎同講88
12)有冇西客?其實無,勉強講就係一個叫左個點心既,送到樓下先取消,但其實我好快就到左,我都照上去諗住照比佢,佢開門講左句取消左就關左門
13)咁個點心點算?係我背囊放左幾個鐘,都無職員同我講點做好,所以我食左,大不了比錢,反正我餓
14)有冇西舖?暫時唔覺,可能我好彩,全部都好好聲氣
15)最遠行幾遠?油麻地去大角咀
16)有冇趣事?一間食店叫左另一間既外賣,我入到去佢以為我拎外賣,搞左一陣先知有同事係奸細
17)有咩唔好叫?凍野都唔好叫,我見住杯有雪糕既飲品融晒,望到我都過意唔去⋯⋯保溫袋都無用嫁!
18)有冇甩漏?有一個麵我打瀉左少少湯,嚇到我,遞比佢個陣我先發現,sms左個客同佢講唔好意思,佢話小事唔緊要
19)我同時接左三張單,唔係我想⋯⋯我唔接會扣人工,接完之後其實佢既路線都係make sense既,但始終都係算法,計唔到好多意外
20)意外係?去到樓下部電梯壞左,客係15樓⋯⋯心諗有冇咁黑啊,打比客,佢派左個仔落黎拎,八九歲左右,年輕真好,十五層都面不改容!
21)要同一個等pizza既人講聲唔好意思,因為要等客搞到遲左,我好明肚餓叫左外賣等到唔餓個種感覺,cut單都好合理,如果睇到既pm我我請你食pizza(唔好白撞)
22)仲會唔會做?我諗一星期最多一兩次當做下運動都唔錯,我諗我都係係冷氣房打字舒服d
23)利申,無廣告,如果foodpanda想搵我賣廣告請pm!
24)表面野講住咁多先,體會方面既野之後再寫文講!
25)依家我係按住腳咁打,見到有按摩師傅叫外賣,我心諗,我送外賣咁辛苦比錢你按摩,你按摩咁辛苦又比錢叫外賣,這就是互相傷害吧!師傅,唔該大力少少,我真係好攰啊!!
凍大個仔飲品 在 港女友 Hong Kong Girlfriend. Facebook 的最讚貼文
《我的初老症狀》(下)
上次寫咗十個我覺得自己初老嘅瞬間
(傳送門:https://bit.ly/37e3Jmb)
大家都好似有啲共鳴,所以我決定寫埋下集!
11)開始覺得商場/餐廳冷氣太凍!
由細到大我都係大汗又怕熱嗰種人,所以一去到有冷氣地方都覺得好舒服!麥仔比較怕凍,所以一開始一齊嗰陣我會坐風口位,冷氣吹住自己覺得好撚爽!但近年姐姐不行了!有幾次吹正風口真係頂唔住,快手食完就要走!
12)飲唔到有冰嘅飲品
以前嗌走冰係貪心想飲多啲/唔想溝淡,依家一定一定要嗌走冰,因為飲唔到!太凍會氣管又唔舒服,個頭又痛,個身又發冷咁!雖然我未至於要飲熱飲,但真係再飲唔到沙冰類飲品啦!
13)會同人哋個仔講「我由細睇到你大」
有次見到朋友五歲個女,我有好想同佢講「你知唔知你BB仔我就識你啦」。但我都吞番落肚唔敢講!因為我諗起細個好多阿姨阿叔都會咁同我講,見一次就講一次,每次我都諗「得啦」「咁點呀」。所以依家都盡力忍住,唔好捉住人哋啲仔女講。
14)太陽底下要擔遮。
以前同我媽出街佢會擔住把遮,佢成日都叫我一齊遮,我都會拒絕。以前真係唔怕曬,又或者係唔知道太陽嘅狠毒!依家出街一定搽防曬,個袋一定有把防UV遮。老娘怕的唔係曬,而係曬完臉上會浮出嚟嘅斑。
15)愈嚟愈固執。
森美之前話人變老有兩個走向:一個係愈嚟愈無所謂;一個係愈老愈固執。我覺得自己係傾向後者。好怕自己會變成一個唔聽人講嘢嘅老野。所以成日都要提醒自己要選擇性固執,而非凡事固執。
16)學新野慢咗好多⋯好多。
依家要重新適應一樣新嘅事物都要花更多時間,例如啱啱淨係喺MeWe開acc,開page都覺得吃力。諗起以前由ICQ轉去MSN,hkflash轉去xanga⋯點會覺得吃力㗎?仲好快學埋xanga啲html code㖭呀!
17)開始唔想認識新朋友。
細個從來都唔會嫌朋友太多,到依家開始覺得朋友唔需要太多。因為覺得時間有限,無能力去經營太多關係。不如專注地維持好依家嘅友情,鞏固好現有嘅關係。
18)成日都唔記得自己幾歲。
人過25以後,對於年齡概念開始模糊。有時突然被問到今年幾歲,都會答錯上年嘅歲數。我有時都會衝口而出覺得自己27歲。要諗番自己幾多歲,就要用2020去減番出生年份先計到。
19)學識拒絕。
以前細個總係唔識得say no!面對街邊做訪問叫捐錢嘅人也好,或者係美容院/化妝專櫃嘅sales都好,總係無辦法開口拒絕,直頭覺得難以啟齒。但依家開始識得點樣婉拒別人,開始識得保護番自己,守護番自己嘅權益。
20)終於夠膽投訴/指責陌生人。
承上題,以前畀人打尖我都唔會出聲,依家我會夠膽出聲,亦都好想出聲。遇到唔合理嘅事我都會拎出我嘅投訴之刀!唔再做街頭鵪鶉,阿婆你排番隊呀!
//
【#招Fd子】
港女友已經登陸咗MeWe:https://bit.ly/33n25xx
喺MeWe度Search「港女友」會搵得到啦!
暫時兩邊都會出文,亦會放番啲舊文落MeWe!
有MeWe朋友Follow番,支持下先。
IG:@hkgirlfriend
FB:港女友
凍大個仔飲品 在 親子活動好去處 Parental Bonding Ideas Facebook 的最讚貼文
《親子活動好去處》【星期天,食好D】
媽媽一至六都煮飯, 💁 所以多數每個星期日都會出去食。💏 等媽媽可以休息下,又可以試新口味!就快過年喇 😅 襯今個禮拜日,🍕 去 Pizza Express試新 🎊 #CNY menu 先!
BTW, 我發覺呢度真係好多一家大細嚟食!👨👩👧👦 差唔多每台都有小朋友!😮 仲喺到有會員叫我做Edwin哥哥㖭!🤤 #怕醜ing #可能係因為我件衫😅 我諗我哋好多會員都係呢度既常客!😋 你哋多數叫咩Pizza呢?
我哋一家五口,叫個四人餐剛剛好!有兩個頭盤,三個main,仲有4杯野飲~😎
🥙 頭盤:
CNY 新出左個 #意式凍肉拼盤,用 (Prosciutto di Parma)ham襯煙三文魚,仲有 🍅 醃車厘茄,好快就比我三個仔食晒~ 😅 剩返啲辣肉腸俾我咋!😯
仲叫左個芝士焗蘑菇 🍄,呢個又係啱小朋友食!好快冇晒!真係唔好大小三個仔的 #食力 😝
Main:
兩個Pizza 加 一個意粉
1️⃣ 🍕 Parma Ham 加火箭菜Pizza - 呢個啱爸爸食,因為嗰啲橄欖俾晒我 😋!三個仔淨係食啲Parma ham同薄餅!😜 爸爸就覺得啲橄欖好香,我食得最多!
2️⃣ 🍕 炆牛肉加蘑菇 Pizza - 熱辣辣,正!啲牛肉粒超“諗”!超級推介!Brandon哥哥食得最多!
3️⃣ 🍝 肉丸番茄意粉 - Wesley至愛,佢一定要食意粉先至開心,佢一個人差不多食晒一碟,兩個哥哥弟弟都係食Pizza多~
埋單$822食飽飽,仲有一封 $50 利是🔜下次用!話咁快又要返屋企訓覺✌️ 未來呢兩個禮拜 🗓️,祝大家過個 #肥年 😎
以下資料係由Pizza Express專頁提供:
顧客只需港幣$408便可享用新年2人套餐,包括1款頭盤、2款主菜及2杯飲品;而新年4人套餐只售港幣$728,包括2款頭盤、3款主菜及4杯飲品。以上兩款套餐由即日起至2020年2月10日,於全港PizzaExpress供應。
遊戲及禮品
由即日起至2020年2月10日,PizzaExpress為大家預備了遊戲及禮品!
顧客光臨任何一間香港PizzaExpress餐廳,每次結帳時均隨單派發利是一封 (港幣$50之堂食優惠券^乙張) ,祝大家新一年如意吉祥!
參加網上遊戲「幸運招財貓找不同遊戲」,即有機會贏取港幣$100 PizzaExpress餐飲禮券^。詳情敬請密切留意PizzaExpress的官方Facebook 及Instagram https://www.facebook.com/pizzaexpresshk/, https://www.instagram.com/pizzaexpresshk/
#PizzaExpressHK, #doughmoments, #FeedingHK, #PizzaExpressLab