【土地研究員睇唔過眼】要做好規劃 先唔好虧畫 #肢解城市規劃 #8月專研
劉國勳尋日發表《新界北建設香港新中心》倡議書。作為土地研究員，有幾樣嘢實在睇唔過眼。先撇開離哂譜嘅規劃內容（遲啲專題慢慢拆解），今日同大家睇地圖製作：
1) 底圖起哂格：ppt嘅地圖底圖好濛。枉我地怪錯部電腦load得咁慢。其實揀啱area係google map cap圖都應該唔會咁濛。成個ppt最清嘅係佢封面個嘜頭。
2) 篤錯站位：地圖上show到嘅四個北環線站有二個都篤錯位。凹頭站同牛潭尾站同立法會文件show嘅位置偏差差唔多成公里。唔洗georeference都見到有偏差。唔知劉國勳記唔記得，港鐵曾經向佢有份嘅立法會鐵路事宜小組委員會提交咗北環線擬議車站位置地圖。（註）
3) 亂畫shape：成個「新界北新中心」嘅shape起哂角，zoom近啲仲見到接壤中國嘅邊界畫到過咗界。
作為一份規劃建議書，最重要，最基本嘅地理資訊如區域邊界同車站位置都搞錯，點叫人信佢建議嘅嚴謹性？
喺現時政府一味強調「精簡」規劃程序，整份咁嘅倡議書原因相信大家心中有數。而政府究竟會真係點搞規劃程序？背後嘅潛在影響又會係點？就一定要留意我地呢個月嘅肢解城市規劃研究專題喇。
P.S. 我地研究社不時對內對外都會搞地圖工具workshop，大家只需幾個鐘就可以學到精準嘅地理資訊展示。
註：立法會CB(4)302/20-21(01)號文件 https://www.legco.gov.hk/yr20-21/chinese/panels/tp/papers/tpcb4-302-1-c.pdf
💪研究自主 月捐撐起最新專研系列：https://liber-research.com/support-us/
8月專題全集：https://liber-research.com/steamlining_planning/
FPS ID：5390547
HSBC PayMe 捐款支持：https://bit.ly/32aoOMn
Podcast：https://liber-research.com/podcast/
義工招募：https://bit.ly/2SbbyT3
凹頭 在 諗Sir考察PARK YOHO Bologna 凹頭站加發展商圈地部署揭示 ... 的推薦與評價
PARK YOHO 最後一期Bologna (峻巒) 公布首張價單，平均呎價約$13088，相對上吸引，所以今集諗Sir特別入去參觀實景示範單位，兼為大家揭示 凹頭 站加發展 ... ... <看更多>