【#Nj評《春嬌救志明》】－春嬌的所謂中女危機根本係公主病發
.
春嬌志明系列絕對是港產愛情片神話之一，作為超級fans，當日發神經走去報名做臨記，無償拍攝10個鐘覺得大開眼界。好想現場見證《春嬌救志明》結局誕生，全因我太鍾意故事中的一切。亦都因為過分期待，好遺憾，個人覺得本集真係比不上首兩集。無錯呀正如所有人所講，整部戲娛樂性極高，全場睇完笑到㷫烚烚，如果係賀歲片真係超額完成要俾十星滿分。可惜我就係覺得笑話過份緊湊密集，錯在撰寫劇本時太貪心，拍完好多主線無關的部分又唔捨得剪走，少了描寫志明春嬌之間獨有的相處模式，大大淡化了以前的味道。
。
各影評顯然留一手，我諗係佢哋都見到問題但唔敢直接傷害觀眾。劇情明顯充滿鋪排，直頭可以話係計算過度欠缺自然。對正路劇情片來說有鋪排轉折理所當然，但係由《志明與春嬌》開始觀眾就係鐘意睇佢哋周圍鳩揈揈，後巷食下煙望下膠袋，對住廁所享受乾冰冒煙奇觀，行志明橋落7-11食肉醬意粉，咪就係好似《Before Sunrise》系列揈揈下嘅感覺，但突然變格調其實對於系列電影來講係有點不一致。
.
第一集講完春嬌被屬於小朋友世界的志明開竅，去到第二部曲雖然都開始感覺到劇情設定有路捉，但帶來一種『我變成另一個張志明』 的偷食描寫亦具吸引力。可是本集焦點模糊二人間描寫不足，只刻意用春嬌爸對照志明，生小朋友如買玩具，『張志明長不大』句句講出口。講到最後呢點實在要為志明抱不平，明明『可兒』危機解決正確，對未來外父外母照顧有加，契媽捐精請求亦有考慮春嬌感受，成為導火線的台灣地震完全含冤受屈...佢個句『又係我呀？』作為男人的我，打咗個冷震。講到尾，志明一早已經成熟長大，觀眾睇到真係老懷安慰，而春嬌的所謂中女危機根本係公主病發，同以前角色設定有些少不同。
.
最後看似好感人團圓結局BBQ，但諗返其實都好戲劇化。春嬌失意時，看過老母對未來女婿的認同，聽過性格突轉的老豆分享救贖經驗，回顧過自己與志明的美好時光，但她最後仍然覺得跟長不大的志明無路行，決定正式分手。點知，五分鐘之後竟然因為一場大龍鳳而接受求婚... 本集一直想探討的問題，根本沒有真正解決過，兩位主角關係沒有更緊密進入下一階段，感覺前段所有危機都白發生了。
.
雖然上文講很多《春嬌救志明》的期望落差，但我真的不否認係一部很有心機拍的港產愛情喜劇。論到娛樂性本片能提供充足令人有驚喜的點子，劇情亦貼近香港本地生活，但細看及珠玉在前比較下便顯得有所不足。
.
80分
文：Nj
.=-=-=-=-=-=-=-=-=-=-=-=-=-=-=-=-=-=-=-
【《春嬌救志明》最最最後...】廣東話版MV ！
｛#必睇！｝： http://bit.ly/2qhuLFY
.=-=-=-=-=-=-=-=-=-=-=-=-=-=-=-=-=-=-=-
.
×多謝支持本文！你的"讚好"是我寫下去的動力，承諾為大家帶來更多電影消息影評！×
。
*讚好專頁【 電影狂人-影評情報交流平台 】緊貼最新電影資訊！***
.
=====---彭浩翔分享會節錄---========
【第一部分： http://bit.ly/2on5QAy 】
:::冒煙乾冰:::姊弟戀:::續集:::金曲:::指甲刀人魔
【第二部分： http://bit.ly/2phFoaU 】
:::創作靈感:::靈異片頭:::團隊合作:::團隊合作:::
【第三部分： http://bit.ly/2plDkP0 】
:::Brenda:::#五月天:::K房:::滑浪:::
【第四部分： http://bit.ly/2oST9tp 】
:::靈異片頭:::拍攝:::低俗喜劇:::進軍海外:::
=====---彭浩翔分享會節錄---========
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
Pang Ho-Cheung 彭浩翔 志明與春嬌 LOVE IN A PUFF 春嬌與志明 Love In The Buff 春嬌救志明 Love Off the Cuff 春嬌與志明一家 Making Film 正在電影 #余春嬌 #張志明 #春嬌救志明 林兆霞June 寰亞電影 Media Asia Film 楊千嬅 Miriam Yeung 余文樂 Shawn Yue
分手系列二部曲 在 ［大眾占卜］分手系列002—到底要不要主動複合？（也適用於 ... 的推薦與評價
分手系列二部曲 來囉！這次開二擇一牌陣，開完再度累累QQ但隨著開牌陣的同時再度感受到看我影片的粉絲是真的無法做出決定。因為沒有明顯的好或壞的結果 ... ... <看更多>