話說最近和我們合作得很緊密的某部門，來了個新manager，同我呀頭一齊report to大老闆，正所謂一山不能藏二虎，刀光劍影著實在所難免。
上星期五臨放工時，我當然風騷到不行地跑到妹妹的桌前講「再見，你加油俾心機OT啦」，看到妹妹一頭煙的，咁我無理由唔雪中送炭(俾你燒)，慰問一下的。
我：搞乜鬼初四咁嘅樣？好忙咩？
妹妹：(頭也沒空抬，依舊盯著電腦) 忙呀，我幫手譯緊野。
我：譯野又關你事？我記憶中我冇扔過野俾你譯中文哦。（一臉「老子就是宅心仁厚」的樣子）
妹妹：（沒好氣）唔係你啲野，係隔離team個manager叫我幫手譯呀。
我：（眉頭一揚）咁趣緻佢自己唔譯，我地公司有translator唔搵人譯，搵你譯？
妹妹：咪就係囉，仲要幾頁合約，都唔知點譯好。其實係呀頭叫隔離個manager譯先嘅，但佢下午先扔俾人，叫佢今日內譯好，呀頭同佢講必要時可以搵我幫手，咁我咪幫手譯囉。
我：等陣先，即係呀頭扔份野俾人，之後逆火反彈，彈左返黎俾你？
妹妹：係呀，咪又係搞到我囉…
我：唔… 呢單野，你小心處理，我嗅到有燶味。
妹妹：(終於停下手上的工作，望著我) 咩燶味呀？
我：你諗下平時點會無端端扔一份合約出去，俾第二個manager譯? 人地假假地都叫經理，同埋我地公司有專業的團隊去譯呢啲條款，點計都輪唔到你同佢譯，個客都有自己的律師團隊，你覺得英國律師唔識得睇英文咩？個客唔識睇英文，我地可以口頭講、可以做summary，但一定唔係你地兩個去譯，單單野都幾百萬，譯錯左俾人告，你幫公司賠呀？我book間房俾你表演切腹自盡好冇？
妹妹：下？！
我：你諗返下成件事，下午叫人今日內即刻做，聽日星期六都冇人開工，佢要咁急黎做咩先？加上呢份野根本過唔到legal，做完之後，可唔可以拎俾個客睇都成問題。成檔野擺明係神功戲，(望著她一臉茫然，想想來自內地的她，可能沒看過神功戲) 即係做俾鬼睇呀。
妹妹：咁我仲做黎做咩？求其做就可以啦？
我：咁又唔得，依家我地呀頭擺明係玩緊佢，呢個係典型的辦公室陷阱，成個指令由一發出開始，已經係唔合理到鐵定失敗。你接，就會做得唔好或者做唔到，之後就可以拎住呢份野去找老闆告狀；你唔接，佢又可以搵老闆話你唔合作，冇can do精神。接同唔接，都係死路一條。你如果hea做，去到最尾做得唔好，呀頭告狀時，對方可以拎返你黎做擋箭牌，要死，都拉返對方隻馬黎壂背。又或者，佢叫對方可以搵你譯嘛，索性佢連你都扔埋落鑊爆，到時圍骰通殺，全世界look bad，我花開後百花殺，死剩佢一個，咁又得唔得？
妹妹：咁咪即係做炮灰？咁點做好？
我：無得拆架，兩軍交戰，死傷是必然的，條team有幾大？你呀頭要殺人立威，你唔可以擋，但你可以閃。記唔記得我講過，上家打下家，要「誅」；下家打上家，要「捧」。接下來，你就盡最大努力譯好自己那一部份，之後用電郵回對方時，同返對面個manager講，話你在有限時間及知識內，翻譯了她所指定的資料，但是強烈建議她仔細檢查內容，「畢竟你比我在這些領域有更專業的知識」，把她捧得高高的，也為自己戴返個超合金頭盔，將來我地呀頭開地圖炮，你都唔會咁傷。但你唔好幫對方做好晒呀，好做唔做，千祈唔好做架兩，不然你呀頭殺唔到佢，就先找上你了。
妹妹：這樣啊… 我完全沒留意這些啊…
我：留意啲咩？我行過黎同你講bye bye之嘛，我有同你講過野咩？無乜野email就唔好CC我，反臉架！再見，你加油俾心機OT啦！
離開公司後，我還是放心不下，當然好孩子是不應該暗箭傷人的，但現在做得不乾不淨的，你猜人家manager又會是省油的燈了嗎？這事情，不會沒手尾的...
#以上對話無發生過
#同事三分親
切 左 佢 啦 都 燶 晒 囉 在 《西遊記一百零一回之月光寶盒》- 再次踩火 - YouTube 的推薦與評價
Your browser can't play this video. Learn more. Switch camera. ... <看更多>