Search
呢篇忠言勝在態度真係算係咁，講得中point，睇得出真係著緊件事。可幸嘅係，根據台灣友人所講，件事真係唔算掀起好大波瀾，大家吸收到教訓係最緊要。
政治智慧係要時間累積，要努力培養，做得唔好，只要改過遷善，理應萬事有商量——因此喺呢件事上面，我所睇到嘅都只係一如之前講過嘅，我地香港檯面上仍然未有最適當嘅人，只係因為最適當嘅人呢個時候唔會去做呢啲事。
呢幾年，其實係畀香港人精進自身嘅緩衝期，跑得夠快者，將來就會成熟成才，不知藏拙者，將來亦自然會跌返落去。一剎那光輝唔代表永恆，真正難嘅係生生不息，燒極都有咁樣發光發熱。雖然時間永遠都唔等人，我每日都會覺得24個鐘唔夠用，但戰爭尚未爆發，佢地係有時間成長嘅。
如果我地想香港後生仔他日有一番成就，今日就應該寬容對待。有熱誠，自然會反省，唔反省，就還請大家繼續提出忠言。佢地嘅問題首先出喺態度，而非外交知識，呢點網絡上面其實大把人同樣未做得好，人皆有之，何必苛責呢。
金融講ED：渾水
葡萄冰島 不如莊敬自強
自從冰島在2016年歐洲國家盃的精彩表現後，世界重新檢視這個只有33.6萬人口的小國，尤其被其維京式的打氣方式震懾。然後社會網絡一堆人自慚形穢，叫呼「點解人地咁少人都做到？香港做唔到？」，甚至恥笑永遠跟世界舞台無緣的國足，叫春聲不絕。
小國運動發展和國家投資，是以前高考經濟學會觸及的話題。公式化的答案是扯上制度經濟學，私人市場發展鼓勵競爭和有利培養更優秀運動員之類，pretty standardised。人多資源多不代表成績好，能發展成熟的產業鏈。現實見到的中國運動圈、冰島運動圈是例子。
每個國家對運動的期望不同，中國對奧運金牌數量有嚴重執著，喜歡在奧運場內超英趕美。透過國家中央支持的運動也講成本計算，足球是團體項目，投放大量資源可能才換到一面金牌，但同樣的資源放在個人化運動項目，可能夠換十面金牌。
中央支持的運動員只有一剎那光輝，唔代表永恆，很少像姚明這類能夠「走出去」的運動員可以享受運動經濟成果，不少金牌運動員晚年悲慘，令人心酸。民主程度也會影響運動產業化、市場化，因為產業涉及利益，自然有人尋租、貪污，不在話下。習大大有足球夢，但足球夢要發展成健康產業，還是要靠良好透明的制度。
冰島人的耐力也非一般人所能想像，經濟上冰島跟英格蘭在漁權產業是世仇，彼此曾為鱈魚捕魚權引發衝突，你知外國人幾鍾意fish and chips啦。狡猾的冰島利用國際關係扮弱者，借力打力反將英國一軍，詳情請看舊文《中印邊境爭議和鱈魚戰爭》。冰島在國際賽事扳倒英國，也算是另類乘勝追擊。
冰島在2008年金融海嘯後，通常列強如美國，是會注資入面臨破產的金融機構，透過國有化方式續命，行另類民粹主義。冰島政府則另闢蹊徑，毅力驚人，任由三大銀行破產，一次過走晒數，情願在絕處再重生；同時捉晒貪心的銀行家坐監，接受國際貨幣基金組織(IMF)幫助和行使資本管制。時任的總理在巴拿馬文件被發現搬錢出境，不好意思囉，請一同接受政治代價。結果冰島由金融國家，重回產業，靠漁業和旅遊帶回整個國家經濟。冰島足球的興起，是發展旅遊業，打響名堂的external benefit。
其他國家能有這樣一刀切，砍倒重練的決心嗎？也許毛主席時代的中國會。現在中國面對貿易戰卻是行另類綏靖政策做緩兵之計，派人和談，跪求美國幫中興通訊(763)吊命。國際層面的外交風波，卻只用降準(調低人民幣存款準備金率)放水去續命，治標不治本，難免令市場覺得中國的經濟智囊黔驢技窮。民族性不是很好的社會科學概念，不如姑且簡單去講一個訊息：既然我哋不夠別人堅毅，倒不如學習莊敬自強，少點葡萄，少點叫春。
https://www.am730.com.hk/…/%E8%91%A1%E8%90%84%E5%86%B0%E5%B…
一剎那光輝唔代表永恆
原曲:絕對空虛- 蔡楓華
http://www.twitch.tv/underground_dv
