［玉人何處教吹簫］OK，唔係簫，係單簧管，靜夜的。小心女人，但主要都係小心電腦
呢位滿地可樂手，七歲學吹，廿歲已經拎好多獎，跟加拿大名師，同交響樂團合作，前途無限。到佢在加拿大讀大學時，就申請去洛杉磯音樂學院跟頂級大師學嘢，獎學金包學費生活費食宿。大師一年只係收兩個學生。絶對唔會有視像班或玻璃房。樂手晚晚練習，之後去咗洛杉磯面試，心諗應該掂啦。
幾個星期之後，收到大師電郵，話佢落選。最後唯有苦苦讀埋個加拿大學位。
兩年後，樂師卒之發現原來當年大師收咗佢！個電郵唔係大師發嘅，係樂師條女發的。當年條女仲假惺惺咁安慰咗佢幾晚添。條女原來用佢部電腦，入咗佢電郵，回返大師話「我唔嚟讀了」，然後用個假電郵話返畀樂師聽學校唔收佢。動機？唔知。可能怕樂師會去咗洛杉磯識到新女飛咗佢，可能唔想分開兩地，又或者只係妒忌（條女本身都係音樂人，吹笛的）
樂師知道後梗係告上法庭，獲賠三十五萬加紙，兩百幾萬港紙咯。主要係因為條女背棄咗佢嘅信任，同埋影響咗呀樂師嘅音樂生涯。
點穿煲嘅呢？就係被「拒收」後兩年，樂師唔死心，再申請多次，又畀佢在大師面前做多次audition. 大師明顯記得佢，就問佢「靚仔你係咪玩嘢？之前又話唔讀？」。然後就知有事。開頭以為只係個精通電腦嘅行家想佢冇運行，冇懷疑係舊女友—而當時已經分開咗，但樂師都冇懷疑過係佢—直到有個朋友提醒。「喂你同佢一齊住又畀佢用你電腦分分鐘知你密碼喎」
然後佢哋試圖去入發假電郵嘅地址，giladyehuda09@gmail.com。呀樂師用條舊愛嘅Facebook密碼 (點解會有嘅呢可?又點解唔改呢?)。明顯地，入到，而入面啲資料正係佢舊女友。就只得一個電郵。然後樂師就搵律師告佢啦。
最後結局幾圓滿，大師再收佢一次。雖然樂師浪費咗兩年青春同學費，但最後都跟到大師學嘢，然後仲成為多倫多交響樂團樂手添。當然仲有條新女啦
彩蛋係，條女應該係華裔，我覺得幾靚的。Google 下Eric Abramovitz
教訓就係：小心揀女朋友。同埋，寧願畀錢買部電腦畀佢。仲有記得改password。條女知條仔email密碼都算啦，最奇係連仔又會知條女Facebook 密碼喎。而又唔使雙重認證喎
加拿大多倫多生活費 在 我在加拿大的每月生活消費？究竟到達多倫多需要幾多預算呢？ 的推薦與評價
如有錯漏，請多多包涵。Music:Music by Yung Wacho - That's That (feat. Tony Rashad) - https://thmatc.co/?l=82C35C66Instagram : wksshan. ... <看更多>