關於 加拿大搵工英文差 ，我們在網路上蒐集到這些相關的討論、資訊與評價

今日想分享一下最近內心嘅掙扎……

原本諗住將呢件事收埋就算，但諗諗下其實喺呢個page，無論係我當初去澳洲公司做嘢、到失業、到我爸爸中風、到而家得得戚戚接到啲廣告謀生，一直以嚟我都係有咩就講咩，冇咩需要遮掩，或者可能係我本身冇咩嘢特別叻，唯一能夠做得嘅就係「真實」，不嬲大家都知道我一直以嚟係點成長過來……

是咁的，話說前嗰排有間喺澳洲、香港人開嘅學校諗住搵我賣廣告，主要係宣傳叫人去讀，順勢移埋民。如果有留意近大半年無論加拿大、英國或者澳洲，都有推出為香港人而設嘅簽證，而澳洲喺過去一個月都推出咗一個較為容易嘅升學移民計劃（呢個唔多講，有興趣自己去search）……

呢間學校都頗為出名，原本只係傾幫佢賣廣告，但同負責人傾傾下，其實我都好有興趣去讀，甚至移民，仲可以sponsor我添！

首先大家都知之前我係做澳洲航空公司，都做得非常開心，過去三年喺維珍嘅生活，令我愛上澳洲呢個地方，同埋識咗好多喺澳洲嘅朋友，至今我都仍然對澳洲念念不忘。

第二係回想起我過去嘅工作經驗，我曾經喺英國廣告公司實習過，畢業之後亦都喺外國或本地公司返過工，呢啲工作經驗都比我知道自己expressive嘅性格都比較適合喺外國公司做嘢，較易同外國公司打成一片，香港公司反而成日得罪人……加上本身英文都OK（ielts 7.5分），溝通起上嚟都唔算有大問題，甚至比起本地公司更容易融入、適應……

最後就係其實屋企人都支持我去，慶幸係我阿媽係同我同顏色，都一樣覺得香港……（下刪一萬字）

就係咁，基於以上種種原因，原本我都決定好、把心一劃就去澳洲了……

但喺我決定咗之後，無那那呢幾個月，自從喺南豐紗廠搞完主題市集之後，真係越嚟越多品牌搵我合作，仲開始傾2021年下半年甚至2021年頭嘅大projects……可能大家都見到我呢個page，近來都有唔少廣告……

於是，我就開始卻步了……卻步嘅原因並唔係因為錢，大家可能見我好似多咗機會，但其實努力畫埋畫埋一個月都係同之前做空少差唔多人工，仲辛苦咗n倍添……卻步嘅原因係，如果要澳洲讀書，就要去讀一科可能係自己完全冇興趣、完全唔關事嘅科，去滿足移民嘅職業清單；或者就算去讀返一科關事嘅科，可能我都會失去咗喺香港嘅機會……

睇開呢個page都知，喺呢個page我成日講追夢追夢，而我嘅夢想不嬲都係成為一個少女系嘅插畫家，曾經都出過幾本繪本作品，直到上年辭職之後反而多咗機會、多咗人認識……

我會諗，去到澳洲之後，我究竟做咩呢？可能會做幼稚園老師、做廚師，一份完全唔關事嘅工……但係我嘅夢想可能就會因為咁樣而終止……到時，就再唔會有乜乜主題市集、乜乜書展……

所以，最後我就同嗰間學校say咗No了……

唔去其實仲有一個原因係，我真係好唔捨得我隻貓，我一諗起要丟低佢已經想喊喇……有人同我講，你可以帶埋勿演一齊去。其實係可以嘅，不過我聽過好多故事係隻貓搭完飛機，再去檢疫，未捱到返新屋已經瓜咗，同埋其實自家父中風之後，我屋企就得返我兩母子，如果去我都想留返隻貓陪阿媽……

Any肥，而家決定咗應該唔去啦……有人可能會覺得，香港呢個地方，仲適合追夢嗎？
其實我都唔知……我已經幻想唔到未來會變成點，或者第日我會後悔，冇好好把握呢個機會，走，離開呢個地方……

但至少而家，我好似都仲做緊自己鍾意做嘅嘢，我仲係好鍾意創作、好鍾意畫畫，仍然有好多人畀機會我，我唔想就咁樣就放棄晒香港嘅一切呢……

同埋，我畫嘅嘢係講廣東話，我係喺香港出道嘅本地插畫家，香港嘅書局會見到小弟嘅書；呢個地方，無論變成點都好，都好似係我創作嘅根……

最後，多謝你繼續睇我、Like我，支持我、嚟我嘅市集、買我啲嘢……

無論香港變成點，仲有一個小伙子仍然繼續堅持著……

2月年宵見，嘻嘻。

［識人梗係好過識字］名牌大學唔會令你醒啲，但會令你人工高啲。

原文：Going to elite Indian colleges improves earnings, but not test scores　（https://bityl.co/3R1R）

TLDR：結論好簡單：入名牌大學人工更高（仲使講？），但並冇令你叻咗，至少分數冇高到。印度嘅情況（但美國大學研究，唔係野雞），但我估世界通行

1. 首先講返，作為一個學霸（*），埃汾對大學嘅睇法，係極之仙力兼功利嘅。大學好大程度就係息奴，同考CFA差不多，證明呢條友至少有個譜，識行識走唔會整爆呢間公司，對你嘅增值係近乎零。除此以外就係文憑機器，啤張紙幫你搵好工，另外有啲科目就可以係職業訓練。職業訓練就有價值，至於啤文憑呢啲其實冇乜必要，你拎A Level 成績去請人冇話唔得。教大學或做研究嘅固然反對，但最好笑係好多濕鳩大學（自己定義）廢柴科嘅一樣反對。明嘅，你梗係要講自己讀嘅嘢好有意義。

2. 當然你會話，喂，學術研究。學術研究梗係重要，但，我地講緊而家又八大又副學士下，外國又理工大學化，陶傑恥笑為學位QE。你講緊一千幾百年前博洛尼亞大學劍橋牛津，fine，但咁撚多人學術研究？研乜究？你如果香港得一間大學（我一樣入到，信唔信？），就講呢啲。而家全世界N咁多大學，仲講呢啲？邊個離地？研究完邊個請？送Pizza

3. 更多係巧立名目，拿，香港唔好講，傷大家感情。但外國嘅，我見啲韓仔韓妹，with all due respect，做空姐空少都整個學位，讀三年定四年大學。得，我知空服員好專業—但即係過去幾十年冇讀大學嗰啲就唔撚專業會影響飛行安全？同樣地，你見台灣嗰啲，大學入學率超過100%，因為有啲學位根本冇人讀。真的，剪狗毛都去整個學位—得，我知剪狗毛都好專業（香港地乜撚人都話自己專業架啦，但就唔尊重其他人嘅專業），都好有學問—但即係過去幾百年剪狗毛嘅唔專業？會剪親狗？

4. 仲有，人人都講，但冇人用嘅，Critical thinking。我武斷地講：你相信要讀大學先有Critical thinking嘅，你個人照計都冇乜Critical thinking。請問兩樣嘢有何關係？

5. 以上種種，唔啱聽嘅隨你，反正我根正苗紅課真假實港大學士　Warwick碩士，個個同學都記得我（主要因為我唔多上堂），唔係菲律賓野雞QE。但你撫心自問：兩樣嘢你揀—一係，我畀你讀四年港大，但冇證書，唔畀同人講，冇人會知，見工唔講得，溝女唔講得（可能好事）．一係，我唔畀你返學，但印證張書畀你—收費一樣，你要邊樣？自己揀。喂，你梗係揀唔要證書啦下話，返學有Critical thinking有學術研究呀，唔係靠張沙紙嘛。係呀可？

6. 講我自己諗法都講咗八百字，但容許我再補多句：香港讀Taught Master，絶對係浪費時間。我唔係尤伯連納，我冇讀，但我今日都係同你講呢樣嘢。千其唔好在香港讀Taught Master。（https://bityl.co/3R1Q）

7. 好，正題。名牌大學出嚟嘅，高啲人工，呢個就常識。你唔知嘅，就冇乜Critical thinking。當然亦係wag the dog，人工高啲間學校自然就變名校。仲有亦因為Garbage in garbage out，入勁大學嘅好多本身已經係勁人。

8. 但點解名牌大學高啲人工？冇乜Critical thinking嘅人當然話名牌效應，which 我係禾拉.jpg嘅。同一班人又會話仆街HR孤寒老細算死草壓價—咁點撚會因為你乜大就畀高啲人工你？即係你滔滔咁嘅款然後話係韓仔model啲女去鴨店就會任你劏？

9. 好啲嘅講法，話呢啲大學咪就係教得好啲，傳授知識好啲，啲人勁出到嚟啲所以僱主畀多啲錢。另一種講法，就係息奴，根本就冇乜增值，但呢啲入到去嘅人就有僱主鍾意嘅特質，例如至少唔會考試嗰日飲通頂唔記得出現。

10. 咁呢個維珍尼亞大學嘅研究，初望冇乜特別，但拎印度研究就好玩。印度呢，同好多地方差不多，如果冇錢放洋嘅，你中學試考得好，咪入公立，好大學。考得唔好，咪入私立，西大學。更好玩係印度直頭分兩層，一個分數cut off，公立或私立。拎嚟做實驗一流

11. 更好玩係乜？印度嘅大學，原來畢業都仲要整場公開試，就真係世界少（你見一大堆乜柒澳洲加拿大紐西蘭英國話自己鬆入嚴出嘅大學有冇呢啲嘢？）。亦提供咗一個好好嘅實驗環境：等於香港啲中學搞乜鬼「正增值」（唔知而家仲有冇，又，垃圾中文，但冇法，因為受眾都係咁水平）。我咪睇下啲名牌大學出嚟嘅，係咪到畢業又巴撚閉識得回字有四種寫法咯

12. 咁佢就去睇個cut off 分，睇下剛好入到好大學，同剛好入唔到嘅人。幾年之後，見到根本畢業試分數係差不多，即係大學都係讀屎片，你壓到線讀到公立大學，同你僅僅飲恨搞到讀私立，打後幾年畢業試，都係差唔多分。證明公立大學一樣係屎片，冇乜增值。

13. 不過，出嚟人工就唔同了！你剛好入到公立大學，比起剛剛入唔到嗰啲，人工都係高一截—即使畢業試分數差不多。

14. 當然仲可以有其他解釋，一大堆。例如你可以話「學到嘢」不等於考試成績會高。又或者真係只係品牌效應。但更有可能係，好嘅大學有啲其他嘢，畢業考試量度唔到（當然名牌都係）。例如乜？Critical thinking（or lack of）啦。或者大家都估到嘅，畢業生network啦，啲學生presentable啲啦，或者英文好啲啦（唔知畢業考試有冇考），或者有國際視野云云

15. 但，個對比都係幾大嘅。入大學試分數爭少少，畢業考試分數都只係差唔多，但出到嚟人工就爭得遠了。

16. 真係名牌效應？都係嗰句，money ball啦，作為刻薄嘅HR計到盡嘅老細，我點解要高價請個名牌而冇用嘅學生？同佢有親？我care賺錢咋喎。最右翼嘅經濟學家會話你知，職場種族歧視會自然消失：因為老細係唯利是圖嘛，點會咁笨？種族歧視就即係明明一樣人工，個黑人勁過個白人一截，但我唔請黑人。最後係會自食其果的。

17. 係有研究做過，你估到了，足球籃球。你歧視你咪overpay啲白人，最後咪唔夠人踢。你見有冇大球會可以唔用黑人？（＊＊＊）但當然，在第啲行業，呢個過程可以好耐先發生。同埋好多行業，「能力」其實冇咁易量度。運動嘅，落場打踢咪知。但我當係分析員，一間行全白人，一間全黑人，我點量度邊個勁啲？睇邊個啲call準啲？呢個又係襟蚊搣時抗錫唇。邊個話準嘅analyst 等於好嘅analyst？下年你估升，陸東whatever估股，你中佢錯，咁係咪你醒過佢？

（＊）有人話我成日提，十分可悲。後者可能係，但前者，我只係context有需要先提，例如寫日本黑社會就冇提。我諗我應該幾十篇文都冇再提。

（＊＊）慚愧，我唔係讀文學，但都睇咗好多魯迅，仙台都去埋（https://bityl.co/3Qz6），但我都仲係唔知回字有邊四種寫法。

（＊＊＊）講種族純正嘅，當然係西班牙畢爾包（https://bityl.co/3R0t。呢間球會，成立一百年，只會簽巴斯克球員！當然何謂巴斯克都有啲彈性，但總唔見佢簽件韓仔。但所以，戰績都係麻麻地的。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

國際線的年輕人：

〔在老華僑和竹升之間 – 1.5世代的狹縫掙扎〕

廿來歲的Annisa（化名）的打扮，和一般香港女大學生無異，白波鞋白T恤配短褲，一頭長髮配圓型眼鏡，眼鏡後是一對靈巧而敏感的眼睛。小耳環和小頸鍊帶出少女味道，用來綁頭髮的彩色橡膠圈套在瘦削的手腕上。但她一開口，用語和香港學生又有不同。「我唔Get，最Bug我」；她會用北美洲政治正確的字眼「Partner」去形容一對戀人。

數年前Annisa在香港中學畢業後， 到加拿大升讀大學，在大學圈子她結交了竹升友好，也認識老一輩的香港移民。反修例運動前，她沒有特別想過自己的定位：

「以前我們這批香港來的留學生，好像潛了水一樣，最多在大學搞一些廣東話辯論比賽或學術座談會，大部份時間會被當作是CBC同類（Canadian Born Chinese，加拿大出生華人，又稱竹升），但一場反修例運動後，我們幫手籌辦聲援香港的活動，取態明顯和竹升不同；但又和來了幾十年的老華僑有區別。如果竹升是移民第2代，華僑是移民第1代，我們就是『移民 1.5世代』(Generation 1.5)。」

反修例運動在海外華人圈子引起關注，與香港人有連系的移民人口之中，以往只有「老華僑」和「竹升」兩類人，1.5世代的崛起，是反修例運動所引發，於海外漸漸成形的一個嶄新群體。

Annisa形容：「我們人數不多，在每個大城市可能只有數百人，都是18-25歲，於香港讀完高中才過來，於這邊讀大學。大學生的心態較開放，既能明白西方主流社會，也對香港有深厚的感情。」互聯網亦把不同西方國家的1.5世代連結起來，形成了一個超越個別國家界線的虛擬群體。

1.5 世代使用社交媒體習慣是這樣的， Annisa 主要用臉書接收資訊：「香港的資訊，我們會直接follow社運界年輕領袖，根本不需要從香港媒體拿消息；另外也會看加拿大主流媒體新聞。中文和英文資訊比例，各佔一半一半。」

這種「一半一半」剛好反映1.5世代的處境，夾在西方主流社會和華人圈子之間。老華僑在加拿大，主要從廣東話傳媒接收資訊，看TVB、聽華人電台、看中文報紙；竹升則接收純英語主流社會資訊。「我們的難處，就是無論跟那一邊講嘢，華僑定竹升，都一定會出現分歧點。」

老華僑不是跟1.5世代一樣緊張香港嗎？

她留意到老華僑，即使關注香港新聞，但有一種「隔岸觀火」「置身事外」的態度。「老華僑好鍾意講，以前香港有幾好，現在香港有幾差，所以當年來了加拿大這個決定很對，好彩走了到加拿大，上了救生艇。華僑心態係只要加拿大畀個避風港畀佢，等佢安全，搵到錢，佢就唔理主流社會發生咩事。」

至於竹升，Annisa也溝通不了。「竹升覺得，Why care about Hong Kong? 香港對竹升來說，簡直係irrelevant，係『一個唔關事既地方』。即使父母是香港人，他們也會只關心北美洲發生的事。」

華僑留在唐人圈，竹升已融入西方，1.5世代在青春期才離港遠赴海外，記得香港的一切，對香港仍然着緊，亦擁有與主流社會溝通的能力。

去年反修例運動，Annisa天天留意資訊，籌劃支援活動，差點影響學業。 反修例運動後，他們可以用英語與主流社會溝通，也擅於把香港故事解釋給外國人聽。

Annisa去年接受不少傳媒受訪，諷刺是，面對西方傳媒反而較自在，「西方傳媒最多是不明白甚麼叫『一國兩制』；但海外中文傳媒訪問我時，常追問我『認唔認自己係中國人』這些題目，把我視在作『現在新一代年青人』的代表。我感覺自己和那些華人傳媒的主持，好像處於對立面一樣。」

與華僑有別，又未致變成完全的外國人，這種身份認同的遊移和不確定，令1. 5世代感到孤單。Annisa留意到一個有趣現象，關於語言運用上：

「竹升自己圍埋會講英文；我們這班1.5走在一起一定講廣東話。但當竹升和1.5相遇，大家會先講廣東話，如果有爭拗，竹升就會變番講英語，這是明顯竹升想和1.5拉遠距離的做法。」

爭拗的話題是甚麼？Annisa記憶中，例如談及香港人和中國人的衝突，竹升會用英語回應，批評香港人不應如此針對來自內地的人，多數是關於中港矛盾的題目。

最令人訝異是，留學數年，亦令 Annisa發現自己的價值觀，與香港同輩年輕人有所出入。Annisa在大學修讀社會科學，經常思考社會公義問題。

「有啲香港朋友會話，你做乜會分享Black Lives Matter的新聞，香港已經夠多問題，根本沒有餘力去關心這些，叫我別浪費時間去分享外國新聞，多點分享香港新聞，這些都令我氣結。」

她說，1.5世代在西方社會生活，對國際線的想法，明顯和留在香港的同輩有差異：

「我們不能只要求其他國家的人關心香港，你要人地外國人care你的同時，你都要care番人地外國人。你不是要向外國人討拖捨拿同情，希望別人可憐你才出手幫你。你要讓外國人明白，這是一個價值觀的問題。北美洲警暴和香港警暴，表面上看起來或相似，但整個脈絡不同，他們有種族歧視的歷史背景，所以要深入明白別人社會發生甚麼事，才可以為香港進行遊說。」

Annisa說，隨着香港近日局勢發展，很多港人把西方國家想像得越發美好：「香港人對對歐美國家有種Fantasy，覺得西方國家有民主，好羨慕，怎樣也一定比香港好，覺得別人沒有社會問題。坦白講，裡面有種『崇洋』心態，甚至是對白人有種『優越想像』。以為去到外國生活，就會見到白人，講牛津英語。但其實西方主流社會，特別是大城市，現正嚴厲批判緊白人至上心態。」

她看到一些華僑父母，沒辦法融入主流社會，不肯接受西方價值，最終與竹升子女衝突：「希望子女與華人或者白人拍拖，若果子女跟非洲裔、印度裔、原住民加拿大人拍拖，一定爭拗，因為有些華僑骨子裡看不起非華人的其他少數裔族；又或者要求子女讀書選科一定要實際，例如要讀工商管理和理科。」

Annisa的朋友在大學選科上受父母影響，她則逆流而上，挑選了甚少華人修讀的人文學科。去年更常把香港納入功課作研究命題：「以前研究香港，老師同學都沒有反應，唔明我做乜在加拿大研究香港；反修例之後，我交功課研究香港，同學老師都好接受，好喜歡，覺得好hit，因為常在新聞見到香港，認知多咗。我感覺好奇怪，我從來都做緊同一樣的研究。」

Annisa承認，在1.5群體之中，她這種修讀人文學科，常思考社會公義的性格，是異數。「面對加拿大選舉，1.5世代圈子裡，想的也是很實際，這個政黨是不是會促進經濟，那個政黨有沒有機會贏。去年加拿大選舉，我也是含淚投票，策略上不想另一個黨贏而投，都好無奈。」民主在西方社會實踐起來，Annisa明白還有很多問題。

近來有人提出在海外建立「新香港」方案，Annisa瞪大眼，語氣有點重：「幻想要在外國建立另一個理想香港，把整個香港搬過來，那真是不妥，令我想起『白人殖民』的歷史，你把自己那一大堆人和那一套文化搬過來，把本來這裡的人逼走，把自己那一套成為主流，那真是令我很困擾。」

對於很多香港人正在考慮移民，她亦有一些想法：「香港人去到外國， 別圍爐取暖，只圍埋和香港人一起。也不要把外國國籍變成一種工具，只想避開香港的風頭火勢，去拿別人的福利，躲在自己的社區。要有心理準備，去了解當地社區的問題，要思考如何和主流社會結合，和當地人建立關係。」

對於未來，Annisa說，竹升視西方社會為家，華僑亦已落地生根，1.5世代的將來十分不確定：「我覺得留在加拿大可以，回香港亦可以，我們這一批人要思考的是，回香港去面對現況，又或者留在外國繼續國際線，建立自己在海外的事業。」

畢竟年青，還可以選擇。Annisa 說，近來香港局勢緊張，仍留港的父母勸告她：「最好唔好返來，香港而家咁差。但是我的反應是，吓？我對香港有感情，唔係話斷絕就斷絕，唔係話唔 care就可以唔care。」

有一種心痛，沒法逃避：「相比起華僑果種抽離，竹升果種唔關事，我們1.5世代，可以話係心態上在海外最 care香港的那一批人。」

人在高興時，特別好胃口；人在悲傷時，還是會肚子餓。何況開工前、收工後！

凌晨一點半的堅尼地城，港鐵收工，車輛停泊，百店沉睡中，唯獨新興食家剛剛亮燈啟爐，開始煲粥搓麵粉做點心；蒸籠白煙漸漸升騰，溫潤香氣飄呀飄，縈繞城西近三十個寒暑，撫慰着夜幕下轆轆的饑腸。

「我們來到西環的時候，它是一個菜欄市場呀、屠房呀，做半夜三更為香港服務的基層市民（生意）。」新興第二代老闆徐國興回憶。店是街坊格局，廳面五六張枱，走廊擠多幾張；沒電視，沒電腦收銀；牆上貼着上世紀市政事務署「隨地吐痰得人憎」告示牌、手書中英文提示：「夜深時分，請將聲量收細」恍若穿越到了七八十年代。

店雖說三點營業，但兩點零五分已來了第一個客人——的士司機鄭先生。「我兜到呢度就入嚟坐一坐，當作休息。」樓面阿姐三點才上班，「我慣咗自己招呼自己。好彩放緊暑假，否則坐滿晒學生，企都無碇企。」他逕自取碗筷開茶。

不一會，蒸點心的師傅林哥搬出兩楝點心到點心角，跟他打招呼：「食住先。」

鄭先生取了一籠粉卷，回敬：「新鮮熱辣！」

沒一刻鐘，又走進兩個外籍男，未坐下就去揭蒸籠，顯然是識途老馬。說時遲，做蔬菜批發的梁先生已經倒開黑如墨汁的普洱，自得其樂：「我自己沖（茶），喜歡幾多茶葉就落幾多。」最重要是沒第二個地方如此早開，「我飲完茶就要開工。」跟他搭枱的四眼阿叔，低頭不動，掛着「請勿打擾」的漠然。

這時，六個後生仔嘻嘻哈哈坐滿隔籬大枱，都穿著港大宿舍兆基堂的T恤。原來有人要離港，一班巴打來搞餞行。主角Evric說，大一時師兄帶他來，他又帶師弟來，自己快升大四了。

怪不得新興和附近港大的師生關係密切，有時以點心贊助學生活動；牆上就有幾張港大屬會的感謝狀，當中還有前校長徐立之的簽名呢！

年輕人鬧哄哄，在廚房的阿興伸頭瞄一瞄，「呀！司機、學生，都是熟客，他們自己搞掂。」轉身又忙他的。今天負責炸爐的師傅放假，主力調校食物味道的他，要分身去炸春卷、炸鮮奶。

兄弟班，個個賣力
廳面盡頭，是無遮無掩的開放式廚房，供應近五六十款點心。五六個師傅全日一邊做一邊蒸，做好甚麼就賣甚麼。點心出籠，林哥就速遞到點心角，客人自選自取；三點後也有阿姐用托盤巡場；五六點開始人多插針難入，大聲公輝師傅不時引吭叫賣：「叉燒包、燒腩卷啦喂朋友，古法炮製喇！」「大大件抵食呀！」

懷舊點心如南乳燒腩卷、大過拳頭的雞球大包、糯米包、鵪鶉蛋燒賣，坊間已經少見。

「我們一向以來都是自己做點心，做舊時啲古老嘢。」人稱「海叔」的徐海說。他是阿興的父親、新興的創辦人，在茶樓、酒店做過點心師傅，1972年於九龍橫頭磡七層大廈徙置區開了新興茶樓，經營15年，因為政府收樓被迫結業。

做飲食，哪裏有人需要吃東西，哪裏就有生機。海叔看準西環的凌晨市場，廿八九年前帶領兒子和幾個舊夥計來到加多近街，重新掛起新興的招牌，開始凌晨三點至下午四點的營業循環。因為加租、收樓搬過幾次，五六年前才落腳現址士美菲路。

「我由上環水坑口入行，做了60年，到厚和街（前一個鋪址）無再持牌了。」阿興接手後，海叔仍然朝朝3點必露，坐鎮收銀，做到上午11點返家瞌一瞌，下午3點又回來，都是為阿仔着想：「現在請人艱難，我就幫他打理一下。」

阿興說，現在一盤生意由他和幾個股東拍檔，「他們都是這裏的師傅、舊夥計。」

他指各人一直出心出力，也因為是股東拍檔，大家沒計較，當年才能捱過沙士難關。

63歲的華哥人很害羞，是阿興的拍檔之一，入行超過40年。「我十幾歲已經跟住海叔賣點心，我幫他打工時咁做，佢畀啲股份我，我又係咁做。」他本身住天水圍，海叔揸弗年代已在附近租宿舍給師傅，他乾脆以店為家。「喺呢度好快趣就過一日，雖然辛苦，但係開心嘅！一班拍檔合作咗幾十年，有拗撬都唔會放喺心。」他弟弟阿耀也加入了新興，負責做包、搓皮。全日所有師傅都不停手，肚餓時就走開一陣去醫肚，很快又回到崗位上。兄弟班，個個賣力。

現在海叔不再在廚房勞神，「爸爸雖然88歲，但他真是一個很令人佩服的老人家，對工作好有熱誠，堅持繼續每日上班。」阿興如粉絲仰望偶像。他是家中老大，三個弟弟一個做冷氣，一個做煤氣，最小的到加拿大升學、謀生。「我讀書不是太好，整嘢食覺得好開心，所以有興趣做。」52歲的他，看上去只像40，但入行已經30年，跟着父親研究點心。

靚料正貨　還得用心
從前爸爸日做16小時，阿興接手後一樣日做16小時。每晚凌晨一點多，率先回鋪開爐頭搞醃料，「好多食物要醃，又要煲粥，要早點回來，否則做唔切。我們的品牌是自家製，所以很多事都是親手去做的。」

不少行家慳水慳力，老早已從點心工場取貨；海叔搖頭：「在上面（大陸）的貨拿到來無咩汁，乾爭爭！」

「自己做嘅就靚啲，用料靚啲。在上面取貨不知道，人家做好給你，你看不到人家怎樣做，信心就是這些。」海叔舉例，白米他們入貨比別人貴30元一包，「一日用兩三包米就相差近100蚊，一個月相差幾千蚊。最好食先得，材料嘛！」

父親的信念，阿興切實執行。各式燒賣豬肉餡、蒸排骨，都不用雪藏貨，「食落唔同嘅！」他笑說。魚肉釀豆腐，魚肉爽彈帶陳皮香，烤得金黃的豆腐是買布包豆腐回來炸；豉汁鳳爪的雞腳自家炸後再煮，皮夠爽。如此尋常配料許多食肆直接入現貨，他們貫徹「自家製」，不嫌工夫多，花時間。

棉花雞的魚肚，阿興表示用最貴的一種；咖喱金錢肚，他特別選用夠口感的厚身牛肚，整塊燉腍後裁成條，用秘製醬料醃透；吃起來惹味卻不油滯厚味。

點心都是街坊價，小點17元，頂點才25元。因為沒有炒爐，全店食物只能蒸或炸，50多元的午市蒸魚套餐算最貴了。不過，用料絕不馬虎：除了黃花、紅衫魚、撻沙、烏頭必然冰鮮，鯇魚是鮮蹦活跳的整條買回來；配陳皮清蒸或薑葱的斑頭腩，是取貨20多斤游水大龍躉，抵鋪後才劏魚斬件，務求貨靚新鮮。

「西環初時沒有甚麼店鋪酒樓，現在競爭愈來愈大，我們唯有盡量做好，咁先對得住街坊。」阿興說話的口吻，跟父親如出一轍。

今天，莫失莫忘
要是算上橫頭磡的前塵，新興已逾40年歷史，沒有爭利的驚濤，沒有賺淚的起伏，每一日也如今天：師傅密密手，每樣點心求快也求好：糯米包軟硬適中，加了蝦米吊味、花生粒添口感；腸粉用米漿新鮮即拉，夠薄夠滑；招牌流沙包皮薄軟熟，一咬爆汁，流着濃濃的鹹蛋及牛奶香……

「做就個個(間間)都是那樣做，無話叻得過人，你自己調校的味道好些，你有些心機做就好些。」海叔不直接誇獎，但大夥兒的用心，全看在眼裏。

阿興人很隨和，只是做，沒埋怨。「跟街坊有份感情，每天都碰口碰面，個個從小吃到大，都很熱情、很欣賞你的點心，覺得有份滿足感，也是動力所在。」尤其看着大學生入學、畢業，出來工作後也回來探班，他特別珍視這「金錢以外的東西」。

雖沒米芝蓮加冕，新興捧場客除了街坊大叔，更有不少後生仔女；牆上有E神、霆鋒的留影；CNNgo網站全港最佳心水點心店它榜上有名，中外遊客慕名而至，時常全場爆滿……阿興和拍檔大有條件開晏，不必日夜顛倒。

「有些人都會問我：三點那麼早，開遲一點吧！其實都不想那麼早，但因為儲了一批熟客以及有口碑，他們每一天返工放工常常來光顧你，建立了一些感情，也不想失去這一班客人。」不善辭令的阿興解釋。

想了想，又補充：「太夜，真係好難搵嘢食。」他笑起來，帶點傻氣。

採訪：韓潔瑤 拍攝：關永浩

新興食家
地址：西環堅尼地城士美非路8號地下C號鋪
電話：2816 0616
詳情： http://bit.ly/2MUEwSs

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)