【《#南山的部長們》:南韓拍呢啲題材係得嘅!】
《南山的部長們》係2020年南韓最高票房嘅戲,都代表南韓出戰今年奧斯卡「最佳國際電影」,講南韓前總統朴正熙被刺殺前40日嘅故事,係南韓最拿手嘅政治驚慄片,精彩到不得了。導演禹民鎬最叻拍呢類題材,當年嘅《寒流黑金》已經超正,呢套更勝一籌。
唔知香港係因為疫情上唔到,定還是根本冇人買?2020年有唔少韓片上映,但最高票房果兩套竟然冇上,想當年得利仲「健在」時,應該會同安樂爭嚟做嘢,定還是套戲又將會上Netflix就不得而知,但絕對係舊年南韓最佳電影。
南韓拍呢類題材最勁係,令你唔認識果段歷史,甚至係(曾經)同你完全無關零共鳴,都會睇到熱血沸騰,然後搵返果段歷史。南韓黑歷史題材,我哋睇得多係全斗煥果期故事(一堆「逆權」片),但再往前睇都唔好得幾多。前總統朴正熙企圖實行高壓獨裁,身邊情報局局長又要面臨權鬥、自己不受重用,加埋一連串政治風波,終於將佢「迫上梁山」。
雖然,《南山的部長們》冇果堆「逆權」片,又或者《北寒諜戰》一類戲咁有娛樂性同感染力,但即使你唔識段歷史,睇時都劇力澎湃。n條支線初時或者唔明佢做緊乜,愈睇愈有戲味,即使只係班男人鬥來鬥去,都絕對唔及女人失禮,中段一隻「權鬥棋子」支節仲好緊張添。呢一切鋪到終極一刻嘅暗殺,場「鴻門宴」無論氣氛、鏡頭、對白、動作場面都完全係高潮戲典範,李炳憲刺殺之後冷靜離去,一鏡直落,型到呢。
睇返資料,主角中情局局長金載圭,歷史上冇講明佢做乜要刺殺總統,套戲取態係有少少偏幫佢,但唔好理有冇「白化歷史」,單係寫官場失意、權鬥嘅失勢者,點樣陷入絕境--唔好理係咪野史,令成個故事言之成理,去到果步,佢點解咁做,絕對明白。
結局收筆更靚,唔止鏡頭靚,都有餘音裊裊感覺。《逆權司機》「返轉頭」嘅意義或會令佢成為歷史無名英雄,但《南山的部長們》呢個「返轉頭」舉動,同樣係一人足以改寫南韓歷史。睇返啲資料,佢唔「返轉頭」,南韓近代史隨時唔同。
當然,件事真好假好,最緊要戲好睇。又係老是常出現嘅李炳憲,但無可否認佢做呢啲角色一流,亦正亦邪。你可以話佢個角色玻璃心,但失勢果幾下內心戲,正到我都同情佢。
唔好問我點睇到,你識嘅😉
🏆第7屆晞。觀影記事讀者電影投選現已接受投票,請踴躍參加啦:http://bit.ly/392BwQ2
📣即訂Patreon加強版,閱讀更多精選深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
同時也有1部Youtube影片,追蹤數超過22萬的網紅香港花生,也在其Youtube影片中提到,主持:Gear 、Thomas 把花生留住,請付費支持:轉賬至滙豐銀行 023-280233-838,抬頭 HONG KONG INTERNET RADIO LIMITED 花生網頁: www.hkpeanuts.com PayPal 付款賬號: [email protected] F...
北寒諜戰 在 晞。觀影記事 Facebook 的最讚貼文
【《#鋼鐵雨》短評幾句:南北韓和平嘅終極陰謀論】
#晞Netflix記事
《鋼鐵雨》久仰大名,一直等香港上,點知連電影節都冇,原來Netflix已有。作為南韓最擅長嘅諜戰題材,講真呢套政治議題同佈局、南北韓之間嘅另類友情,比同類如《北寒諜戰》、《脫不了北的人》,甚至最經典《JSA安全地帶》等等都複雜好多、節奏都唔快,即使有鄭雨盛,相信香港上正場都唔會有好反應。
雖然,套戲有好多喋喋不休嘅對白,但都無損劇力,一個虛構嘅題材,膽敢拉埋日本、美國、中國落水,邊個係邊個跟尾狗、邊個一直俾邊個利用,甚至連「金金條屍」都可以咁玩法;唔係指桑罵槐,直頭講到好明,佩服南韓拍呢類戲咁大膽咁有火。結局點樣保持南北韓勢力均等,完全係「攬炒」極致,可能現實都係咁樣,邊個知?
《鋼鐵雨》講嘅就係南北韓諜戰,文戲為主,值得一讚幾場動作場面拍得幾認真精彩,醫院槍戰極為火爆,而果場「鐵雨」唔駛好火爆,但場面一樣好震撼。
據聞《鋼鐵雨2》已經拍緊,拭目以待。
《北寒諜戰》、《脫不了北的人》可看留言連結。
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://payme.hsbc/jackyhei
或使用QR code:https://bit.ly/3a9wOzy
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
北寒諜戰 在 藝文青 Facebook 的精選貼文
.
||2月 電影
.
《北寒諜戰》韓國影帝李星民、《柏林諜變》金瑞亨以及實力男星裵正楠主演,《鬼怪》劉仁娜、《炸雞特攻隊》申河均、《上流寄生族》李善均、《上流寄生族》李姃垠、《麻婆島》金守美以及g.o.d成員朴俊炯化身動物巨聲幫,上演一套好戲!最新電影《好狗特攻隊》將在3月中上映。
.
繼《炸雞特攻隊》後,韓國又一爆笑傑作!韓國情報局探員朱特務(李星民 飾)被指派保護訪韓國寶級大使─熊貓,不料牠一下飛機,旋即被恐怖分子綁走,朱特務更因此頭部受重創!毫無頭緒的朱特務四出查探不果,竟發現自己因傷而獲得超能力,可以同各式動物溝通對話,順便幫他收風立大功!朱特務於是帶著案件的唯一目擊者警犬Ali,四出向動物收集情報,終於鎖定犯罪集團,但對方已設好圈套,準備將朱特務與Ali一網成擒⋯⋯
.
#電影 #韓國電影 #好狗特攻隊
北寒諜戰 在 香港花生 Youtube 的最佳貼文
主持:Gear 、Thomas
把花生留住,請付費支持:轉賬至滙豐銀行 023-280233-838,抬頭 HONG KONG INTERNET RADIO LIMITED
花生網頁: www.hkpeanuts.com
PayPal 付款賬號: hkangrypeanut@gmail.com
FB專頁: https://www.facebook.com/hkpeanuts/
![post-title](https://i.ytimg.com/vi/yRVEgWM7dp4/hqdefault.jpg)