各位，講到追星囉，有d野呢，外國有做，唔代表香港可以做架。你話你做慈善用途，萬一捐左機構係係黃嘅，就搞到粒星啦（因為多數粒星係唔知你做咩架嘛！），咁如果你捐左畀個機構，佢地會係大婆台搞籌款show嘅，又係搞到粒星啦。
所以，點解我會捐錢去泰國，同埋買左 《until we meet again》（中譯：紅繩果對公仔，係日本fans club搞，所有收益仲要捐去保育泰國大象）？好簡單，我唔使煩。亦都唔識泰文，唔會知捐左去果個組織，係支持軍政府定支持群眾乜乜乜。
所以，好多時係香港，粉絲（我盡量都叫fans啦，唔好叫飯啦，果陣我試過用「飯」就話我用匪語，而家100毛用就冇事啦）要為偶像做好事，積陰德，係中國香港似乎就唔係咁易。係韓國呢？花牌變米（一袋袋咁擺係演唱會門口話之後會捐去孤兒院），又或者泰星生日會呼籲粉絲去捐血（呢個香港我又唔做得啦，香港紅十字會唔會要我d血），呢d都會做既。
講到底，做呢d善事，都係一種pr工程，等粉絲令個偶像有面，亦都等佢可以係八卦雜誌度有d野講，話我同fans之間既溝通除左畀商家抽水（即係我賣咩廣告fans 去搶product）之外，都仲有其他層面嘅good will 嘅。
只不過係，喺2021年嘅香港，追星＋做善事呢件事，係hard mode 以上既extreme hard mode。所以我一向都話，fans 係好有能力既。佢地咁都搞得掂，一係佢地就搵到辦法可以係呢個泛政治環境做事都可以超脫政治，一係佢地做消息封鎖同執政黨一樣咁厲害。
＃追星應援冷知識
＃btw應援係漢字
＃廣東話好似有另一個叫法？
＃知唔知係咩？
匪語 在 【學術台#7】甚麼是真正的「匪語」？ - YouTube 的推薦與評價
有人說內地用語只是跟香港慣用語不同，不應被稱為 匪語 ，這種說法究竟有沒有道理？那麼先來見識一下甚麼是真正的 匪語 #諸噏#學術台#廣東話#粵語#本土 ... ... <看更多>