大家點睇?
隨住互聯網普及化,網媒已經成為唔少市民吸收新聞資訊嘅主要途徑之一。喺近年嘅社會氣氛影響之下,網媒嘅數量更加係以幾何級數增加。
可能因為增長速度實在太快,加上要成立一間能夠基本運作嘅網媒,門檻相對地比較低,近期有個別網媒記者喺採訪期間所作出嘅一啲行為,就引發起唔少行內人士嘅密切關注。當中部份例子包括:
- 喺採訪警民衝突期間,用包含粗口在內嘅字眼進行報道。
- 喺採訪抗爭運動期間,跟隨現場參與人士高呼口號。
- 喺採訪一宗有人墮樓身亡嘅事件期間,企圖突破防線拍攝屍袋內情況。
- 有個別網媒因為購買嘅器材出現技術問題,結果利用直播,向售賣器材嘅舖頭,進行網絡公審。
其實網媒作為新媒體嘅一份子,理應明白媒體嘅基本責任,係要以一個客觀持平嘅角度,如實報道一啲既影響公眾知情權,同時涉及公眾利益嘅事。如果連呢一條底線都守唔住嘅話,唔單止會影響到媒體喺市民心目中嘅公信力,而且更有機會演變成為當權者收窄媒體報道空間嘅把柄之一。
#See生活
#網媒記者
#專業操守
#齊上齊落
#互相補位
#掛咗記者證喺心口就要緊記專業操守
#千祈唔好淪為毫無紀律嘅著制服部隊
Search