【#微波爐加熱食物唔健康？ 美國FDA：保留更多營養】
全文：http://bit.ly/2q8beJW
每到 #午飯 時間，公司Pantry排長龍等 #叮飯。同事A外出買飯盒返嚟，見同事仍然未排到叮飯，於是話：「人哋話食得多 #微波嘢 唔健康。」對於懶人一族嚟講，微波爐嘅發明係偉大嘅，因為襟個掣就可翻熱食物，快捷方便。不過，#微波爐 已面世多時，到今日仍然好多人用得唔放心，擔心有 #幅射，甚至話會 #致癌。到底係咪係真呢？
要解開疑團，首先要理解微波爐操作原理。話明係微波爐，重點當然係「微波」。微波係電磁波嘅一種，能穿透絕緣體。當微波被含水分食物吸收後，就會以相同頻率震動，令分子間摩擦，產生熱能，因而令食物由外逐漸加熱至內層。
有人聽到微波係電磁波，即時聯想到幅射。美國癌症協會指，微波爐唔係透過「X射線」或「伽馬射線」嚟加熱食物，所以並唔會使食物具有放射性，更唔會改變食物嘅分子或化學結構。
另外，成有人傳言話，用微波翻熱食物純粹整熱佢，乜營養都無晒。不過美國FDA就話，利用微波爐加熱食品唔止唔會降低食物嘅營養價值，反而可能會保留更多嘅維他命和礦物質。
=====================⠀⠀⠀⠀
【每日送上優質生活Tips】http://www.likemagazine.com.hk/
【Follow IG】http://instagr.am/likemagazinehk
