呢半年嚟，只要係留喺屋企嘅日子，我日日都有得玩遙控 —— 唔係遙控車唔係遙控飛機唔係遙控機器人，係我畀人遙控🤦🏻♂️
阿太日常：「喂你幫我攞個奶嘴過嚟。」
「喂你去開奶。」
「喂你斟啲熱水開糊仔。」
明白嘅，要hold住個兩隻小怪獸，其實係唔會有手搞佢BB啲嘢食，特別係最近佢兩個好鬼活躍，臨開餐前例牌好似食咗興奮劑咁fing嚟fing去；明白還明白吖，每次當我見到阿太同我哋工人姐姐 #伍家姐 坐喺play mat度一人氹一隻小怪獸氹到佢哋騎騎笑，而走嚟走去沖奶開糊仔嘅嗰個竟然係我嗰陣，我都會有少少懷疑：
「唔通我先係工人姐姐？🤔」
咁我都必需承認，佢兩個氹BB的確有一手，我係冇佢哋咁叻嘅。不過最大問題係，我連搞嘢食都一樣唔係咁叻😅 —— 應該話，麻甩佬搞呢啲廚房嘢通常都冇咁耍家。又要煲新水(唔想BB飲翻煲水)、又要量份量、唔係倒少咗水就係倒多咗奶粉，之類；試過有幾次我實在搞得太耐，阿太同姐姐係會睇唔過眼自己搶番嚟做嘅✌🏻
但係自從屋企添置咗Philips Water Hong Kong嘅 #純淨飲水機 之後，我就連呢個吞pop藉口都冇埋喇😭，因為呢部 #ADD6911 嘅型號有智能連接功能，只要透過應用程式將智能電話同部水機sync埋，阿太就可以用電話嚟遙控水溫同每次出幾多水，精準到可以設置每1℃水溫(由45-95℃)同每10毫升嘅出水量(150-1000毫升)。呢部水機仲有 #3秒即熱 技術，撳出嚟嘅水已經過濾晒啲雜質同細菌，幾乎即濾即飲，就算好趕好趕嗰陣都唔駛用翻煲水，仲慳電兼環保呢。
幾先進幾快都好，水機最緊要都係個水質。#PhilipsWater 嘅過濾功能一向係信心保證，可以過濾99.9%以上嘅有害雜質，包括細菌、病毒、重金屬同有機化學物等等，用嚟沖奶開糊仔都絕對可以放心。
部嘢咁勁，睇嚟未來我都係要繼續負責小怪獸嘅飲食部；阿太繼續遙控部水機同遙控我，我會記得下次講句yes mom。
#純淨水 #去除細菌 #去除病毒 #除鉛 #UV抑菌 #電話較水溫 #送禮自用 #聖誕禮物
即濾即飲 在 賀眾牌RO 瞬熱飲水機｜一按即飲免安裝，還有8 公升大容量！ 的推薦與評價
在這個講究水健康與便利性的年代，各種飲水設備也不斷地推陳出新，除了基本常見的飲水機或電熱水瓶（壺），現如今也有搭載濾芯的櫥下型、桌上型或濾 ... ... <看更多>