關於 原來橙茶都好好飲 ，我們在網路上蒐集到這些相關的討論、資訊與評價

"夏日炎炎，無論做運動或陪兩個女玩時，
見到個個媽都拎住支涷飲🤨。。。
我真係好想走去喺佢地耳邊靜靜雞講。。。
👉🏽女仔呀，唔好飲或食太多涷嘢呀～對身體都唔好呀～
😞😞😞

我細細個就已經少飲涷飲了😆～
好多朋友會問👉🏽喂，你唔飲涷飲咪好悶囉？🤨～
朋友呀～你地咪咁落後啦😅，
邊個話無得飲涷嘢就一定悶到暈架😫？
只要你花少少心思，動下腦筋，
其實都有好多選擇啦💕～
仲要甘香得來又不失清新添啊～～
☺☺☺

講緊乜😆？咪就係用✨Lipton紅茶✨做的✨冷萃柳橙紅茶✨囉～
有茶的甘香，再帶柳橙的香甜😌，
用上冷萃的方法，消暑解渴之餘，仲啱晒女仔身子啊💕～
😎😎😎

分享一下好快攪掂的✨冷萃柳橙紅茶✨食譜～
如果想用不一樣的方法品嚐Lipton紅茶的甘香～
可以去呢到參考更多食譜啊～
👉🏽https://www.facebook.com/liptonhk/posts/10156764117892979
😌😌😌

HKTVmall 網上商店: Lipton 黃牌精選紅茶(25片裝) 優惠價$20/2盒
優惠期至9月12日

#檸檬茶大家飲得多
#原來橙茶都好好飲
#橙香甜好夾紅茶啊
#加埋滋潤到暈蜂蜜
#解渴之餘更可潤喉
#Liptonhk #coldbrewfruittea #liptonlyl #fruitintea #Lipton紅茶

Show me your love! 唔知邊個天才，將粟米肉粒變得咁浪漫，不過如果約女朋友去街，帶佢去食粟米肉粒飯的話，女朋友依然覺得和你一起很浪漫的話，恭喜你，你找到真愛了！

不過如果場景改變，在家中為你愛的人整個粟米肉粒的話，即使不浪漫，都肯定窩心。因為除了老幼咸宜，簡單到不能的粟米肉粒其實有很多變化。趕住煮飯唔夠時間切豬肉粒的話，肉粒可以用肉碎代替。加豆腐加多一點雞湯或水，就可以成為粟米羹。豪華版本，當然就是用新鮮蟹肉代替肉粒。雖然我最唔鍾意用蟹柳，不過貪方便的話，做個蟹柳粟米羹，味道最低限度都係夾嘅，點都正常過好味過上湯蟹柳蘿蔔。

講起來我今次示範的都算是個豪華版，因為用的是北海道可以生吃的粟米。如此重本，第一是因為慰勞飲食男女一班手足，勞苦功高值得食最好。其次就是慷他人之慨，拍檔識人在果欄做批發，買了一箱送了我幾條。題外話，我一向以為果欄只賣水果，不知道原來有蔬菜賣的。所以話，做人做事做生意，幾時都要與時並進。

以前小時候有得食新奇士橙，紅地厘蛇果（有幾多人知道究竟是甚麼水果？）已經不得了！以前過年過節，送橙送蛇果，用紙皮袋加張紅紙紅繩紮起來，非常得體的禮物。

言歸正傳，粟米蓉一定是罐頭或者紙包裝的，粟米粒其實去凍肉舖買急凍的更化算。如果喜歡青豆紅蘿蔔的話，有急凍粟米青豆紅蘿蔔，和粟米肉粒的做法一樣，無需解凍，直接煮就得。反而買新鮮紅蘿蔔的話，除了切粒麻煩，要煮淋都需要一段時間。

肉粒的大小，最理想是和粟米的大小差不多，因為除了味道之外，吃起來的口感亦很重要。溫馨提點，如果自問刀法麻麻，豬肉不能切細粒的話，不如索性用肉碎算。肉粒好似手指公咁大粒的粟米肉粒，我都見過，那個賣相……不予置評！

回饋各位肯睇我文字的讀者，醒大家多一個豉油西餐版本，就是不加雞蛋加忌廉，做湯做餸都得。又或者做一個全素版本，用素豬肉當然得，用素雞代替豬肉粒效果一樣好好，加少少胡椒粉提味，一滴油都不用加，清新健康到不得了！即使不是素食者，間中清清腸胃不失為一個好選擇。

材料：

忌廉粟米2碗

粟米粒2碗

脢頭肉6両

火腿扒 1塊

雞蛋2-4隻

胡椒粉2茶匙

鹽適量

糖適量

油2茶匙

做法：

1.豬肉切小粒，加少許鹽、糖、胡椒粉、油調味，拌勻

2.用少許油先爆豬肉，加入粟米粒及忌廉粟米煮熟

3.視乎喜愛的濃稠度，加入拂勻的雞蛋代替埋芡

4.加入適量鹽及胡椒粉調味

Sweet Corn with Pork

Ingredients:
Creamed corn 2 bowls
Corn kernels 2 bowls
Pork collar 6 tael
Ham steak 1 pc
Eggs 2-4 pcs, beaten
White pepper 2 tsp
Salt Some
Sugar Some
Oil 2 tsp

Steps:
1. Cube pork and ham steak into bite-size, add some salt, sugar, white pepper, and oil to marinate. Mix well.
2. Heat pan with oil, stir-fry the pork and ham briefly, add corn kernel and creamed corn to cook.
3. Add beaten eggs to the pan to thicken the sauce; the amount of eggs depends on your preference of thickness.
4. Add salt and white pepper to taste.

足本食譜： https://bit.ly/37nqTbn


===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#粟米肉粒食譜 #香港菜食譜 #張慧敏
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

#高cp值必買 #東京便利店 #東京便利店手信 #主婦手藥 #7eleven
#7elevnTokyo #東京711必買

Hello大家好, 我係呀Tsar, 今日又為大家介紹東京池袋無敵家對面嘅711便利店下集, ,喺我未介紹產品之前, 想同大家分享一啲關於711嘅冷知識
,大家知唔知7-Eleven嘅logo顏色係代表咗乜嘢？「橙色＝日出」、「綠色＝綠洲」、「紅色＝晚霞」，代表住由朝到晚都好似顧客嘅綠洲咁樣。
日本嘅便利店, 已經成為遊客嘅人氣景點,一個成功嘅公司logo, 可以反映出佢哋對顧客嘅服務承諾, 大概睇佢業務嘅發展, 同埋佢哋推陳出新嘅服務同產品
都略知一二, 所以你哋咁鍾意睇我去日本便利店嘅介紹呢? 睇完影片記得留表情符號以示支持呀!

講返池袋係喺東京旅程中一個幾好住嘅住宿地區, 大家可以去無敵家食完宵夜, 再過嚟呢間7仔買妝藥、生活用品,可以慳番好多時間, 快啲睇下今日嘅十大必買, are you ready,
上次十大必買, 可以睇返上次條片, 今日講11至20必買。

第11必買, 超強護手秘寶YuskinA乳霜, 強效滋潤嘅護手霜， 佢連腳踭龜裂紋與及主婦手都有幫助, 含有豐富嘅維他命B2, 甘油成份高達40％,
由於不含類固醇, 所以由bb到老人家都可以用到, 體貼你一家人嘅需要, 除咗潤膚系列之外, 仲有潤唇膏添, 有時我見到啲男同事, 冬天個嘴爆曬拆流曬血, 我個心真係寒一寒
返工見客同人握手, 如果人哋feel到你隻手鞋十十, 不論男女, 其實感覺都唔係太好, 其實呢啲都係儀容嘅一種,大家千祈唔好觀音頭, 地盤手呀!

第12必買, LuLu滋養口服液, 當身體因為發燒、感冒, 而冇胃口食嘢嘅時候,呢個飲品嘅營養成分, 正正係有1000mg嘅人參營養成分, 胡蘿蔔1000毫克和蜂王漿200毫克，
,維他命B 1、B 2同B 6,令到你有加速康復能力嘅功效。由於佢不含咖啡因成分, 所以飲咗都可以瞓覺, 適合15歲以上成人使用, 每日食用一次30毫升
病就飲多啲水啦。

第13必買, 30mL嘅花王便擕式除菌去味消臭劑 , 冇香味嘅,採用檸檬酸嘅技術除臭, 包含天然綠茶除臭成分。雙管齊下, 99.9％滅菌, 適用於衣物、布料、空間都用到
有人喺你身邊放屁、搭飛機隔離嗰個腳臭, 噴一噴就聞唔到, 但係如果對方口臭, 呢樣幫你唔到, 因為唔食得落肚嘅!

第14必買, 有冇人知道可口可樂公司原來係有出酒精飲品㗎?佢係罐裝嘅檸檬汁燒酒蘇打水「檸檬堂」,個英文名好得人驚, 叫 CHU-HI, 我驚你哋以為我講粗口
,都係講返中文名啦, 檸檬堂系列汽水酒分別有 4 款口味，包括蜂蜜檸檬（酒精含量 3%），經典檸檬（酒精含量 5%）、鹽味檸檬（酒精含量 7%）及鬼檸檬（酒精含量 9%），每罐 350 毫升，
,香港就喺銅鑼灣sogo 2樓超市有得賣。

第15必買, Chocola BB Light2 美容護膚飲品, 有助加強體內脂肪代謝，添加咗能夠增加能量轉移的維他命B2、蜂王漿、氨基酸、牛磺酸等成分，有效改善疲勞體質。
一支100ml嘅份量, 只有4.5Kcal, 相等於一粒櫻桃嘅卡路里, 適合減肥但係又想補充營養嘅你,都係只適合15歲以上人士飲用,飲咗之後啲尿可能會少少黃, 其實係由於維他命b2所致
,你可以放心, 因為呢點說明書裏面有寫到。

第16必買, Asahi clear cooler strong 系列嘅果汁酒, 佢係Vodka加入幾種唔同嘅水果酒, 分別有青檸、檸檬糖西柚味道, 通過冰點冷凍技術添加了水果酒，並通過專利技術濃縮了水果的風味
,口味清淡，我認為呢種酒好適合打邊爐, 近排香港天氣凍咗好多, 大家記得著多件衫呀。

第17必買, 711嘅沙律亦都係有好多選擇, 唔知大家有冇去旅行水土不服嘅問題, 如果去旅行冇屎屙, 就一定要食返啲蔬菜,清下個腸胃, 因為便秘會產生好多身體問題
,例如面色唔好啦、出暗瘡啦，口臭喇, 如果因為腸胃唔好而引致嘅口臭, 係最難頂嘅, 最慘口臭, 當事人未必知道, 如果人哋唔係同你有番咁上下親密關係
,亦都唔會話畀你聽, 所以自己都係要注意一下。

第18必買, 除咗沙律之外, 清腸胃可以飲yogurt drink, 呢隻士多啤梨味, 好好飲, 但係我要提醒大家, 買乳酪飲品嘅時候, 睇一睇是否低糖,
根據香港政府網頁資料, 低糖嘅定義係每100克含不超過五克嘅糖, 每100克中如果高於7.5克就算為高糖, 所以大家買乳酪飲品嘅時候, 就要喺營養標籤注意呢一點
,吸收過量嘅糖分, 容易致肥。

第19必買, Body Fantasies 香氛噴霧 , Body Fantasies的淡香水香精濃度比一般香水低，但係價錢比香水平好多, 我認為如果學生哥, 或者年輕嘅少女, 收入唔係咁多, 咁就可以試下買呢類產品
,因為而家一支香水係好貴好貴嘅, 年輕時唔需要用得太貴嘅嘢, 如果唔係好難返轉頭嘅, 稍為個身有少少香味就夠,到你再多少少收入嘅時候, 先至去買啲名牌子都未遲啦
,不過而家啲細路女好叻㗎喇, 如果唔係又點會有娘娘收兵呢!呢方面你哋叻過我!我就唔夠膽班門弄斧啦!

第20必買, 當然七仔就真係有好多雪條甜品啦, 我自己就好鍾意食綠茶，或者果仁嘅雪條, 個味好濃, 呢度齋買冰都有㗎喎, 唔好以為冰, 只係愛嚟作飲品之用
, 有一次有個朋友喺日本屈親腳, 佢即刻whatsapp我, 我叫佢即刻入去便利店睇下有冇冰賣, 敷下傷腳消腫, 好快就消咗腫喇. 唔知道你哋喜唔喜歡我今次係介紹呢
,記得留表情符號以示支持呀,我哋好快又下一條片再見, 88 !

請用片右下角調4K睇片。

懶洋洋的春天，就是想和朋友或另一半好好享受下午茶的時間。2019初春，香港不同餐廳酒店，都推出各種主題的下午茶，精選以下5間心水推介下午茶，有的賣相搶眼，有的抵食先行，不論目標預算多少，都能享受最滿意的下午茶。

堤岸酒吧及餐廳
電話：2738 2398
地址：尖沙咀廣東道33號中港城皇家太平洋酒店海景翼大堂高座
營業時間：星期一至五12nn-2:30pm，7pm-11pm；星期六至日3pm-11pm
詳情﹕ http://bit.ly/2AujAjl

悠然下午茶詳情﹕供應時間為星期一至五（公眾假期除外）3pm-5:30pm；收費$198/兩位，設加一

尖沙咀皇家太平洋酒店的堤岸酒吧及餐廳，最近推出「悠然下午茶」，賣點是抵食，二人分量只需$198！加一後，每人$109就可以對正維港景色吃下午茶，價錢平絕尖沙咀。
下午茶擺盤亦特別，用類似九宮格的盒子，在每一格放上不同鹹甜點，七彩繽紛。食物方面有多款選擇，味道都不錯。鹹點有香芒虎蝦三文治、烤雞凱撒沙律卷等，甜點有柑桔忌廉泡芙、綠茶奶凍等。其中最推薦牛油鬆餅，口感鬆化，牛油香氣濃郁，配上果醬及忌廉十分滋味。
缺點就是限星期一至五下午，對上班族實在不太友善，而且雖說有海景，但相距也頗遠。


Cobo House
電話：2656 3088
地址：西環南里8-12號地下及一樓
營業時間：星期一至五12nn-3pm、6pm-11pm，星期六、日12nn-11pm
詳情﹕ http://bit.ly/2AujAjl

Cha Chaan下午茶詳情﹕供應時間為星期六、日及公眾假期3pm-5:30pm，收費為$588/兩位，設加一；每日限量供應10份，需提前預訂

Cobo House位於西營盤，環境幽雅，最近就推出茶餐廳主題的下午茶。
賣相非常搶眼，每道菜都充滿驚喜。雞蛋漢堡包其實不是漢堡，原來是太陽蛋棉花糖配朱古力慕絲，用小鐵鍋伴隨乾冰煙霧上桌，極像真。熱狗咬下去是甜的，才知是馬卡龍，賣相別致。這些意想不到的菜式，全由韓籍廚師Davin Kim主理，以香港茶餐廳為靈感，加入韓式精緻點心風格製成Cha Chaan(茶餐的廣東音譯)下午茶。
下午茶只在周末及公眾假期供應，$588/兩位。包5款鹹點、8款甜品及2杯飲品。鹹點有海膽菠蘿油，新鮮海膽混合自製牛油作餡，鮮味幼滑。芝士髒髒包由自家製的扁麵包和芝士捲成，表面鋪滿粉紅色的Ruby Chocolate，少女心爆發。
下午茶必備的鬆餅，Cobo House就有伯爵茶和原味，伯爵茶味香濃，鬆餅外酥脆內鬆軟。原粒紅莓醬，酸甜清新。自家手工朱古力隨機派發，有黑椒豬肉鬆、香蕉爆炸糖等不同味道，味道過癮。飲品可選法國Løv環保有機茶，或意大利高級烘焙咖啡Costadoro。
茶點睇得又食得，餐廳環境舒適，更有藝術品裝飾，拍照族一定大愛。可惜每天只限10份，而且要提早預訂，不太方便。


Popinjays
電話：3141 8888
地址：中環紅棉道22號尼依格羅酒店26樓
營業時間：星期二至六及公眾假期5pm-12mn
詳情﹕ http://bit.ly/2KFAJrO

下午茶詳情：星期二至日2:30pm-4pm $688/2人；$988/2人 加每人一杯香檳；火焰英式鬆餅$90/2個；設加一

吃下午茶最重要是環境，Popinjays就是好選擇，位於中環新酒店The Murray頂樓的法國餐廳，盡覽大半個中環景色。最近首次推出下午茶，5鹹5甜共10款選擇，$688/2人。
用料落本，有機雞蛋、Kristal魚子醬、藍龍蝦等通通用上，以鮮紅、橙黃、翠綠等不同顏色做主調，還綴以不少食用花，很搶眼。鹹點做法走創意路線，雞肉就放在咖喱味泡芙中，微辛少甜；咬開紙包蛋糕，竟是煙燻三文治做餡料。
個人就偏好甜點類，Ecuador 56%黑朱古力撻濃香幼滑；士多啤梨咸明頓亦酸香鬆軟。最有特色是鬆餅，下午茶已包括4個，配自製木瓜醬及芒果醬。
在這間店中環古蹟改建的酒店，想吃得特別一點，可以多付$90，追加2個火焰英式鬆餅，侍應會推車在客人枱旁，席前把英式鬆餅撕開兩半後，放進煎鍋，然後加櫻桃果醬等，最後倒進烈酒再點火，非常搶眼，最後把熱辣辣又吸滿果醬的英式鬆餅，放在客人面前，味道頗重牛油香及果醬甜味，賣相非常搶眼，可以預見會是IG新寵。
來Popinjays享用下午茶的客人，更可即場參加抽獎，侍應會推出一個噴住乾冰白煙的擺設，內有多個朱古力蛋，食客自選其中一個後，敲開就有禮物，有些是打氣字句，但也可能抽中香檳、禮券等不同禮物，一站式食影玩。
環境好，味道出眾，唯一缺憾是價錢比半島酒店還貴。

The Lounge
電話：3196 8820
地址：中環金融街8號香港四季酒店大堂
營業時間：星期一至日6:30am-12nn
詳情﹕ http://bit.ly/2VTRoMP

藝術下午茶詳情：供應時間是3月逢周日2pm-4pm，4:15pm-6:15pm；收費$438/人，設加一

中環四季酒店The Lounge的下午茶，絕對是視覺系首選。周日限定下午茶自助餐，每月不同主題，3月就是藝術，一系列藝術相關甜品由行政甜品師傅Ringo設計，每件精緻得像藝術品。
下午茶包分成兩部分，有自助餐，每人包一個三層架下午茶，有甜點和鹹點。下午茶自助餐最特別的亮點，就是名為Let Me Free的甜點，全組甜品包括放置在鳥籠中的杏仁餅、果醬和朱古力調色盤。一塊塊杏仁餅其實是畫布，客人可以把將不同顏色的果醬作為顏料，放上朱古力做的調色盤。然後化身畫家，發揮創意把餅乾加上色彩，繪畫屬於自己的畫作。
四季酒店下午茶還包括藝術工具，就是一支畫具，另一款The Partner of Art就是畫筆形狀的朱古力，包裹榛子醬蛋糕。甜品一幢幢銀色、不同形狀的柱體的Buildings Forest，其實是香港建築物的縮影。咬下才發現是忌廉泡芙，蛋糕有4款口味：熱情果、朱古力、紅櫻桃和開心果。但客人要食用的時候才會揭曉口味。Dark Side是黑朱古力包裹着竹炭蛋糕，朱古力特濃。
三層架下午茶亦有十多款甜點鹹點，最美味是招牌英式鬆餅。每人承惠$438，有得玩有得食，貴得有理。

Uptop Bistro and Bar
電話：2117 3526
地址：尖沙咀漆咸道南117號珀薈酒店19樓
營業時間：星期一至日12nn-2:30pm，6pm-10:30pm
詳情﹕ http://bit.ly/2P8Ooxi

春の桜下午茶詳情﹕供應時間：即日起至6月30日，星期一至日3pm-5pm；收費是星期一至五$368/2位，星期六、日及公眾假期$408/2位，設加一

另一視覺系下午茶，就是尖沙咀Uptop Bistro and Bar的春の桜下午茶。賣相非常搶眼，用精緻櫻花形菓子盒盛載，伴有櫻花餐具和裝飾，未食已餵飽粉紅花系少女心和相機。
下午茶各有5款鹹甜點及兩杯飲品，鹹點中，最美味是鰻魚玉子燒，蛋香濃，鰻魚肉嫰多汁；黑芝麻吞拿魚配中華沙律及三文魚子，口感豐富鮮味；另有櫻花蝦餅配蟹肉、櫻花蝦蟹肉沙律配綠茶蛋卷和手羽先唐揚。
甜品有帶清香花果味的荔枝櫻花茶慕絲杯、奶香濃郁的北海道紅豆芝士蛋糕、日式草餅、日式蕨餅和法式馬卡龍。除了茶和咖啡外，加$32可轉飲灑上櫻花粉紅糖霜的抹茶鮮奶、蝶豆花茶等飲品，加$52可轉飲櫻花氣泡酒。
賣相好，輸蝕室內環境一般。

編輯：楊志強
攝影：飲食男女攝影組

========================================
立即Subscribe我哋YouTube頻道：http://bit.ly/2Mc1aZA (飲食男女)
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相！
http://bit.ly/2J4wWlC (@eat_travel_weekly)