Search
很多時候，大家都以為我和我的朋友只會在同一鼻孔出氣。他們說什麼我都贊成。對不起我和我的朋友不是黨跟黨員的關係，不存在絕對服從，不存在上下從屬關係，我不贊成就不贊成，都會有不同意他們的時候。
這一輩子做人，你也會對你的親朋戚友，老闆上司，會有「不同意」的時間吧。對不對？
我其實就很不同意妹妹這種說法。
故事是這樣的：他看了一條大概是短片的東西，說香港人假離婚，在英國（騙）取居留權的事件。妹妹好心勸說，說希望香港人不要測試愛情。
為什麼要假設所有香港人結婚的時候也有愛呢？很多人結婚，只是因為那一刻想結婚而已。結婚的原因有很多，追尋幸福只是其中一個，還有更多更多的是，他們希望他們的生活跟別人沒有太多「不一樣」。從來都沒有愛情的婚姻，又從何測試「愛情」？
#原來沒有從來都沒有纏綿邂逅完全虛構
#原來沒有從來都沒有教我空歡喜心跳這麼久
#婚姻是一種邪教
#愛情也像鬼談論的人多見過的人少
我成日都講，我細個以為自己好有錢，有錢嘅程度，係我會以為我老豆係「百萬富翁」（當然，其實有100萬都可以去食屎㗎喇😂呢個世界叫得有錢點可以只係百萬！唉！)
——
點解我會以為自己好有錢呢？首先因為以前住西環堅尼地城，間屋有成800呎！養咗好大缸魚！係而家55吋電視咁大個魚缸，而我老豆仲居然養食人䱽！請問邊有人咁黐孖筋，响屋企養食人䱽？咁暴戾做乜？
然後細個嗰陣時，每次打開雪櫃都要問可唔可以攞零食，人生其中一個轉捩點係發現終於開雪櫃係唔使問人，就覺得自己大個了。以前打開雪櫃，一定有益力多，所以益力多係我comfort food嚟，唔開心嘅時候，會好想飲益力多。然後因為以前永不缺益力多，所以覺得自己好有錢。另外，當年Häagen-Dazs啱啱嚟到香港，我老豆返眼鏡舖响中環，佢放工會買兩支雪條返嚟，食一支好似食咗餐飯咁飽，仲要知道呢隻雪條好貴，所以又一個理由我覺得自己好有錢。再嚟就係當全世界玩緊game boy嘅時候，我係有彩色嘅世嘉game gear！用好多粒電芯先玩到一陣嘅game gear！又由於部機非主流，所以我覺得自己屋企好有錢。後來個世界出現咗tamagotchi ，某一晚我老豆拎住住tamagotchi返嚟，我當刻相當肯定，佢一定係一個有錢人！
——
直到屋企要搬，離開堅尼地城，搬入華富邨，係公屋！係條走廊講明不准打球不准喧嘩嘅屋邨！係用鐵閘嘅屋邨！當時我心諗，搞錯呀，乜你哋(老豆老母)唔係好有錢嘅咩，點解會住咗公屋㗎？
——
細路仔鬼知咁多嘢咩，我到最後梗係好愛華富邨，但不得不承認我嗰陣用咗好長時間習慣由西環間屋塞咗入華富邨嘅。同埋剎那間發現屋企從來都冇錢，「原來沒有、從來都沒有、教我空歡喜心跳這麼久」我只係一個物質上有餘裕、我想食嘅嘢我食得到、打開雪櫃有益力多就得嘅人。
——
寫於心情古怪嘅晚上，
雪櫃冇益力多，哎。
原來沒有從來都沒有教我空歡喜心跳這麼久 在 笑L咗- #原來沒有#從來都沒有#教我空歡喜心跳這麼久| Facebook 的推薦與評價
原來沒有 #從來都沒有#教我空歡喜心跳這麼久. ... 點睇都係，精液沒有. 2 años Reportar. Nixon Leung, profile picture. Nixon Leung. 點解我睇到係精字 . ... <看更多>