Question 1

又一城有咩玩 在Facebook 的評價

Accepted Answer

《愛上一個人》♂：早晨♀：早晨♂：岑雪兒我好掛住你♀：掛住我，但你又block我，我唔明個邏輯♂：掛住你還掛住你，block你還block你♀：你知唔知我個一下有幾嬲，我真係差少少就block返你，唔傾咪唔傾♂：今時今日想搵一個人有幾難，你有好多方法可以搵到我♀：我可以搵你，但我唔會♂：我知你唔會，所以我都係忍唔住搵返你♀：如果唔係你阿哥，你會搵返我咩♂：我會……♀：所以你block我係一種手段？♂：係一種情緒，我估唔到你會咁諗我，你應該估唔到我會因為你咁諗而唔開心到咁既地步♀：兩個真心相愛既人，其實唔會比呢種事發生，唯一解釋就係我地唔夠愛♂：我好記得《我左眼見到鬼》入面講既一句，先識得個一陣，可以有幾愛啊？♀：我地識左幾多日？51日，可以有幾愛？♂：阿飛正傳入面，張曼玉因為個一分鐘愛上張國榮；唐伯虎因為三笑而愛上秋香；西遊記入面，春三十娘一句問候令二當家愛上佢，其實愛可以好短♀：要長既都有好多，Before Sunrise主角等左九年重遇女主角；美國隊長等左七十年先得到時光倒流機會，至尊寶穿越返五百年前，講出一萬年♂：所以51日話長唔長，話短唔話，唔拖唔水咁♀：記唔記得我地傾過好感，鐘意同愛，呢三樣野係可以昇華，由好感昇華去鍾意，由鍾意昇華去愛，一個人可以同時擁有三樣野，分別佔唔同既比重♂：我對你有愛亦有鍾意，用你既定義，我會睇你，亦會睇自己，但依家我都仲係睇自己比較多♀：所以你承認你唔夠愛我♂：我係，無同你傾既時間，我都諗緊我對你既感覺係點，我唔敢話我愛你，因為我對你唔了解，愛一個人係從對方角度去決定點做，你唔了解一個人，又點可以做到好決定♀：你發現左呢件事，我唔比你了解我太多之餘，亦令你唔可以更愛我♂：所以你係特登咁做？♀：我仲未值得你去愛我太多，其實……鍾意都已經好唔錯，愛一個人好痛苦，因為愛可能會失去自己♂：其實，識得一陣，可以有幾愛？♀：個種未必係愛，只係一種感覺，你覺得對方需要呢樣野，但對方根本唔需要，咁都算係愛咩？好似一個人係被虐狂，你對佢呵護備至反而唔係佢需要既野，你只係滿足緊自己認為既愛，而唔係對方真正需要既愛♂：我之前都搞錯左，我以為你好需要既條件，但其實只係自己既自卑同執著，當然，你都有相當責任，你無坦白咁講我知你需要既野係咩♀：我係，我最麻煩既位係，我想我唔講，甚至講相反既野，你都可以比到我真正需要既野我♂：你認為呢個世界有人做到？♀：我希望你做到，呢件事好多女人都追求，某程度我都係平凡既女人♂：認真，呢種口不對心估估下我以前好討厭♀：以前？咁依家呢？你討厭可以直接講喎♂：依家，我想比到呢種咁不切實際，咁虛無飄渺既野你♀：點解？♂：因為我覺得無論如何都唔想再失去你喇♀：呢種情話以前我好唔鍾意聽到♂：以前？咁依家呢？你討厭可以直接講喎♀：依家我都討厭，但我鍾意你講，講得愈多愈好♂：好，你準備好接受我一千句肉麻情話既考驗未！♀：慢慢黎，我怕聽太多我會想嘔……係呢，你Staycation點啊♂：尋晚嚇親我班fd，佢地見到我死狗咁，然後又見我突然好開心，好似精神分裂咁♀：點解死狗，點解好開心啊♂：你知嫁♀：我想聽你講♂：死狗係因為我無得同你傾，開心係，我地又傾返♀：呢個長傾不見，我地已經得返長傾喇，如果連長傾都無埋咁就完結喇♂：今日好似變返之前未見咁，唔知點解我感覺好似係好耐之前咁♀：係咪渡日如年既感覺？♂：係一日不見，如隔三秋♀：係既話一個月唔見就可以拍得住美國隊長喇♂：九年零四十七日，就係一萬年喇♀：如果唔見咁耐，你仲會唔會愛我♂：會，到時候無論你係邊，我都會黎搵你，同你講，我愛左你一萬年喇♀：Before Sunrise係1995，Before Sunset係2004，Before Midnight係2013，下年如果呢個九年之約仲存在，無論我地係咪一齊都好，你可唔可以都陪我睇？♂：第一日上畫，又一城，第一場，你會見到我♀：好，你記得先好，你陪朋友啦，都夜喇，好好玩埋呢兩日，晚安♂：好，我會掛住你，晚安#長傾不見 #蔣薇 #小說 #故事 #好久不見未睇過既重頭睇：https://www.patreon.com/maydreaming/posts?filters[tag]=長傾不見&sort=published_atPatreon訂閱讀者星期日有好久不見短篇，四個兄弟去staycation

Question 2

又一城有咩玩 在Facebook 的評價

Accepted Answer

《初見》長傾不見第一部最終回♂：早晨♀：早晨♂：八點你就醒？睇黎你唔係打扮喎，係打仗喎！♀：我地去邊，你仲未講♂：十二點，又一城♀：好，你千其唔好遲到！！！♂：你諗左你既遊戲未？♀：諗左，所以真係唔好遲到！！！♂：我食完早餐就會去個邊等♀：咁就好，我要忙下先，你等我指示啦！♂：我到喇，你有冇戲想睇？不如今晚睇戲？♀：可以，你想幾點？♂：食完飯，九點左右？♀：哦，好，你決定啦♂：哦咩呢，每次你哦我都覺得係有少少奇怪♀：無野，你買啦，我睇乜都無所謂♂：買左，你到就話我知啦♀：好，地鐵個層Locker，之前個個，密碼****♂：喂……蠟筆小新？？？？♀：遊戲好簡單，我都會係場入面，呢套戲，如果你搵到我係邊個既，就當你贏！♂：我可唔可以msg你？你會唔會覆我msg？♀：睇心情啦，我心情唔好既話，可能連電話都較飛行模式♂：唔公平囉，咁你知我個位，我唔知你個位♀：我主場，你要跟我規矩玩！就算你搵到我，都唔可以同我有任何身體接觸ok？♂：乜我似咁猴擒咩……♀：點知你，可能我太吸引，你忍唔住咁我點睇戲？♂：點解你幫我買第一排……明明大把位……♀：我要睇你一場戲會有幾唔留心嘛！♂：喂，有冇掛住我？♀：我唔駛掛住你，我望到你啊♂：你信唔信我企出屏幕搵你啊！！！♀：現在立即馬上！我好想睇！你最好大叫我愛你添！♂：唔難搵啊你，哈哈，一個女仔睇戲食係角落，太明顯喇……♀：你覺得你贏左？你敢肯定呢個係我？一陣認錯人就好核突喇♂：喂……拎電話出黎覆msg既人有幾多？得你咋！快比獎勵我♀：我最喜歡自作聰明既人，哈哈，你呢份自信真係令我太開心喇！♂：……死唔認數咁話……♀：好啊，我比獎勵你，一，我除口罩比你望下；二，我有封信比你♂：我揀信！♀：咁我除口罩比你睇♂：喂……信呢？♀：我靚唔靚？♂：你個騙子，又話自己八分！！比盡你得六分♀：咁有冇失望？♂：我預期放到好低，絕對可以話有驚喜，不過，你今朝搞咁耐，我覺得你好似無乜打扮過咁♀：一句講晒，要唔要？♂：要♀：老老實實，我真係唔會介意，不如咁，如果你覺得唔想再發展既，呢套戲入面你隨時離開，我ok既♂：仲唔行？職員都執野喇喎♀：好，到你既遊戲開始♂：喂，咩事！點解唔係你？♀：你識搵替身，點解我唔可以搵啊？♂：好彩我無做乜野姐……唔怪得之你叫我唔好有身體接觸，咁你頭先係戲院入面？♀：係，呢個世界有樣野叫Apple Watch，可以唔開電話就覆到msg你唔知咩？♂：失敬……咁我呢邊遊戲可以開始喇♀：好，你知唔知我一路望住你係我朋友旁邊打字，又成日偷望佢，呢種感覺真係好正，不如你同佢一齊啦，話唔定都係一段好好既姻緣喎♂：比我捉到你，我一定會好好教訓你！♀：點教訓先？♂：捉住你錫！你唔好再fake我喇，唔係一陣傷及無辜就唔好！♀：做人唔好咁肯定，一陣你發現我係阿儀咁既級數，我怕你唔敢喎♂：我先唔會唔敢♀：好啊，到時睇下點！【影片】我覺得好正，放係屋企一定好治癒♂：Log On 好近喎，你唔怕我好快就搵到你咩？♀：你可以搵啊，我照正常咁行街，期待一陣行行下有人捉住我強吻，然後我就叫非禮！♂：喂……期待，你又叫非禮，咁算點啊……♀：如果你早幾日學有所成，咁應該唔需要驚既♂：【圖片】呢本書好似幾啱你，生活需要儀式感♀：【圖片】我都估你應該幾鍾意呢個地球儀，不過佢係非賣品♂：【圖片】你有冇睇過呢個插畫家？♀：有啊，我有追佢，呢個故事好輕鬆簡單，有種平淡既幸福♂：嗯，我都好鍾意佢，你會唔會儲書啊？♀：唔會【圖片】咁你鍾唔鍾意寫字？想唔想要呢個？♂：我用電腦打字多，字真係寫得一般……【圖片】平時我寫野好喜歡食呢隻糖♀：小心糖尿啊【圖片】個擦膠咁大個好正！♂：食飯時間周圍都好多人，我諗我去food court食算喇♀：我拎左飛，一陣去食野，你估下我食乜？♂：一個人食野……選擇唔多，仲要拎飛既……算，唔估，各有各食咪幾好♀：【圖片】好啊，今日天氣好好，心情都特別好♂：天氣唔好，我心情都好好，我第一次同人一齊遙距行街食飯睇戲♀：你想既，我地可以一齊去迪士尼玩一次，我係年卡會員♂：咁麻煩冬天先去，今日咁既天氣真係行商場算喇♀：咁約定你去，唔好甩底！♂：【圖片】我都係決定食譚仔♀：【圖片】我食拉麵♂：今晚你有冇想食咩？♀：如果你依家唔係食譚仔既話，我今晚食譚仔都無所謂♂：咁今晚再睇下點啦，我買左飛九點睇戲♀：點解你唔黎搵我呢？我應該都仲要食一陣♂：你都係啊，你唔黎搵我，你明，我明咪得囉♀：係，明就得【圖片】我覺得呢本書好適合你進修下♂：【圖片】【圖片】呢兩張你喜歡邊一張？我有進修啊……♀：兩張都唔錯，你喜歡邊張就邊張啦♂：好，【圖片】我覺得你會喜歡小王子♀：最愛，你眼光唔錯♂：還好【圖片】呢隻野好低能，我好鍾意佢♀：你再肥少少就會同佢一樣，【圖片】比起儀式感，我更需要無所事事♂：估你唔到，我以為你係唔停得既人♀：唔係，我可以停既時間會乜都唔做成個廢人咁♂：【圖片】我決定飲杯咖啡♀：【圖片】咁我食件蛋糕♂：好似好好食咁♀：【圖片】你黎啊，我餵你食♂：咁我真係黎嫁喇！♀：快啊，唔好低估我食蛋糕既速度♂：我……♀：最後三啖喇喎【圖片】♂：你……著黑色裙？♀：我都影到個櫃檯，應該好易認啊♂：你……認真？♀：坐低啦♀：做乜唔出聲？係唔係打開字，唔識講野，我地可以打返字喎♂：我覺得自己好似傻仔……♀：係，當時我收藏得好好，一直唔講就係等呢刻睇你呢個樣，而個結果我都係滿意既♂：我唔知應該講乜好♀：有人之前話要強吻我，但依家好似連講野都唔敢，我高估左你喎♂：我真係唔敢，我唔想死住♀：我好喜歡你呢個尷尬樣，點啊，八分，無錯嘛！♂：無……點會錯啊……♀：個陣我想講，八分咁少，你個標準都唔知邊度黎♀：喂，問多次你之前既問題，一世做朋友，定係一齊一陣，你揀乜？♂：我唔知……♀：頭先食完蛋糕，一路行街，到依家食飯，你都好唔妥，其實我唔介意你再揀喎♂：我終於明你點解之前問我咁多問題……更加知你點解唔講個名我知……長傾不見，原來係咁既原因♀：既然你都知道晒，有冇後悔出黎見我？♂：我曾經諗過你係啞既，但我無諗過你係……♀：啞既話件事就簡單得多，問題係，之前條選擇題，你既答案係咩？♂：我未必比到你要既野你♀：我知啊，係難啊，但合理嘛♂：合理……我係個無人氣既小小作者……我比唔到咩將來你♀：我有問你要將來咩？我同你講，我可以等你，只不過一日你未做到，我一日都唔會名義上係你女朋友♂：你唔怕我比唔到將來你咩？♀：原來你咁唔妥既位係呢樣♂：係……♀：有好多野，唔一定係要有將來既，依家開心咪得囉♂：入左門口未？♀：入左喇，上個樓會有咩事啊，你會唔會太緊張？♂：咁好啦，晚安♀：你返到去，都話聲我知啦♂：好♂：返到喇♀：點啊，咁冷淡，趙完鬆咁話啊♂：我想講，我好掛住你♀：咁咪講囉，又唔駛錢既，我鍾意聽♂：我好掛住你好掛住你好掛住你♀：傻仔，唉，今晚我以為有人會邀請我去佢酒店度促膝長談，點知無♂：……唔好玩我啦，我點敢啊♀：陰功，見完變左鵪鶉♂：我臨走都勇敢左一次啊♀：就係個一下囉，你要再進修下，頭先比面你我先無叫非禮♂：非咩禮，有人想同我促膝長談♀：頭先你講，我會應承，可惜你無，有冇後悔？♂：無，好多野唔需要一日做晒既♀：你想有幾多日？♂：如果用我寫故事去形容，可以長過真情♀：好，第二個願望，麻煩你寫一個長過真情既故事出黎，女主角要係我，記得，出書稿費我有份♂：好，呢個願望我會做♀：咁就乖，努力啊，唔係我可能一世都唔會係你女朋友♂：我到喇，今晚會諗諗佢♀：咁應該好辛苦，你今日受左太多驚嚇，好好休息，晚安♂：晚安喇，聽日你仲會係度？♀：點解唔係度，不見，不散－－－－第一部，初見，完第二部，相見，開始，同樣時間，每朝八點，不見，不散每日堅持出文，已經一個月喇，希望呢個故事可以令你地每朝多一點甜，懇求Like Comment and Share！－－－－想看完整見面內容，可以用以下三個方式一）訂閱Patreon，美金八元《長傾不見》體驗／美金十二月《作者之路》有其他獨家小說內容https://www.patreon.com/maydreaming/二）預購實體書《長傾不見》第一部－初見（預購數超過三百本，九月發貨，少於三百，書展前發貨或書展取貨）https://forms.gle/w6Li3WrmZsNLdauj7三）此Post多於1000like／200comment + 200share記得Like comment 同share左先再去訂閱同預購啊！

Question 3

又一城有咩玩龔成 在Facebook 的評價

Accepted Answer

【龔成問答信箱】（Q21941-21960）Q21941：Sir, 話個好消息給你知。我已榮升做老闆啦下星期完成交吉就可以著手搞開舖（做美容院）, 自己獨自創業。 知道條路一定困難（好多嘢要獨自處理, 唔同以前打工仔心態）自己剩餘人生時間唔多, 唔突破就會遭困死, 既然喺咁不如玩大佢, 無悔今生～。 3年前追開你fb, 睇你百萬富翁1， 令我反問翻自己興趣喺什麼, 點樣賺多啲錢。  當時公司搬去內地, 感覺好徬徨, 由文職專去做美容真係唔易, 首先要改變心態、思維, 因為是服務行業, 不再是整天坐著辦公室機械色工作。要想辦法怎樣令客人覺得你服務好, 怎樣推銷產品/療程（最重要喺點樣幫助佢地解決美容問題）, 是1種大考驗, 就算現時都係1邊做1邊令自己進步。上緊你堂， 帶晒你著作, 非常感謝你幫忙簽名。你喺我幸運之神。 真的衷心多謝你龔成老師︰先恭喜，成為老闆。同埋都好多謝你一直支持。因為除左上堂，都要處理好多相關事務，寫書、回答問、準備課程內容等，都真係比較忙。遲D完左進階班，我會好好休息下，多謝關心。新生意，一切由零開始，好多事都要慢慢摸石過河。你要從日常經驗，慢慢去將盤生意調節，比心機。記住，你係要諗點幫到客人(為客人創造價值)，生意長線自然就會好。生意一定有上落，一定有困難，堅持是最重要的，加油！------------------------------------------------Q21942：老師你好，之前上3萬點抵受不了股票的回報。把所有股票賣掉，也停了月供，現在有點後悔了，但財務上，因為疫情，都小了收入了，想問你意見而家46歲，家庭月入得得3萬，現金得60萬，沒有股票，個人儲蓄保險已供完。層樓仲欠11年，月供12000元，估計開支後。有6千剩低，我現在應該做什麼好呢？龔成老師：我地是重要是「財富組合的配置」，不是現金的賺蝕數，持有貶值的現金只會令你財富不斷貶值，你之後要慢慢建立翻一個優質股的組合。現時你物業，保持供款就得，除非你每月出現支出大過收入，否則，你保持現時的供款情況是最好的，到你57歲供款還清按揭，情況不差。現時你有$60萬，建議你動用$20萬-$35萬，分注投資平穩增長股，由於不少潛力股都升左，加上你現時46歲，不能太進取，因此，可以集中在平穩增長股。平穩增長股：考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。如果想潛力提高，就加少少恆生科指ETF（3067）。現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。至於你每月的$6000儲蓄，可以考慮月供$4000，以上優質股都得，如不月供就儲現金先，久不久入貨就得。------------------------------------------------Q21943：龔老師您好，本人今年45歲，早前以BNOVISA去了英國，剛開始學投資。手上$50萬現金。月入$17000，扣除開支@$14000和剛開始月供2800盈富@$3000。想用3至5年時間增值至150萬，可供女兒在外國讀大學。請老師指點一下，謝謝龔成老師：坦白講，要咁短時間達至$150萬，有點進取，除非有很大的機遇，否則未必做到。以你的年齡及家庭等情況，我唔建議你太過進取，暫時只建議你投資平穩增長股類別：考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。你可以保持月供。同時，$50萬可以動用$20萬，投資上述的股，暫下資金，等你更為安頓，以及你有較多投資知識，先開始投資，到時可考慮「平穩增長股」+「潛力股」。雖然這個計劃，未必能達到你的目標，但我地投資，一定要「先想風險，後想回報」。所以，你要從增加收入的方向去想。------------------------------------------------Q21944：老師，你點睇未來樓市呀？同埋你會唔會移民？龔成老師：香港樓市，中短期會有少少上落（但不會大跌），長遠會向上。首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。長遠計，租金及樓價會平穩，有少少向上，但不是倍升，不會好似過往般倍升，而是平穩向上。我相信，我暫時都唔會移民，因為我太喜歡香港，同時不捨得離開。------------------------------------------------Q21945：老師你好，謝謝您無私的付出，免費幫我哋答問題，有幾個問題想請教1.睇完老師啲書,再上股票班會否容易啲吸收？2.上初級股票班，應上哪個課程？3.老師對買美股及債券有什麼看法,值得投資嗎？龔成老師：1）【投資倍升股課程】適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資時機、配置、評估平貴，在投資上已掌握了一定的知識。另外，你上課之前，多睇理財、股票類的書，留意一下財經新聞，到時就較易跟到。2）之後可以上【進階班】，但你唔需要太心急，一步步打好基礎先，上左上述的基礎班先，同睇書。3）債券的投資價值一般，除非你好低風險或較年長。至於美股，都有投資價值的，你可以配合港股，同時持有都得，如果預熟識美股，可以投資ETF，如VOO、QQQ就得。------------------------------------------------Q21946： 亞sir,06893係咪唔會點升架啦，買左之後係咁跌     龔成老師︰你唔好用價格走勢，去衡量一隻股票有無投資價值，不要再用這種短炒思維，長遠只會對你不利。我地持有一隻股票與否，係應該睇佢本身質素、行業前境、財務數據等，去得出結論。衍生集團(6893)主要從事開發、營銷、銷售及分銷個人護理產品、保健產品及家居產品，以及提供中醫保健及相關服務。佢規模好細，1年的營業額連HKD2億都無，而且按年下跌中。近年更出現虧損狀況，暫時睇唔倒佢有投資價值，建議你有反彈，就沽出會比較好。------------------------------------------------Q21947：請問135昆倫能源，老師有咩睇法？另外2379中天國際是否老千股黎，因為我曾經中過伏龔成老師︰昆侖能源（0135）雖然質素都算有，但不是最高質類別，佢對油價較為敏感。佢的產品自主力較弱。石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。由於質素中等，唔建議大注投資，但相信油價上翻佢會上升的。同時這股收息不差。中天國際(2379)主要業務為物業開發、物業租賃及投資，及融資等等。佢一定係老千股，但此股規模好細，盈利好波動，更多年出現虧損。而且，核數師有多年要修定報告。這類企業，我都較有保留，不投資會較為穏當。------------------------------------------------Q21948：老師我係你學生，正分析914海螺，預計下年每股盈利HKD$8.23元左右X預計下年5.2 市盈率=HKD$42.7元914海螺，現價每股盈利HKD$8.06左右X5.3市盈率=HKD$42.7元老師請問我有冇計錯呢？現價合裡嗎？sir現價屬於合理區是嗎？龔成老師︰其實水泥行業，較受水泥價格和經濟週期所影響，佢近年每股盈利增長係唔錯。但長線能否能持這個水平(特別係大環境明顯轉差時)，是一個問號。因此，我地係計算每股盈利時，要用較保守方法，用過去7年平均數，大約為HKD4.3。之後，我地再用過去10年市盈率，中間的4個數字，去作為指標，區間為9-12倍。我地可以得出﹐其合理區大約係$38.7 - 51.6。當然，這只是其中一個估值的角度，而投資者在進行估值時，會同時用多個估值方法去進行估值，得出更立體的結果。現價算合理區頂，但你預佢股價會較波動。安徽海螺（0914）有質素，有增長力。佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差。你要記住，我地係做估值時，唔係所有企業都係用同一個方法。你要因應企業本身特性、質素、發展潛力等，去作出調整，計出來的估值，才會較為貼近現實情況。------------------------------------------------Q21949：你好成哥，我一直都留意左你好耐，亦都keep住有睇你d書。希望將來有時間黎上堂，繼續學習新知識。知道你有買比亞迪，小米，完美醫療 & 金莎，1.想問一下小米，完美醫療，金莎什麼價位才是合理價？2.另外，想預有一部分錢買入收息股，有什麼股票值得推介？3.之前$240價位不小心買入比亞迪及$293價位買入阿里巴巴，現在應該怎樣部處？ 謝謝！龔成老師︰1) 小米(1810)和完美醫療(1830)現價偏貴，要回多1,2成才算較合理。而金沙(1928)現價合理，可以分注儲貨。2) 目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。但你要明白一點，我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。如果你年青，可以「平穩增值股」+「潛力股」。中年人士，可以較集中翻係平穏增長股。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。小米(1810)和完美醫療(1830)算係潛力型，而金沙(1928)則是平穏增長股。另外，現時大市只在合理區，資金唔好盡用。最好留有部份，等大跌市出現時，可以用來掃貨。3) 這2隻係潛力股，都很有質素， 雖然你買入價較貴。但企業長線係會升值，你照持有就可以。阿里巴巴(9988)現價已算合理區，你可以加1注，之後每回調10-15%才再加。而比亞迪(1211)依然係貴，再加注要等到$135以下，才好考慮。或小注月供。------------------------------------------------Q21950：   你好，我今年23歲，去年畢業出來工作，存款大概20萬上下，3月的時候想過買入美股ETF，但因當時波動較大不敢入場而擱置。我的目標是建立長期成長投資組合，再以資產追資產，大都打算長期持有。美股考慮主要購入VOO/QQQ大指數ETF，以及輔以ESG、消費品ETF或內地/亞洲ETF，港股曾研究房地產領展及公用股（感覺較穩定，但見老師曾說增長較慢），債券就未有研究，只是認購了ibond打算開賣即放。（曾經亦對ARKK心動，但已成過去）不知道我選ETF配置的方向正確嗎？最近有保險經紀向我推銷月供基金，令我重新思考應以ETF還是基金進行資產投資，因為感覺兩者投資的內容相似，ETF自由度較大，經紀公司收費較高有固定年期，但亦有一些loyalty bonus。現時本人月薪只有萬四，扣掉MPF同家用節約洗費後可能得七千，這樣還應該月供ETF/基金嗎？老師會比較推薦美股還是基金呢？有可能兩邊同時進行嗎？如果自己月供ETF（例如$4000/月），是否也是分注投入不同ETF？而且月供隨時可開始，因平均成本無分高位低位？因擔心每月認購金額太少，手續費都蝕埋。最後例如美國指數雖有波輻，但長遠看過去一直持續上升，一次性較大手買入會否比用供基金更好？先謝謝老師花時間閱讀和解惑！另外工作行業多行合約制，現時合約到22年1月，未來數年又未知會否到外國進修/移民，目前仍是以回報多多益善為上策，但會摻入一些較穩定產品，不知道老師有沒有推薦?龔成老師︰當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。以你現時23歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。不論ETF、保險基金、股票，其實都有投資價值。但你都要分析佢質素、對該市場認知程度、投資策略、長線增長潛力、費用成本等。去睇翻邊個，最適合你現時年紀和風險承受能力。至於月供，其實都會因應市場平貴，去調整現金持有比例。但你係初學者，未識定平貴。我建議你理價格水平，一直長線去供。因為你自行調整，諗住某個時間先供多D，某個時就唔供住，我就唔建議。因為，若調整時機不正確，會大大影響左你平均價格買入的效果，令你得不償失。以下是一些適合你月供的股票，供你參考。你唔一定要用的建議的，只要你覺得有更合適的投資目標，而你又理解的，都可以用。現在你每月先用5成儲蓄做月供。其餘先儲起，用一邊月供一邊儲蓄的策略。月供方面，你可以選擇投資在平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)或潛力股︰QQQ、比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。現時大市只是合理區，你現有20萬資金可以先投入一半，用分注形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。你現時每月資金不多，可以先集中係1,2個股票，最好係一些較大型市場的ETF，好似盈富(2800)、VOO, QQQ，會較有分散風險效果。而且供得太散，變相會令每隻股票的月供成本增加，影響長線回報。另外，若你打算短期移民或到外國進修，而投資係要全數贖回的話，你就要留意。因為投資係一個長線計劃，如果投資年期較短(不足3-5年)。選股策略上，我地就要作出調整，不可太進取，以免中短期價格波動，影響你回報。------------------------------------------------Q21951：龔成老師，我現時40歲, 有自住樓重欠銀行$300萬，有－個物業收租，租金收入約$14000, 家庭總收入約$13萬，有兩仔女, 幾年後出外讀書，可儲蓄約每月5萬現有股票909, 1833, 2333, 3888, 9618, 1209, 853 (現價約150萬)，另有現金約150萬當不時之需1) 請問以上股票可持有嗎？2) 應否加大投資股票金額？3) 現時樓價高企, 值得再買樓收租嗎？想快些增長以供仔女留學之用謝謝龔成老師︰1) 上述股票，都係有質素，可長線持有。但當中股票，主要係一些波動性較高的股票。佢地增長潛力大，但風險都同樣高。特別係明源雲（0909）、金山軟件（3888）、微創醫療（0853）不確定性就更高。以你40歲年紀，這些潛力股可佔約4-5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。未來時間，你就要加大翻平穏增長股部份，令組合更平衡。2) 現時大市只在合理區，現金最好佔組合3-5成，你最多可以動用多1,2成資金，以分注方法，買入上述平穏增長股。餘下部份，就用來等大跌市機會。3) 從投資角度，現時租金回報率不高，用優質股做增值，值博率會較高。另外，我地財富組合除左要有增長力和質素外，平衡性都好重要。你已有2個物業，現時資產明顯係偏重於物業類。長線你應加入一些優質股，以免過於集中個別資產類別，而產生風險。因此，你新資金建議優先投入股市，去令成個組合更平衡。最後，投資增值係要時間，如果你子女會在短期就出外升學(不足3年)。該部份資金，投資時就要相對保守，以免價格波動風險，影響他們升學預算。------------------------------------------------Q21952：你好，本人現年25歲，自由工作者，每月收入約3-5萬，但有一筆本連息約50萬的負債，且不能提早還款，月供約1.5萬，請問我現時理財方針應以儲蓄（保本）還是投資（增加收入）為主？如建議儲蓄，想請教下你對零存整存嘅睇法龔成老師︰正常情況，當你有一筆負債，而佢的息率都不低的話，我會建議先還款，以免拖累長線回報。但由於你不能提早還款，這部份就不作特別考量。當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。這個是根據你年紀，去作出配置。與你有否這筆負債無關，只要你每月扣起相應還款金額，之後再作投資就可以。以你現時25歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。餘下的另一半現金，我地就等機會，當大市出現較大回調，就加大力度掃貨，然後作長線投資。至於零存整存這類產品，風險無高，但增值能力同樣好弱。對你年紀，我唔建議你用佢，作為財富增值工具。------------------------------------------------Q21953：龔成老師您好，請問如果有五萬人民幣現金在手，應該投資內地股票 / 做定存 / 還是兌港幣投資月供好？龔成老師︰從財富增值角度，你應將資金集中係優質資產，好似優質股、物業等，去做財富增值。定期存款增長力不高，除非你這筆資金短期內要動用，或者你風險承受能力十分弱，否則不應作定存。至於內地和香港股票，都係可以投資。若你現時無投資知識和經驗，對企業估值，點去定平貴未必會太了解。建議你先利用月供模式，去做增值，可以減低買貴貨風險，對你而言會較理想。------------------------------------------------Q21954：龔Sir，你好，很羨慕有好多人都可以很早便財務自由，心想如果在我年輕的時候有人告訴我就好了。白手興家，辛勤半生（一陣短命啲可能已經大半生）但無奈沒有把握時機。可以請你看看我的情況，如何能夠在退休前的日子扳回一城，等佢優之後無憂無慮嗎？重點分析：-距離退休還有15年-家庭收入約$120,000一個月-每月供樓$30,000，尚餘17年-要養四大長老及小朋友，開支大-自己節衣縮食每月可儲約$40,000-有百萬左右股票（港交所20%，匯豐、中國平安、友邦、工行、港鐵、領展、新鴻基地產、小米、騰訊、阿里巴巴、特步、金風科技（我覺得呢隻賴嘢）、吉利、雅生活服務等各佔5-8%)-現金約70萬-MPF 預計退休時好彩的話有6-7M (市有上落，很難說）目標：-退休可負擔每月約$30,000支出，不用靠孩子-有$2m可支付孩子將來首期到底每月可以儲嘅錢應該點樣分配好呢？萬分感謝！龔成老師︰如果你希望15年後每月有3萬蚊現金流，以股息率6%計，你需要本金600萬。你現時持有股票，都係有質素。但當中潛力股(1810, 0700, 9988, 0175)，我唔建議再加注。因為以你的年齡計，其實要開始為退休做準備，財富仍有增長力（但不可以太進取，故潛力股不宜持有太多）。因此，你可以投資「平穩增值股」+「收息股」。你可以做月供股票，供「平穩增值股」+「收息股」，每月5成儲蓄做月供。其餘先儲起，用一邊月供一邊儲蓄的策略。但就隨著年齡增加，慢慢增加收息股的比例。到退休時，你收息股比例，應提升至100%。平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、平安(2318)。同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。若你想增長力大D，可以較集中係平穏增長股。大市現處於合理水平，那70萬資金和每月儲蓄，就等大跌市機會出現，才大力度掃貨，並長線投資。若你能維持月供$40000 + 現有資產170萬(現金70萬、持股100萬)，我假設投資回報有7-8%（連股息再投資），15年後大約會增值至1500萬，故這樣安排相信很大機會達至你的財務目標。到你退休前，慢慢將收息股比例，應提升至100%。透過這些收息股，去創造現金流，供你退休生活，咁就可以。另外，金風科技（2208）主要從事製造並銷售風力發電機組及風電零部件，佢有提供風電相關諮詢，風電場建設、維護服務；建立及經營風力發電場；以及提供污水處理業務及融資租賃服務。整體算不差，但股價有點波動。睇佢近年股東回報率都有下跌，代表佢賺錢能力弱左。加上此股負債不輕，都係一個風險因素。此股可投資，但不宜持有太多。若佔你組合不多，持有係可以。------------------------------------------------Q21955：老師，我想請教：投資(月供) Vs 儲錢成哥你好我睇左你既post 同書都有2年幾。我有D關於儲錢同投資既概念分得唔係好清楚，想請教下你。我今年30歲，月入22K 一個月可以儲到13K，目標係3-4年內儲夠首期。依家月供緊盈富同中芯各2000蚊。黎緊諗住搵多隻潛力股供。2000蚊。依照我依家既月供方式去投資，我每個月供6000蚊。淨低既錢就有7000蚊。3年內儲到252,000。但如果我唔月供的話我3年可以儲到468,000。月供會減慢左我儲首期計劃，咁我點解仲要繼續月供呢?BTW我報左你股票班，期待見到你真人學多D智識。多謝龔成老師︰你有個基本概念錯左，你依然停留係現金模式。我地進行財富增值，其實就係將一直貶值架現金，轉換成優質資產的一個過程，佢可以係股票、物業、一盤生意等等。若果你一直以儲現金，去作為累積財富的方法。你只會見到，自己個購買力越來越弱。相最基本跑嬴通漲，你都做唔到。相反，你持有一些優質資產，好似優質股、物業，佢地長線跑嬴通漲之餘，都可以令你財富有所升值。所以，你要改變現時想法，由儲現金變成儲優質資產。你現時月供計劃係可以，每月餘下$7000就先儲起，等大跌市機會。新增一隻月供股票，你可以選擇其他優質股。由於投資係一個長線計劃，你可以等上完堂，有個完整概念再調整，相信會更好。課堂見!（你可以等上完堂先更具體配置）。------------------------------------------------Q21956：您好龔sir, 本人40多歲，為單親媽媽，原本有份穩定職業，平均月入近4萬，可惜近幾年事業出現極大錯敗，失業，近日只能找到一份文職工作，月入萬多。由於本人一直不敢冒險，即使早年已有在正職下搞生意的想法，可惜網上生意又搞不好，已停頓了，跟本沒有賺過錢。龔sir你曾經講過要建立被動收入，其一就是在有正職下亦要發展小生意，據我經驗，有正職要分身發展生意似乎有點困難，請問可以指教一下嗎？另外投資方面，我是新手，有穩建又有點增長的建議嗎？以我這年紀，才開始做小生意不敢承受大風險，還可以嗎？現金30萬，可以如何投資？謝謝指教！龔成老師︰當你本身有正職，再同時間去發展一盤生意，會係有些困難。但由於去創業，本身有一定風險，除非你好有信心，加上本身有一定本錢係手，就算有一段較長時間，收入較少都不成問題。見你之前網上生意，都不太順利，或許你對這門生意上未能完全掌握。我建議你先用正職+ 兼職小生意的模式，會係較穏當。到你有一定生意經驗，或者本身個生意開始上軌道，才全力投入，會較好。至於想創業，其實任何年紀都適合，只要你做好風險控制，就咁可以。投資方面，以你4X歲，可以選擇一些「平穩增值股」+「潛力股」作投資目標。由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。大市現處於合理水平，那30萬資金(扣除你小生意要用的資金)，你可以先用一半，以分注形式慢慢入貨。餘下一半就等大跌市機會出現，才大力度掃貨，並長線投資。------------------------------------------------Q21957：龔成老師，想請教一下理財方向，希望日後得賜教回覆本人39歲月入73k左右 (連bonus 年收入約1.1m左右），早年因理財不善所以未有太多錢儲蓄（現幫家人供樓），只約400k現金，完全沒有買股票經驗（早年因為無錢），相信保險買了一些年金及投資基金，有賺但回報時間冗長。扣除以上月可儲15-20k左右。想請教︰1. 想開始月供股票，因為我無時間day trade，什麼是好選擇？2. 目標希望可以3-5年有能力買樓，請問是否應採取進取或中低風險增長策略？目標市區兩房，不一定是新樓，因有現樓住，只是長遠退休收租回報之用。3. 常聽買債的回報高，請問現在是否安全？迷你債券事件會再發生嗎？希望老師可以在日後專欄回覆，萬分感激龔成老師︰首先，你要清晰一些投資概念先。我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。所以，你唔係唔洗不停睇住個市，因為唔係做DAY TRADE，而係長線持有優質股。另外，保險主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。你39歲，應以增值為主，建議你用「平穏增長股」 + 「潛力股」作組合，去創造一個增值平台。現在你每月先用5成儲蓄做月供。其餘先儲起，用一邊月供一邊儲蓄的策略。由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。現時大市只是合理區，你現有40萬資金可以先投入一半，用分注形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。2) 用以上月供方法，假設投資回報有10%（連股息再投資），你每月投資$15000 + 40萬現金，5年後大約會增值至160萬，相信對你置業都有一定幫助。但緊記，我地投資理財，除了講增值，都要顧及組合的平衡性。係你買屋同時，必需留有一定優質股作增值，否則會過份偏重物業類，而造成風險。3) 從財富增值角度，債券增長力不高。較適合一些退休人士，用作創造現金流。但用來累積財富，就未必咁適合。債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。同時，現時息口低，但未來有機會重回加息週期，債券未必是最好的投資工具。另外，你會不時聽到一些債券基金，係坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。第一，有些債券基金，會投資「高收益債券」，即是「垃圾債券」，你一定要睇睇佢所佔的比率。第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。我不是說債券基金有問題，只是說明當中的風險，因為市面上的基券基金好多，你要仔細分析。------------------------------------------------Q21958：龔sir你好，本人有200萬，有100萬巳買了股票有700 1810 2013 1347全是高位入，現還未能去到買入價 ,做了蟹貨，現在還有100萬現金未買，我應點去買呢，本人已40歲，沒有返工的，有一個小朋友要供養，我怎樣可以將餘下的100萬變出倍計的收益呢？我不想蝕咗可能是我的最後 100萬，我應怎樣做？ 請指教，我想買你嘅書睇，應買邊本呢？感激你的回覆。龔成老師︰若你想持股有倍計收入，簡單來說就係買入一些優質股票，並長線持有，讓其慢慢自然增直，以達至財富倍增的目的。但這個倍增計劃，係要長線。講緊係以年計，故你唔好預短時間內，對你財務上會有任何幫助。另外，投資再有質素的增長股，都會有風險，有機會出現虧蝕。若你係無法承受這個風險，你只宜投資一些收息股，甚至只作定期。你要自己從風險與回報中，取個平衡。雖然你係買左貴貨，但這些股票都有質素，長線都會升值，所以你照持有會係最好。但較大問題是，你而家組合太偏重左係潛力股(全部都是)，佢地雖然有增長潛力，同時風險都較高，不宜持有過多。以你40歲年紀，潛力股可佔約4-5成，餘下應用以下平穏增長股。加上你投資經驗較淺，潛力股比重，要再調至2-3成以下。到你學到一定投資知識，才慢慢調高。未來時間，你就要加大翻平穏增長股部份，令組合更平衡。除了新資金，必需優先投入平穏增長股。你現有持股，都可以考慮沽出部份，同樣換碼至平穏增長股，去平衡風險。平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)由於你現時無工作，同時間要供養一個小朋友，所以你必需為自己預留一筆半年開支，以備不時之需。若你預期家庭無收入狀況，會維持一個較長時間(例如1-2年以上)。你可以考慮將部份資金，買入一些收息股。佢增長力會較弱，但勝在有穏定現金流，可以支援你生活開支。目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)現時大市只係合理水平，現金佔比重大約3-5成。你可以多用少少資金，分注入貨。餘下資金，就等大跌市出現，才加大力度掃貨。書本上，你可以先睇我架《80後百萬富翁》、《財務自由行》和《股票勝經》，都適合初學者。------------------------------------------------Q21959：龔成老師你好，有投資問題想向你請教，我今年30歲，希望可以盡快存到首期買樓，月入2萬幾，每月可儲1萬。2017年開始買股票，一直都贏粒糖 輸間廠。內銀2017年買入，現在價位相差太遠 沒有出售中行 4.28買入，5000股工行（買入價位已忘記），1000股建行 （買入價位已忘記），2000股一兩年前買入匯豐56.5買入 (400股）鐵塔 1.7買入 （6000股）近期阿里巴巴 （有溝貨，均價買入267，400股）京東 （有溝貨，均價買入334，100股）京東健康 （有溝貨，均價買入146，100股）小米 33買入 600股現有流動資金大約20萬，應如何再投資？龔成老師︰從質素上，你持股係無問題，都可以長線持有。但從配置角度，問題較多。首先，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。你現時銀行股和阿里巴巴(9988)明顯係超標，但阿里巴巴有質素，你可以照持有，但暫時不要加注。而銀行股，除了比重過高外，佢地本身只係收息股，增長力不高。用作財富增值，但不適合。建議你沽出部份，換至其他有增長力股票。另外，我見你大部份股票，都係高位入市。我估你都幾受市場氣氛影響。這個也是你贏粒糖，輸間廠的原因。記住，當個市場好狂熱，個個爭相去買股票架時候，好多時個價都係被炒起左。就算你買入股票有質素，長線回報都會受影響。另外，我地繼續持有一隻股票與否，不是建基於賺蝕數，而是企業的質素與長遠發展。你過往投資成績不佳的原因，就是你建基於「賺蝕」去決定是否持有，同時，當你見到股價下跌，想拉低平均買入價，就會「溝貨」，同樣是集中在「過往買入價」，你應該改變這思維，以「怎樣令財富組合將來有最好的增長」為目標。未來你再投資，應先集中用月供模式，去平衡買貴貨風險。到有一定經驗，才去一直買貨。以你30歲，可以選擇一些「平穩增值股」+「潛力股」作投資目標。以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）潛力股：安碩恒生科技（3067）、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q21960：龔成老師，新股Boss直聘值得入貨嗎？謝謝！京東物流這隻股會否升值？龔Sir, 對於京東物流2618是否值得長期持有呢？Thx龔成老師︰Kanzhun Ltd ADR (BZ)主要提供線上招聘服務，為求職者和企業提供直接溝通的線上平台。從業務上睇，佢係有投資價值。但由佢依然係燒銀紙階段，幾時先會有穏定盈利，無人知。不確定性很高，要做個較穏當的估價，係好困難。只能說現價唔平，而且此股有一定風險，就算投資都只宜小注。京東物流（2618）都有質素的。京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務，從倉儲到配送，從製造端到終端客戶，涵蓋普通和特殊物品。根據一些調查報告，按總收入計，這企業係中國最大的一體化供應鏈物流服務商。2018、2019 及 2020 年，京東物流營收分別為人民幣 379 億元、人民幣 498 億元和人民幣 734 億元。京東物流於 2018、2019 及 2020 年產生的虧損淨額分別為人民幣 28 億元，人民幣 22 億元及人民幣 40 億元，不過，如果扣除一些非現金流的開支，又未算太差。佢表示，上市集資所得，部分將用於升級和擴展該企業的物流網絡；部分將用於開發與供應鏈解決方案和物流服務相關的先進技術。企業有優勢的，長遠發展正面，但中短期股價未必有好強的表現，這股都有投資價值，但現階段未必值得大額投資。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

關於 又一城有咩玩 ，我們在網路上蒐集到這些相關的討論、資訊與評價

「又一城有咩玩」的推薦目錄：

又一城有咩玩 在 Facebook 的最佳貼文

About author

又一城有咩玩 在 Facebook 的最佳貼文

About author

又一城有咩玩 在 龔成 Facebook 的精選貼文

About author

又一城有咩玩 在 Smart Travel Youtube 的最佳解答

About author

又一城有咩玩 在 Kason Youtube 的最佳貼文

About author

又一城有咩玩 在 falllab Youtube 的最讚貼文

About author

你可能也想看看

搜尋相關連結

關於又一城有咩玩，我們在網路上蒐集到這些相關的討論、資訊與評價

又一城有咩玩在 Facebook 的最佳貼文

又一城有咩玩在 Facebook 的最佳貼文

又一城有咩玩在龔成 Facebook 的精選貼文

又一城有咩玩在 Smart Travel Youtube 的最佳解答

又一城有咩玩在 Kason Youtube 的最佳貼文

又一城有咩玩在 falllab Youtube 的最讚貼文