關於 又影bikini閨蜜照 ，我們在網路上蒐集到這些相關的討論、資訊與評價

【左攝右攝入澳洲—阿蓋爾湖Lake Argyle】
#澳洲打卡checkpoint逐個捉 #LakeArgyle #阿蓋爾湖 #西澳最大淡水湖 #又影bikini閨蜜照
阿蓋爾湖（Lake Argyle）係位於西澳嘅的東北面，亦都係北領地（North Territory）嘅邊境，距離西澳首府珀斯（Perth）大概都有3400公里嘅車程咁遠㗎！反而距離北領地首府達爾文（Darwin）就近少少，大概約825公里車程啦，距離最近嘅城市是庫努納拉（Kununurra），所以話想去睇到靚絕的風景都唔係易㗎！阿蓋爾湖（Lake Argyle）係成個西澳最大、全澳洲第二大嘅人工淡水湖，喺1972年就起好㗎喇～ 畀多樣資料你啦，喺漲水期，阿蓋爾湖嘅水域面積可達到驚人703平方公里㗎！即係幾多？係為人所熟識嘅悉尼港（Sydney Harbour）嘅20倍啊！係咪睇數字都可以感受到佢嘅威力呢？ 阿蓋爾湖（Lake Argyle）仲係全世界唯一一個淡水湖開放出嚟搞游泳馬拉松比賽㗎！不論係個人定泳隊都會喺阿蓋爾湖參加10公里同20公里嘅比賽～ 未操到咁fit 參加比賽？唔緊要！影下相打下卡先又得啫！https://bit.ly/2rsBEme

地址：Lake Argyle WA 6743, Australia

【左攝右攝入澳洲—摩頓島Moreton Island】
#澳洲打卡checkpoint逐個捉 #MoretonIsland #摩頓島 #摸黑餵海豚 #又影bikini閨蜜照
距離布里斯本只係75分鐘嘅摩頓島Moreton Island 係世界第三大沙島，差唔多成個島都係沙嚟㗎！島上居民多數都係揸四驅沙灘車嘅，而島上熱鬧嘅區域行路就可以去得哂㗎喇！最啱同朋友三五好友一邊食好嘢，一邊吹住水咁過一個放鬆愉快嘅夜晚！島上係有好多唔同嘅水上活動㗎，就好似浮潛（Snorkelling）同獨木舟（Kayaking）咁，就連滑沙（Sand boarding）都有㗎！睇下啲相啦，隔住個mon 都feel 到有幾水清沙幼啦！雖然夜晚難啲影到相，但係其實喺摩頓島，每日夜晚嘅重頭戲係餵海豚啊！通常參加者會獲派一人一條小魚，受過訓練嘅海豚就會喺訓練師旁邊乖乖咁等，只要依照訓練師嘅指示餵食就得㗎喇！想又有得玩又有得影靚靚泳照，摩頓島幫到你喎！https://bit.ly/2HvkIGs