【打歪攻略：一句KO政府歪理難度排行榜】
為捍衛市民利益，我哋嘅研究員經常四出決戰官商鄉黑。要做到一句KO政府權貴嘅歪理同大話，難度幾高又有幾多人知呢?
Level 1：對付歪理要做足功課，比對手更加熟書。
(難度分析：因為大部分對手都唔做功課，所以其實唔難。)
Level 2：香港啲歪理Fake News日日新鮮，跟都跟唔切。
(難度分析：咁就要搵到班志同道合嘅人一齊傾同即時Fact Check，就會做到即日KO嘅效果，靠自己做獨力難支。)
Level 3：歪理天天都多，我又應得幾多個?
(難度分析：咁就考你轉數快，平日有冇keep住捕捉政策論述走向，搵出突破歪理嘅關鍵缺口。)
Level 4：有時唔係冇人洞悉到個歪理，只係岸郊野唔賞鯉。
(難度分析：就呢一個moment，研究員要坦然接受「你唔堅持呢刻講出事實，世界就唔會有人講」嘅絕望真相。)
Level 5：道理係人都明，但就唔係人人都講得明。
(難度分析：研究員要開始學會將複雜道理講得易明之餘，又不失嚴謹性 (engage simplicity)，唔係咁易㗎葉師傅。)
Level 6：其實道理真係唔係人人都明，但道理講一次係新聞、第二次就係長氣。
(難度分析：咁就考驗你識唔識將研究內容不斷推陳出新，應對訊息時代嘅挑戰。)
Level 7：通常講歪理最強係識得「揼波鐘」，消耗哂民間極寶貴嘅air time就代表佢贏。
(難度分析：要適當時候敢於中止對手自說自話，打出自己嘅節奏，攞返個Beat出嚟。)
Level 8：明明毫無根據，但因為佢拎著專家學者嘅名銜，啲人就信佢講嘅嘢。
(難度分析：咁就已經唔只係即日一句KO佢嘅問題，而係要年年出版最認真嘅民間研究，累積我哋嘅公信力同本錢。)
Level 9：當歪理講唔贏你，佢就會話「你嘅意見只係社會一小撮人嘅意見」，搵好多分身上嚟扯貓尾，將你講嘅嘢邊緣化。
(難度分析：好難㗎，因為已經唔係事實同理據嘅比拼，而係資源同工具嘅較量，要靠「以小勝多」同「刀仔鋸大樹」嘅方法。)
Level 10：對著雷X鳴之流，啲歪理嘅無知程度同嘴臉十級難頂，點可能平心靜氣用理據回應……
(難度分析：研究員心裡知，但研究員不說——怒變笑)
所以講到底，大家平時睇人KO最開心，其實要KO歪理唔單只係事實同理據嘅比拼，而係資源同工具嘅較量呀！ 重要嘢就重覆多一次啦——要堅持事實與真相，我哋嘅眾籌仲爭少少，每人月捐$300大召集，請與我們一起抗擊時代歪理！
💰立即捐款：https://liber-research.com/support-us/
🌏了解更多：https://liber-research.com/about-us/
For English version, please see:
https://liber-research.com/en/support-lrc/
https://liber-research.com/en/about-liber-research-community/
我們在極短時間內製作網頁和眾籌計劃，資料或有未完善處，請多多包涵。如有任何查詢，歡迎pm本專頁或電郵至info@liber-research.com，感謝！
