網絡世界係咩呢?
係一個指控人唔駛要證據,但你要為自己辯護,就要連出世紙都拎埋出黎俾全世界睇嘅地方。
早幾年有人話我收大陸錢、去到英國都做中資銀行,甚至話我呃人錢、炫富、窮鬼扮上菜。我可以點?印晒我所有bank statement 俾你睇?在公司開live證明我做嘅係外國銀行?
點解我要俾一班三九唔識七嘅人粗暴而懷有惡意地瀏覽我的私隱?我開完公司名等你狙擊我份工是吧?我無呃過人錢,我點樣證明一件不存在的事?我點樣同大家解釋我嗰句「搭飛機只能搭business class」係一句玩笑?要用測謊機開live嗎?還是要把心挖出來給大家看?到底一年要賺幾多先至叫做富?我至今一件名牌都冇擺過上網又炫左啲咩富?(買特價貨倒是常常post的,請問哪門子的「貴婦」會同班師奶在超市搶平價貨?)
事實上,根本證明不了,所以我讓時間證明一切,大家睇左我咁多年,應該知我係咩人,是吧?
我其實無睇事情的來龍去脈,不過我見個女仔講自己姓氏同出生地,我猜佢應該係俾人質疑「係咪大陸人」吧?
咁依家證明左佢唔係大陸人,你睇下留言,有沒有人道歉話自己冤枉對方?沒有的,只會繼續狙擊。
其實大家要嘅根本唔係真相,大家都係要個發洩對象,剛好這次是這個youtuber 而已。
#你問我點解唔開YouTube
#你明白未
#我寧願開OnlyFans都唔開YouTube
#反正都係俾人打飛機用
#起碼我唔駛做免費雞
Search