「你話過我係你條女,總之我成世跟實你嫁啦!」
那夜一個無知的口吃古惑妹-細細粒,不知天高地厚
偷了黑幫洪興後起之秀陳浩南的車,連他本人還未見過
竟錯有錯著在酒吧邀請他幫忙去和山雞談判,希望憑車得到三萬元
最後被浩南哥一群捉到飛鵝山上作弄,逼她要吃過幾十籠叉燒包才放過她
幸好細細粒遇到的是他們,幸好也只是吃叉燒包而已
後來在細細粒被逼拍色情片時,浩南哥扮認他的男朋友出手相救
那時候互相就認定了對方,要過一輩子
後來細細粒在逃避追殺時受傷,更試過昏迷和失憶
還是無損他們的感情,可惜相戀的故事最後還是悲劇收場
直到細細粒犧牲後,浩南哥再也無法愛上別人
.
要提及香港最本土有關黑社會題材的電影
必定會聯想起《古惑仔》系列
而第三集亦是電視台重播最多的一集
加上是劇情上比較淒美,所以最令觀眾印象深刻
兒女私情從來都不是黑幫電影的重點
但陳浩南和細細粒的這一段卻成了最難忘的部份
《古惑仔》本是香港漫畫,被改編拍成1-6集的電影
後來更發展多套新傳和外傳
全盛時間期捧紅了不少知名演員,包括洪興社團等人及黎姿
多首耳熟能詳的歌曲亦是電影中的主題曲及插曲
其中最喜歡的就是在細細粒犧牲時播放的這首《甘心替代你》
.
古惑仔3之隻手遮天 Young and Dangerous 3 (1996)
主演:鄭伊健,黎姿,陳小春,張耀揚
🌟新書🌟
《電影療傷誌-願一萬次悲傷後,都能找到一次真心的相遇》
誠品、各大連鎖書店、Kubrick、HKTV Mall有售
#古惑仔3之隻手遮天 #電影對白圖 #moviematic #電影語錄 #電影推薦 #電影少女 #電影金句 #電影台詞 #電影心得 #電影介紹 #電影對白 #對白 #語錄 #台詞 #電影 #movie #film #mm無聲絕境 #mmmm精選電影重溫
古惑仔大飛金句 在 Facebook 的最佳貼文
[我講嗰個西貢,而家叫胡志明市呀]假裝在越南🇻🇳。之前在投注站對面,有人話某金融KOL一提就好多人。咁即係,鍾意嘅嘢梗係讚,唔通想人執笠冇生意咩(雖然有時都會有私心驚講完啲嘢好多人去,但反覆思考下,都係唔知醜太高估自己)
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
TLDR:原本講越南🇻🇳,變咗講《濁水標流》,同埋社會。食評?冇喎。
1. 而家搬遠咗,何福堂七仔再過。餐牌多咗嘢,有春卷有飯。之後報告。多咗個人幫手(佢阿媽?),但廣東話就麻麻地,唔似Jason 咁流利。大家講嘢唔好咁快咁複雜。
2. 又,屯門越南🇻🇳人好多都住呢頭。「之前有單情侶斬人都係」
3. 老嘢會知,我舊文都有寫(https://bityl.co/7uCf),屯門當年有好大個越南🇻🇳難民營,在虎地。而家富泰/嶺南大學個位。仲係開放營。越南🇻🇳人可以出嚟買嘢,甚至打工。
4. 我細個住兆康,細細個就接觸越南人。「就好似村上春樹在神戶海港接觸外國人咁」。舊文都寫過,越南難民,男人咪做地盤,做古惑仔好似冇乜,龍五咩(嗰時黑社會仲未老化,「人工」又還好,仲吸引到本地人,唔使搵南亞人)。
5. 女嘅?咪賣身。都市傳說「十二個蘋果」,係咪十二個唔重要,係咪蘋果都唔重要,但肯定係有呢啲勾當。呢啲冇乜需要潔癖刻意迴避的。冇乜技能嘅女人,搵錢當然係靠呢樣,有乜好奇怪?你見Florida Project都係咁,叫個細路入房就算架啦!(*)。
6. 我並唔係要做女權自主L講到做雞點高尚點尊貴,點樣反污名化.雞咪雞咯,正如盲人係盲人 基佬係基佬,你問佢地佢哋都覺得冇問題。咩「visually impaired」之類,左膠自己感覺良好啫。我基佬聾人朋友都係自稱基佬聾人,亦唔介意人咁叫(兩個人啦,唔係又聾又基)。
7. What's in a name? That which we call a chicken by any other name would taste as sweet.正如我唔係美化吸毒或乜,但,根本就十分平常。你個世界可能冇呢啲嘢,但你個世界唔係全世界嘛。
8. 舊文提過,《過春天》茄輪都唔打個,亦係呢種潔癖。《麥路人》就仲好笑,根本呀「媽媽」下海合理之極。而我唔明呀金融才俊阿博嘅邏輯在邊,做乜去飛機場幫人出火就得(唔係正骨可以搵八萬蚊下話?邊度請人?),企街就唔得。
9. 《濁水漂流》並唔算好出色,但佢比《麥路人》好嘅係「誠實」。喂啲「街友」慶祝兄弟出冊就係醒一針。人地個世界係咁的。你見美國啲窮黑人都係咁,為乜呀?電影講到明(我覺得太明),等你走唔出呢個圈呀。唔通你「上流」咗會關心啲道友兄弟?人地就係唔想見你成功有正常生活。梗係要drag you down
10. 正如呀吳鎮宇明顯對阿木投射咗父子情(又係講得太白),阿木去吸毒佢要鬧,朋友引阿木佢都唔畀。明白係嗰種「我自己衰但唔想個仔衰」嘅心理。
11. 咁所以,佢去請阿木叫雞,根本亦係合理之極,唔通幫佢訂一年《端傳媒》?(即係咁講,或者,唔通幫佢訂一年 Ivan Li Patreon?).我記得《華爾街》人地corrupt the youth,咪出花紅帶佢叫雞咯,睇得起你呀。
12. 喂,係咁架喎,唯一唔合理就係做乜深水埗企街有啲咁後生嘅女,仲好似係本地活雞。我就冇見過啦,導演不妨介紹下。
13. 舉一反三,《濁水漂流》入面,你見呀老爺一行人,就係去舖頭偷嘢。係咁架喎,根本平常之極。一樣,我唔係「美化」犯法或偷嘢(私有產權是資本主義的基石),但更唔係講咩「竊鉤者誅,竊國者侯」之類(雖然好大程度上係),唔係講咩「制度不公義」咁上綱上線。
14. 應該睇到呢度,好多人都不滿我呢句「喂,係咁架喎」。「個社會就係多呢啲你咁嘅仆街先搞到咁」「點解唔去改變佢」。但,喂,真係咁架喎!你當然可以或者應該去改變佢,「人人係咁唔代表你都要係咁」,正如我都冇去吸毒冇去偷嘢。但,你自己做好自己咪夠,我就至怕人指指點點其他人,「你應該點點點」,人地嘅人生,我嘅人生,關你撚事咩。
15. 我本書都未有位講,人生一大法則:唔好畀unsolicited advice,好乞人僧的。我以前都會,大個先知幾咁討厭。你點咗條好路人行,就自不然做優越青,「拿,嗰時多得我叫你入建造業訓練局咋,人工仲,哈哈哈」。你點咗條衰路人行?人地怨你一世添。
16. 係,好多人就係咁的,講過隻股票佢輸咗錢都嚟怨你啦,一定係有人拎住支搶指住你買的。呢個世界好多人,就係唔會為自己嘅決定負責任。但,喂,係咁架喎!
17. 所以,你見我核心價值都係個人主義,你咪煩我我咪煩你,大家走大家嘅路。
18. 呢個未必係《濁水漂流》嘅價值,但首先導演有講,戲入面蔡思韵嘅角色,就等於當年嘅佢。講真,呢啲中產,唔係話你不知民間疾苦,但,你點去明白人地嘅感受呢?導演本人,戲入面嘅蔡思韵,仲有我同你都係。
19. 我個人覺得戲入面拍啲大學生迎新營去露宿者度學習,又搞埋啲咩理想家園,就好有喜感。雖然我後來發現而家O Camp真係玩呢啲,好彩我早出世。而似乎導演拍呢啲唔係為咗諷刺啲大學生消費露宿者,實請畢業爭住幫地產霸權同政府出力起樓,只係我太cynic
20. 真的,適可而止,可能咁啱嗰排得閒,我睇咗好多導演嘅訪問。戲入面有一幕我好欣賞,個記者訪問吳鎮宇,問佢故事,都刻意中斷咗—呢個安排係特登的。我見唔少講法話故事無頭無尾(想點?),冇講到點解班友淪落街頭,冇講背後嘅故事。導演有話:就係特登唔講,因為佢唔想你有代入感,唔想你搵到自己嘅影子,「第時我都會係咁」,導演係寧願你用一個抽離啲嘅角度睇。
21. 食評?冇喎,等緊嘢食。但你睇我啲文為咗睇食評?
(*)Bonus:大逆不道,但我都真係要講,希望我老母睇唔到。話說我十歲八歲時,我老母都係好撚神秘咁,有時夜晚唔見咗人,仲要特登打扮咁。咁嗰時老豆已經走佬,我雖然十歲八歲,但都知好多嘢,都心諗哪有錢?我嗰期係真係幾乎以為我老母去賣身或坐枱的(未免太高估佢?但,我十歲八歲時,我老母三十未到喎)。真係罪過罪過。真相?佢只係約咗情人啫,佢後來老公,當時都搞離婚,好合理,況且係我老豆有婚外情在先。不過呢,就真係唔好低估啲小朋友嘅「懂事能力」,我細細個已經sense到呢啲嘢,由佢會打扮已經知。亦證明我細細個就係一個好敏感嘅小朋友,都話啲單親家庭嘅小朋友好多都係咁。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
古惑仔大飛金句 在 希比 Facebook 的精選貼文
爆咩野大鑊呀?我點識東星耀揚呀?
-------------------------------------------
電影迷完全手冊 X 港產片朝聖指南 X 背囊客打卡秘笈
YouTuber HEBEFACE 首本作品【港產片朝聖天書】書展首賣!
.偵探級考證
.用幾百小時搜集資料
.用盡幾多缸油錢
.動用航拍及舊香港地圖
.記錄過百個港產片拍攝場地
定價$98 - 書展期間另有折扣優惠
書展期間 (14/7-20/7) 於1B-C02攤位火速發售