【#士佳說 】張士佳：第三場
昨日好多人都中招，尤其上周五做出一枝靚仔陽燭，好多專家都話購買力出來了，又話底部已找到，大升可期，結果事與其願違。
如果有睇我上周五的sun channel 訪談，重視我的睇法，昨日不但唔應該蝕，仲應該賺錢，現原文節錄如下：
「周三古惑咁升，周四古惑咁跌，見到呢d要特別小心。……..過去出現了九次……..跟住落黎的走勢……..黎緊做番枝靚仔的陽燭，會反彈，但係呢個彈呢，我覺得唔係「買過曬」，彈左要開始獲利了，今次係有所擔心的，比先前凝重更加要小心」
上文不正正就是星期五反彈，昨日不要買過曬，要獲利的寫照嗎？昨日係獲利的好機會，我比同學的分享很簡單，就是三個字「吃吃吃」叫食糊，尤其昨日開局，我SUNCHANNEL講的#568，繼星期五升五成，昨日又升五成，兩日倍幾，誇了點吧！我選擇食大部份，今次大家話股災，其實一點都不難估，美期尤其帶動大市上升的NQ，不計昨晚已連跌四日。
連跌4陰，由去年的十一月開始，幾曾出現過，所以我上周美股都一樣「吃吃吃」，吃了七成。好多人買這些人氣三媽股（什麼大媽、契媽、ELON媽，），昨日一跌就已經懷疑人生，鬼咩！好似＃9923移卡計埋今日四日跌30幾元，成30%，上周二大升就以為唔買就笨，尤其睇埋現在那些左抄右抄的亂UP視頻吹噓，唉！輸完港股的媽，有輸美股的媽，仲唔媽媽聲，投資來說，在我心中只有一個「媽」最可信，就係「媽屐」。
不過，大家又唔洗咁驚，昨日我都擺低個兩位，短期內，陽收破31116睇好，陰收破30021睇淡，而家唔使咁急住，只要控制注碼得宜，反而係賺錢的好機會。
上周都有些朋友問我呢隻洗唔洗驚，果隻洗唔洗驚，我答個別股唔驚，但要驚的是整體風險，現在市況與先前不同，先前係盡量坐，用少D止賺，坐長些，但現要用多些止賺方法，盡量走。
其實你有方法睇，呢兩日都一樣有好野，我講的資源順周期，農務股，昨日不是很好嗎？#1378，#1205 仲狂升緊，紙股都升十幾％才下跌，豬肉#1610，#38 同個市都無關，係跌的最後一批，大把時間食。真係唔買唔舒服嘅，可以揀些舊經濟股好似太古B，或者滄海遺珠100億唔到嘅資源股昨日古古惑惑，現在趁市回落，上番車，及一些十四五新能源股，呢啲一係啱啱升，一係跌左幾耐，先前冇累積巨型升幅所以唔係好驚。今日回來，我會睇30021守唔守到先，如果守到，我會先補返啲貨；如果守唔到，我會等一些先前想買但一直都買唔到嘅（像＃150）或者高位走咗嘅靚股好像＃2858，等”蕉皮”的低風險入市位才入場，唔使急，須知道第七場好好賺，但你第一二三四五六場先不要亂來。
↓↓↓↓點擊下圖，詳文講述↓↓↓
#SKYSIR #張士佳 23.2.2021
