一杯飲品可以肥過兩碗飯!🍚🍚
最近台式飲品大熱,不過原來飲黑糖珍珠鮮奶、珍珠奶茶都已經可以肥過兩碗飯,連望落好似好健康嘅水果茶都已經可以肥過一碗飯,當中可有8至13粒方糖添!😱😱😱😱😱😱
根據世衛建議,全日攝取嘅游離糖要少於全日攝取能量嘅5-10%。即係如果你一日食1600卡路里,就要少過8粒方糖,而少過4粒方糖就對健康更好啦!
食得太多糖,可令熱量攝取增加,進而體重增加, 加上唔健康嘅飲食習慣同生活型態, 可能加速皮膚老化、出痘痘、出皺紋添!對糖尿病人士,就更危險啦!可能會加速併發症嘅出現,如糖尿腳、視力衰退、腎病等等添!
同埋飲品中仲有好多糖衣陷阱!例如低糖飲品、無添加糖飲品、牛奶飲品都可以暗藏好多糖!
糖衣陷阱:
1. 低糖飲品– 每100毫升飲品含有少於5克糖,即一粒方糖,就已經可以標榜為低糖飲品。所以當你飲500毫升,分分鐘已經飲咗5粒方糖!
2. 無添加糖飲品 – 果汁含有天然果糖,即使無添加糖,一支300毫升橙汁都已經可以有近5粒方糖!
3. 牛奶飲品 – 牛奶中都有天然乳糖,一杯16安士無糖咖啡中有大約3-4粒糖。牛奶含有豐富鈣質和蛋白質,對骨骼同肌肉健康都好重要。只係記住要等自己血糖已經回落正常,放喺餐與餐之間飲呀!
如果你睇完幅圖,都真係受唔住高糖飲品嘅誘惑,就偶然一次,同人happy share 啦!如果係患有糖尿病嘅朋友,你可以驗一驗血糖,確保身體已經消耗完上一餐嘅醣分,血糖回落正常,先至好飲呢啲高糖飲品啊!之後如果血糖超標,就記住做少少運動去消耗返啦!
大家飲食之前都可以先查一下食物當中有幾多醣質,再決定每次食幾多!其實宜家有好多有用嘅Apps,例如我成日用嘅USDA Food、Food Switch、營運港健康,或者食物安全中心嘅營養資料庫,都睇到食物成份~糖尿病朋友亦可以靠篤手指,或者透過FreeStyle Libre去了解自己葡萄糖值有冇過高或過低!依家FreeStyle Libre掃描檢測儀仲要出埋app,方便到用電話掃一掃,即時俾你喺app度見到葡萄糖讀數;過去8小時嘅葡萄糖升跌,同埋整個葡萄糖變化趨勢添!
「篤手指」同掃描式葡萄糖監測系統兩種方法都好可靠,但想提提大家,兩者所量度嘅「糖值」係唔同㗎,等我喺下面為大家簡單解釋下啦!
「篤手指」血糖測試係從血液中得出葡萄糖值(血液葡萄糖值),而掃描式葡萄糖監測系統係從細胞間隙液中得出葡萄糖值(傳感器葡萄糖值)。由於葡萄糖嘅變化係唔會喺同一時間顯示於血液葡萄糖值同傳感器葡萄糖值,如果你見到糖值差異,係因為有個時間差距喺度。
所以你記住要同自己嘅醫生商量,去決定用咩方法檢測血糖,同埋決定「目標值」。只要了解清楚自己血糖值嘅變化,偶然偷食偷飲少少高糖食物,都唔使太擔心啦!
最後,如果大家想知多啲,可以參考以下嘅網站:https://freestylelibre.com.hk/tc/
#sponsored #diabetes #溫馨提示
#低糖飲品都可以好高糖
#可以用Apps去睇一睇卡路里同糖分
#糖友記住檢測血糖
#我都知我好長氣
#但寫咁多都係希望大家健健康康姐
可以用apps去睇一睇卡路里同糖分 在 註冊營養師Gloria - Nutri Life - 一杯飲品可以肥過兩碗飯 ... 的推薦與評價
最近台式飲品大熱,不過原來飲黑糖珍珠鮮奶、珍珠奶茶都已經可以肥過兩碗飯,連望落好似好健康嘅水果茶都已經 ... 可以用Apps去睇一睇卡路里同糖分 ... <看更多>
可以用apps去睇一睇卡路里同糖分 在 今日要想同大家介紹番一個手機app,叫做Calorie Mama。 我地一日 ... 的推薦與評價
卡路里 、脂肪、糖份落肚,真係無乜概念。有時食多左 肥左,要揾出原兇都唔容易,呢個app就幫到手喇。 呢個app可以利用[相機食先]的方法,同食物影張相,就 會直接計算食物 ... ... <看更多>