【寵物移民留意‼️】或者有不少寵物主人正計劃與愛寵一同移民,消委會實測11間寵物移民公司,索取寵物移民報價資料,發現報價籠統,而且僅得3間公司會主動披露服務條款及細節,提醒市民應先自行了解相關程序的基本開支,以便評估移民公司收費合理與否。
#報價難比較 #費用差距可達兩倍
消委會早前以一般消費者身份,向11間寵物移民公司索取代辦貓狗移居至澳洲、加拿大、英國、美國及台灣的報價資料。所有公司均提供免費報價服務。
消委會以犬隻移居澳洲為例,11間公司中,有9間此服務的基本報價及實際總開支差距達15%至190%不等。因部分公司報價的基本收費不包括較高金額的項目,例如運費、隔離費及入口許可證等,需要顧客自付或以實報實銷方式繳納。
#披露條款未如理想
消委會指部分移民公司以俗稱「擠牙膏」的方式披露服務條款,耍經多番追問才可取得較完整的資料,而報價內容的詳細程度亦非常參差。11間公司中,只有3間公司,包括「Ferndale Kennels & Cattery」、「愛犬事務所」及「Pet Export Vet」,在報價時會一併提供服務名收費條款,其餘則稱條款較長,待見面才解說。
#移民失敗未必退款
如果顧客因私人理由需要更改出發日期,7間公司包括「5星寵物運輸」、「Dogwoo Animal Travel」、「依時寵物托運公司」、「KaRoy International Pet Services」、「Life Travel」、「寵友」及「Pet Movers HK」表示航班改期次數不限,不過如因改期而要重新辦理部分手續,會收取額外費用。
如寵物最終未能成功移民,大部分公司都未有完善及清晰的保障條款,只表示會盡力安排寵物上機及出口,以及指「該情況不會發生」。當中僅4間公司,包括「5星寵物運輸」、「依時寵物托運公司」、「KaRoy International Pet Services」及「Pet Movers HK」表示,如能證實問題出於公司處理不當,會退回部分或全部款項。
= = = = = = = = = =
【MEWE: MoCity 毛城城】
【Facebook: https://www.facebook.com/MoCityHK】
【Instagram: https://instagram.com/mocityhk】
【YouTube Channel: 毛城城MoCity】
= = = = = = = = = =
一站式 #寵物 資訊平台
✨想分享溫馨動人毛孩故事,或者得意相片影片?
歡迎FB Inbox #毛城城 或者 IG DM❣
台灣移民公司收費比較 在 君子馬蘭頭 - Ivan Li 李聲揚 Facebook 的精選貼文
[比悲傷更悲傷的故事](*)—絶非抽水,睇見都傷心。但我又見到希望!你抽人地水或者同情人地嘅,「不如顧掂自己啦」。才華先係最好嘅安全網
原文:牧羊少年咖啡館 The Alchemist Cafe(https://fbook.cc/3F0l)。開到去屯門喎,大家可以支持下。
TLDR:金門大橋下面嘅水,真係好凍!(https://fbook.cc/3F0k)。Roy Raymond四球嘢賣咗Victoria Secret,兩年後公司值5億美金。Ronald Wayne當年沽咗10%蘋果,只係拎返800美金。連李澤楷都沽早咗騰訊啦,當年執10倍,之後反返1000倍。冇得事後咁睇嘅,否則好快痴線。
1. 唔好咁快抽水或下結論,值得細心諗下。當然假設成件事係真,係假嘅唔使討論
2. 故事好簡單,5年前,2015年8月尾,有位仁況沽晒啲騰訊700去求婚。佢買嗰時係2008(強!),買入價9.5,沽出去130蚊。我查過啲數字係啱嘅。同現價可比。騰訊14年拆股,佢寫時已經調整晒。
3. 賺14倍!勁唔勁?唔好話勁過好多散戶,真係勁過好多股神,勁過晒咩神級基金經理(固然基金好多時只能配置10%落一隻嘢—先天係幾低能的)。14倍喎!你有冇坐過一隻嘢升14倍?我就冇啦。仲要只係7年
4. 但講過啦,銀碼都緊要。你買場波贏14倍唔難,但你買得幾多?一萬?呢位仁兄,話買咗60手(!!!)。咁當年200股一手,即係買入成本11萬,沽嗰時156萬。淨賺大約150萬,嘩!
5. Happy ending, right?
6. Except five years later,騰訊升到五舊幾水!如果渣到今日,佢堆貨就值六球嘢。夠你呼丕一層樓。當然唔係太古城,但,pretty good.慳慳地你去台灣食過世都可能得。
7. 故事教訓?其實冇乜。有早知冇乞兒。係畀你思考下。
8. 我諗到嘅係,唔好成敗論英雄。佢執到14倍,已經勁到不能!你事後睇梗係話人地沽早咗啦,正如你睇波,事後個個都韓國女星全知賢(**),梗係簡單。你唔諗下2018年騰訊點一沉百踩講到玩完咁滯。嗰啲位你點都沽啦
9. 亦係回返帶,好廢,但呢啲就係有錢人(當然佢一隻騰訊執一球嘢都唔係窮人)同我地嘅分別。呀主角可以坐14倍,已經勁到不能。但點解唔會坐到50倍?因為佢要結婚!係,李嘉誠都要結婚,但李嘉誠結婚唔使沽咗啲Zoom.(***)
10. 再講白啲?就係因為我地常人會有「資金需要」,耐唔耐要套現。但股票多數都升,多數套現都後悔。上次講Zoom嘅故事提過(https://fbook.cc/3F0i),08年我因為借錢炒股票,當然低位打靶冇仇報。好啦,到2014年,我正式搞移民台灣。但要600萬台幣搞公司嘛,話多唔多話少唔少,而我未厚面皮到問我老母拎錢,當時亦冇諗過加按層樓。結果就係沽走啲股票咯。唔使講梗係之後幾年升返好多。但,有乜計?我唔係郭台銘嘛。
11. 真的,凡人,就算你冇借錢炒股(成功第一步),就算你心臟大(成功第二步),就算你上少啲網(除咗睇我啲文),你都總有啲資金需要。Next Station仔女留學。可能你係結婚買樓要首期(咁都係一個投資轉另一種,還好),可能你要搞移民,可能touch wood屋企人有病,或者自己有病。總有呢啲嘢令你要沽貨。
12. 解決方法?係冇嘅。下次投胎希望自己好彩啲。
13. 不過正面啲諗,其實主角好似未出嚟澄清。但我斷估,佢有強大嘅心臟,心理質素強。直接啲講,佢可以一隻嘢坐到咁耐贏14倍,可能之後佢都有其他投資可以執到好多。
14. 才華(包含好多嘢,當然包埋心理質素),先係最好嘅護身符,帶唔走。固然富者越富,但中六合彩然後破產嘅人都好多丫。你一千萬係中六合彩返嚟,定係由幾十萬投資碌返嚟,係有分別的!
15. 呢個亦係舊文講,「你個牙醫好有錢」,Alternative Path,Possible world嘅問題(https://fbook.cc/3F0j)。
16. 當然,傳統智慧講,賣仔莫摸頭,一摸眼淚流。沽咗嘅嘢唔好再望返幾錢。但我覺得係自欺欺人。你可能諗,佢唔寫封信5年後嚟提醒自己(同埋提老婆)咪好地地。但唔得的,而家資訊咁流通。
17. 我係好欣賞主角可以勇於面對呢件事。睇住股票放早咗,是十分痛苦的,痛苦過蝕錢。但無論如何,要為自己嘅決定負責,做trade log其實都好
18. 都係嗰句,主角既然可以坐到14倍嘅,真係堅揪。有能力嘅,使乜驚?踢波咁,都要講啲運,今屆唔得,下屆嚟過。
19. 但最諷刺嘅係:正係因為主角可以坐到14倍—「我懷疑佢唔係結婚的話應該可以坐到今日」。但,唏,金錢唔係人生唯一嘅東西嘛(雖則係好重要嘅東西),唔通因為咁而唔結婚咩!
20. 拿,送畀大家,張學友嘅《明日世界終結時》(https://ggle.io/3OZl)。「人在相戀時 原是最脆弱時候 無情亦無愛 也許更有利成就」。但唔通唔結婚咩。又,周治平係原唱,但張學友廣東版就比原唱嘅《那一場風花雪月的事》(https://ggle.io/3OZn)。每次唱都打冷震(加埋我啲國語更加冷震),台灣佬啲詞太文藝肉麻了。埃汾對版本係好執著的,對龍馬都係,對龍一都係。
21. 「當然事後睇,其實結婚唔使用成球嘢下話?」
22. 都認真的,你話係bias都好,但識唔少人,股票點都唔會沽晒。例如十手沽五手,或者沽八手,留返少少睇結局。呢啲應該係behavioral bias,但大家都係人,人就梗係有啲嘢。當年60手只沽一半,而家感覺就好唔同了。
23. 但都係強調返,才華先係帶唔走。可惜世界上多數人都冇乜,所以都係搵錢實際啲。舊文寫過,摘錄如下(https://bityl.co/3LTq)。埃汾啲文真係有教育意義,記得訂Patreon(https://bit.ly/31QmYj7).因為我都冇乜才華。
24. 「才華是最好的安全網:對一般人來說,錢是最好的安全網。但對天才如貝索斯而言,才華才是最好的保障。支持同股不同權的留意:亞馬遜沒有同股不同權架構,而貝索斯持股不過16%——但公司走過高山低谷,仍然沒有人把他轟下台,背後原因當然是大家知道他是唯一靈魂人物。」
(*)在台灣睇咗台版,擺明催淚之作,啲台妹喊到飛喱啡呢。本人都覺得幾慘情,都有眼濕濕。但我內在嘅仙力都係忍唔住覺得—十六歲開始同陳意涵訓埋一齊咁多年你都唔搞佢,真係絶症死都冇人可憐,上天堂落地獄上帝/閻羅王都話你嘥料呀!又,個編劇應該好憎牙醫。
(**)其實係全智賢
(***)呢度講個故事,當年我仲在耆英證券,好似係隻富士康定乜鬼,有一排股價跌。跟嘅係個比較新嘅女分析員,咁啲sales早會問下點解,個女同事話「好似呢排聽話郭台銘結婚,可能有資金需要」。結果真係畀個sales指住嚟笑(不太惡意,亦係教精佢,但都係指住笑):郭台銘結婚要沽股票?諗真啲都係。後來個女同事亦相當富貴就後話。
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已近 500人訂,仲有兩篇免費試睇:https://bit.ly/31QmYj7
——————————
[收費短片第八擊]美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升,然後…
*制裁美國上市中資股,有乜後果?
*蘋果2萬億市值,之後點?。下間2萬億市值係?
*未買記得買返CCO06(下半年選股)同CC007(買金)
本星期內特惠售價: $80
課程編號:CC008
觀看期限:首次播放後一星期及限每影片4次
客服whatsapp: 63832145
台灣移民公司收費比較 在 君子馬蘭頭 - Ivan Li 李聲揚 Facebook 的最佳貼文
[連陸叔都讚好]陸叔話我知有睇我個台灣故事呀!受寵若驚!
1. 是真的,話說星期一晚,即係明報篇訪問稿出街嗰晚,咁啱就有某上市公司請食飯聯誼下咁(正常晚飯,不奢侈,亦冇任何agenda)。
2. 人數較多分幾枱,本人同陸叔就不同枱。但大家都知,食到尾就大家去隔離枱傾下計。嘩,結果陸叔主動嚟同我講有睇我篇訪問,仲同我傾咗陣,真係受寵若驚。(咁但當然,唔通我走去問佢:陸叔,你有冇睇我篇嘢呀?)
3. 實情同陸叔不相熟,不算有乜私交,我連佢電話都冇。但咁多年,講座呀節目呀總會見過。咁陸叔就無人不識,但第一次佢叫得出我個名,就係某年某次某內房發展商搞的trip,在南京(放心,間嘢仲健在)。
4. 固然本人小薯一個,冇乜資格講嘢,但我諗講好事冇人介意講多啲。真的,陸叔雖則係前輩,但全無架子,十分之咁nice—並唔係人人都係咁架,有啲真係當你透明,甚至同場講嘢,你講完佢就拎出嚟串,十分之仆街。(所以如果可以我多數都要求守尾門,唔係我去攻擊人,係避免有人攻搫我)。
5. 係喎,陸叔完全係心境年青Forever Young(陸叔就生日咯,同我都係巨蟹座,佢年紀亦唔係秘密),赤子之心(講「大細路」好似貶義咁),鍾意結交新朋友,完全唔會理你大人物小人物咩公司咩背景,即使初出茅廬乜都唔識嘅新人,佢都會主動同你傾計,唔會嫌你冇名氣唔識嘢。
6. 行走江湖咁多年,見太多趨炎附勢嘅人。即係我明白嘅,但唔好咁核突啦。有啲友真係同佢交換卡片話冇帶,但轉頭CEO浦頭就主動出擊仲除低件外套露出潔白嘅…..小背心的。男嘅一樣有,同佢傾計就sorry I don’t speak Chinese,「即係以為我唔識英文?」。到大人物出場,就忽然間埋去「乜總乜總」。都係嗰句,明白嘅,咩係權力?權力咪就係人人嚟巴結你,你入嚟個個都放低嘢。咁反之,冇權力嘅咪剛好掉轉。我都一樣係見到大老細打嚟就語氣都唔同啲(唔通叫佢:講嘢!係。就咁咋?)。但食相唔好咁難睇啦。
7. 仲有,陸叔認人嘅能力極好。南京嗰次之前,我應該只係在銅鑼灣HMV(已收皮,昨日剛剛變咗Donki )開幕時見過佢,又黑又嘈,傾計都冇一分鐘。但佢之後在南京都認得我。
8. 我覺得呢,呢個「認人能力」,係成功嘅關鍵。而你都聽過,有啲人係面盲嘅(例如我)。但後來我理解,其實真係事在人為,係可以後天改善的。不過正如好多人話減肥話戒煙都話好多年,結果我咁多年都冇乜改善,所以我只係小薯,陸叔先係陸叔。
9. 事實就係,人總係希望被認同,希望人地記得你。古今中外都係咁,俗語有云,重視能治肚餓。再黑啲嘅,你睇咩《人性的弱點》都係咁講(但我一般遠離睇呢本書嘅人)。
10. 反過嚟講,自省一下,話自己面盲嘅人,其實往往就係唔肯去努力,自我中心,所以比較難成大事,好似我咁。
11. 其他接觸過佢嘅行家,或者記者公關朋友,同意嘅可以講下。唔同意嘅……咪當冇睇過咯。咁關公都有對頭人嘅(*)。
12. 呀,順手講下,其實話有睇明報篇稿嘅,唔止陸叔一個。但顧及人地私隱就唔講啦(我當然問咗陸叔先貼呢張相)。但,有趣嘅倒唔係而家個個飯局都講移民(好明顯),而係,基本上,睇到嘅,全部都係「前輩」。冇咁「前輩」,即係同我同枱嗰啲呢,係冇乜人睇到嘅。
13. 但其實好合理,因為真係習慣不同。「前輩」就多睇報紙,但冇咁「前輩」嘅,就睇我Facebook Page,而我係在昨日(星期二)先貼篇文上嚟嘅。
14 又,in case 有人care,有收費短片第三集了。晏啲出post,但之前訂開嘅應知點玩,或者睇最底訂住第二集先。
(*)呢句嘢其實幾混吉下,關公係好多對頭人的!而曹操就好多知心友!你打過機就知曹魏(**)幾咁人強馬壯。
———————————————————————————
收費短片第二擊,暫時斷次買。80蚊,講足半個鐘,有圖有表有筆記。
都係一周思考課題,當然唔會就咁報新聞呃錢,係講有乜啟示。
影片簡介:https://bit.ly/2ZILRwf
或者睇置頂 post都得:https://fbook.cc/3BRq
講銀行加按息係咪睇淡樓市,美股有冇泡沫,奧地利發100年債券有乜啟示。
仲講樓,講埋Growth vs Value.
以下係報名方法:
【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要,唔想睇片可以睇字
影片/課程編號:CC003
播放平台:https://homebloggerhk.com/web-class-player/
付款及收看步驟:
1/點擊報名收看 [ 影片/課程編號:CC003 ]
2/利用信用卡網上付款
3/及後有登入資料可以立即收看
查詢:whatsapp 63832145
台灣移民公司收費比較 在 預付卡新申請| 中華電信網路門市CHT.com.tw 的推薦與評價
中華電信4G/5G預付卡零月租、免綁約,提供一般客戶、學生及親子專屬優惠方案,線上新申請SIM卡還可宅配或預約店取服務超方便! ... <看更多>
台灣移民公司收費比較 在 【移民台灣】自己移民自己攪,HK$17000有找! - YouTube 的推薦與評價
自己攪 移民 不是天方夜譚! 移民 顧問泛濫的情況下,選擇得正確實在不易, 收費 動輒港幣6位數字,與其排著水蛇春隊等侯區,何不自己試試看? ... <看更多>