【 演員的自我收養 】
2021年4月20日,本地網絡界有大事發生,仲要唔止一單!
第一單,是四大YouTube頻道,包括「試當真」、「小薯茄」、「啱Channel」以及「熊仔頭」聯合發起世紀合體,於當天晚上七點半開始,跨平台分時段接力聯播,播足四小時,未知內容,但齋睇演出陣容,只能說:超級堅,超級黐線,難怪一眾年輕網民得知此事後,無不熱烈討論,拍手叫好。 (https://bit.ly/3sutreN)
第二單,是另一條名為「拾陸比玖16:9」的YouTube頻道,亦將於同一天推出六短劇《演員的自我收養》(An Actor Prepares to Starve),跟許廷鏗於三年前推出的單曲、由朱栢康與韋羅莎主演MV的《演員的自我修養》乍看撞名,其實只撞了六個字 ── 劇名是「收養」,不是「修養」,所以兩者完全沒有關係。據導演蔡康凝(Trevor)指,《演》劇每集長15分鐘,合共6集,由Billie Chow、陳海寧、柯煒林、馮海銳、周祉君主演,另外尚有陸駿光、岑珈其、陳漢娜、龔志業演出。
請問誰是Billie Chow?2021年新人?非也!其實是新一代文青女神,早前參演《YOLO的練習曲》、經常演出MV的郭爾君(Alma)!Trevor解釋:「郭爾君喺劇中叫做Billie Chow,可以話係佢嘅一個Alter Ego(第二自我)。」唔明,即係點?「即係好似《波叔出城》咁!」咩話?《波叔出城》,全名是《波叔出城:哈薩克鄉下佬去美國搵著數》(Borat: Cultural Learnings of America for Make Benefit Glorious Nation of Kazakhstan),Borat是由英國演員Sacha Baron Cohen的另一個身份,他會在現實世界裏出現,Billie Chow亦然,「想佢第日有機會用呢個身份接受訪問,或者喺我哋Channel嘅節目出現。」
沒有聽過會有這套劇?沒有聽過郭爾君有這個身份?不知道有「拾陸比玖16:9」這條頻道?因為他們才開檔一星期,訂戶數字才剛過1000人,不足為奇。
既然咁大件事冇人講,咪我講囉。
先講故事大綱。一班演員,分別是Billie Chow、柯煒林、陳海寧、周祉君和馮海銳(Yoyo),有天收到一位性格蠻不講理、名叫Ivan(老凱麟飾,Ivan是其真實洋名)的導演以高薪邀請,參演一系列以電影為主題的網片,豈料雄厚的「筆直」背後,原來是一間大麻工場!
Billie Chow在預告裏說:「我哋嘅導演Ivan,佢就喺2021年嘅某月某日,無啦啦拍拍下嘢,佢就話頂唔住,想出去食支煙,然後佢出咗去,就再冇返過嚟!」唔係蛇王,係畀一個神秘組織綁架,留下來的給演員的,是一個吊吊揈的爛攤子,他們一方面要解決眼前荒謬的境況,另一方面卻無辜辜捲入一場不知名的危機。根據兩分鐘的預告片,可以肯定這場危機跟大麻有關。
其中一個鏡頭,見到Billie Chow與Yoyo一同包裝攤在桌上的大麻草。Yoyo以下一段對白為觀眾提供線索:「大麻呢一門生意就好似保險傳銷咁,分咗十八區,每一區有一個大拆家,大拆家負責嗰一區嘅營運,拆家仔之間嘅鬥爭都係由佢哋負責,冇人知呢三個Manager係邊個,淨係知佢哋勢力好大。」幾個演戲的,突然涉足大麻經銷,這個設定實在頗為踩界。但Trevor坦言,Billie Chow不會變壞,「陳海寧壞啲,但有幾壞,就要留待劇中等大家發掘喇。」
第一集已於4月20日下午4時20分首播 (https://bit.ly/3szYpSS) ,為何不避開四大頻道聯播?不擔心會遭對家的風頭蓋過?Trevor承認,選擇4月20日上架是因為這一天跟大麻文化有直接關係。4.20,英文發音為Four-Twenty,是「大麻文化」俚語,代表大麻或大麻消費,尤其是說吸食大麻的時間為下午4時20分,而放諸美國,這一天亦有另一重意思,就是作為慶祝大麻文化作為全國假期的大日子。
原文刊於《香港01》 ——
標題:「演員的自我收養︱郭爾君改名Billie Chow? 4.20首播有重要考慮」https://bit.ly/3dwEWh
(20042021)
_
#游大東 #游大東影視筆記 #演員的自我收養 #郭爾君 #柯煒林 #周祉君 #陳海寧 #馮海銳 #岑珈其 #龔志業 #陸駿光 #陳漢娜 #港劇 Alma Kwok 郭爾君 A.Chow 周祉君 馮海銳 Yoyo Fung 陳海寧 Isabella Chang Ning One Cool Artist Management 天下一藝人管理 KaKi Sham 岑珈其 Hanna Chan 陳漢娜 陸駿光 Alan Luk 做乜膠睇電視 港人講電視 快樂的 港女講劇 抵制tvb戰線 - 鍵盤救港 我睇咗啲乜嘢
同時也有1部Youtube影片,追蹤數超過5萬的網紅殿下在香港-香港在世界 (Hong Kong in the World),也在其Youtube影片中提到,【一個專為廣東話為母語人士而設的廣東話課程】 ➜更多內容: www.cantonesecollege.com/course 讓廣東話發揚光大! 第一次上電視就被插! 對不起各位⋯⋯殿下唯有退出了|回應【陳凱文:鏗鏘集談「廣東話」,錯漏百出】的文章 ------------- 在網上看到一篇由學研社...
吊吊揈意思 在 離奇家遮 Facebook 的精選貼文
(五十六)旺中
細個識過個旺中妹。
佢叫Wing Wing,係晌旺中做賣衫sale嘅,嗰時成日都會10點零去接佢收工。佢唔係我女友,但大家當時又會成日食飯飲嘢,成日互send sms,仲會...間中過馬路Hi到下手仔,搭車佢又會埃下落我度咁樣。
話晒當時年紀小,十七,八歲…有啲嘢,總係唔識得講出口。
記得有晚送佢返屋企,嗰晩唔知點解氣氛怪怪的,去到佢樓下,大家唔願走兜咗好幾個圈之後,佢突然問我:「你有無嘢問我吖?」
我:「吓?…傻左吖妳?做乜問人有無嘢問妳嘅?」
佢:「你問啦。」
我:「無呀真係無呀。」
佢:「你問啦!」
我:「呃…呃呃…我想問,問…問…我歡呼聲有幾多…問…」
佢:「妖!」
我:「哈哈哈哈哈!」
…
無錯,我就係咁窩囊,咁無用。
然後,佢直接問埋嚟:「你係唔係鍾意我架?」
我:「唔唔…緊係啦!我緊係鐘意妳啦!」 當時我個心跳得不知幾快,臉上卻努力扮住不經意,又嘻皮笑臉咁講東講西…其實,我只係設法想以爛gag遮醜,覺得好難為情,唔知點算好。
我不知幾想就答佢:「可唔可以畀個機會我…做我女朋友?」
唉,錯失太易。
戇9無用嘅我就係咁驚到講唔出口,又怕呢講咗出嚟連 frd 都無得做嗰啲老土嘢…
然後?
我哋,就,沒有,然,後嚕。
sor,9,ry,自我沉溺咗喺一段昔日憾事到,悶親螢幕前嘅你,唔好意思。有機會嘅話而你哋又唔怕悶親,先再同你分享我啲「逗號嘢」,講返正題先。
旺中接近十一點,好多鋪都收晒。佢好多時就落半閘,然後喺鋪裡面埋數執貨。而我,通常就坐喺入面陪佢等佢收。
試過幾晚,我哋都不約而同聽見一班細佬we嘩鬼叫咁跑過,起初我地都不以為然,以為係唔知邊間鋪啲o靚仔未走啫。佢地好實在,幾個細佬仔由遠至近跑過鋪頭門前,因為我地拉咗半閘,所以睇唔到佢哋啲樣,淨係睇到啲腳,我有次見到佢哋一齊追住個綠色半透明彈彈球嚟玩。
無嘢吖,細佬仔係八厭架啦。
如是者,無理。跟住有一晚,Wing Wing突然驚到又廁所衝返嚟鋪頭,成頭大汗。我即時問佢咩事,佢係咁話走喇走喇,然後極速執嘢離開現場。落到大街,先夠膽出聲,原來頭先喺廁格入面,突然聽到出面有一班細佬仔傾計大笑,郁嚟郁去仲撞到佢條廁格門咁,佢嚇一嚇即時嗌出去話「有人吖!細佬呢度女廁嚟架!」,但係啲細佬笑聲繼續。
佢即時快手整好條裙,開門諗住鬧班o靚仔,點知,一開門,只係得空空如也嘅廁所,一個人、一滴聲都無。
而,最重要係,佢呢刻先記得,佢入嚟嗰陣,係順手連廁所嘅大門都「摔」埋咗嘅,換言之,出面係入唔到嚟嘅…就就就就算係撞咗入嚟,又出返去,個門鎖都一定唔會「摔」到嘅,因為…「門摔」呢家嘢,大家都知,只係可以畀入面嗰個鎖到啫…
而家個門摔原封不動咁lock住…咁頭先啲細佬聲係…
呃…
又有一晚,嗰日咁啱我無嚟接佢,佢就自己一個人收鋪。唔知咩料,嗰晚個閘壞咗,落咗一半之後就拉唔到落嚟,好大力好大力咁拉都唔得。無計可施,個場又無晒人,佢就打落去看更到請佢上嚟幫手啦。
好快,看更上咗嚟,口噏噏咁喺到講住:「小朋友借借先吓,唔好阻住姐姐收工喇,借一借先,唔該,唔該。」
Wing Wing見到佢咁都 r 晒頭,但看更之後一嘢就好順咁拉到個閘落嚟,wing wing見到仲即時問咗句:「嘩,文叔,你做開gym架?」
看更同佢講:「個閘開始生銹喇」。
無事,收工走人。
春去秋來,Wing Wing離開旺中,殺入銅鑼灣, last day派西餅畀同場farewell嗰日,看更文叔咬住件cake祝佢前程錦繡愈大愈靚,wing wing 就祝佢做gym愈嚟愈大隻…
文叔聽到,先靜靜雞同佢講返:「當日嗰度閘,並唔係想壞,你打落嚟叫我幫手嗰陣,我一睇個閉路,都嚇咗一跳…」
呃…
「我見到,有兩個o靚仔騎膊馬,喺你度閘下面玩…仲好似打韆鞦咁雙手抆住,晌度吊吊揈…」
吓…
呢個場,夜晚成日都有細佬仔喺度嘻嘻哈哈走嚟走去,好多sales都見過,又成日會無啦啦掃到啲彈彈球…
呢個場,你一定唔會陌生。
Tag 旺中人,旺角sales妹妹,boutique老闆,成日夜媽媽自己留喺度埋數點貨嘅frd子,提提佢哋,喂,搏還搏,搵食都係咁話,真係…準時收工啦,唔好咁夜走喇!
#真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #文字 #那些年 #旺角 #旺中 #hkig #donotsayhello
吊吊揈意思 在 殿下在香港-香港在世界 (Hong Kong in the World) Youtube 的最讚貼文
【一個專為廣東話為母語人士而設的廣東話課程】
➜更多內容: www.cantonesecollege.com/course
讓廣東話發揚光大!
第一次上電視就被插! 對不起各位⋯⋯殿下唯有退出了|回應【陳凱文:鏗鏘集談「廣東話」,錯漏百出】的文章
-------------
在網上看到一篇由學研社成員陳凱文所撰寫的文章,批評節目鏗鏘集談廣東話錯漏百出。
http://www.thinkhk.com/article/2018-06/21/27640.html
這篇文章所述的部份,殿下確實是有不正確的地方。
殿下在節目拍攝這一幕的時候隨機選取了一本書的其中一篇,即時開始參考裡面的內容,然後拍攝我寫稿和搜索資料的一幕。
拍攝這一幕的目的其實是想知道一個有興趣研究廣東話的普通人,是透過什麼方式去研究去了解更多我們的母語,從中亦可以帶出我們在學習的過程會遇到什麼困難。
正不巧地所選的詞語確實遇上困難點,揗(tan4)雞的揗(tan4)音沒有同音字可替代,而參考的大部份資料也引用了騰(tang4)字所取代,而中大的粵語審音配詞字庫都顯示了騰(tang4)也是揗字的其中一個發音,這亦稍為印證了廣東話在研究路上可能存在的真空部份。
文中亦批評節目引用了粗鄙用語,例如吊吊揈、揸流攤等等。
我發覺很多教語言和語言有關的工作者甚至學語言的人都進入了一個誤區,認為粗俗的用語是不能教不能學,很奇怪,明明這些用語在當地的使用率非常高,偏偏很多教育者就是認為教語言最好只學禮貌語,最多學交談口語。
這些我稱之為語言潔癖。
為什麼我們教一種東西就代表鼓勵你用那東西?學來除了用出來之外,還可以學來聽懂別人說話,知道用人使用時的語感,甚至作出適當回應。香港學語言很常忽略語感這一回事,一個詞語除了它的本義,還有它使用的時機和帶給別人的感覺。我們不是不應該學粗俗語,是應該學習粗俗語的意思,變化甚至是使用的時機,難度你沒有體驗過聽到俗語反而覺得有拉近彼此距離的經驗嗎?
說起吊吊揈的語感如果用來形容人貿貿然用的話當然會失禮,因為會對那個被形容者帶有無所事事好食懶做的負面印象,這才是唐英年在說話裡真正被批評的原因。吊吊揈如果用在形容物件上面條樹枝吊吊揈的好像快要掉下來了整個形容的畫面就變得生動了。
詞語本義不是不重要,只是語言作為溝通的媒介,一句說話一句用語會帶給別人什麼印象什麼感受才是最重要的。語言是會變化的,有些以前不適合在某些場合使用的用語,已經漸漸變得不同了,難度我們廣東話上千年歷史不是一直處於這樣的變化之中嗎?為何今天我們卻覺得這種變化是一種禁忌呢?
吊吊揈意思 在 2018 金馬影展TGHFF | 吊吊揈My World - YouTube 的推薦與評價
2018 Taipei Golden Horse Film Festival台北金馬影展| 11.8 - 11.25金馬電影學院| 10.20 - 11.17金馬創投會議| 11.13 - 11.15第55屆金馬獎頒獎典禮| ... ... <看更多>
吊吊揈意思 在 【廣東話都有正字,你又識唔識讀同寫?】 山卡啦= 山旮旯=... 的推薦與評價
Kick力卡嘞= 虢礫緙嘞= 各式各樣條條Fing = 吊吊揈= 搖搖欲墜 ... 滑lu lu = 滑捋捋= 滑溜的感覺陷辦爛= 冚唪唥= 意思:所有、全部打尖= 打櫼= 櫼是打 ... ... <看更多>