咁算唔算 #親子遊？
今日帶左雷囡s #尋找媽咪足跡...帶佢地行返我中學年代每日行嘅路。
雷囡s好鐘意聽我 #話舊史、#想當年。每次搭車經過我都會同佢地講：「呢間係我讀過嘅學校呀！」
今日就直接帶佢地行一次我返學嘅路。（一小段啦）
估唔到咁多年之後，呢度都冇乜點變。我細個成日食嘅粥舖同茶餐廳都喺度，連間士多都依然無變！唯獨是多咗間超市啦！
我仲同佢哋去咗粥舖食Lunch , 我仲話俾佢聽，媽咪細個嗰陣時有錢嘅就會食河粉，冇錢嘅時候咪食粥囉！當然啦，而家加晒價啦，一碗粥都二十幾蚊。今日有錢，我地食最貴嘅！$35四寶河加碗艇仔粥同豆漿！大囡問，乜最貴唔係百幾蚊果碟淨腩咩？
傻豬豬，果碟留返爹地俾錢先食啦，媽咪俾錢$35都覺得最貴喇🤣🤣
食完仲帶佢地睇下果段返學是最危險嘅路，呢條長命樓梯，而家加咗上蓋安全好多。
以前樓上啲人成日都高空擲物，仲經常倒水落街架！我都試過中招,俾人淋到濕晒！ 有朋友試過被成個「兔兔」飛中個Gel行左嘅頭，仲要用過嘅....
最常見係成地「紅色巾」紅淋淋咁....都唔明點解會掉落街㗎！
分享嘅時候阿囡問我咩叫兔兔🤣 四年級都係時候要灌輸下呢方面嘅知識喇。解釋左少少咁啦⋯⋯🤣🤣
當然佢地最開心嘅係行士多，食雪條啦！榴槤雪條$7.5，好食👍🏻
今日可以話 #媽咪回憶之旅 ，都算半個親子遊啦！🤣🤣
講開又講，粒墨魚丸好好食,本來想買一斤返去同老公分享，但係阿姐態度麻麻...唔買！
#街坊揮手區🙋🏻♀️
#同學仔揮手區🙋🏻♀️
#中過招揮手區🙋🏻♀️
#雷囡媽媽 #無聊日常
#雷囡s日常
#懷舊街市
同學仔揮手區 在 DCard 澳門嘅同學仔揮手區- 港澳日常板 的推薦與評價
DCard 澳門嘅同學仔揮手區. 港澳日常. 2021年4月22日01:10. 一直睇DCard 港澳版，多數係香港嘅同學仔為主。 想識係澳門嘅同學仔 唔會得我一個澳門人玩 ... ... <看更多>