我係貓奴,但我都好愛狗。
自從寵物展事件之後,自己當然有好多情緒,但更想透過公眾人物嘅身份呼籲同鼓勵大家,養寵物,真係應該上一上堂。
無論係咩品種嘅狗,都會有天淵之別嘅性格,我見過好激動嘅拉布拉多,亦見過超級嗲嘅黑柴,就連狼狗(一直覺得狼狗好惡)經過訓練之後都可以高度服從指令,好乖巧聽話,亦好聰明。既然人類生養下一代,都要學吓點樣教仔、喺仔女曳嘅時候加以訓導、適時獎勵鼓勵、甚至多花時間陪佢哋玩,點解唔教狗?唔學識點樣同佢相處?
做人真係好鬼得意,好多人話,生仔?唔識教呀!驚生舊叉燒咪仲煩仲大獲!所以選擇唔生仔,改養寵物,喂,寵物都要教㗎,你養之前都要量力而為,有無時間照顧三餐、如廁,有無精力陪佢放電,當你一對一都未必駕馭到嘅時候,一對二?甚至一對四?會唔會太冒險?我唔係指你嘅毛孩會唔會對其他人或寵物造成威脅,而係你點樣去保護自己嘅小朋友,喺多人嘅情況下唔會做出攻擊性行為、唔會俾其他狗隻攻擊,如果你真係愛狗,更加要學習點樣保護佢哋。
寵愛,唔係溺愛,人如是,狗如是。
#我連啲貓都有教㗎 #雖然佢唔太理我
#不過貓嘅天性如此 #唯有用自己方法去教
#起碼我啲貓除咗我之外唔會咬其他人
#但朋友上嚟屋企我都會提醒佢
#俾時間啲貓熟悉吓先
#提防被咬 #我連朋友都教育埋
#係我阿媽唔聽話 #成日伸隻手搞人個肚
#被咬很合理吧 #咬我係因為我剪指甲
#依家慣咗唔會咬我 #因為我唔會驚唔會縮
#學識同貓狗相處啦各位
#保護自己嘅毛孩
#同時可以保護其他人嘅毛孩
Search
同時可以保護其他人嘅毛孩 在 陳光復Chen Kuang-fu - 對於動保團體關心的毛孩保護及管理議題 的推薦與評價
對於動保團體關心的毛孩保護及管理議題,澎湖因地小居民少,寵物繁殖買賣的商業 ... 就在於支持收容犬隻能找到回家的路,同時也可提高認領養率,減少安樂死的執行。 ... <看更多>