前日我同我老公還有兩位朋友一起到了英國叫Bath的城市。
顧名思意，叫得做Bath，當然最出名就係羅馬浴場啦！不過佢最出名的羅馬浴場收費15.5鎊，一點也不便宜，感覺上同浸溫泉差不多，做咩事要山長水遠揸兩三個鐘頭車去浸溫泉？老實講作為一日遊的遊客，最寶貴就係時間，而冬天四點半日落，時間就更加寶貴，值唔值將其中3-4個鐘拎去浴場係一個疑問，另一個考慮係我望左觀察左呢度成個鐘，一個大隻靚仔的我也看不到，我去浴場又冇仔睇，隨時仲要蝕返俾啲呀伯呀嬸，而我個朋友是個大帥哥，佢落場直情蝕到喊，點計都回唔到本，所以，我地去Bath但係冇去羅馬浴場。
取而代之的，我們逛了這個城市。
正如照片所見，這個城市旅遊業蓬勃，政府收入也水漲船高，自然有更多資源投放在城市的設計和維護。這裡有很多華麗的舊建築，在大街小巷走著，也是詩情畫意的浪漫。市中心有一座中型教堂，雖然沒有大教堂級別的巍峨，但還是有小家碧玉的精緻。剛想進門，卻發現入場費竟然要四鎊，我不認同參觀教堂需要付費，那是接近神的地方，既然神的大愛無疆，為什麼要付錢才能進入這方寸之地？德國法國意大利的教堂大都是開著門任人進的，你喜歡捐點錢就是了。友人指了指教堂外牆上，爬著梯的天使雕刻跟我開玩笑說：難怪天使也要爬梯才能進教堂，原來沒有付入場費。
旅行多了就會明白很多好看的東西都是免費的，不要糾結那點入場費，就再到處走走吧。柳暗花明，我們走了不遠就看到一條小橋，旁邊有個破破爛爛的入口，沿小石梯走著，就達了河畔。兩岸河堤的樹都被秋風染成金黃，詩人說過黃葉是古樹寫給大地的情書，這條小徑可不止是「金風玉露一相逢」的浪漫，剛巧天空灑著細雨，我輕靠著我老公，在情書與情書之間漫步。
此刻無價。
到了晚上，剛巧是英國最大的煙火節慶之一的Guy Fawkes Night。你知道恥笑的最高層次是什麼嗎？當年英國有一個叫Guy Fawkes的恐怖份子，打算炸了國會也順道解決英皇詹姆斯一世，但東窗事發就在11月5日被人抓了。呢個世界，寧得罪君子，莫得罪國皇，處死是必然的啦，但更絕的是詹姆斯一世索性將呢一日定為Bonfire Night，大家齊齊放煙花慶祝，而民間就索性叫它做Guy Fawkes Night了。呢個世界有咩野慘得過全球幾千萬人年年都慶祝你失敗？結果國會炸不成，還遭到永恆的恥笑，呢個比起被人擺上高登，慘烈得多了。
不過講起Guy Fawkes Night，香港都好似有班攝影師同寶礦力女神上香港大東山影相，仲喺芒草堆入面玩煙火，大佬，好多U字頭讀者鍾意去睇芒草架，你陣間搞到成座山都係燒豬，齊齊拎達爾文獎，到時真係Fawkes Guy啦（拿我冇講粗口）。不過似乎亦都證明Guy Fawkes Night真係適合蠢人成名的好日子，成班人俾山野．男生推到上晒報。大家如果真係想影影花相，咪飛黎英國影囉，順手拎埋盒鳳凰卷餵飼人妻先生更好啦。
達爾文獎準得獎者傳送門：
https://www.facebook.com/thehikingbo…/posts/1370848583037137
#一地兩婊
#風高物燥小心山火
#柒事恆久遠一post永流傳
#為左影相可以去到幾盡
#向準生命鬥士致敬
