為什麼政評分析會出現劣幣驅良幣的狀況?
說完,又會被一些有心人設計無心人。無限解讀政論者撐誰反誰,是黃是藍,從而又將一堆標籤飛過來那些政評人身上。所以,慢慢你就會發現,有營養的政評會越來越少,因為吃力不討好。
因而,很多人的政治理解,就不再理性,只剩下一套主旋律:宗教式「殉道」。不問回報,不准檢討,神永遠是對的,你不可以質疑的態度。
正如,我和我的朋友,一直都會用「利益角度」去理解政治動物嘅所有語言。不論任何政見,政工作者,就是有利益的事情,就會做。叫人上街如是,叫人投票如是,公開撐/反一個人如是。你認為以此姝的年紀,經歷,身份地位,有事無事大時大節做model 拍照畀連登仔(aka 渾水 as part of them) 抽水意淫,真的沒有心理包袱?她都自命港英時代精英吧?
而,若某些政工作者沒有利益也做,叫9做,是浪費時間的事。而政工作者會鼓動群眾 9做,也理應是因為他們知道有利益。用一點理念包裝就可以了。
姐姐這一招,就是要告訴全世界,現在搞死架構內的公務員,下任特首,就會難以埋班,出現現在阿妹妹的狀況,管治失效:一個醫生做食衛局也找不到?開玩笑吧?我不是說找一個護士有問題,護士從來沒有比醫生次等,但只得找著一個見記者前沒有人提她阿madam 你戴錯口罩(aka人緣官運心腹助手都欠奉),讓她出醜。你也許知道這屆政府埋班,有多順利了吧?
姐姐這一手,可能是2021 跑馬仔特首選舉工程一部份。然後你問她的支持者,她會答你:「你想香港公務員治港還是港漂治港?頂得一陣得一陣,一向是香港中產,不論淺藍淺黃的想法,他們不關心有幾多人冤獄,他們關心自己未搵夠錢, 5+1 BN(O)移民。中環精英,那些太太移民丈夫在香港太空人那群人,他們會心中有數的。」
她的政見如何,言論如何,我當然看得見有什麼批評。我不會完全同意。我每次跟她見面,不論訪問或是交流,我都清楚表明我沒有辦法認同她的政治取態。
有一點,我相信很多人都不能否認,她仍有戰意。做政工作者沒有戰意,不要做好了。如果明知不會成功,不做過不罷休叫「年輕」,她很年輕。
#說一個人年輕係咪吹捧?
#睇你中唔中意果個人囉
#你記唔記得有句潮語叫
#少年你太年輕了
#年輕可以係戇鳩嘅同義詞
#AO治港
#政治評論
吹捧同義詞 在 無神論者的巴別塔 Facebook 的最讚貼文
//請支持本Page運作,加入成為Patreon會員:https://www.patreon.com/user?u=7173543//
過去整整兩個月,所謂「本土派」與飯民幾乎傾盡所有家當、擺哂所有心血響35+同初選上面;當日我苦口婆心話想議會過半根本係無用之功,結果反被兩邊人馬合力圍剿。然後去到今日,政府兼用大DQ同延後選舉兩大招,將整條議會戰線連根拔起,突然間個個撐初選35+嘅人將「加速」二字掛在口邊,又聲稱「主線唔通咪打副線,一早在我計算之中」──但響我眼中,呢一班網絡八奇並唔係一早計好,只係逃避現實嘅自欺欺人。
首先我一再強調,無論「加速」定係「攬炒」,根本就係「焦土」嘅同義詞:將局勢推到無可再壞嘅地步、迫使群眾丟掉無謂幻想放棄溫和進向激進;中共展現醜陋真面目、令外國再無藉口唔制裁中國……有邊樣嘢焦土理論入面無提過?但結果當日提出「焦土」果陣,以蕭若元、劉細良為首嘅傳統「黃標KOL」點樣瘋狂攻擊焦土派,大家係咪唔記得哂?
劉細良當日講「焦土派即係燒咗自己間屋,邊有人咁蠢?」、毛孟靜話「焦土即係自毀長城」、蕭若元直到一個月前仲嘲諷:「中共係1700倍於你嘅巨人,而你香港諗住可以同佢攬炒,有無天真咗啲」,但去到而家就個個轉哂軚學人講攬炒、加速──喂都先唔好講剽竊焦土派Idea呢個問題,呢班粉皮係咪應該先向焦土派道番個歉、承認自己以前昧於形勢、跟唔上時代變遷?
然後連登同某「黃標KOL」有種講法我覺得非常卑劣,就係話而家「加速」同以前「焦土」係兩回事,因為有初選35+迫政府取消選舉,先至有今時今日適合投白票或者其他「攬炒」嘅時機:
1. 即係我響上一篇文經已講到,如果投唔投白票、焦唔焦土只係時機問題,咁就唔係敵我矛盾啦,咁點解之前你班垃撚圾黃屍又要講到邊個投白票、邊個提倡焦土就係收共產黨錢、就係中共同路人?對於呢種誣衊,你班撚屌係咪應該道番歉先?
2. 其次就係,時機成唔成熟其實係一項主觀判斷:你覺得要等大DQ先叫成熟,我覺得根本由梁天琦梁游被DQ一日開始,中共醜陋一面經已暴露哂出黎。你話民眾當時未有「攬炒」心理準備,咁我想問當日你班時事評論員響度9噏啲乜?
廢老森話「本土派DQ係自己攞黎,唔應該旨意飯民去救,而應該自己執屎」;劉細良同陶君行話「本土派係比共產黨利用,只係自己玩嘢玩出禍」、「我地唔奢求令香港變番以前咁樣(光復香港),我地只求香港唔好衰得唔好咁快」
即係如果作為意見領袖同時事評論員,唔能夠睇通時勢帶領群眾,甚至乎調番轉只係識追逐群眾尾巴講啲大家啱聽嘅嘢;去到局勢激化到無得唔變果陣先人云亦云看風駛𢃇,喂你地呢啲係叫做「減速師」,拖慢香港民主發展進程,唔撚該全部執笠收皮,唔好再害香港啦!
***
無錯,當日包括黃之鋒在內,係有唔少初選支持者講過:「就算35+候選人比人DQ哂,反而加速外國制裁中國」,但如果你單憑呢個講法就想將飯民初選包裝成「一早估倒主線唔Work就行副線劇本」,則未免自欺欺人:
一、響全城吹捧初選果陣,個個講到35+飯民可以點點點、XXXX直頭信沈國師信到十足,話飯民過半就可以選個特首用特赦令救手足,個劇本連大腸入面啲屎都畫埋出黎;但副線劇本呢?除咗「制裁香港」四隻字之外,我乜都睇唔倒──幾隻字同我話呢個係你「計算中嘅劇本」?唔係自欺欺人係乜?
二、如果一早計倒政府有推翻選舉呢一步,咁至少到發生呢件事嘅時候,做嘅所有嘢大家都會有一定共識:咁而家張崑陽建議往後選舉全投白票係咪所有撐初選嘅人嘅共識?定係臨時起意嘅藥石亂投?好簡單之嘛,你問下所有撐初選嘅人係咪大家都撐投白票,咪知道呢個係咪「劇本」囉!
三、都唔好講到「副線劇本」咁高要求,剩係政府一個大DQ打到埋身,你班黃屍都立刻陣腳大亂、連最基本嘅程序公義都唔理啦──乜之前唔係大大聲講到邊個唔遵從初選結果、堅持參選就全面杯葛架咩?點解響梁晃維公開宣佈對選舉完全失望,唔會再指名Plan B之後,明明初選輸咗嘅楊雪盈同徐子見就立刻搏懵入閘?
咩程序公義都唔撚理、一邊投白票一邊執雞搶議席,係咪又係「副線劇本」嘅設定?
***
唔駛問錦鯉有乜高見。我嘅高見其實就係而家大家嘅淺見,只不過我比大家早咗足足一屆選舉提倡而已:自從中共無理DQ已反映選舉無用,我唔反對有人繼續參選,但唔應該妄想可以透過議會過半改變政府;相反應該盡快透過焦土飯民迫使香港人面對議會路線無效呢個現實,應該集中精力響其他抗爭戰線上面。
你地而家如夢初醒嘅嘢,我早三四年經已開始講緊,我早早希望「焦土加速」,卻被你班仆街抹黑成分化撚、熱狗同收共產黨錢。去到而家大家紛紛扎醒,連王丹都叫飯民唔好再同港獨切割──我唔係要咩平反,但踢爆你班看風駛𢃇嘅垃圾KOL就梗架啦,唔係等你地轉軚轉得咁過癮?
同埋如果大家真係認定咗《加速世界》係今日嘅劇本,就唔撚該認認真真寫好呢條新主線劇情佢,唔係到時中共放大少少個狗窿大家又突然覺得35+有希望,齊齊又再搞多次初選,重覆歷史發生過嘅錯誤──到時我再寫文屌比人圍剿嘅時候,只希望大家記得番起,我今日寫過嘅呢篇文。
吹捧同義詞 在 無神論者的巴別塔 Facebook 的最佳解答
//呢篇嘢原先只打算寫完響Patreon貼就算,但有網友提到想睇,掙扎一輪之後都係決定公開出黎比大家睇。雖然係咁,但都希望大家可以多多支持本Page Patreon https://www.patreon.com/user?u=7173543 ;雖然無錢我一樣都會繼續寫,但有錢當然會寫得多d比心機d啦,尤其今時今日寫評論寫到我咁唔錫身,同玩命無分別……//
有網友點名叫我談談李登輝離世,其實我對台灣政治不熟,也不敢班門弄斧,只談一些親身的回憶。印象中開始關心台灣新聞嘅時間,大概就係1996年台海演習一年。當時每日新聞頭版就係講緊中共試射咗幾多發導彈,台海局勢點樣點樣嚴峻,一直到美國航空母艦戰鬥群橫渡台灣海峽,局勢先穩定下來。
當時我細個唔明白嘅係,李登輝當時選舉嘅最大對手,就係台灣領袖彭明敏,但共產黨軍演期間日日罵的,卻係國民黨的李登輝,這豈非搬石頭砸自己的腳?一直到我大個之後先明白,大人世界的政治,遠比我想像中複雜。
如今唔少香港人對李登輝推崇備至,這除了由於一種反共情意結之外,也是由於如今已能用較客觀的角度就他的一生志向作評價。但我可以說,由90年代中至2000年之間,香港人對李登輝是罵不絕口。一方面有人罵他反骨一手搞垮養育自己的國民黨,一方面有人說台灣的黑金政治風氣就是由李登輝敗壞。但罵得最犀利的,卻還是說他搞台獨、親日反中,是一名大漢奸。
尤其是當時網絡討論區剛剛興起,罵李登輝的人不會直呼其名,而總喜歡稱呼他的日本名字「岩里政男」,好像作為中國人(雖然李登輝並不在意這個身份)有一個日本別名是一種恥辱似的。雖然當時的香港人已不太喜歡共產黨,但他們卻更恨李登輝,認為全因他搞風搞雨才令兩岸之間不得安寧。會在香港網上討論區公開表示支持李登輝的不單是少數,還會被圍攻。
一直到2003年,劉慧卿在台灣舉行的研討會表示「支持台灣人民自決」,回到香港又堅拒表態支持「台灣是中國一部份」,結果被舖天蓋地的圍剿之餘,還要鮮少人會對她表示同情,當時的香港民情就是這麼一回事。
直到現在,李登輝在香港人、尤其是飯民支持者的心目中,又由「大漢奸」變成了「民主之父」,吹捧他如何促成台灣成為華人社會一個難得的民主政體,讚賞他的政治手腕如何精明,把迂腐的國民黨玩弄於股掌之間;更為台日親善關係費了極大心神。
然後我會想,無論是李登輝、還是支持李登輝理想的人,在廿多年前之所以會被批鬥,非因他們大奸大惡,而在於走得太前、看得太遠。平庸的大眾不了解這些有遠見者的苦心,不惜用盡最惡毒的方式來抹黑與詆譭──即使他們其實就是為了這班平庸大眾找尋出路。然後到了民智終於成長,過去的漢奸如今吹捧成英雄,過去那些出於愚昧的指責,自然如粉筆字般被抹去。
望落係咪熟口熟面?無錯,香港其實亦係不斷重覆相同嘅故事。當日被人猛打落水狗、話佢收共產黨錢嘅本土勇武派,一直間成為人人吹捧的英雄;過往攻擊傳統飯民就被視為分化撚,突然間黃碧雲、梁耀忠又有如攞正牌人人喊打。
仲記得焦土派曾被飯民黃屍嘲笑為白痴行徑嗎?如今人人開口埋口掛住「攬炒」二字,「加速」突然成為KOL與飯民支持者之間的潮語,其實通通都是「焦土」的同義詞,只是因為拒絕面對過去自己的愚昧,夾硬改個說法自欺欺人而已。
新近張崑陽提出探討「白票運動」的可行性,這不就是跟著過去焦土派的舊路行嗎?然後「黃標KOL」與一眾飯燈仔們,還要狡辯這是努力「加速」,搞初選35+導致政府大規模DQ後的新戰略,與盲目投白票絕不相同云云。好撚心你地啦:
1. 如果「白票運動」真係戰略選擇而唔係臨急抱佛腳抄人招數,點解唔響搞初選、提35+之前講定比大家聽,一旦失敗就會咁做?點解係去到自己友比人DQ哂先走去諗投白票?即係有機會就繼續跪,無機會就發爛渣?
2. 如果被DQ就係「白票運動」嘅前提,咁焦土派當日提倡焦土就係源於梁天琦、梁游等人被DQ後,對選舉制度完全失望提出嘅做法──點解我地先知先覺叫人投白票就係鬼就係收共產黨錢,你地後知後覺就係「形勢唔同」、「有備而戰」?咁係叫「輸打贏要」呀大佬!
3. 再退一萬步,我就當你班飯粉覺得而家時機係比較成熟,咁即係以前提倡「投白票」只係時機睇法上嘅分別,點解之前要比你地屈係鬼?認同投白票係無問題之前,係咪應該先向我地呢班焦土派前輩道歉先?
但當然,就正如我上面所講,廿幾年前響香港嘅李登輝支持者一樣,走在時代最前端並唔會令人佩服,反而只會令平庸嘅大眾惱羞成怒;就算日後佢地難得進步,亦唔會記得呢班「前輩」嘅先見之明,而只會扭曲事實,顛倒是非,繼續為自己嘅愚昧開脫。