Search
大家黎到英國，應該好好把握呢個「第二次重生」嘅機會，開展一啲興趣，學一啲在香港唔會學嘅野。
我在最近幾年就選擇左學騎馬。講真，第一堂學騎嘅時候，真係有一刻覺得自己會變陳奕迅咁爆丸。但當學多左幾堂之後，可能是技術進步了，又或是練成了謎之金鐘罩，總之就唔再痛。我由一開始要人幫我拉住隻馬，到依家可以自己canter，都算係咁啦。
Anyway... 我粒丸並唔係今次嘅重點，重點在於英國地方好大，工餘時間好多野可以俾人去學同埋探索。未來夏天日照時間還會增加，不好好的出去走走，不會太可惜了嗎？
#利申有請假
#拎假騎馬
#好開心架
#笑騎騎
#夾功了得
#夾到隻馬不要不要的
#已經儘量拎角度
#令到我對比隻馬唔係太細粒
#啲人話矮仔騎馬影相會顯高
#呃9人架
#拿破崙啲朋友
#咪又係凱撒咁款
#猿人爭霸戰嗰隻 😂😂😂
［排隊嘅嘢］我都係會排的。有何不可？
TLDR：科技先進，有得碌手機，排隊嗰兩個鐘根本唔會「嘥咗」，所以咪更多人排。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
又到月頭，告個急先：Ivan已被炒，3月中開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
1. 拉麵我只排呢間。鳴龍。應該係多年前MIST（銅鑼灣）嗰個主廚。好似我每次去東京都會排，而我朋友每次都恥笑我，我又每次都繼續排。冇嘢嘅，自己覺得過癮咪得。
2. 排幾耐？差不多每次都兩個鐘。你見條龍唔算好長，因為佢會截。但間舖好少位，仲要仆街在有啲友（多數係華人，因為我見洋腸或日本人好多自己一個去），食完仲要碌下電話吹下水先。冇話犯法，店方冇話唔畀，「但就咪撚講咩同理心了」。
3. 後來拎埋米芝蓮一星，不過都好似照樣係排兩個鐘左右，可能係人類極限，或者佢會截龍。但佢又好在好似投票站咁，你埋到舟佢就會畀你食，當然佢會點人數，但唔會話排完兩個鐘最後冇得你食。
4. 不過客觀啲講，你話「嘥時間」？我呢啲時間管理達人嘛（有人以為）。點會嘥時間？次次我就睇報紙（電話上啦，未痴線到拎份報紙在街度睇，好大風的，況且唔識日文，睇香港報紙啫），睇email，都未睇完就已經到啦。係喎，本人日日睇email都兩三粒鐘啦，唔係邊有咁多嘢寫？所以根本唔會咩「嘥時間」。
5. 但又有啲問題，第一個問題係，嗰個位係好撚當風的。夏天排還好，冬天排真係大撚鑊，「排完份外好食」「我估咁樣天寒地凍排兩個鐘畀碗味千你都話好食」。另一個問題就係會……急尿。有一鑊我真係頂唔順，入去咗舖頭借洗手間，幸好佢會借畀你（歡迎話日本人心中係咁屌老母，隨你），而又幸好我後面條洋腸（以及再後面嘅人），唔會唔認數要我由頭排過，真係人類文明頂端。
6. 嘻，講食嘅嘢個個都專家。我就比較（懶撚係）抽離啲咁睇。好唔好食？梗好食架。你咪自己做個blind test．事實當年佢在香港開 MIST（銅鑼灣）都又貴又排隊，但我都係排。人地話晒米芝蓮拎星，「仲有冰水」。講真我又唔覺你啲網友有幾巴撚閉。你話呃遊客？日本人都照排的（當然日本人都有好多種，你又可以話講日文未必係日本人嘅，隨你，拎日本護照都唔係日本人添）
7. 咁好食之餘，價錢呢？當然係唔貴。「實情我都唔記得幾錢」，「所以咪唔貴」。但大佬你香港食味精水拉麵都成舊水啦。呢度都應該係咁上下。
8. 之但係啦喎，你話「值唔值得」排呢，呢啲就真係好主觀了。我去排咪話你知我覺得值得，仲要我排咗咁多次。咁但你覺得唔值得亦冇乜所謂，唔使下下屌人老母嘅。
9. 事實係打從有咗智能手機有得上網碌電話，「就多咗好多排隊嘢」。因為個機會成本低咗好多嘛。我覺得而家壽司舖又排 賣波鞋又排 賣演唱會飛又排，除咗話有錢賺（排壽司冇得賺錢下話），跟風打卡（呢間拉麵我食咗四五次喎，開咗都N年，仲跟風？），亦多得有得碌電話。冇得碌住電話我就真係唔會排了。
10. 所以我好敬佩嗰啲當年未有得碌電話都可以排成晚嘅人架！
11. 另一方面，排隊嘅嘢，供不應求咯。當然係香港舖頭你就屌佢扮撚晒嘢 特登造勢 吊高賣 飢餓行銷。日本人咪好有堅持 象人精神 唔係只會為錢（事實賣得唔貴）。咁但，又得罪講句，供不應求嘛，總要有啲方法去分配。排隊似乎比較「公平」，一唔係嘅價高者得丫，或者加價一個 double丫，你咪又係屌人。
12. 所以呢，下次有得去東京，都係會再去排過。我朋友會繼續恥笑，我又繼續排。
13. 在邊？搞錯錯呀，Google下你都唔制，就冇誠意了。以前夜晚食完我就會行去池袋Penguin Bar 睇企鵝，很治癒。「唔遠」「行半個鐘啦」，仲可以睇啲人去爆房，池袋出名多LOVE HOTEL，「池袋色情男女」嘛。
14. Oh，BTW，MIST個總廚（囡囡話總廚同主廚唔同喎，一個指手劃腳一個落場煮）森住康二，之前又去台北自己開咗間。就在台北忠孝SOGO，咁啱嗰期我個個月去台北，都有食過下，見過大師本尊淥麵添。不過已摺。記得台北就唔使點排，特別係我呢啲三四點去食嘅。係香港先可以三四點餐廳都坐滿人。台北都極少可有咁嘅嘢。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
年28，掃邋遢係呃人架！要年26+年27+年28先掃得曬d邋遢啊！！！
掃曬d邋遢，收工過年！所以「靜晶日記」自己放自己年假！（點都要有d儀式感既～ 哈哈哈～ 我打算hae、食野、睇書、煲戲、你呢？）但係依個星期都有4部，黑貓導既新年短片，由年29到年初二陪大家過年喔！希望可以俾到大家少少新年氣氛！係度預先恭祝大家：龍馬精神！唔好死住！要乜有乜乜都有，想點就點點都得！
#懵吓懵吓又過年
#粤语对联
所謂【期間限定好友】就係指朋友跟他們的朋友來到東京探丫仁，一齊去玩去WET而且一撻即著，瞬間融入是也。
係8月中的某一日收到一個自稱係GOTRIP旅遊記者 的INBOX詢問，有沒有興趣參加9月頭的KKDAY 贊助的蕎麥麵製作班。同香港朋友講這件事時，他們都有問「究竟係咪呃人架？」「咪參加啦！十成十搵你笨～人氣高BLOGGER又唔問，問你？」
之後睇入去佢地個PAGE同睇片，真係有這個人係到，同一個人黎！所以兩話不說應承左，因為佢拍片的同時，我又有題材一石二鳥三重四德（年齡暴露?）
因為要等收搬屋的包裹，足足遲左半個鐘！怕亂左成個行程。蕎麥麵製作班係位於東京都中央区，包一餐同製作！除左我之外，竟然撞到 #香港人在東京 都有參加埋一份，起初認唔到佢架，但一句「原來你平時係咁拍野架」我認真望一望！他鄉遇故知之餘，仲加點熟落的感覺。一行6人出發》迷路》GOOGLE MAP》突然到達
蕎麥麵製作班係一間部屋似的工作室，睇裝修就感覺到師傅應該是個攝影發燒友，好多攝影棚的設備。於是借Andy的 #GOPRO 試下師傅底子?開始製麵的30分鐘，應覺蕎麥麵搞咁多野？又精準計算濕度／溫室／選擇麵粉等等，師傅邊做邊出晒汗用力搓個麵團。見佢同有節奏，問要不要播返首POPJAZZ跳下舞，但我一直推薦跳 #崖上的波兒?點知師傅即刻轉身射個三分波，開YOUTUBE播BLUE BLUE地的音樂。
搓到咁上下，大家都餓啦，師傅開始切配料同重頭戲：蕎麥麵?
切配料個時我地都好跳皮，要食野生即磨WASABI同教師傅講廣東話。師傅好好學，竟然 jot note???
坐定定，等食麵同自己整啦~
食麵係有幾個步驟要注意架！
1) 係要先食蕎麥麵原味
2) 呷一啖由木魚／昆布／醬油煲出來的沾汁
3) 夾一小撮蕎麥麵放入沾汁內，注意只可以浸到蕎麥麵的一半，仍然保留蕎麥麵的原味
4) 先後加入大根蓉（即蘿蔔蓉）／大蔥到沾汁裡，浸到麵的一半品嚐
5) 將小量即磨WASABI (わさび)放在味蕾上，再細味辣的味道（千萬不要放入碗內）
6) 所有麵都食畢，剩下的配料全都放進沾汁內，加剛剛煮蕎麥麵的熱水。沾汁瞬即變成湯，可回味。
咁食就為之正宗啦
食法同丫仁處女下海，如何用屠龍刀切出三重麵，就要留意睇片啦！
參考：https://www.kkday.com/zh-tw/product/2774
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
