Sell屎血汗史．第二回
上回講到，我無啦啦就入左呢間本地「大型」珠寶公司做MT，
做MT播，唔係一直都係好多大學讀business既朋友仔既夢想黎嫁咩？
拿，老實講我一啲感覺都無，
不過好得意嫁，你會成日聽到身邊成日都會有同事講，
「你行助（佢地對MT既稱號)黎嫁麻，一開波就入管理層係唔同啲」
喂老細，呢句係咪潤我先？我呢啲只係高級打雜黎嫁渣。
通常我都係笑笑口就走開左。
大台珠寶行其實係香港黎講，的確係一間好大既公司，
又係上市公司，最初其實都有少少期望，諗住都okay呀，
可能做做下咪一世囉😂
大台珠寶行又講到行助升職條path又唔同，好快就做經理咁話喎，
見咁吸引我咪做住先囉！
不過由我第一日入職去training，我就知道呢間公司不宜久留。
其實個training對於sell屎都還算okay，
會介紹下公司呀，有產品既資訊下，HR係呢方面做得唔錯，
我眼見既新同事其實真係乜野人都有，
咩學歷咩背景都有，有啲為左多啲錢由做美容轉過去，
有啲就係做文職轉過去，大家都係聽過係大台會搵多啲錢，
而個時的確係零售市道比較好既時候，
所以個時的確好多人轉去大台做。
但係咁，你第一日training就同人講你唔單止想做香港第一，
仲想進軍世界，本來係冇問題嘅，
但係你哋硬件軟件都配合唔到，
你個signature產品係隻乜乜寶寶，
大佬啲鬼佬鬼婆會唔會買你隻乜野寶寶先，
雖然依家佢地啲小朋友都玩埋啲低智抖音。
就咁睇品牌形象，都已經無得比，
如果啲人買金飾結婚，或者都會係你度買，
但講到買鑽石，我寧願去間大品牌俾人呃，
最少我戴住隻Cartier，港女都羨慕一餐啦。
咁當然，作為小薯，大家都好現實，
做得sell屎個責任都係幫你sell啲產品出去，
所以都係睇份人工有幾多，我見大家都對呢方面係充滿期待。
不過做左之後，大家就會發覺人工同入職當時講既，都幾大出入，
呢個我遲下再講。
聽完佢地講完一日要成為世界級品牌既話後，
到依家佢地做左一樣令我依家都唔係好happy既事，
就係俾左套柒到無倫既制服俾我，
拿，人靠衣裝，係我個角度黎講，
一套點既制服，亦都反映左公司既品牌形象，
客人第一印象，係見到你既員工個樣先，
但唔知係咪管員工形象個人永遠都係啲上左年紀既呀婆，
大佬21世紀啦，唔係仲係1980年代個個經濟起飛個香港，
你仲叫我地著套闊到無倫無cutting既西裝，
仲要我地襯對黑色翻學皮鞋，板底皮鞋都唔準，
你做我依家翻中學咩，
男仔唔比剪比比鳥頭我明（個時仲興），
唔係連紳士頭都話我undercut麻，仲要規定頭髮兩邊唔可以剪少xx mm，
我睇住我呢個翻工樣，唔fashionable之外，
一啲都唔pro，
仲話自己想target年輕人去買你啲野，
我係年輕人都唔想跟個唔潮既sell屎去買呢啲產品戴上身啦！
不過咁，老一代就講極都唔會明呢個道理，
因為有年代既鴻溝，
又話姐咁，佢地既潮同我地既潮真係唔一樣，
係佢地心目中，呀倫都叫潮，咁有咩係無可能？
有關呢個員工形象，已經係我第一個唔想繼續做呢份工既原因。
PS我見到依家大台珠寶有好多分店都改哂制服既顏色同店舖顏色，
不過我見到佢地既顏色，我唔覺得好年輕，
我淨係覺得好尷尬，好少女，一啲都唔高級。
PS我個時著到好似中學生扮大個咁，仲要佢唔俾我剪兩邊頭髮，
因為行助其中一樣工作係捉人grooming，
要我做role model咁話，
結果我resign第一時間做既野，就去仆左去剪頭髮，
因為我個時無哂自信，心理唔平衡。
安德魯艾豬：https://www.instagram.com/a.drewy/
#想繼續睇落去請繼續俾like
#呢張係我lastday相
#派散水餅原來佢地唔係好興
呢張係我lastday相 在 一年前嘅今日係我喺TVB嘅last... - 張文采Wendy Cheung 的推薦與評價
Facebook同IG不斷有人提醒我，一年前嘅今日係我喺TVB嘅last day，原來一年時間係過得咁快！ 介紹吓啲相先！✌ ✌ ✌ 第一張係新聞台25廠 ... ... <看更多>