梧:
難得今日得閒無事,同大家9up吓一啲無聊嘢。
話說,喺若干年之前(起碼5年前),喺一個私人酒局入面,在下曾經同幾個朋友講過:「Crypto is here to stay,just not necessarily BTC。」(當年市面上都無咁多隻crypto,BTC同ETH已經係叫做比較多人識嘅)
若干年後嘅今日,crypto已經係全世界人日炒夜炒嘅嘢,同日講夜講嘅一個話題,但係在下都係認為當年呢一句說話仍然apply;咁當然啦,好多人亦都知道在下呢句說話嘅意思——之前喺呢度問過大家關於BTC嘅hard cap問題嘅時候,已經見到好多朋友嘅思維都知道:就算BTC發行量(21球)到頂,之後仲會有千千萬萬隻crypto俾大家玩,所以唯一嘅問題係大家想唔想玩架姐。
在下今日想鳩問嘅問題其實係——「若干年之後,crypto呢一樣嘢將會點呢?」
(講明先,在下唔撚係叫人買邊隻crypto嚟保值呀乜乜柒柒,你如果想要呢啲建議嘅話求撚其搵個KOL就得。在下只係純粹搵啲嘢同大家9up吓咁解)
同幾年前相比,而家稱crypto為一個asset class相信已經無乜人會再有異議;Crypto有各式各樣嘅algo、有得掘礦、有得當錢咁用、有得儲存/囤積、同埋有得喺平台上交易,連regulation都開始有(要好強調係開始),亦代表呢一個class嘅硬件設備已經發展得頗為完善。
雖然係咁,在下反而認為點樣去解答crypto何去何從呢個問題,唔可以單純以crypto嘅科技角度去解答;「去中央化」呢樣嘢當年嘅願景自然好崇高,但係可惜嘅係,應用crypto嘅始終都係人,即係你同我,同埋林鄭;人類身邊嘅科技不斷地進化,不過人類社會嘅運作模式卻沒有因此而進化過。而喺普通人嘅生活認知入面,仍然會消費、會搭車、會返工、會供樓,所有起居飲食都係要錢,講嚟講去都係錢(唔係crypto)。
所以,問題嘅癥結其實比大家所想嘅簡單好多——crypto最終會唔會成為錢?又或者在下用一個好聽啲嘅terms:「貨幣化」。
而相對於貨幣化,crypto亦行緊另外一條路,在下稱之為「商品化」,因為經過過去呢幾年嘅演進同應用,crypto其實已經向世人證明咗,就算佢唔係一舊實質嘅嘢,亦已經符合晒傳統對於「商品」嘅定義;而重中之重嘅一點係——佢真係有限供應。
一隻商品究竟能唔能夠成為貨幣?過去嘅歷史自然話俾大家聽可以啦,黃金同白銀就係最好嘅例子。問題係——而家嘅政府想唔想咁做?就算想,亦唔代表佢地將現有嘅crypto當作貨幣,最重要嘅原因係因為控制唔到,and government is all about control。如果用一樣自己無得控制嘅嘢做法定貨幣嘅話,歷史發生過無數次嘅嘢就會重演;呢個係legacy issue。
相信大家都知道,過去幾年人民銀行已經測試緊eRMB,而如果大家有睇賴叔嘅 規佬筆記 Compliance Notes 嘅話,就知道近日HKMA亦將會開始利用大六嘅科技去研究呢樣嘢。當全世界其中一個最中央集權嘅國家都做緊呢樣嘢嘅時候,相信大家明白control對於政府嚟講有幾咁重要,無論係意識形態、稅收、生育、定係錢。
Crypto究竟會貨幣化定商品化?在下認為其實係會兩樣嘢同時間一齊進行,但係政府一撚定係end up使用自己可以控制嘅crypto,而唔會係任何市面現有嘅crypto。當你同我都可以創造一隻crypto出嚟嘅時候,政府亦可以,而佢做到大眾做唔到嘅嘢,就係立法。
(題外話:El Salvador嘅Bitcoin Law係將bitcoin變成同美元一樣嘅法定貨幣,除非商戶無呢個科技去收crypto)
喺政府嘅角度嚟講,佢地開發同應用crypto嘅目的其實好簡單,就係將M0電子化(畢竟因為歷史原因,成個貨幣體系入面都係得M0未電子化姐),同埋可以追蹤(話就話反洗黑錢喎……你明啦)。
以上呢一點同當初crypto「去中央化」嘅願景都幾差天共地,因為由中央機構製造出嚟嘅嘢,點可能會去中央化?政府要靠自己發行嘅貨幣嚟收稅,同埋央行要控制貨幣供應架嘛。除非推翻政府,否則crypto只會變成政府嘅監控工具之一;而只要當政府製造嘅crypto出現之後,市面現有嘅crypto就會無可避免淪為商品(甚至係黑市非法嘢),因為可以預見政府喺未來甚至會監管/控制新crypto嘅發行;最有效快捷嘅方法就係立法監管現在同以後嘅所有crypto交易平台。
最後,除咗政府之外,crypto最大嘅敵人就係quantum computing。喺現有嘅電腦科技之內crypto係近乎安全,但係理論上一旦呢個世界出現到可以量產嘅量子電腦嘅話(雖然唔知要幾多年之後先實現到)就仆街。不過,在下無打算喺度FUD你地,又咁講啦,當政府真係控制到自己發行嘅crypto之後,嚴格嚟講大家就係企喺同一陣線,如果真係可以用quantum computing打劫嘅話,政府一撚定仲驚過你地;就算矛越嚟越強,但反之盾亦會變得越嚟越強,所以,最有可能嘅結果應該會係——crypto嘅安全問題最終唔會比而家你出街俾人打荷包,又或者銀行俾人打劫嘅大。
9up完畢。
#好耐無喺呢度寫過過千字嘅嘢
#之前有條友叫在下寫港航同HNA在下無興趣
#呢篇當補返俾佢
同時也有1部Youtube影片,追蹤數超過1,000的網紅大丈夫。工作遊記,也在其Youtube影片中提到,齊齊地為床 天為被—序章— 今年想行富士山有兩個理由 ❶ 想係35歲之前,自己身體仍然冇病痛做自己想做嘅嘢 ❷ 浸淫喺日本文化成長下嘅80後,想更加深入了解呢座世界文化遺產活火山——富士山?????? 嚟咗日本之後發覺自己想做嘅嘢多咗好多,而且日本比香港地大物博,接觸到嘅新事物機會同樣較多,資源分配...
呢篇當補返俾佢 在 大丈夫。工作遊記 Youtube 的最讚貼文
齊齊地為床 天為被—序章—
今年想行富士山有兩個理由 ❶ 想係35歲之前,自己身體仍然冇病痛做自己想做嘅嘢 ❷ 浸淫喺日本文化成長下嘅80後,想更加深入了解呢座世界文化遺產活火山——富士山??????
嚟咗日本之後發覺自己想做嘅嘢多咗好多,而且日本比香港地大物博,接觸到嘅新事物機會同樣較多,資源分配亦唔會一面倒只係傾向大陸人?早係三月嘅時候丫仁已經開始徵召各路嘅勇士陪同征山,結果成功爭取組成一行七人,集勇氣、毅力同經驗於一身嘅「活力爆棚童顏組」齊齊向富士山出發??????隊中有香港行山經驗嘅同學、亦有曾經上過富士山嘅朋友、仲有喺歐洲行山經驗老手??陣容咁強勁,又點會有問題呢?
出發前一星期緊張到不得了,但由於裝備要係出發前一日先送到黎,所以只能夠放到屋企嘅一角等入袋??♂️係「そらのした」上網租咗一set7樣用品,有齊登山嘅必需品例如大容量背囊、爬山厚底鞋、二刀流行山杖、防風褸及褲、頭燈同補暖外套,寄到去屋企都只不過係13,400円?佢個網頁有齊中英對照,唔識日文都唔使擔心!你可以選擇送到去酒店,再經任何一間便利店寄番件回去亦得,得咗?完全方便觀光客兩手fingfing 就去爬山(來回運費都只不過¥1000?,抵俾)咁我一早就可以輕鬆着住成套裝備出發,唔使係五合目換衫慳返唔少時間???? 點解租?因為如果我今次成功制霸富士山頂的話,應該唔會再有第二次上山吧,說到底丫仁都唔係outdoor型?
放工之後即刻返屋企執行李,又要拍片影相等等都真係異常忙???越執就越覺得有好多野甩漏,兩點仍然仲處理緊上山嘅瑣碎事,無奈又要五點起身,只好乖乖地唞一唞補一補眠就起身出發!
我哋始終都係第一次行富士山嘅新手初哥,選擇咗難度最低但相當費時嘅吉田徑行!我哋喺新宿集合再搭京王電鐵到河口湖轉巴士,車程約兩個半鐘¥2100左右一程!搭巴士亦要買兩日券¥2200/人???計埋裝備,登一次山其實同滑雪差唔多價錢?
一個鐘頭嘅巴士車程車到我哋去最近嘅山口五合目!!合目(ごうめ)係等於check point / station 識別。
❶ 五合目
❷ 六合目
❸ 七合目 (距離最長嘅路程)
❹ 八合目
❺ 本八合目
❻ 八本五勺(人稱8.5合目)
❼ 九合目(最懸崖峭壁嘅難位)
❽ 山頂
共8個check points?而大部份嘅山小屋(やまごや)都位於七同八合目。因為正直行山旺季,早係五月嘅時候想開始電話預約小屋都打唔通。原本想選擇距離山頂近啲嘅人氣山小屋——御來光館,用盡方法都做唔到登記,大概星期六日嘅空位應該爆曬????退而求其次,我哋揀咗喺八合目元祖室,但願有一餐飽飯來暖暖個胃。
上到五合目已經有成海拔2200米左右,而且溫度由河口湖嘅33度驟降到最適合人類生存嘅溫度,超爽YY嘅15度左右??????受氣壓影響,朋友帶來嘅平時薯片、濕紙巾密封包裝都已經脹過醬爆??我哋要等身體適應高海拔,所以我哋要係五合目休息至少30分鐘先可以出發。五合目個大空地前見盡人生百態,有人做熱身拉筋、有人買糧食衝刺;有人去神社參拜保平安,亦有人寄明信片;丫仁當然要去買一支必買留念佳品——金剛棒,於每個check point到印一個特別嘅燒印,證明自己有到過呢個地方??????
金剛棒有長有短,任君選擇。有人買長嘅當行山杖,短的就當紀念,價錢有¥600到¥1500不等。我哋做完熱身,搽好防曬就圍埋一齊柴娃娃叫口號:「がんばるぞーAAO?」
2018年7月21日12:45為我地登上日本之巔,展開一生難忘嘅登山旅程?????????
ps:應該會係第一次打內容同多啦A夢大長篇差不多嘅遊記
第1章:
https://www.facebook.com/WHJP2015/posts/2612960658930090
第2章:
https://www.facebook.com/WHJP2015/posts/2619351031624386
第3章:
https://www.facebook.com/WHJP2015/posts/2627141754178647
第4章:
https://www.facebook.com/WHJP2015/posts/2635127250046764
懇請大家陪住【丫仁】成長,緊貼我最新動態 ♫
分享在日期間的生活,點滴累積成長!
【丫仁】's FB:https://www.facebook.com/WHJP2015
仲有,緊係要【Subscribe】我既youtube channel啦!
![post-title](https://i.ytimg.com/vi/cuag6S1L_jA/hqdefault.jpg)
呢篇當補返俾佢 在 想問一下如果師傅教車,當自己有咩錯既時候就狂用粗口問候,應唔 ... 的推薦與評價
大家好,想問一下如果師傅教車,當自己有咩錯既時候就狂用粗口問候,應唔應該試下轉師傅?定係堅持埋佢到考?而家學左7/12堂,每堂都驚俾佢鬧多過驚揸車咁,好灰心首先 ... ... <看更多>