🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][歎息橋][EP11]
·
[讚]
先讚凌文龍，佢去到診所sell嘢時，畀個醫生串，聽到醫生每一句串佢時個反應都唔同，好鬼正。每個細位都唔放過去做戲，欣賞。再讚岑珈其，又一集由佢帶，不過今集多咗潘燦良做後段對手，又係一場場沉實但精彩嘅演出。呢套劇好多演法都係咁，除咗Ken媽對住個仔呼天搶地式嘅做法，其他角色演員都唔去到盡，好鬼抑壓。我覺得正，因為現實中好多時都唔會爆，例如係唐寧對住凌文龍叫佢「幫手」湊仔嗰吓，唐寧演到㩒住自己，好真實。
·
我之前不停話好想車把阿Ken，雖然我明白佢嘅成長令到佢個性格係咁，但我仍然覺得一個人無分性別都應該為自己做決定負責任。不過睇完今集我會車少佢一把，因為佢呢啲模棱兩可嘅人終於有報應。
·
Ken當所有人都係避難所，去Joyce度避開阿媽，去Catherine度避開Joyce。而Joyce只係想喺阿爸死之前快啲結婚了咗佢心願，Catherine只係想有個男人關心自己，Kevin只係想有個人照顧佢阿媽，都算係報應一種，嗰個人近乎係邊個都可以，唔使一定係Ken。
·
到最後Ryan、Cat、Kevin一家三口開開心心食飯時，Cat根本完全唔care坐喺度嗰個男人係咪Ken，甚至其實佢一直都係等緊Ryan。個畫面好正，三個人食家常便飯，裝住阿Ken最寶貴玩具嘅袋就咁放喺後面，冇人理佢。
·
Kevin亦都當Ken係nobody，你見佢同Ken打波時個反應，同Ryan打波時真係差天共地。最後一個鏡頭Ryan同Kevin坐嘅時候對腳嘅擺法真係重擊，原來Kevin心裡面Ryan係重要嘅，甚至係內置咗。
睇返編審黃綺琳個page，原來呢個踩住自己一邊鞋嘅坐法係佢兩父女嘅坐姿嚟，sweet。
·
[彈]
冇喎。
.
[演員表] 林保怡、陳健朗 飾 李子勇 Thomas / 周家怡、談善言 飾 方小薇 Sammy / 衛詩雅、楊偲泳 飾 何樂兒 Joyce / 陳奐仁、黃定謙 飾 胡啟源 Ken / 伍詠薇、唐寧 飾 梁淑媛 Catherine / 潘燦良、凌文龍 飾 鍾懷安 Ryan / 秦沛、艾威 飾 何永昌 / 陸駿光、黃溢濠 飾 黎銘南 / 劉皓嵐 飾 李小陸 / 岑珈其 飾 鍾家俊 Kevin / 黃文慧、邵美君 飾 Ken母 / 劉兆銘、郭峰 飾 李文滔 / 易健兒 飾 嘉嘉 Milky / 李楓 飾 大姐強 / 李思函 飾 戴可迪 Judy
·
·
#1230隔夜超短劇評 #ViuTV #歎息橋 #林保怡 #周家怡 #陳奐仁 #伍詠薇 #潘燦良 #陸駿光 #談善言 #黃溢濠 #黃定謙 #衛詩雅 #陳健朗 #楊偲泳 #黃文慧 #邵美君 #唐寧 #秦沛 #劉晧嵐 #劉小華 #劉兆銘 #岑珈其 #凌文龍 #易健兒 #郭峰 #李楓 #李思函
