好重要所以要廣傳。如果要追求所謂走向世界,全世界通用語一定非英文莫屬,絕對唔會輪到所謂普通話,即係北話。我自細就受本地教育影響,寫嘢習慣用所謂書面語思維,而家已經有少少積重難返,難免覺得要煽情要正經就唔用得粵文,而家都慢慢改緊。呢種觀感要好多人一齊做至會有所扭轉,所以請大家用多啲粵文寫嘢,否則廣東話入文嘅文學價值,永遠都會因為冇人用已受到貶低。
【普通話星人,係咁上下】生而為人,你忍受到藝術發展局文學藝術範疇代表候選人兼《深圳詩人》創辦人吳永彤及其同類,一邊自稱香港詩人,一邊「打破」你家園,一邊貶抑你母語係「土話」,最後唔該都冇聲「領導」哂成個香港文學界以至全港十八區各界嗎?
全世界都識聽、全人類都睇得明嗰種共同語言,根本唔係普通話,而係人話囉;點解佢哋鼓勵其他人「做文明人、說普通話」之前,唔認真學吓講人話嘅?
該範疇另一候選人為陳偉儀(陳慧),最新消息詳見競選團隊專頁 HKadc2016_connection 。
Search