關於 咁我係餓丫嘛 ，我們在網路上蒐集到這些相關的討論、資訊與評價

#律己以寬待人以嚴 #為自己爭取最大利益 #咁我係餓丫嘛
又係你叫我自己攞嘅…

來吧！我既第一次就奉獻左俾GALA湯沢，係一個讚口不絕既體驗。一來自己未玩過，二來原來真係基本野一學就上手，不愧是我阿媽個仔，我阿嫲個孫！！??玩還玩，但都真係一個燒錢運動。除左入場費外，還有借衫／用具／高昂飲食費／車費等等，三連休已經用左多成28,000円（HKD$1,800）你都咪話唔肉赤?
我地早上上堂，下午就自由活動。上堂個時真係好快就學識，對外國人來講，個講者又真係講得好易明，加上BODY LANGUAGE更加快GET到！因為始終係初心者，所以1小時既課程只係教好正確穿鞋方法＞基本的穿同除雪板的教學＞初級到不行的滑行技巧＞內八字的剎BREAK（救左我好多次～）
個課程還包一次指導帶你上初級滑行徑，搭吊車（リフト）對雪板（スキーばん）同支桿（ポール）點控制。上車個時就同個導師傾得好投契，無留意到一落車就係向前衝，無剎停就同前面個小朋友撞左一齊，小朋友好巧妙避到，我就成個人瞓底向前碌，都咪話唔尷尬??
落山個時一直都維持住內八字，大內八字既狀態，大脾好攰好用力。去到大斜個時又失控內八變外八，係咁加速，最後又係成個人碌左雪地到?講真，滑雪原來都係易學難精。一日既雞精班又點會夠喉？上山碌落山不下十次，丫仁屢敗屢戰，係跌倒的地方起身雖然好難（太多人穿插）面皮都真係要厚～唔怕瘀就完美！每次搭吊車個時都會見暈，高山反應都真係勁困擾。又想玩，但身體又攰又餓。全身無力就導致一次比較嚴重的意外，係大斜路避小朋友剎唔到制，成對雪板飛脫（平時會鎖實對雪鞋）向前碌左幾個圈，好彩最後都安全無事，但你要即時諗對應方法。你係斜路中心，又著唔返對板（好難平衡到）結果托返對板行返平地再戰。
終於到左最後一次竟然可以係無碌雪地的情況下，順利完成個初級滑行徑。還得神樂，揚言三月要再戰???
終於到左最後一次竟然可以係無碌雪地的情況下，順利完成個初級滑行徑。還得神樂，揚言三月要再戰???

PS：回到家雖然成身散晒，但仍然要睇晒YOUTUBE直播的 100毛分獎典禮先瞓。真心越睇越精神，因為有共鳴嘛！但第二日就肌肉痛（きんにくつう）攞起滑鼠既力都無?烏乎也！

懇請大家陪住【丫仁】成長，緊貼我最新動態 ♫
分享在日期間的生活，點滴累積成長！

【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！