關於 咁我先可以繼續喺你ig板面出現 ，我們在網路上蒐集到這些相關的討論、資訊與評價

#nanac_sharing
上次分享完 日牌 #FLOWFUSHI 的 #MOTEMASCARA
又點可以唔提埋佢另一熱銷product - #MOTELINER #大和匠筆眼線液！
-
#moteliner 一共有5隻色：
黑色 / 深啡色 / 自然啡色 / 桃紅色 /深藍色
我自己偏好用深啡色 因為上眼其實同黑色差唔多但近睇會較柔和 亦都match返我經常用嘅橘啡色妝容
平日幫人化妝 想化比較精緻/精神的眼妝我就會用黑色
如果你想行日系/無辜啲路線 自然啡就好啱 上眼都唔會太淺色👀
-
佢筆身設計成8角型 拎上手會比一般眼線筆好握
特別要提佢的筆頭與一般眼線筆唔同 整個設計係與知名的熊野工匠共同研發
一共採用左四種不同軟硬度的毛質
呈毛筆狀的筆尖亦好好好幼細 可以輕易流暢地拉/勾勒到又長又幼的眼尾 🤤
-
我最最滿意佢的地方係佢顯色度真係好好好高 加上筆頭順滑 輕輕一畫過已經唔需要再補
畫完等十秒到已經可以完全乾透 唔會hi到周圍係
而且佢聲稱能夠維持24小時 經常都有人問我點解跳到爆汗個妝都仲可以唔溶 特別係眼妝
防水真係好重要 防水真係好重要 防水真係好重要 要講一百萬次
實測左咁耐 我好firm咁答你 佢 真 係 唔 會 溶
如果有時真係好大汗/捽左眼 佢只會呈細細粒狀咁fade out 絕對唔會化開
防水防汗防油防暈染✅
-
#FLOWFUSHI 牌子最大賣點就係全系列的產品都有添加美容液
眼線液亦標榜含有美容成分 包括高濃度的負離子美容液 具有滋養及保護眼睛和睫毛的功效
雖然呢點我證實唔到😂 不過基本上我每日都長時間使用 都冇發現有色素沉澱問題
佢用40度溫水可卸 而我就會用眼唇卸妝液輕輕按壓十秒已經可以輕易抹走
唔會拉扯到眼周的肌膚 一啲都唔難卸👀
-
其實我都成日試各大品牌的眼線筆
例如 #loveliner 筆頭對我黎講都太鈍 亦都太快就冇墨🌝
香港Sasa/colormix/卓悦都仲未有得賣😢 所以每次去日本都會幾支幾支購入
不過香港Cosme Store已經有啦 Wish!間唔時都會見到有 得閒經過去試下啦☺️
-
#非廣告 #自購分享
#中意睇分享文的話請like #咁我先可以繼續喺你ig板面出現😢 #我會繼續打多啲 ❤️

#nanac_sharing
雖然平時我自己化妝比較偏向韓系
不過我選用嘅化妝品就好多都係日本牌子🤭
有一個牌子我自從一試左就真係真係冇再轉過！！
-
我對眼睫毛液基本要求只有一個 就係防水
無論係平日返工 出街 定跳舞都好 我都一定會搽眼線同mascara
搽完去跳一次舞就可以見真章👀 會溶到變熊貓眼嘅毫不猶豫就可以byebye
日本 #FLOWFUSHI #MOTEMASCARA 同#MOTELINER 係我眼妝嘅不二之選 不過今次唔講眼線住 講左mascara先☺️
-
FLOWFUSHI MOTEMASCARA
一共有9款，當中細分為三個系列：Natural「自然」 / Impact「濃密/效果」 / Technical「技巧」
每支都能夠針對各類唔同嘅睫毛問題
（資料圖片）
-
1️⃣自然系列 NATURAL：
1. Natural （黑色）自然款（桃紅色管身）
主打自然纖長，輕輕一刷就可以明顯增長睫毛，打造清晰自然眼妝
我自己都係用呢支☺️ 效果明顯又唔會太誇張，刷頭大細亦啱啱好，就算下眼睫毛都可以輕鬆搽到，唔會hi到側邊🤫
延伸度-10 / 濃密度-7
-
2. Separate （黑色）根根分明款（綠色管身）
扁形梳狀刷頭係咁多支當中密度最高，能夠輕易塗出根根分明的睫毛效果，即使重複多塗幾層都唔會有曱甴腳/起粒
延伸度-10 / 濃密度-5
-
3. Nuance 啡色款（金色管身）
朱古力啡色睫毛膏更加自然，但仍然能夠造出捲翹及根根分明的效果，適合打造日系無辜/溫柔眼妝👀
延伸度-10 / 濃密度-7
-
2️⃣濃密/效果系列 IMPACT：
1. Dramatic （黑色）濃密纖長款 （紅色管身）
最最適合本身睫毛比較短小稀疏的你！只要輕輕一刷，就能夠立即延長睫毛並明顯加強濃密度
延伸度-10 / 濃密度-8
-
2. Sharp （黑色）銳利款（淺藍色管身）
梳狀刷頭同樣能打造根根分明效果，不過與Separate相比起來濃密度更高
延伸度-10 / 濃密度-7
-
3. Stylish （深藍色）時尚款（深藍色管身）
深藍色睫毛膏能夠配合打造時髦特別妝容，遠睇其實睇唔出係藍色唔會太誇張，但近看就可以製造驚喜😉
值得一提嘅係，深藍色睫毛膏更可以提亮眼白，令眼瞳望落更具透明清澈感🤫 所以唔係想像中咁難handle㗎咋
延伸度-10 / 濃密度-7
-
3️⃣技巧系列 TECHNICAL：
1. Gloss & Coat （透明）光澤護睫款（淺粉紅色管身）
可以用在眼睫毛及眉毛的打底，能夠幫助睫毛保持自然捲翹，增加光澤感同提升持久度，更可以令之後上的睫毛液不易脫色及暈染
而當中的黑色珠光粉及纖維更可以加強睫毛延伸性，加強睫毛的纖長度
用溫水即可卸
-
2. Boost & Primer （深藍色）提亮打底款（紫色管身）
除左同Stylish一樣深藍色的睫毛膏可以提亮眼白之外，Boost & Primer更能夠將所有的睫毛膏都轉換成以溫水就能卸除，護理睫毛之餘亦可以幫助維持捲翹
-
3. Micro （黑色）微刷頭款（啡色管身）
只有2.5MM的微細刷頭，靈活度十分高，適合用喺眼頭、眼尾、下睫毛等難塗嘅部位，幫助修飾眼妝，提升整體完整度
-
整個系列都採用融合左防水性及溫水可卸的「WP捲翹」新技術
能夠防汗、防皮脂、不易暈染但又可以用溫水簡單卸除
亦有添加獨家美容成分「End mineral」，帶有大量負離子，能夠促進血液循環同達至殺菌抗菌效果
化妝同時亦給予睫毛及睫毛根部肌膚滋養呵護
-
雖然我唔係每一支都有買過黎用，但都試過半數以上
要我揀一支一定係桃紅色的Natural款，一支就可以輕易做到纖長效果，想濃密啲只需要搽多1至2層，但又絕對唔會起粒又或者曱甴腳
重點係
之前個post提過，自從用左眼睫毛營養液後，我的睫毛已經強壯左好多，就咁單搽一層mascara唔洗用睫毛夾都已經可以好捲翹，直情見到一支支向上
用埋呢支Motemascara簡直將效果再加乘，無論我返工定跳舞流到成頭汗全日啲睫毛都可以完全冇drop過冇溶過 起碼超過12個鐘的持久度！
-
不過雖然佢話溫水可卸啦，但我個人都係覺得要用眼部專用卸妝先清潔得夠徹底
不過真係好易就卸除到，就算我日日用亦唔會令睫毛甩多左😌
-
三個系列9支一定有一支啱你
雖然香港應該仲未有代理 不過我見有部份Sasa/水貨鋪都開始有入啦
提提大家 Mascara好易滋生細菌 真係最好2至3個月就要更換 不過既然生命週期相對上咁短 大家都可以try try😆
價錢都係百零蚊到 同一般眼睫毛液差唔多 性價比都高☺️
-
#非廣告 #happyshare
#中意睇分享文的話請like #咁我先可以繼續喺你ig板面出現😢 #我會繼續打多啲 ❤️

@nana.c_makeup #nanac_sharing Nana Cheung
說好要分享的驚為天人護膚產品
上一轉去東京時做足功課 睇下今期啲代購搶購緊咩我又去搶埋一份😂
又俾我試到好野
-
Dr. Obagi Dermacept C 營養液/美容液
簡單黎講佢係一支高濃度維他命C精華
含有20%水溶性純維他命C+E，能夠有效直入肌膚真皮層，做到深度修復同調整肌膚
針對修復：毛孔粗大、粗糙、暗瘡印、色素沈澱、色斑 等肌膚問題
-
佢一共分為C5、C10、C20
數字愈大代表維他命C濃度愈高，效果愈顯著（當然都愈貴⋯⋯🙊）
不過我同家母本住一係唔試，一試試最好既心態，所以就一野買左C20
（用後第一個感覺：好似搽左成個橙上塊面到咁🍊😂😂）
一分錢一分貨，真係貴得有道理
用左唔夠兩日，第二朝起身乜都未搽已經好明顯見到皮膚通透左，肌膚透明感增加左好多
我早晚分別喺妝前及卸妝潔面後都會用佢，持續用左個幾月，皮膚變得有光澤左，亦都幫助到收細毛孔同減淡色斑
因為月事而起的暗瘡印，都可以好快淡化，整塊面膚色均勻左好多
佢嘅抗氧功能仲可以令乾性皮膚重新回復飽滿，實在好適合我呢啲塊面長期乾到裂開既人用
-
不過好老實，其實如果你只係需要均勻膚色、普通程度的去印淡斑，跟據友人用後感同性價比比對下，我諗C10已經足以可以幫到你
不過香港真係賣得貴過日本好多，俾個價格表大家參考下：
C5 (10ml) $315
C10 (12ml) $420
C10 (26ml) $840
C20 (15ml) $840
日本價錢係可以差成二舊水！大家可以睇下代購，在此我唔賣廣告了哈哈
不過你想方便的話，香港係有專櫃的，有興趣可以去睇下（家母話近排Log On好似有做緊promotion！佢上個禮拜又入完貨）
-
#非廣告 #happyshare
#中意睇分享文的話請like #咁我先可以繼續喺你ig板面出現😢 #我會繼續打多啲 ❤️
#下次講咩好呢