佩服那些懂得賞畫的人,佩服得五體投地。
某個時候買了一幅畫,然後等到某個時候那幅畫竟然可以升值十倍,我覺得這些懂得賞畫的人直情有特異功能。
重點不是討論畫,而是想討論一位剛賣出一副畫賺了二十多萬的前輩。只是兩年時間便賺了這麼多,當然高興得不得了,於是請了很多朋友去他的家吃飯,一邊喝好酒,一邊看好畫。
最貴那幅,掛在書房,主人家說這畫價值五十萬美金,眾人看傻了眼。
這位前輩不只懂畫,其他類型的投資更加眼光獨到。應該這樣說,他幾乎是厲害到像個預言家似的,哪個經濟板塊應該看重,哪個地區發展應該最快,等等等等,神級命中率。
很自然地,這次飯局,各人都有無數的問題,等待這位再世白龍王為眾生作出明智的決定。
「應唔應該搬去西貢?」
「富力債券買唔買?」
「呢個時候轉 buy side 好唔好?」
嘩,啲問題真係有深度到一個點。
白龍王來者不拒,有問必答。
「你,」他看到坐在我旁邊的男同事默不作聲,於是說,「冇問題要問我咩?」
「我嗰啲問題,」男同事放下那杯 dessert wine,「唔係咁容易有答案。」
「講嚟聽下,」白龍王自信一笑。
「我諗緊,去加拿大好,定留喺香港好。」
白龍王聽到後,明白地點點頭,說:「你有冇小朋友?」
「有,兩個仔。」
「未來最多機會嘅地方,肯定係香港同埋內地,咁你仲有冇必要諗?你可以送佢去外國讀書,但係最後一定係留喺呢度畀佢哋發展最好。」
其實。
所謂機會。
是什麼意思?
是要做金融、搞初創、玩貿易、律師、醫生、and so on and so on 這些,才叫做機會嗎?
是你的小朋友定義了這些東西叫做機會,還是你自把自為給小朋友定義了這些東西就是叫做機會?
是你覺得「搵唔到食」就等於沒有機會,是你覺得身家千千萬萬先叫做「光宗耀祖」,是你覺得做人要有好很多錢才叫做有尊嚴所以你才會把下一代教育到如你這個樣子。
作為長輩的,在你教育下一代之前,可否先想一想你這一套是否真的 make sense?
葉朗程覺得去旅行一定要五星級酒店三星級餐廳,就代表旅行是一定要這些東西嗎?
孭住個背囊周圍去,好多人一世都未試過,可能你聽到都唔鍾意,但可能你嘅下一代好鍾意,只不過係你用你自己嗰套所謂安全至上嘅思想侷限咗佢哋嘅未來,you know?
當然,我沒有做過別人父母。
但。
做緊人父母其實都唔識做人父母嘅例子大有人在。
我不是說這一套叫做好,那一套叫做不好。
我只是認為,無論我們認為哪一套較好,我們都要有足夠的胸襟去接受自己永遠有機會是錯的可能性。
要是你遇到你不明白的東西,你絕對有權去批評,但千萬不要試圖去抹殺其可能性。
同時也有1部Youtube影片,追蹤數超過8,380的網紅ONETAKE 一鏡過,也在其Youtube影片中提到,Facebook:https://www.facebook.com/ONETAKE.VDO/ 【一鏡過】《 腦殘不轉彎 》morons 來自星星嘅人,係好難溝通的, 唔想死的話,盡量避免正面交鋒 【follow我地個IG,預告、拍攝花絮、活動照 ↓ 】 Instagram: https://ww...
「咁點頭係等於」的推薦目錄:
- 關於咁點頭係等於 在 葉朗程 Facebook 的最佳解答
- 關於咁點頭係等於 在 孔明 Facebook 的精選貼文
- 關於咁點頭係等於 在 張晨("鳥"不起) Facebook 的精選貼文
- 關於咁點頭係等於 在 ONETAKE 一鏡過 Youtube 的最讚貼文
- 關於咁點頭係等於 在 【#牛頭兔面】Agravic Rabbit x Akina - 點頭Nod Your Head (Official ... 的評價
- 關於咁點頭係等於 在 張晨("鳥"不起) - 《「公司規矩,總之人人都係咁」呢句真係世界 ... 的評價
- 關於咁點頭係等於 在 專訪好青年荼毒室:沉默的一年,哲學還有甚麼用? - 端傳媒 的評價
- 關於咁點頭係等於 在 一斤蝦有幾多隻2023-在Facebook/IG/Youtube上的焦點新聞和 ... 的評價
- 關於咁點頭係等於 在 一斤蝦有幾多隻2023-在Facebook/IG/Youtube上的焦點新聞和 ... 的評價
咁點頭係等於 在 孔明 Facebook 的精選貼文
深夜無人睇,靜靜雞講故仔……大結局
《我老婆由細到大都鐘意紙紮公仔》
「我爸爸究竟幾時先會醒?」靜妍擔心地問。
「劉生佢個後腦受到撞擊,積咗唔少血塊喺入面,所以到呢家都一直昏迷。但如果我地開刀去拎走血塊就太危險,所以要再觀察一下會唔會惡化,至於幾時醒,我地真係答你唔到。」醫生說。
靜妍聽後頓時感到傷感,望住瞓喺病床中嘅爸爸更顯得有種無力感。
返屋企途中,靜妍一臉憂愁,諗返起嗰晚所發生嘅事就好唔開心。佢估唔到自己一踏入屋,見到爸爸想燒佢啲心愛紙紮朋友,一時之間控制唔到情緒,就隨手拎起支棍將老豆打暈。
雖然事後話爸爸跌親撞到個頭,警方無懷疑到佢,但靜妍已經相當後悔,因為呢個世界上面,爸爸就係靜妍嘅唯一至親,佢唔想失去咗呢個爸爸。
佢同自己講,如果再有紙紮同老豆兩項選擇要佢揀,佢一定會揀老豆。
返到屋企後,靜妍見到眼前一堆紙紮,雙眼從空洞之中變得活躍起嚟,頭先對於紙紮嘅抗拒之心一掃而空,反而內裡嗰股激動興奮心情不斷湧現,佢心諗老豆既然唔知幾時先醒,倒不如好好盡情做自己鐘意做嘅事,於是心情突然180度轉變,展露笑容咁收拾紙紮玩具。
而靜妍每一晚都會好細心咁幫紙紮公仔掃塵清潔,亦開始物色唔同嘅紙紮家居用品。久而久之,成間屋企都好似一個紙紮家居設計咁,所有傢俬都係用紙紮製成,令到靜妍非常興奮。
由於紙紮用品佈滿整間屋,而紙紮都有其獨特氣味發出,靜妍不時用力聞一下,當聞到紙紮味道時,就好似感覺到自己被一堆紙紮所包圍自己,充滿溫暖嘅感覺。
但呢種滿足感,只有屋企先可以帶到比佢。
一踏出門口,靜妍望一望自己,見到自己著嘅衫褲,見到自己用嘅銀包,見到自己所著嘅鞋通通都唔係紙紮所造,佢頓時覺得討厭,甚至覺得自己背叛咗紙紮一樣般內疚。
每次返到大學,靜妍都忍唔住去廁所嘔,因為佢討厭件衫所帶出嘅氣味,佢恨不得返屋企換返紙紮造嘅衫褲。
靜妍知道自己唔可以再咁樣落去,佢希望可以將紙紮變成每個人都會接受嘅日常用品,但奈何自己唔識設計亦唔識製造紙紮,於是佢想搵一個可以幫到佢設計鐘意嘅紙紮,又唔會當佢變態嘅人,於是佢做咗唔少調查,最終將目標鎖定讀緊大學時裝設計系嗰個無咩地位,無咩存在感嘅學生。
佢叫家銘。
家銘係一個典形毒男,雖然時裝設計能力強,成績優異,但往往比人印象係無朋友,亦唔識打扮自己同人地溝通,所以好多實習機會或人緣都無佢份,令到家銘非常自卑。
呢個時侯,靜妍竟然主動親近佢,並欣賞佢嘅設計能力,呢點令到家銘受寵若驚,估唔到能夠吸引到如女神般嘅靜妍。
「係呢,你想我幫你設計啲咩衫?」家銘問。
「想知?今晚嚟我屋企。」靜妍故意賣弄關子,令到家銘個心十五十六,唔好話同女性相處,連人地屋企都未去過。
當晚,家銘盡佢個能力將自己打扮得好好睇睇,務求配合返靜妍對佢嘅主動。
「叮噹。」家銘按了門鐘。
當靜妍一打開門時,內裡嗰股紙紮氣味即時撲出嚟,一時之間令到家銘唔係好接受得到,於是用手掩一掩口。然而,佢竟然見到靜妍全身衣服古怪奇異,望真啲,竟然係著住件紙紮連身裙!
「你條裙……?」話未說完,家銘已經留意到屋內所有擺設都係用紙紮而做,驚訝得目瞪口呆。
靜妍捉住家銘隻手,然後溫柔地為佢逐一介紹傢私。
「呢個紙紮茶壺。」靜妍然後開水龍頭,將水倒入呢個紙紮茶壺,好快呢個紙紮茶壺就被水整濕,慢慢爛掉。
「始終都係用紙造,一濕水就玩完。」靜妍為呢個已廢嘅紙紮茶壺而感到難過。
靜妍緊緊地捉住家銘隻手,哀求說:「所以我想你設計出一個可以裝到水嘅紙紮茶壺,可以著出街嘅衫褲鞋襪……
家銘覺得靜妍痴咗線,於是甩開佢隻手,想轉身離開,但由於太過震驚,家銘不斷退後,期間誤打誤撞,撞掉一個紙紮公仔。
佢正想執返起佢時,佢見到紙紮公仔用一對充滿怨恨眼神望住佢,嚇到佢即時退後。
「你痴咗線……我聽人講過,你阿媽係受到紙紮詛咒而燒死,估唔到連你都變成咁!」說罷,家銘開門直奔離去。
呢一晚,家銘返到屋企後一直都瞓唔到,明明身體上好抗拒紙紮,但唔知點解,腦入面諗下諗,又發覺紙紮製成品又真係幾吸引,而且靜妍又咁欣賞自己,一諗起做人做咗十幾廿年都未有女神親近過佢,如今大好機會喺面前,無理由唔好好把握?
於是家銘忍唔住不斷上網搜尋「紙紮」嘅圖片,愈睇愈吸引,雙眼充滿喜悅,睇完一張又一張,完全不能自拔,慢慢投入整個紙紮世界,不知不覺間,佢已經被紙紮所詛咒。
為咗討好靜妍,家銘付出畢生努力為靜妍設計出由紙紮所整嘅時裝,令到靜妍非常開心,因為終於可以著唔同設計嘅紙紮出街,而家銘亦運用自身能力,利用特殊紙質同木製材料,製造出可以裝到水嘅紙紮茶壺,轉眼間,所有傢俱都可以利用紙紮當作日常用品。
當靜妍著住家銘所設計嘅紙紮時裝出街同返學,惹來唔少身邊嘅人目光注意,部份人望望下又覺得呢類紙紮時裝非常吸引,散發出獨特嘅氣質,認為呢個係流行嘅象徵,紛紛用唔同嘅方式投入紙紮世界,令香港頓時掀起紙紮熱潮。
家銘嘅作品更加成為眾人焦點,唔少品牌公司都向佢招手,希望佢設計出更加吸引嘅紙紮時裝。令到家銘有生以來,除咗靜妍之外,佢嘅成就係得到人重視。
佢認為,呢一切都係紙紮帶比佢嘅回報,令佢更加對紙紮充滿著迷。
……… ……… ………
張開眼晴,望住灰白嘅天花板,腦海完全一片空白,全身手腳都感到無力。我慢慢將個頭轉去左邊,見到個護士為個病人探熱,然後個護士轉身望住我,短短幾秒間,個護士好似嚇親咁,跑過嚟大聲問我:「劉生!你醒喇?我幫你叫醫生!」
我醒?呀……我一定係昏迷咗好耐。個頭好痛,但我開始有返些少記憶印象。
突然,我瞪大雙眼,因為我諗起靜妍受到嘅詛咒已經病入膏肓,頓時彈起身想即刻阻止個女,但我一起身,頭亦開始暈,更嘔咗一大輪。後來醫生話我長時間瞓床,所以身體仲未適應,叫我暫時好好抖下。
我拒絕醫生嘅要求,夜晚偷偷地走出醫院,希望盡快返屋企,我答應過老婆唔可以比個女出事,佢呢刻只係比紙紮迷,我一定要救佢!
當我走出醫院後,我嚇呆了。
因為我見到街上有幾個人竟然著咗件紙紮衫褲出街,我望住佢地目瞪口呆,佢地望一望我,完全唔覺得自己怪異,佢地雙眼反而好奇我做咩咁樣望住佢地。我以為自己撞鬼,畢竟夜晚晚邊會有人著住紙紮出街?
我行到樓下商場時,我再一次嚇呆了。因為我見到幾間時裝店都賣緊紙紮。我走到其中一件紙紮衫面前,我用手摸摸,真係用紙做,但竟然可以做到好柔軟,一啲都唔生硬。
「先生,有興趣可以試下著上身睇下岩唔岩。」售貨員親切地走來說。
我激動地反駁:「你叫我著呢件紙紮?你當我死咗呀?呢啲係比死人著架!」
只見售貨員聽後無任何表情,仍然露出一副詭異笑容,續說:「先生,有興趣可以試下著上身睇下岩唔岩。」
「你都痴線!」我退後數步,然後轉身離開,究竟我昏迷呢段期間發生咩事。
我返到屋企前,發現門鎖已換,於是我瘋狂拍門,但無人應門。而我亦體力耗盡,慢慢跪喺閘前抖下。呢個時侯,對面屋鄰居聽到聲於是開門睇睇,見到我痛苦咁坐咗喺到,即時開門叫我入去抖抖。
「劉生!你點呀?你終於無事喇?」
「知唔知我個女去咗邊?」
「你個女?你個女無接你咩?呀!你個女呢家好出名架!」
「出名?咩出名?」
鄰居將我昏迷期間所發生嘅事一五一十講比我知,原來靜妍同佢男朋友家銘所設計嘅紙紮時裝帶起潮流,更發展到其他製成品。雖然呢種「潮流」唔係人人可以接受得到,但最詭異嘅係,好多曾經反對紙紮潮流嘅人最終都慢慢紙紮而著迷,逐漸加入紙紮一員。
「咁佢呢家去咗邊?」
「其實係人都知佢住邊……因為佢間屋幾乎全部都係用紙造成,亦成為香港其中一個打卡點。」
我聽後,整個人都發軟,不斷搖搖頭說:「佢再係咁落去,一定行返阿媽條舊路……唔係,佢應該比佢阿媽下場更加慘。」
「你睇下你成個人累到咁,你食咗嘢未?我不如煮過麵你食下。」
我點點頭,因為我已經好累了。
鄰居走入廚房煮麵時,我腦海仲諗緊究竟可以點做時,我留意到枱上嘅茶壺好似有啲特別,於是我慢慢伸手去拎起佢,竟然係一個用紙造嘅茶壺,仲可以倒茶出嚟,我驚訝得即時放手,令到茶壺跌落地下……但由於用紙造,所以無爛到。
「其實紙紮呢種咁靚咁完美嘅製成品好應該一早就要用!所以我好多謝你個女!如果你想阻止個女嘅話……我係唔會比你咁做。」鄰居雙眼充滿欲望,臉容亦慢慢扭曲地詭異地笑。
我正想起身想走時候,突然我被壓住,我轉身一望,原來有個紙紮公仔用手壓住我膊頭,他操一把流利大陸口音:「怎麼喇?想跑呀?」
「嘿嘿……佢叫Mary,係我屋企工人,基本上每個屋企都會有。」鄰居指住我背後嘅紙紮公仔介紹說。
我本來身體已經虛弱,實在受唔住呢類驚嚇,我慢慢地失去意識暈倒了……
……… ……… ………
「老豆!老豆!」
我慢慢張開雙眼,隱若見到靜妍喺我身旁喊住叫我。
「老豆呀,做咩醒咗都唔叫我嚟接你呀?」靜妍喊住說。
我望一望佢,然後伸手掂一掂佢件衫嘅質地,發覺佢無著到紙紮嘅衫,呢件係普通嘅衫。似乎靜妍知我諗緊咩,於是急說:「我知你唔鐘意,所以我已經無再著嗰啲衫,我應承你。」
我虛弱地點點頭,再用最大力氣講句:「紙紮係死人用,唔係我地用。」
「我明呀!我唔會再著架喇!」靜妍攬住我喊著說。喺靜妍心目中,爸爸嘅重要性絕對比紙紮強,而一直昏迷嘅爸爸,靜妍曾經多次向天承諾,希望爸爸可以早啲醒,寧願放棄紙紮都唔想爸爸一直昏迷落去。如今爸爸醒返,對靜妍嚟講係一個重生機會,今次佢絕對會珍惜。
「係呢,我介紹你識,呢個係我男朋友,佢叫家銘。」靜妍開心地向我介紹。
「世伯你好。」家銘客氣地說。
我見佢一表人材,內心都放心好多,同時亦覺得個女終於大個了,已經識到個男朋友。
我表示好累想再抖下,閉上眼放鬆地瞓,估唔到個女仲咁聽我話可以擺脫詛咒,總算對老婆有交代。
過咗一星期,家銘嚟接我出院。
「靜妍呢?」我問。
「呀,佢今日要返公司處理啲嘢,所以我嚟接你。」
「咩嘢緊要得過我呀?等我打比佢先!」我嘗試搵下手機喺邊。
家銘笑說:「唔好喇世伯,靜妍佢唔係啲普通職員,所以公司有好多重要嘢真係要佢先處理到。」
我亦笑說:「我講笑咋,難得個女咁重要,我點會阻住佢,我地兩個走就得。」
喺車上面,我一路望住出面街景,留意到街上仲有唔少人著住紙紮,睇到我心都煩。
「係呢,你地呢家住喺邊?」我問。
「哦,放心,我地呢幾日都搬咗出嚟,無再住嗰間紙紮屋。」
「咁都好啲,我一聞到嗰陣味就想嘔。」
「其實佢地都幾可愛架。」家銘說。
「唔係嘛,可愛?恐怖就真。我由細到大就同靜妍講,呢啲係死人用,唔係我地拎嚟玩!拎嚟著!你睇下出面班人,著住紙紮出街?真係痴哂線。我真係為佢地父母擔心!」我稍稍激動地說。
「係係係,唔好勞氣。」家銘笑說。
我望住呢個後生仔,覺得佢份人都幾好,靜妍應該無揀錯人。
突然間,我見到前面好似有個熟悉嘅人企喺路邊一直望住我,直至我架車喺佢身邊走過,我先留意到佢係我老婆,我即時叫停車!然後打開車門轉身一睇,明明頭先老婆企喺到,轉眼間已經唔見咗。
「世伯咩事?」家銘緊張地問。
我搖搖頭說:「無嘢……」
上返車後,腦海再次出現岩岩畫面,點解老婆會突然出現?
車停了,眼前有間別墅,估唔到靜妍已經變得咁有錢,連別墅都有。
「我拎啲行李上房先,你入去抖下。」說罷,家銘就拎住幾個箱上房。而我就行入大廳坐住欣賞間屋。
但我突然間覺得唔係好舒服,我不斷聞下周圍,呢種氣味正正就係紙紮嘅氣味。
當我發現時候,我發覺身後已經企滿一堆紙紮公仔。
其中一個紙紮公仔說:「這個瘋子,上一次放過他,今天一定要殺死他。嘻嘻!」說罷,佢拎住一支棍一步一步咁行埋嚟。
我正想退後時,突然間,家銘從後捉住我,然後說:「對唔住世伯!你醒返嘅話,靜妍一定放棄紙紮,佢放棄嘅話,姐係放棄我!我就再無用架喇!」
我未開口說話,我就感到巨大暈眩,然後我就被打暈了。
……
……
一星期後,靜妍喺張梳化到喊,家銘走去安慰佢:「唔好喊喇,我估世伯想散心行開陣姐。」
「究竟佢去咗邊……我好掛住佢呀……我等咗佢咁耐,點解又要突然走咗喎。」靜妍嗚咽地說。
家銘企起身,然後從櫃入面拎出一個紙紮公仔。
靜妍一望,驚訝地問:「個公仔咁似老豆嘅?」
家銘溫柔地說:「我知你好掛住佢,所以專登做一個紙紮公仔,係用你爸爸個樣去做。你睇下,連身高都跟足。」
家銘再行去靜妍身旁說:「我只係想你提起精神,見到呢個公仔,等於見到你爸爸一樣。」
「多謝你。」靜妍覺得身邊呢個男人除咗爸爸之外,係世界上對佢最好嘅男人,估唔到自己當初故意親近佢,如今卻有咗深厚感情。
「好喇,今晚我地出去食飯?你……不如換件衫好唔好?」家銘暗示靜妍應該換件紙紮衫說。
「嗯,我上去換件衫同你出去。」說罷,靜妍就開心地走上房。
而家銘見靜妍上房,望望身邊呢個紙紮公仔,然後輕聲說:「拜拜喇,世伯。」
二人開心地牽手離開。
屋內只有隱若的痛苦聲音:「吾……吾……吾……」
靜妍重拾對紙紮嘅依賴,家銘亦繼續發揮佢嘅事業,令紙紮潮流升至頂峰。
香港人,慢慢被捲入紙紮的詛咒,成為紙紮下的祭品。
《完》
**************************
終於都完咗呢個故事,大結局,希望大家一定要like爆佢,留言爆佢,我想睇一睇大結局究竟可以去到幾多like 幾多留言!
就當對我嘅一種鼓勵吧。
我每個留言都會睇!!!!!!!!
我真係要休息一下,然後再重新出發寫更多故仔比大家。
雖然故事完咗,但記得都要支持買返本書
因為本書仲有其他故事架,我亦應讀者要求,寫個阿傑嘅外傳喺入入面=」
我嘅網店:https://homingming.boutir.com/
感謝大家!
同埋再次提大家,今次係預售,幾多人訂就印幾多~
過咗三月就無得再訂同買架喇~@@希望大家買書支持
四月就會製成同寄出~~
咁點頭係等於 在 張晨("鳥"不起) Facebook 的精選貼文
《一段感情係幾時死亡?大約就係…當我話「我瞓啦」,但其實我未瞓嘅時候》
「點呀,你仲唔求婚呀?」
問呢句嘅…係阿KEN。
「求咗,而家都分分鐘擺唔到酒啦?咁求嚟做咩?」
答呢句嘅,係阿強。
得唔到想要嘅答案,阿Ken自然唔放棄:
「屌,我個Friend上年結咗,今年都未擺酒啦。形式嚟嘅啫…」
面對言語上的進逼,阿強忽然大叫:
「哇,利記又落後喎。」
見佢刻意轉換話題,阿Ken亦都「識做」,未有追問。
而阿強…當然係「自己知自己事」。
點解唔求婚?
因為…佢最近…
講咗一個大話。
================
手機嘅通訊App入面…有呢段對話。
1:31am
Fiona: 「我準備落床啦~~你又瞓未呀?明明你今日係咁呻攰。」
1:35am
阿強:「我都瞓啦。」
1:36am
Fiona: 「好啦,Good Night.」
1:36am
阿強:「Night night..」
============
可是,
阿強其實未瞓。
唔係瞓唔著,
而係由始自終,佢都無打算咁早瞓。
無錯,佢講咗大話。
阿強同Fiona拍咗拖3年,關係穩定。
結婚對雙方嚟講,都係計劃之內。
不過呢個大話,令阿強重新思考一遍…
因為結婚的確唔些係一個「形式」,
更加係一個Step,Step to 「一齊住」。
========
阿強問自己:『點解唔直接講唔瞓』
========
好簡單,皆因預視到講「唔瞓」嘅結果。
就係
「吓,咁你今日又係咁話攰?攰又唔瞓。」
「咁你唔瞓,有咩做咁緊要呀…」
兩個問題,都會引伸更多問題。
首先,好哲學地解釋,有時「好攰」只係口頭禪。
等於你喺Pantry撞到個同事,
成日開口就講「唉,好眼瞓。」
其實…講下㗎咋,無好大含意。
同埋,人生本來就是攰;但人生,可不只有睡覺,對不對?
第二,有咩做咁緊要…
問題正正就係…「唔緊要」。
對Fiona嚟講「唔緊要」,
但對阿強嚟講「緊要」。
係咩?
打機囉。
========
阿強問自己:『點解寧願講大話,都唔想解釋』
========
點解預視到講「唔瞓」嘅結果?
因為呢段「唔瞓」同「點解唔瞓」嘅戲碼,
阿強已經試過無數次。
咁幾多次係「無數次」?
只要滿足以下條件,就叫「無數次」。
1)知道對方點問
2)都知道自己應該點答。
一再重覆嘅事,男人總係想避免。
========
最後,阿強3:44am先瞓。
但依舊8:00am醒。
喺刷牙嘅時候,望住鏡入面嘅自己…
佢開始諗,呢個「大話」…
係咪就係…一段感情死亡嘅證明?
自己決定咗「呃佢」…
係咪就係…一段關係變質嘅實例?
到兩個人一齊住時…
仲點呃?
咁…阿強就想像唔到…將來會係點。
於是將關係保留於「現在」,不要跨過去未來。
時間8:36am。
呢一刻,阿強明白到…將來的確是想像唔到。
Fiona入咗醫院。
========
9:00am
阿強頭髮亂亂,一班護士嚟唔切細問原由,佢已經跑入病房。
阿強:「你唔係話個胃好返好多咩?做咩搞到入醫院。」
Fiona:「一時時啦…呢排大壓力…諗住忍到…點知…」
阿強:「咁我日日問你有冇唔舒服,你又話狀態幾好?」
Fiona:「…咁…見你成日都話攰…無謂講啦,同埋我講咗嘅話,都估到你點答…」
阿強:「吓…我會點答…?」
Fiona:「一係就『唔好理班同事,掟晒畀佢哋做,你唔好攬上身』;一係就『辭職,唔好做呢份西工』…其實…都無咩討論空間…又解決唔到個問題…」
阿強:「…」
Fiona:「而我會點答返你…你都知啦…Sorry呀…唔想搞到你都覺得煩厭…所以咪…」
呢句Sorry…格外刺耳。
因為…Fiona根本不需要道歉。
這種謊言,阿強自己也有。原來彼此都有。
而Fiona甚至比他更為體貼。
在感情世界上,
接受道歉的一方,往往卻是最應該道歉的人。
於是,阿強打斷咗佢嘅說話:
「其實…我尋日話瞓…但…其實我無瞓…」
這個坦白來得突然,令Fiona笑一笑,當然…一笑,胃就感到痛…
可是她還是笑了:
「知你啦…去打機啦實係。」
阿強:
「你又知?」
Fiona:「你足足Online咗4分鐘先答到一句『我都瞓』…睇怕都唔願瞓囉。哈哈,唔多唔少,都Sense到嘅。」
突然,Fiona輕輕捉住阿強隻手:
「如果我哋繼續一齊落去…大約仲會有…無數無數咁多個大話 會出現。有啲係善意嘅…亦有啲係自私嘅。
始終最清楚自己嘅,只有自己嘛。你呀,唔好自己諗得太複雜,OK?」
阿強諗咗諗…點點頭:
「不過,可唔可以應承我…」
Fiona:「嫁畀你??」
呢次到阿強大笑了:
「唔係呀!呢個會嘅,遲啲先…因為…都要買戒指㗎…我係想講…
應承我一件事。
如果有一日…你有事想呃我嘅,記住呃我一世。」
Fiona:「咁如果我答你『好』,但呢一句本身就係呃你呢?」
阿強:「無所謂,因為呢個係…我對你最大嘅信任。」
全白色的紙張,存在。
但在情感世界中,不存在。
總要增添不同色彩,那管像是一點點污跡,才算是一幅有故事的畫。
兩小口子相對傻笑。
但這個女人…突然面色一沉…
Fiona:「但有樣嘢…我仲想同你講…」
阿強冒一冒汗:「係…咩事…」
Fiona:
「你…唔記得帶口罩…」
阿強:「OH…」
IG: cheungson88
https://www.instagram.com/cheungson88/
(很少人Follow的acc,有時說說生活事)
MeWe:張晨
https://mewe.com/p/張晨
P.s. 用app有機會彈app…可搜尋「Cheungson」
咁點頭係等於 在 ONETAKE 一鏡過 Youtube 的最讚貼文
Facebook:https://www.facebook.com/ONETAKE.VDO/
【一鏡過】《 腦殘不轉彎 》morons
來自星星嘅人,係好難溝通的,
唔想死的話,盡量避免正面交鋒
【follow我地個IG,預告、拍攝花絮、活動照 ↓ 】
Instagram: https://www.instagram.com/Onetake.vdo/
#onetake #嘔血 #雞同鴨講 #究竟唔明咩野 #講咩都講十次 #活在自己世界 #身邊總有幾個 #定我說話有問題 #火都黎 #笑咩 #你係米hea我 #返火星吧 #講野勁慢 #點解要晒我時間 #腦run得有幾慢 #她在想甚麼 #長期思考 #長期放空 #處於無的狀態 #有冇專心聽我講野 #下次sms #你點頭但聽唔到 #係咩玩法 #咁點頭係等於 #要多點關懷 #多點耐性 #點解要迫我 #拍攝黑到 #倒瀉血 #旁人不斷在旁傾計 #落雨 #冇時間 #趕住拍晒
《ONETAKE》
導攝:葉師傅
劇本:伊仁
收音:傳藝
文本:伊仁
後期:葉師傅
《演員》
腦袋無法運轉女:陳婷
嘔血男:伊仁
咁點頭係等於 在 張晨("鳥"不起) - 《「公司規矩,總之人人都係咁」呢句真係世界 ... 的推薦與評價
「咁如果真係遲少少,8點50分先返到又未夠9點,會唔會計遲到?」 「會。」 「嗯...又點解呢?合約唔係寫返9點咩?」 「公司規矩,總之人人都係咁。 ... <看更多>
咁點頭係等於 在 專訪好青年荼毒室:沉默的一年,哲學還有甚麼用? - 端傳媒 的推薦與評價
身旁的另一成員甘仔也點了點頭:「有時有點淆底(怯懦),是『噗』一聲有這種感覺,但你說 ... 「係咁傾」,即不斷傾下去的意思,與荼毒室形象相符。 ... <看更多>
咁點頭係等於 在 【#牛頭兔面】Agravic Rabbit x Akina - 點頭Nod Your Head (Official ... 的推薦與評價
... 我你會不自覺咁點頭(Good shit Ay) 輕鬆咁就放大你嘅感受(Swing It Off) 你哋趕路我就盪緊鞦韆(Get Loose Easy) 快樂嘅包裹我等緊你去簽收慢慢行從來唔等於停步Get ... ... <看更多>