【 港味自慢 ── 世界養生組織 】
_
先旨聲明,今次文章的標題擺明玩食字 ── 「自慢」是日文「じまん」,跟「慢」完全無關,意思是自己讚自己,賣花讚花香,值得驕傲,假如出街食飯見到日式料理餐廳,招牌寫有「味自慢」,就是老闆都於店內推出的菜式信心滿滿。那麼「港味自慢」又是怎箇一回事?其實解作「香港人細味獨自慢活」的意思,那是myTV SUPER全新原創節目《世界養生組織》的中心思想,是繼《超齡打工假期》(2014)、兩輯《Do姐去Shopping》(2015/2017)、《晚間看地球》(2019)和《Testing Menu》(2021)後,監製周子妮的最新作品,旨在帶出身處「無法出走」的疫情時空裏,香港人怎樣可以找到療癒的方法?
_
老實講,好多人都以為最出名的「Made in Hong Kong土產」是樓貴,人多,不不不!是單字一個「快」,此字並非單純形容對於所有事情從開始到結束的推進速度,還帶有「不能慢」的潛台詞。不是嗎?香港人彷彿就是一班永遠不能夠「慢」的族群,與其說「不能慢」,更準確是「冇資格慢」!因為你慢了,就趕不上社會步伐,行路要快、做嘢要快、食飯要快、睇劇要快,就連借錢都要「特快批核」,真係反晒白眼:唔該唔好咁黐綫啦!
_
所以《世界養生組織》的製作團隊想嘗試在講求「黐鬼綫速度」的電視業界裏,推出一個「慢到冇朋友」的節目,還要找陳自瑤和黃翠如主持,帶住觀眾在港九新界尋找養生之道,從內到外增強抵抗力。兩位主持首集去到大埔慈山寺體驗山林療癒、行禪、茶襌,感受生活中應有的「慢活」,透過五感活在當下,視、聽、觸、嗅、味,最直接自然的感受,卻是都巿人最常忽略的環節。
_
且慢,翠如加YoYo?慢活?養生?非常沒說服力吧?!黃翠如自從由有線電視轉投大台之後,最初主力與洪永城複製舊東家招數 ── 環遊世界拍攝旅遊節目,足跡遍佈全球,到後來主力拍劇,女一作品接二連三,「0628」(清晨6時至翌日凌晨4時)通告習以為常,手停口就停,怎可以慢?Yoyo又如何?自從《那些我愛過的人》(2020)後演技開始受人注意,加上《萬千星輝頒獎典禮》的「黑面事件」成為網絡熱話,緊接在《好聲好戲》及《識貨》又獲冠軍,令入行20年的她再度人氣急升,另一方面她又積極經營個人YouTube頻道,工作量之大可想而知,花無白日紅,怎能夠慢?興許如此,監製決定邀請同樣患有「不能慢重症」的雙姝上陣,透過節目,促使她們學習放慢腳步感受人生,嘗試引起觀眾共鳴。
_
其中一幕,由山林療癒陪伴員 #歐仲南 陪伴下,翠如跟Yoyo學習行路……「行禪」才對。
_
「平時如果喺街度咁行路,畀人鬧呀!」陳自瑤說。「行禪」就感受自己步伐,由提腿到向前踏步,一字記之若「慢」,對香港人而言,難度有十粒星。相信搭港鐵或行商場的朋友都一定試過,只要唔覺意進入扶手電梯左邊,莫講話企定定,只要你行慢些少,恭喜您獲得連串「嘖」聲,繼而就會抵受不住後方的壓力而飛快向前行。(利申:本人確實會嫌別人行路太慢,朋友則投訴我行路太快。)
_
周三(9月15日)凌晨,#蘋果公司(Apple Inc.)主席Tim Cook在新產品發布會上,對於應用程式「Apple Fitness+」著墨不少,將運動課程、時間表、身心狀況等資料變成數據,希望方便繁忙的都市人更有效率地做運動。作為其中一家全球重要巨企,Apple此舉說明「保健」和「養生」乃世界潮流,因為有利可圖,產品才推陳出新,但問心這些不是能夠從大自然唾手可得嗎?真的需要花錢擁有?
_
說穿了,那是另一種的「活受罪」。香港人有句俗語 ── 「慘過死」,說出口的通常都是四肢健全,沒病沒痛,甚至頗有經濟能力、生活富足的人,事關忙著搵錢工作、「辛苦得嚟為供樓」而每天要營營役役的「不能慢重症病人」,什麼視、聽、觸、嗅、味覺早已淪為「急促」的附屬品,享受生活?講笑咩!所以節目中提及的「活在當下」才是香港人最需要學習和掌握的事,懂得在適當的時候放慢腳步。回歸自然,那種療效只有親身體驗過的人才會明白,幾年前我的情緒曾經出現問題,需要看心理輔導,而其中一個救活我的,就是大自然,無論去行山、露營,這位從來神隱的「山先生」總是不介意接收我散發出來的負能量,而且不收分毫,過程中你只能集中精神享受當下環境、應付眼前的難關,如果嫌這些都太過Hardcore,也可以像翠如和Yoyo那樣,簡單的熊抱大樹或者赤腳在草地上走,作為上一步的喘息,亦為迎接下一步作準備。
_
當然,養生是一回事,拍節目介紹養生又是另一回事,《世界養生組織》意念雖新,但執行上似乎充滿旅遊綜藝節目的影子,無法成功透過畫面帶出安靜的感覺(幾年前 #香港電台 的《 #好想藝術 》做得到),結果有些時候Yoyo太似背稿,顯得不自然,我會懷疑,到底拍攝時Yoyo有沒有用心感受?有些部份則太拖拉,塞車開Tab睇真係會瞓著。今時今日拍節目真的要求做足功課,瞓身投入,如果要讓觀眾看得舒服,有想「Join埋一份」的衝動,台前幕後先要理解養生的獨有節奏和氣息,「搣甩」拍緊節目的意識,才能夠吸引觀眾有動力追看下去。
_
*《世界養生組織》共13集,逢周二更新,第一集免費試睇:https://bit.ly/394aJTZ
_
(18092021)
_
#游大東 #游大東影視筆記 #世界養生組織 #黃翠如 #陳自瑤 myTV SUPER 黃翠如 Priscilla Wong 陳自瑤yoyo 做乜膠睇電視 慈山寺 Tsz Shan Monastery 黃翠如 Priscilla Wong
同時也有2部Youtube影片,追蹤數超過6,310的網紅Fai Li,也在其Youtube影片中提到,標準流浪 2019 - 2020 新球季開操 標準流浪總監李輝立: - 400萬組軍? - 時間倉促如何搵球員? - 落戶屯門主場原因? - 重返頂級聯賽有否壓力? 教練黃展鴻: - 四位教練團合作,如何分工? - 廣州集訓球員進度? - 如何評價幾位新加盟球員? 歐陽耀沖 - 回顧上年大...
和富大埔升班 在 龔成 Facebook 的精選貼文
【龔成問答信箱】(Q22101-22120)
Q22101:
龔sir 我今日做左進階班功課 有d問題想下,我用左莎莎既年報去計財務比率
1)我計到既ROE 分別係-26.4同-31.1, 但係你比的價值網同bochk 係-23.5 同-24.9,點解會有d分別呢?
2)EBITDA 利潤率 其實我唔係好識搵個EBITDA出黎 自己跟住年報計除息除稅除折舊後 都計唔到價值網 顯示既-3.85同-3.67億(價值網顯示2020年係正數
我諗應該係負數先岩?)個EBITDA利潤率 價值網 係-12.7同6.41,而bochk係 4. 06同5.47, 想請教下可唔可示範一下點計?
3)存貨週轉日數 我計到160,呢個數字同價值網差唔多,但bochk係106, 又係想請教下邊個數字先岩?
4) 關於杜邦分析法
2020年: 1.97 x 1.75 x - 9.02% =-31.1
2021年: 1.89 x 1.21 x - 11.5% =-26.3
ROE 2年都負數 不過2021負得冇得多 2021年純利率差左 不過財務槓桿 同總資產週轉率個數細左 所以負少左
我就唔係好明 總資產週轉率 應該愈大愈好 但係假設2021年都係1.75 (instead of 1.21) 咁計出黎個ROE負得仲勁 咁咪調返轉應該係愈細會愈好?請指教一下
龔成老師︰
1) 我相信係你和其他網站,係計個"發行股數"和"股東權益"出現分別。
因為每個網站的公式都不同的,就算發行股數都不同,計年頭?年尾?平均?加權平均?通常我睇財經網站,都唔會太著重d細數字,你了解大方向就得,同埋,不同財經網站的數據,一定會有d誤差,正常的。
2) 至於EBITDA利潤率,你可以參考BOC個數字。你可以用佢年報中"經營虧損",再加翻"按性質分類之開支"中的折舊部份(2021年年報P.177)。但會有少少差別,可能係提取數據或匯價問題,影響不大。
價值網部份,都係用類似計法。但2021年數據,可能系公式不同,其實,一般網站在計算EBITDA時,都計左「使用權資產折舊」,但這並不是真正的折舊,所以數據的參考價值會低左。
其實較精準方法,我建議係用EBIT - 折舊,但這個折舊,應該排除左"使用權資產折舊"的數字,咁會更準確。2020和2021年EBITDA,應該為-7.6%和-10%。
2020年︰(-5.53 + 1.17) / 57.17 = 7.6%
2021年︰(-3.91 + 0.87) / 30.43 = 10%
3) 如果用我教法,拿年初和年末平均數計,答案係160。至於點解BOC會有分別,因為佢係計算存貨時,唔係用年初和年末平均數去計,所以有落差。
你照用160,咁就可以。
4) 你這個杜邦分析計算,係正確。你睇翻個3組數字﹐你會發現中間組數(營業額/總資產),係變動最大。
你就會發現,企業這2年面對問題,係銷售數字出左最大問題,有明顯轉差情況。
之後,我地再睇翻客觀環境。由於這2年有社運和疫情影響,令到營業額受損,係正常。這些都係中短期因素,因此我地係分析企業質素時,唔洗過度在意。
至於你話總資產週轉率愈大,個ROE就會負得愈多,係正常。因為現時佢生意少左好多,但好多固定成本,好似舖租、人工等,唔係話停就停到。
佢現時基本上,每件貨品都係蝕住做。但當這些不利因素過去,營業額回復正常,有更多銷售單位去攤分這些固定成本時,就會令佢轉虧為盈。
這時候,每賣一件貨都係賺錢,自然會係總資產週轉率愈大愈好。
------------------------------------------------
Q22102:
你好 龔sir本人持倉如下:
778 @$10.3 x 5000
823 @$71 x 1500
941 @$83 x 500
968 @$13 x 8000
1177 @$4.5 x 12000
1928 @$41 x 2400
6823 @$10.5 x 10000
另月供5隻各$1000, 現值16萬多
3,285,823,1177,1299
本人50歲 月入33K 還有十年退休,想法是退休時將所有股票轉成有5厘息以上的收息股 作生活補貼
1) 這個組合有沒有問題?
2) 因為未來還有10年穩定收入 這組合是否過於保守?
謝謝 祝生活安康
龔成老師︰
1) 你持有和月供股票,都係有質素。但由於你50歲,係一個要為退休開始準備的年紀。
因此,你要將組合中的股票,慢慢轉成較保守組合。按年紀增長,慢慢加大收息股比重。目標係10年後退休時,組合100%係收息。
現有持股,暫時可以不用改變。但月供組合中,中生(1177)和比亞迪電子(0285)都係潛力股,風險對你而言,用點高,唔建議用佢地作為月供組合。
你可以將這2隻股票,換成為收息股,會較適合你現時的年齡配置。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110),都可以。
還有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
另外,你要留意一下,你組合持股的佔組合比例。個別企業和行業,不要佔組合15%和30%以上,否則會有過度集中性風險。
你現時部份股票,係超過這個標準。但由於都係有質素股票,故不用沽出。用未來新資金,去慢慢拉平衡翻個比例,咁就可以。
現時大市只在合理區,每月月供之餘﹐緊記都要留少少現金,用來等大跌市出現時,可以去掃平貨。
2) 你大致上跟我所講的方法,去進行配置,增長力度就會配合到你年紀所需。
我假設投資回報有10%(連股息再投資),你每月投資$5000 + 55萬持股,10年後大約會增值至250萬。
你再將佢換成6%收息股,大約每月就會有1.25萬的現金流。你可以以此作為參考,調整自己投資計劃。
------------------------------------------------
Q22103:
我正在研究電動車和自動駕駛,有什麼介紹
對這個行業未來的看法
龔成老師︰
電動車方面,我自己一直較看好比亞迪(1211),係佢的電動車。
首先,電動車有環保的概念,這點令政府會加以幫助,而市民亦會支持,但其實,電動車真正的價值並非在環保,而是慳錢,用電比起用油平得多,因此只要各種配套都完善,車主沒有理由不選擇電動車。
只要有金錢利益推動,人們的習慣將輕易改變,在70年代的石油問題,完全改變了美國人使用汽車的習慣,由一向追求大汽車的習慣,轉變到鐘情於小排量慳油的日本車,令日本車大舉入侵市場,當其他車廠發覺時已經太遲,最終成就日本車霸主的地位。
雖然將來的油價難以估計,但到經濟好景,各國都大量用油的情況下,石油需求大增,電動車的優勢亦愈來愈明顯。
另外,比亞迪在中國發展電動車,可說是佔盡地利因素,因發展電動車必需要有完善的配套,政府的支持十分重要,另外,若政府肯帶頭使用對推廣很有幫助,現時比亞迪的電動巴士已經行走在中國多地的公路上,由公共交通開始發展,可見政府對電動車是正面及支持的,然而,中國政府在支持電動車背後亦有個重要因素,就是石油。
中國並非產油大國,未來的石油供應難以滿足中國的汽車需求,而發展電動車就成為辦法,同時中國在西藏擁有不少能生產電池的鋰資源,若能用電動車取代傳統燃油車,中國對石油的依賴可減少,對別國的依賴能減少,從整個國家發展的戰略角度分析,中國發展電動車的誘因並不少。
同時,中國是政府主導的國家,要建立配套及支持業界,比資本主義國家更容易(在西方國家,石油業的既得利益者並不希望見到電動車的出現)。
投資中國的企業有一個要點,就是順從中央的方向,這不是指個別一兩個政策,而是一個大方向,因這會對企業的長遠發展有重大的影響。
比亞迪在新能源汽車方面,經過幾年的發展開始有起色,混能車銷情理想,而電動大巴在政府支持下銷量亦理想,而部分歐洲國家亦開始試行比亞迪的電動大巴(這是有利的指標,因歐洲的標準甚高的),雖然只屬起步,但情況不錯。
現時比亞迪的新能源汽車遍佈全球6大洲、多個國家和地區,其中包括美國、德國、 英國、日本等主流汽車強國市場。
所以,我睇好這企業的電動車,但並不是一兩年就見到收成。
至於自駕技術,見集團都一直有同科技企業合作,相信發展上都係正面。
但這股經常都處略貴水平,大約去翻$135先算合理,如果真的好想買入,現價小注月供好了。始終現價投資風險高,回翻先考慮正式買入。
或者,你可留意下中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
此股現價合理區頂至略貴。無貨可以現時入少少,到有明顯回調才再慢慢加注。
潛力度是有的,但會比較波動,如投資宜慢慢分注,可長線。
------------------------------------------------
Q22104:
老師你好!岩岩開始睇你既書,好似展開左我人生新既一頁,原來一直以來既理財觀念(淨係識得放錢係銀行儲)係好old school同好無效率。依家將你一本本書慢慢睇,希望可以快啲財務自由啦
小妹25歲,月入4萬,家用一萬,用一萬(下個月開始想用少啲儲多啲),儲兩萬。
黎緊應該會同男友買樓,想買約7-800萬既樓,有首期,希望可以快啲供完,唔想負咁耐債,其實睇完書真係好唔想供樓,覺得要借錢再負咁耐債呢件事好矛盾,更無奈樓價愈黎愈唔合理,但又想有個安樂窩
1。儲蓄約15萬;需要再拎錢出黎投資嗎?
2。美股:少量voo
3。睇完老師你講既野,想試下月供股票
你覺得我每月供
$5000 (2800)平穩增長股
$5000 (3067)潛力股
如何?
4。如果二人都用呢個組合投資,可以加快供完層樓嗎(男友都係月入4萬)
希望你可以比啲意見我,謝謝呀!
龔成老師:
你現時25歲,係累積財富的黃金時期,你要好好把握,盡你一切的力量去儲蓄、投資、學投資知識。
你盡快加儲蓄到每月$2萬,是正確的。
1)你表示「有首期」,是否已另外預左一筆足夠的資金,去準備買樓,我假設你已準備好,餘下的$15萬就可以投資/等投資,不過,我會較建議你等完成買樓過程,先開始投資。
另外,現時低息環境,其實唔需要太急去還錢,你照正常速度去還錢就得,資金可以用作增值。
2)VOO可長線持有。
3)可以,這兩隻都是不差的選擇,但現時好睇你會幾時買樓,而決定投資多少,留現金多少。
4)你概念上不用想著「想盡快供完層樓」,你只要照正常速度去供樓就得。每月保持進行財富增值,照上述月供模式進行,就得。
------------------------------------------------
Q22105:
你好龔成老師, 首先感謝你的無私分享,令我有希望可以有天財務自由。
先跟你分享我的現況
工作方面:我今天25歲,月收入13K,上年原本收入18K,但因為轉行由低做起,希望將來可以收入更穩定,所以即使收入下降仍堅持轉行。
我亦有PT工作,大概月入3K。而今年9月我打算花約80K讀PT PGDE,預計2年後畢業後起薪點可以升至30K。
儲存方面:我答應自己每月要儲14K,預期3年後有500K。
資產方面:我現有資產350K,當中股票佔6成,3成是銀行定期,其餘是流通現金。股票比例:
1) 316, 買入價119, 股數419
2) 823, 買入價62.76, 股數131
3) 1177, 買入價7.73, 股數1414
4) 2388, 買入價24.4, 股數1447
5) 2800, 買入價26.37, 股數2301
6) 3067, 買入價17.6, 股數692
7) 3988, 買入價3.07, 股數3252
目標:我期望3年後可以儲到一百萬,與男朋友夾份置業再結婚。
1) 請問老師認為我的方法適當嗎? 有更快達到目標的方法嗎?
2) 請問老師認為我的股票比例恰當嗎? 有需要更集中投資/賣走哪隻股票嗎? 我暫時只有穩定地月供1177及3067各約$2000。謝謝你
龔成老師:
1)現時的股票與現金比例,適合的,持有的股票都是有質素的股,但你25歲,其實未必適合持有收息股,因此,中行(3988)這類收息股,就未必是最好的選擇。
至於大方向,基本上無問題的,但由於你轉左工,收入減少,你要睇下自己能否做到每月儲$14000的目標,如果可以做到,相信3年資產達至$100萬,可以的。
2)比例基本無問題,由於你3年後要資金,因此不能太過進取,你預潛力股與平穩增長,各佔一半就可以,潛力股不能太多,反而當你買完樓後,資金可以更長線投資,到時可以再增加翻潛力股的比例。
------------------------------------------------
Q22106:
Hi老師,最接近神的男人
因2年前無意中係fb識到你
另外,知道你聽過好多 多謝你的人留言,
我都一樣
我都好想多謝老師!同埋多謝我自己!
我有間居屋 供緊, 在職媽媽
小朋友x2 有一個工人姐姐
以前就算好慳好慳,
都儲得好小錢!
人工唔高 只是普通文職 ,
但我2年內竟然都儲到多達十萬以上!
都係你帶來的正能量影響
除左正職外,亦多層面地搵到額外收入(如投資,網上填問卷,任務/網店/etc....)
真係好多 原來增加收入來源係好重要
,
而我也揾到真正搵錢方法 好開心)
為了令自己收入更大,我偷時間去投資自己身上!去學習不同知識!
賺取更多額外收入!
多謝你無私奉獻
龔成老師:
哈哈,太誇張了,其實我做的事不是好誇張,我原本都是好普通的人,只是我比一般人更加努力,希望你都要明白,好多事情你都能做到的。
見到你有正面的影響就太好了,你最重要是保持進步,無論知識,以及財富。
你現時的方向正確,同時,你應該思考一些長遠增加收入的方法,例如自己在現時職位上的發揮,有無進步的空間,長遠的事業發展怎樣。在自己的能力上,以子職業上,都要從長遠角度出發,加油!
------------------------------------------------
Q22107:
你好,有些投資問題想求你指教
我月入3萬,太太月入7萬,有兩個3歲小朋友。我有層自住樓,貸款金額仲有500萬,每月供$18000左右。因為我人工唔夠借,所以太太是我擔保人。
另外,我太太和她的家人有層已供完聯名物業市值720萬,但她家人住緊。
現在,我哋想喺太太和家人的聯名物業按揭貸款,之後買入的士(的士牌連新車約$550萬)收租作投資,但我們現金儲蓄得50萬其餘就按揭借回來,你認為可行嘛?
以我的背景會唔會好大風險?還是作其他投資好呢?
謝謝你的賜教
龔成老師︰
我相信你年紀都唔係太大,應該係年青至中年人士的階段。
在這個年紀,其實借貸比例高少少,都係可以。你預總負債,最多可以去到總資產7成。從負債風險角度,只要你做到7成以內,風險水平都係可以接受。
所以,你要計一計數,所有負債,比起所有資產的市值計算。如果超過7成,就是開始高風險。
但你要留意,的士牌過往是增值類別,而家已偏向收息類別(增值都仍有,但不算多)。
本質上,的是牌可以不斷有租金收入,而這個租金都會按貨幣系統的向上,而不斷向上的,但行業近年出現了叫車程式等新的競爭模式,對佢點都有影響。
所以,在長遠計,佢的增長能力只是中等,視為收息類的資產會比較好。
以你們年青至中年年紀,我比較建議集中係一些較有增長力資產,例如一些有增長力的優質股。
投資的士牌唔係唔得,但佢增長力唔會好強,財富增值效果,現時未必有優質股咁好。
------------------------------------------------
Q22108:
龔成,你好啊!好緊張,希望你會答我呢個投資初哥問題
我目前有HKD80,000資金專門預留作為投資用途,宜家30歲,希望係2022年2月前投資而賺到HKD160,000;請問有咩嘢建議?
我之前有月供股票買盈富同CLP,都有小量投資美股,只限tesla, ARK及台積電。
Thanks!!!!
龔成老師︰
我地做財富增值,一般希望做到架合理回報,係每年增長10-15%。你現時這個目標(1年升倍),用股票投資去做,風險會好大,較難達到。
而且,1年係一個好短架時間,就算再優質股票,都要時間升值。1年太短,好易會有股價波動風險,令最終回報不確定性好高。
如果你無其他增值方法,建議你按部就班,透過月供去買入優質股,去為自已資產作增值。
你過往投資股票,都係有質素,用來增值係可以。但以你30歲年紀,應以增值為主。中電(0002)增長力不高,未必太適合你。
建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
另外,我建議你加強每月儲蓄,這是重要的。
------------------------------------------------
Q22109:
你好呀, 老師, 我今年29, 有以下兩件事情想各你請教:
1. 想與姐姐置業 兩人月入共7萬 流動資金約有100 萬, 本住青衣區, 想買樓齡不超過20 年的, 正考慮藍澄灣, 同埋想問2人自住, 建議入手呎價為多少
(實用面積為500呎會過大負擔嗎? 想做9成按揭,另想問下老師你覺得此區樓宇有升值潛力嗎? 由於是第一次置業,想先請教老師有何建議?
2. 另外,因父母抽到居屋,費用為200多萬, 父母正考慮做多少成按揭,如一次過付款,流動資金便所剩無幾,但做按揭又要俾利息,所以想請教老師
建議按幾成才合適呢?
謝謝你的解答!
龔成老師︰
1) 青衣區內大型屋苑唔算好多,成個區潛力度只算中等。但東大嶼計劃落實的話,有機會刺激到這區樓價上升。
藍澄灣質素算中等,佢距離港鐵站較遠,係一個扣分地方,但整體算係可以。
但你這個作為自住樓,我建議較從你自身需要作出發點,去作出考量。你要諗這間屋,係唔係適合你長遠需要,講緊係未來5-20年。
呎吋方面,只要唔好太細(少於300呎),符合到你生活要求,咁就可以。另外,我地自住樓一定要堅守一個大原則,就係長線要"供得起"。如果可以的話,置業係無問題。
2) 現時貸款息口在低位,無論係你和你父母,我都建議盡量做高成數貸款,去空出更多資金,做財富增值。
如果你父母本身好怕風險,就將按揭成數調低,但其實在財富運用上,高成數會較好的。但要留意,你自己買物業時,高成數按要比按保,你要平衡翻。
雖然高成數按揭表面上,係要比多左利息,但我地要從機會成本做考慮。你利用低息貸款,空出來資金進行投資增值(投資優質股),去爭取更大回報,相信長線財富增值效果會更理想。
同時,你父母都可以因此留下更多資金,以備不時之需。
------------------------------------------------
Q22110:
Hi 呀Sir你同唔同意1211黎緊要加強品牌宣傳,佢銷量好似唔夠多,我明白佢有技術,但始終作為買家都想要多人識既牌子咁。
比如比亞迪做公交車,人地買左會唔會覺得自己個檔次低左
龔成老師︰
其實比亞迪(1211)品牌,的確有改善空間,特別係在國際市場。
但由於佢有技術,這方面係佢主要勢所在,品牌雖然唔算好強,但無損其投資價值。
而且,集團將來未必只係集中係出售新能車,可以會慢慢加大電池和新能車相關技術銷售。故零售品牌的強弱,未必對佢影響十分大。
其實,比亞迪其中一個往後的發展,就是「賣電池」,即是同不同的車企合作,而這方面的發展,自己的品牌,未必是核心。
------------------------------------------------
Q22111:
龔成老師,你好!距離上次請教問題,原來已經有1年7個月,最估唔到既係呢段時間自己既資產價值升左有65%(105->175)。主要係將過去持有既現金部分轉左去股票+每月部分剩餘資金作月供
所以出現左較大既升值。
一、打算準備置業,而因為我目前有接近6成既資產都係股票,因此若要置業就需要放左一D股票,目前股票(買入價,未扣除過往收息)如下:
完美醫療[email protected],24000股
騰訊700@408,400股
銀河[email protected],1000股
盈富基金[email protected],6910(月供緊10000)
中生製藥[email protected],10000股
小米[email protected],3000股
建設銀行[email protected],10000股
阿里巴巴9988@176,100股
港鐵[email protected],1449股(月供緊3000)
閱文[email protected],406股
我有考慮既係因完美醫療同騰訊升幅較大,再接觸到較平宜價較難,所以計劃:
1.先放左升值潛力無咁大:如建設銀行、閱文集團;
2.現時買入價與成本價相距較近:港鐵、阿里巴巴、小米
3.再考慮剩餘(優先考慮銀娛,及部分盈富基金)的股票。
你覺得呢個安排會唔會較好?
二、由2019年11月開始月供到而家,見盈富基金佔現時比例較大,想降到3000/月,因為澳門月供股票成本較貴,50hkd/隻/月,
唔想月供分得太散,想10000就分別5000福壽園,5000港鐵。會唔會都可以?但若果成功置業,到時候可能只月供到3000-5000。
三、最近睇完你本《80後千萬富翁》,好有感觸,特別係我對現時份工完全感受唔到滿足感,甚至厭倦,現時一有時間就會睇報表,樓宇相關資訊,
目標向住有基本財務自由後辭職。感謝你本書再俾我動力去向股票,樓宇,老闆方向發展。
龔成老師︰
一) 你的策略,有部份需要修正。
我地考慮持有邊D股票,要從佢是否適合你、組合平衡性和現價平貴(而唔係睇買入價與成本價的差距),去作出考量。
你還未到30歲,建行(0939)這類收息股,唔適合你。閱文集團(0772)確定性較高,可以減持少少。
完美醫療(1830)現價偏貴,加上佢佔你組合比重較高,我都建議你沽出部份。
至於餘下股票,持有價值差不多。若你有需要進一步套現,你可以按比例去每隻沽少少。
二) 你這個調整,都可以。暫時你就用你新的調整,去繼續進行月供。到你置業後,才按需要減少月供供款,就可以。
三) 本書能幫到你就好,記住要做好財富增值,唔係短時間可以做到的事。要保持學習、維持現有投資習慣,你自然會一步步走向財務自由。
------------------------------------------------
Q22112:
你好! 家父將於4年後退休,佢想我幫佢用1百萬做投資,希望長期收息亦可有小許本金增長。
80% 穩定收息
303 vtech 15%
778 置富 15%
1310 香港寬頻 12%
941 中國移動 12%
2638 港燈 15%
2800 盈富 11%
20% 增長股票
1810 小米 7%
981 中芯 3%
823 領展 5%
066 港鐵 5%
請問以上可以嗎?定比例或股票有些轉換會更好?
Thanks!
龔成老師︰
由於你父親,尚有4年就退休,投資上應要較保守。
你現時持股和配置,大致上都可以。但盈富(2800)唔係收息股,佢派息平均只有2-3%,但有穏定增長力,可持有。
另外,中芯(0981)和小米(1810)雖有質素,但波動性較大,不宜持有太多,故不要再加注。
現時大市只在合理區,資金唔好盡用。最好留有部份,一方面,可以等大跌市出現時,用來掃貨。另一方面,你父親都應該留有一定現金,以備不時之需。
------------------------------------------------
Q22113:
龔成老師你好,我想請教下你,我已經賣左我既單位,宜家手頭上現金有130萬,我和先生的入息加埋有6萬,我地想買返樓
但係樓齡新少少已經去到700萬,供唔起,我地打算租住先但係又驚上唔返車,請問我地點做會好d?
龔成老師︰
若現時財政,不足以直接承擔心目中的理想單位,你有2個方法。
你可以先購買一個較細單位,之後放租去「以租養樓」或自住。另一邊,就用優質股繼續增大個資金,之後才用較高成數去買大屋,令自己可以供得起。
這樣做,可以有平倉樓市的效果。你們資產,相對受樓價波動的影響,就會較細。當你地將來再換物業,會較有預算。
另一個方法,就係直接用優質股去增值。現時以租金回報率計,股市值博率會較高,潛在回報都會較大。
但由於佢同樓市,唔係有直接關聯。若長線樓市升幅跑嬴股市,變相反而令你置業成本上升左,得不償失。
你要自己衡量下,邊個方法會較適合你。
------------------------------------------------
Q22114:
本人49歲,丈夫51歲,一子將升中學。夫婦兩月入約15萬。在何文田擁有一物業,以丈夫名下持有,仍欠銀行180萬。
我與丈夫現共有公積金約700萬。現金260萬,定期200萬,基金保險200萬。我自己有9手滙豐股票、1手工商,1手港交所。
丈夫常想多買一層樓,因現單位不夠住,想多買一間三房單位,何文田單位出租。但我想以我們的年紀,再重新供一間樓是儍事嗎?
最近見大埔一大屋苑800呎單位,售950萬,26年樓齡,可考慮嗎?
龔成老師︰
其實,每個人都有自住需要,一個適合家庭長線生活的物業,係需要的。你用現時方法,買入一間3房,再將現有物業放租,係可行。
你現時有一定的現金,只要利用作首期,餘下部分現金,你每月供款,我相信可以應付,但的確,每月支出會增加左,你要計好數。
而你現有物業按揭$180萬,將其放租,我相信每月都有基本的正現金流,可以幫少少你每月供樓部分。
另外,如果日後能善用公積金,無論作為部分還款,又或投資一些能產生現金流的工具,都能有助你供樓的。
但當你再買入一個物業時候,你成個財富組合,就會偏晒係物業類,出現過度集中性風險。故你在買入新物業後,長遠來說,加大翻優質股的投入﹐去令財富組合回復平衡。
另外,你現時持有股票,都係有質素。但你要留意,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
你現時明顯,係偏重左係銀行股,未來要加大其他行業股票佔比,去平衡翻個組合。
以下是一些適合你的股票,現價都在合理區,可分注入貨。
平穏增長股︰金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
現時大市只在合理區,資金唔好盡用。要留有部份,等大跌市出現時,可以用來掃貨。
------------------------------------------------
Q22115:
龔sir,我是你的學生,想就爸媽的情況請問你意見:
爸媽是退休公務員,60歲,有長俸(每人每月約$15,000)。他們持有一個單位,市值約$1,000萬。下年中他們將搬來跟我一起住,請問他們應該:
(1) 將樓放租,租金大概$20,000/月,每月$2,000管理費;或
(2) 將樓放賣,將部份所得資金(大概$700萬)換入保守投資股票組合,希望有4-5%年回報,換取現金流。
請問那個方案較適合他們的情況?如是(2),請問除了港燈般的公用股,還有那些是最穩健的收息股?因為就算領展置富這些近年都比較波動,謝謝
龔成老師︰
你父母由於會跟你同住,所以無自住樓需要,其實用分法1和2去處理,都係可以。
若你父母透過長俸和租金收入,已經足以應付基本生活支出,我會建議一動不如一靜,用方法1就可以。
相反,若現時長俸金額和他們生活開支,係有一段距離,你就可以考慮用方法2。
另外,你可以考慮將層樓加按,套現部份資金,去買收息股(最好係方法1,不足夠支付生活才用)。
但由於借貸始終有一定風險,唔好按太多,大約2成左右好了。同時你要明白,這樣會令你父母負債增加,風險會增加。
另外,如果你投資的股票不幸股價下跌,你就會出現「賺息蝕價」,對你不利。
同時間,如果日後加息,又或你收息股的派息減少,都會令你得到的息差回報收窄,你的回報會減少。
你要從實際情況和風險中,取一個平衡的方法。
以下是一些有質素的收息股,給你作參考。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
領展(0823)都可以考慮,但因為佢都有一定增長力,所以股息率未必太高,你要留意這點。
我較建議方法(1)。
------------------------------------------------
Q22116:
我想請教,以收息股為例
我既3號仔,早前收左利息,我係咪應該將息做investment ,Otherwise 就achieve 唔到個compound effect ?謝謝你
龔成老師︰
其實複息效應,係分2部份。第一部份,係企業賺到錢,攞去再投資在業務上,創造更多盈利。
另一部份,就係你所講的派息。這部份,就要投資者,將這筆資金去再投資,去創造更多財富。
但如果你持有股數不多,收到股息可能較少,不足以買1手股票。你可以將這些股息先儲起,到有一定數量,目標股票價值又合理,就可以出手。
------------------------------------------------
Q22117:
龔成老師: 現時持股組合中,有1928金沙 $33.9買入,但擔憂政治風險影響續牌,以至可能帶來毀滅性打擊,
眼見880 澳博股價下跌不少,值博率上升,請問是否換馬較好?
龔成老師︰
金沙(1928)無論在賺錢能力、規模、物業質素和協同性等等,都係優於澳博(0880)。
現價計,雖然澳博值博率係較高。但長線計,金沙(1928)增長相信會較好,我比較建議用金沙,作為長線投資目標。
至於澳門賭牌問題,我係課堂上,都有課程的同學們分享過。簡單而言,佢成功續牌機會,會係較大。
------------------------------------------------
Q22118:
龔sir, 有事想請教你意見。我將會離職,公積金約有40萬可選擇取回或者繼續存放於景順,目前都係放高風險的100%環球股票基金。
僱主供款30萬幾(我唔洗供),而家收益9萬幾。
請問我應該選擇取回所有現金再作其他投資?(扣取放回MPF的錢之後應該還有28萬左右可以取回)還是應該先繼續放,等個市好啲再取出?(佢五年內再隨時取回), 先謝
龔成老師︰
首先,你按翻人生財富配置就得,睇翻自己年齡情況,是否適合說基金的風險度。
另外,你可以睇翻隻基金表現和目標,去做決定。
例如投資的資產類別、投資策略、風險程度、市場、費用成本、以及過往的表現。
你可以睇佢過往5-10年,如果回報係比主要投資市場高,有機會值得繼續放在公積金戶口投資。
------------------------------------------------
Q22119:
老師,請問你有沒有覺得最近市況有點過熱,大市市值有點偏高?
我留意到HSI的市值已高達17倍,比以前一般10-12高出不少,另外一流的公司市值升很多不在話下,但連不少質素很好的2線公司都有2-3倍的升幅,
例如中國軟件,中遠海控,這情況令我擔心市場正在開始形成泡沫。
針對這種情況,我繼續保留質素很好的公司,但我應該把手上投資組合中質素一般的股票賣出,換成現金還是換成較好質素的股票比較好?
現在我有1百萬股票,1百萬現金,我希望5年後能夠增值成1千萬,跟隨老師你的步伐,請問我怎樣做才可以達成目標。感謝你的時間和思考,如果上面寫得不夠清楚,請見諒。
另外一提,在我只有十萬時看百萬富豪,給予我希望及目標,最終我得到百萬,果然意念成就事實。
現在,我正在看千萬富豪這本書,給予我新的目標,而且我已經不會再覺得是希望,而是信念,必定能做到的信念。
感謝你,這些都是因為老師影響到我。
我現在是創業,會計師樓老闆之一,算是正在做創富類的工作吧。
我想變得更好。
龔成老師︰
先恭喜你,達成首個理財目標,成為百萬富翁。
由於近期恆指加入不少新成份股,令到PE合理區,都作出相應調整。你預13倍左右,算係合理區底部。
中國軟件國際(0354)和中遠海控(1919)係貴,但整體大市依然算係合理區,暫時唔見有好明顯泡沫。
你持有優質的股票,應長線持有。但較一般的股票,若持有比重較多,可以考慮換碼至其他優質股
其實,我地投資股票,就等同投資一間企業。係要時間,比佢慢慢成長。一般希望做到架合理回報,係每年增長10-15%。
你現時這個目標,用5年將財富由200萬,增值至1000萬,用股票投資去做,風險會好大,較難達到。
其實,正如《80後千萬富翁》書中所講,要致富其實有5條路,投資只係其中之一。
而生意,都係其中一個出路。一盤生意打理得好,回報係可以遠超投資優質股,所以你想達至你的1000萬目標,可以先從自己盤生意著手。
若再用空閒資金,才用來投資優質股和物業,令財富組合更平衡,咁就可以。
如果你這筆100萬資金,係已經諗住預留去投資優質股。你可以先儲起,因為現時大市只在合理區,你可以等有明顯回調時,才用來慢慢分注入貨。
------------------------------------------------
Q22120:
老師,不知不覺就過左2年多没有message你, 其間我有睇你書及留意你facebook
亦成為我這幾年的鼓勵,現在有些問題想請教你意見, 我同男友想在明年初結婚, 我們都打算未來幾年內移民, 我們打算未來1-2年生BB,
我男友想買樓, 他會用大部份積蓄, 但我反而叫他租樓住, 因為咁様,cash flow會較多, 而且怕幾年後樓價會跌, 放樓也不容易, 一買一賣涉及很多費用, 又要用錢装修
我們這個情況, 你會有甚麼建議? 贊成我男友買樓嗎?還是盡量租樓, 留多d cash係手?
因政局常變, 而買樓有3年禁售期, 因為我才建議男友租樓, 但他不喜歡租, 只想買, 你意見如何? 這刻可怎樣為將來同移民打算?
龔成老師︰
過幾年樓市升跌,無人知。從自住角度,若你係有實際生活需要,而有"供得起",置業都係可以。因為除了優質股,物業都係一種資產,都係可以幫到你累積財富。
較理想的情況,就係在置業同時,可以留有一定優質股係手,保持增值。令成個財富組合,唔會過於遍重物業,因而造成過度集中性風險。
但其實,你距離移民只有幾年時間,如果移民時,你可能不會保留任何香港資產,我就建議你地租屋會較好。
加上一買一賣的成本高,同時無人知樓市到時是高是低。
因為本身樓市有一定波動性,加上装修和買賣成本都高,還有額外印花稅等問題。為幾年生活,而去置業,未必真係值得。
你反而用移民前的幾年時間,將資金投資一些優質股,去幫你移民前做些增值,相信會較好。
而你男友想買樓,我估有機會係從投資角度出發。但其實現時樓市算略貴,整體租金回報率不高。投資值博率計,會係股市會較高。若他真的有從投資角度考慮,你可以提一提他這一點。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
和富大埔升班 在 電影狂人-影評情報交流平台 Facebook 的最佳貼文
大埔廿年無戲院
嘉禾拎咗本來由UA營運的大埔超級城戲院嚟做
係好消息!
UA遺物陸續揾到新主人…
//嘉禾院線宣布旗下全新戲院「嘉禾大埔」預計於2021年第三季隆重開幕!整個項目由新鴻基地產旗下大埔超級城多層停車場改造而成,嘉禾院線更計劃將戲院打造成富有主題特色的年輕休閑空間,銳意為區內區外年輕人構建耳目一新的電影朝聖地。
.
大埔超級城為新界東及北區內最具規模、最大型的休閑購物點,鄰近港鐵站和公共運輸交匯處,向來深受年輕家庭歡迎,除了不時有結合互動科技及創意的主題打卡裝置外,更設有人氣餐飲美食、潮流服飾及精品日式百貨公司,應有盡有,成為當區人氣購物集中地。
.
而嘉禾院線一直積極開拓戲院版圖,全新戲院嘉禾大埔設有4個影廳,並提供近400個座位,當中包括嘉禾院線獨有配備之D-BOX動感座位,獨有的震撼效果配上精彩之電影,無疑能令電影觀感層次提升。
.
負責推動戲院項目的橙天嘉禾娛樂(集團) 有限公司集團首席運營官兼執行董事-鄒秀芳小姐表示:「大埔區自2001年以後未有戲院落戶,居民二十年來都需要不時跨區欣賞電影。嘉禾院線留意到居民對戲院的需求,因此嘉禾大埔除了擔當戲院的角色,亦希望為社區帶來耳目一新的感覺。隨著未來新界東有更多新屋苑落成,嘉禾希望進駐大埔後可凝聚一班愛電影的朋友,滿足不同戲迷需要,為社區帶來全新娛樂體驗。」
.
而新鴻基地產代理有限公司執行董事馮秀炎小姐則表示是次合作非常愉快:「大埔超級城作為新地旗下、新界區旗艦商場之一,向來積極為新界區引入優質商戶,不斷豐富場內商戶組合,提升跨區吸客競爭力。是次能與嘉禾院線聯手,為大埔區、以及新界東居民帶來全新戲院「嘉禾大埔」,面積達1.5萬平方呎,並成為新界東北動感影院,兼區內唯一的戲院,我們希望藉此能讓新界東、尤其是大埔區居民隨時享受看電影的樂趣。」//
和富大埔升班 在 Fai Li Youtube 的最佳解答
標準流浪 2019 - 2020 新球季開操
標準流浪總監李輝立:
- 400萬組軍?
- 時間倉促如何搵球員?
- 落戶屯門主場原因?
- 重返頂級聯賽有否壓力?
教練黃展鴻:
- 四位教練團合作,如何分工?
- 廣州集訓球員進度?
- 如何評價幾位新加盟球員?
歐陽耀沖
- 回顧上年大埔表現及情況
- 早前外流試腳情況
- 加盟標準流浪主要嘅目標
-----------------------------------------------------------------------------------
《 流浪重返港超聯 班費400萬 屯門做主場 》
新球季重返港超的老牌球會標準流浪,今天舉行新聞發佈會,並公佈新贊助商。
教練團由教練兼球員黃展鴻,賴嘉輝,由夢想FC 轉投招重文及蘇洋組成4人教練團,帶領一眾球員衝擊新一季港超聯。
新球員方面,焦點落在由和富大埔轉投歐陽耀冲及巴西中堅杜馬思,另外由富力R&F借用門將姬向爭、謝偉俊 及麥富城,並由香港飛馬借用劉智樂。潘柏安及彭林林等加盟。
三位新外援分別有: 巴拉圭籍中堅艾斯(César Leguizamón Arce),兩位阿根廷籍球員,中場球員巴辛( Leandro Basan)及前鋒簡尼迪(Diego Daniel Cañete)。配合由甲組升班球員: 鄧樂文、陸建鳴、陳栢浩、鍾昇霖等。
由於流浪新一季大部份小將欠缺港超聯經驗,加上組軍較遲,可用球員選擇不多,故此會用盡四位外援名額,現時亦有史提芬彭利拿,以及效力澳門鄒北記巴西中場柏特奧達跟隨球隊試腳當中,稍後時間才落實留效外援。
主場方面,新一季標準流浪將以屯門鄧肇堅球場作為新球季主場,流浪足球隊表示,希望今次落戶屯門,能夠做好地區青訓,希望凝聚屯門青少年,加入流浪青年軍。
![post-title](https://i.ytimg.com/vi/6BD-tBQa-FI/hqdefault.jpg)
和富大埔升班 在 Dd tai Youtube 的精選貼文
葛量洪教育學院(Grantham College of Education)是一所曾經在香港提供專職教師專業培訓的院校,以美術教育為主,於1951年創立,校址在九龍加士居道42號。開校第三年兼併了鄉師,當年香港政府致力發展小學,亟需大量師資,葛師就採取短期的一年制,而且迅速發展擴充名額。全盛時每屆一班竟達330人(羅師中英兩部每屆各收25名,鄉師中文只收25名)。葛師於1964年除繼續開辦一年制外,更加開辦了中文二年制。葛師師資訓練特有兩項措施,第一為「設計教學」,分組學員選題後,要分工參考搜資料、實地採訪。最後要安排大規模展覽作分享。第二項特色是「小組討論」,以補大課單向講授之不足,也建立了更佳之師生關係。一年制全期分配到小學實習一次,畢業生只可任教小學。二年制實習兩次,第二次分配到中學實習,畢業後可最高任教至中三(Form3),選取之標準及校內表現也要求嚴格,入讀二年制者也曾有於升二年級時須離校。由於政府通過教育學院法例,提升至頒授學位的水平,葛量洪教育學院於1994年被合併為香港教育學院的一部份;而原址將被重建。按恔友會96年統計,葛師開辦了45年,本科同學計達6760名。 其校友會於1952年9月成立,並先後創立了5間以「葛量洪校友會」命名的學校,即:葛量洪校友會觀塘學校(1961-2008)、葛量洪校友會慈雲山學校(1967-1988)、葛量洪校友會油塘學校(1973-1993)、葛量洪校友會將軍澳學校(1988-2008)及葛量洪校友會黃埔學校(1997-今)。在多間師範學院合併後,葛師校友會學校仍以原名續辦,設有多項獎學金,後因出生率下降而致多間完成歷史任命。葛量洪校友會轄下各小學的校監均為香港民主派元老、前立法會議員、支聯會主席司徒華(葛師首屆畢業生,曾任葛師校友會觀塘學校校長二十一年)。2011年葛師校友會舉辦了盛大之鑽禧藝展及多項紀念活動,增添葛師鑽禧紀念獎學金,更收集校友之著作及歷史照片出版了專冊,名為「葛師的歲月」(Down Memory Lane: Our Golden Years at Grantham College of Education),資料詳盡,並得當年馮翰文副院長發序言。
香港教育學院(The Hong Kong Institute of Education)是香港八間受大學教育資助委員會資助的高等學府之一,主要提供教師專業培訓。香港教育學院的歷史可追溯至1853年於聖保羅書院開辦的首個正規在職教師培訓課程。隨著政府及社會大眾對師資教育的關注及需求不斷增加,羅富國師範學院(羅師)、葛量洪師範學院(葛師)、柏立基師範學院(柏師)、香港工商師範學院和語文教育學院等相繼成立,開辦正規的師資培訓課程,為香港教育提供具備資歷的教師。依照1994年4月25日教育統籌委員會第五號報告書的建議,四所師訓機構和語文教育學院合併成為香港教育學院,進一步提升師資教育和有關專業培訓課程的質素;總辦事處設於香港島銅鑼灣新寧大廈,另設10間分校,主要提供教育文憑課程及在職教師培訓課程。直至1997年,香港教育學院遷往新界大埔至今。新校園位於香港新界東大埔露屏路10號,佔地12.5公頃,由著名建築公司巴馬丹拿(P&T Group)設計,於1996年5月28日由前港督彭定康主持奠基,並於1998年2月26日由前行政長官董建華揭幕正式啟用。校園由行政大樓、教學大樓、文康及運動綜合大樓、學生宿舍及戶外體育設施組成。香港教育學院雖有學士、碩士和博士課程。教院的教育及師資培訓在國際QS世界大學排名中位列全球第十五名、亞洲區第三名 ;語文學科則位列全球首 101-150 名 。於2015年9月11日,大學教育資助委員會通過香港教育學院正名大學,待行政長官會同行政會議批准及得到立法會通過,教院最快可於16年2月正名為大學。經收集多方意見後,香港教育學院校董會決定,將以「香港教育大學」及「The Education University of Hong Kong(EdUHK)」作為教院正名後的校名。香港教育學院設有3個學院,轄下共13個學系,提供不同範疇的本科課程,包括教育學士、文學士及社會科學學士,同時也為在職教師提供部分時間制進修課程;而研究生院則負責統籌各研究式或修課式的博士及碩士課程,如哲學博士及教育博士等。修讀教育學士或教育文憑的學生需通過兩次教學實習,而所有教學實習則由院校協作與學校體驗事務處負責統籌。學院並設多個校級研究與發展中心,追求卓越的研究和社會合作項目。
![post-title](https://i.ytimg.com/vi/xUzyrM4BP1M/hqdefault.jpg)
和富大埔升班 在 【全場精華】菁英盃-深水埗1:5 和富大埔 - YouTube 的推薦與評價
![影片讀取中](/images/youtube.png)
本地足球#深水埗# 和富大埔 #我撐本地波#港超聯#中銀人壽香港超級聯賽#菁英 ... 入12碼兼大演帽子戲法,最終 和富大埔 以5比1大勝,得到 升班 後首場勝仗。 ... <看更多>
和富大埔升班 在 和富大埔 的推薦與評價
和富大埔. 362 likes. 大埔足球會(英文:Tai Po Football Club)是香港新界大埔區的一間地區足球會,成立於2002年。 ... <看更多>