[記得四哥發哥都已見過面。後來榮升主角太突然](*)Dear, write some god damn thing
TLDR:下個月開始,《信報財經月刊》有我。記得買。
1. 我有無數咁多古怪嘅寫作習慣。其中一個唔少人知,就係我篇文寫乜都未知,幾時會有都未知,但一早會有個題。例如我篇《楊枝甘露的誕生》,聽講係愛情小說,寫咗廿幾年只係得個題。《第一次的親密接觸》嘅作者痞子蔡都有呢個習慣,小說一定有咗個題先,然後先寫。
2. 我更進一步,十幾廿年前已經會有個題,等件事發生。好似門捷列夫個元素週期表咁(Periodic table,啲化學畀返晒老師未?)。同你估嘅唔同,當年佢整個表嗰時,唔係列晒1—100出嚟,當時唔少元素根本未被發現。但佢一早留定位,知道會有一個咁特性嘅元素,一直都在,只等你發現。後來果然後人就發現到嗰啲元素,性質同佢預期嘅差不多一樣,成件事實在型到不得了(**)
3. 當然我唔係門捷列夫,我不能確定呢一日會發生。可能十年,三十年,甚至死嗰日都唔會有。因為涉及太多嘢。但總之,呢篇文個題,係我好多年前已經諗的,just in case.而家就可以解封了。
4. 忘掉那一天,記不起是那年,但應該係好早期,我甚至未做金融。有一年,我在書展,見到有個唔靚仔嘅瘦皮猴,推銷緊佢本新書,好似唔太多人理佢。佢話可以幫我簽名
5. 嗰個,就係龔耀輝。
6. 後來嘅事,係我開始打銀行工,開始睇《信報》。一來公司有,二來Reuters部機上面有。
7. You are what you read,最早期我可能受陶傑張小嫻影響,後來我就受游清源影響。金融方面,當然就係睇《信報》時,蔡東豪同龔耀輝。
8. 等我懷念下當年,circa 2004 -2006,我在美國銀行大廈返工(蕉行嘛)(***),閒唔時就係睇下《信報》,就係睇佢幾位老哥。當時我成日午餐就在和記大廈(已拆)間星巴克,記得嗰時個姐姐認得我,我漏低咗嘢幫我keep住,仲手寫住我個名(星巴克姐姐知你個名有幾奇?我又唔會用假名)。硬係覺得嗰時嘅人心好啲,星巴克啲女都靚啲。定只係嗰時後生,入世未深?
9. 無論如何,嗰時我就心諗。嘩,幾時有一日到我會寫《信報》?
10. 至少在2000年時,我已經發夢在報紙在專欄作家。當時厚著面皮厚著包皮咁電郵某人請教,仲畀佢第日在專欄串我。但,佢講得冇錯嘅係,write some god damn thing(唔係原文).呢個亦係我而家叫啲小朋友做嘅嘢。
11. 時間飛到去大約十年前,《信報》搞咗個「動筆動思考」嘅東西。作家培瞓,或者當搵新血咁。當時我在耆英已撈得不錯,但寫作嘅事業,等於零。
12. 而去到呢個位,我實在so gay都要講。我大學年代識嘅嗰位網友,已經實現咗自己嘅夢想(算係?),在有線講咗波好多年。佢點入行架呢?正係參加咗有線嘅比賽。我仲要係睇住嗰場比賽,甚至記得佢係講曼聯對車路士。舊年同佢食飯講起,佢當然完全唔記得呢件事。
13. 不能話受佢影響,因為當時佢已經講咗好多年。但總之,「動筆動思考」壇嘢,我就覺得自己都係要write some god damn thing,寫咗篇文去。三十歲那日不要臉,參加了挑戰
14. 有圖有真相,我都唔知我仲keep住呢個email
15. 結果?我有個朋友入圍(唔係寫金融的),本人當然名落孫山。明顯寫得未夠好,或者緣份未到。
16. 又或者,係未夠努力。
17. 當年某評審睇咗我篇文,問我有冇啲正經啲嘅(陰功,我以為嗰篇已經好正經!)。正常真係好飢饑嘅人,應該會寫多篇。但我好似只係回佢:冇喎,這是我的風格。(唔肯定有冇第二句)
18. 咁,who cares你咩風格?邊位?
19. 況且,Let’s be frank,機會成本。我由中學開始已經鍾意寫嘢,但畢竟你鍾意唱歌同你去紅館開演唱會係兩回事,你鍾意踢波同你去咗奧脫福踢一隊又係兩回事。
20. 正如上面講,當時我在耆英都撈得不錯。當然都熱愛寫作,但我都熱愛空姐(誰不愛),但我總不會日日走去約空姐,對不?唔使返工咩。咁我摶上位升職加人工緊要,定寫文緊要?
21. 你可以話即係我未夠熱愛,或者寫得未夠好,總之whatever,就又過咗十幾年。媽的,人生有幾多個十幾年?
22. 但生命嘅嘢真係唔係一條直線,卒之2021年,《信報財經月刊》,搵我寫嘢!
23. 我唔記得係「四哥」定「發哥」講(懶FC了),當年《信報》搵佢寫文,佢嘅反應係「𦧲飯應」(原文照錄)。亦係我早兩星期嘅心情。
24. 講多無謂,write some god damn thing.稿已交,講日本股票。10月頭會出版,到時記得買。最開心係佢地可以畀我寫三千字。
25. 當然啦,如今我四十看從前,枝筆已鬆軟。「四哥」「發哥」都冇再在《信報》寫文。但唔緊要,依然仲有好多好嘅作者。唔係講我啦。你也可以是孔少林,我們都是原復生。
26. 彩蛋:當年,2006,唔知「四哥」定「發哥」在《信報》,貼中意大利拎冠軍,鳩威咗一排。今年,2021年,本人一樣貼中意大利拎冠軍!固然都係七分好彩,但,至少寫波,我就應該勝過「四哥」「發哥」了。
27. 彩蛋二:居然畀我搵得返當年掟去嗰兩篇稿,不如遲下貼上嚟?而家睇返,「都唔係真係咁差啫」,「咪同我而家啲文差不多」。證明我過去十幾年都冇乜進步過,但可能啲讀者品味越嚟越低,造就我都有人睇。又或者「四哥」「發哥」等等收晒山,池中無魚蝦自大,廖化作先鋒咁。
(*)都係鍾意高登改版多啲。「記得飯島 松島 都已見過面 後來榮升主角太突然」。原諒我騎劫咗一個應該相當文藝中產嘅post,但,唔通中產文青唔睇AV?早兩年我去到松島(牛舌!)打卡亦都係貼呢句歌詞。不過in case anyone care,我係既唔睇飯島,亦唔睇松島嘅。甚至三上悠亞 波多野結衣我都係唔睇的。懶係唔跟主流嘛,由呢啲嘢都睇得出。但又不過,你見我買股票又係買返 Facebook Microsoft 等等,主流到唔主流,所以唔好輕易將 「平時嘅口味」同投資嘅性格撈埋嚟講。正如跑馬拉松嘅人,未必買股票有恒心。運動員在場上可以受壓,可以超高心理質素,但唔等於唔會有心理問題,唔會亂買嘢傾家蕩產。世界唔係咁簡單
(**)好多書有講,例如呢本(https://bityl.co/8eCm)
(***)無獨有偶,嗰時我去耆英證券見工,都係嗰度!仲要係樓上!「所以唔使請假見工」。最正係我take咗佢地offer嗰日,放工就撞到後來嘅鬼頭上司同我一齊迫電梯。
==============
已烴2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
同時也有2部Youtube影片,追蹤數超過3萬的網紅MEeeep More,也在其Youtube影片中提到,儲值卡市場風起雲湧,最近3香港夥拍同系嘅百佳超級市場推出咗震撼價嘅So Sim月費計劃!我哋而家一齊睇下呢張卡有咩特別啦! SoSIM可以算得上係市面上最平嘅儲值咭,只賣港幣$33。開卡就已經包咗有效期30日嘅 50GB 42mbps限速數據,到量後會降速到128kbps,開卡頭120日更加包多5...
和記3月費 在 Facebook 的精選貼文
[今日寫呢啲]今日就真係勁咯,你見我寫到朝早6點!
首先預告,之前週末專題我已經寫咗美國5大Big Tech業績,啲數字都update晒。過兩日我會再回帶一次個「今日寫呢啲」,因為之前我係一日出咗兩篇文。你一訂Patreon就睇得晒了。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
今日呢篇,首先跟進返理文化工746。咁對手東岳189今年炒到飛天(入咗港股通嘛),但昨日忽然大插10%,其實高位都回咗超過20%,「又熊市了」。咁跌乜?你知道之前東岳炒乜咪知跌乜。咁影唔影響到理文化工?理文相對地企得好硬,之前Patreon讀者買真係任何位入都賺錢,都唔少人買咗。咁點處理?文入面講。
但之後先係主菜,長和系業績全攻略。不過真係只係Tasting Menu,誠哥嘅大智慧邊係我地啲凡夫俗子可以幾萬字就參透到?
首先,長江基建1038之前已經出咗,我亦寫咗。另外電能6(有人鍾意叫港燈)亦都出咗,冇寫過。呢篇唔會有呢兩隻。
呢篇有嘅,就係最大嗰幾隻,亦係星期四一齊出業績嘅3隻:香港電訊6823,長和1,長實1113。
好啦,但首先第一個問題,到底邊間打邊間?啲業務在邊間入面?都真係好多人都未搞清楚。以前1號長實13和黃反而冇咁深。咁我篇文入面會詳細講
但,6823咪電訊+收費電視(留意而家now台在6823,楷仔冇話你知?)。1號仔咪非地產(一大抽嘢),1113咪地產。大約係咁。
留意除咗長江基建1038外,全部我都冇買的。N年前當然買過和黃13,但真係重組都從來冇買過,Patreon篇文亦話埋畀你知點解。但你不如又留意下啲股價?今年1113就升到笑啫(實情3隻今年都跑贏大市),但之前連跌3年喎,而家仲係5年前嘅位,你啲網友買完跌3%都問乜事啦,隻嘢買完買跌3年,我都唔知點算,肯定去「止蝕」
講返三間公司,我都係水過鴨背咁講(我地凡人點得過李氏父子三位一體 聖父聖子 聖靈)。長和1嘅,真係業務繁多。但你留意新聞,係報佢「收益」2000億,之但係你睇income statement,明明個收入1300億咋喎,咩回事?固然係簡單會計嘢,但真係好多人唔知,唔知咪要學。文入面有講
買樓嘅長實1113,都係加咗派息,股價今年升3成,跑贏絶大多數指數。
順帶一提,你見長和1又長江基建 又電視 又港燈 又生命科技 又醫藥 又新城 又Tom仔 又和記電訊 又港口 又百佳豐澤屈臣氏。長實1113就只係賣樓同收租。但你睇下兩間嘢嘅市值?香港地賣樓是很好賺的。呢,你睇啲咩疫苗公司,賣疫苗全世界,收入都未夠香港求其一間地產商賣一年樓。
香港電訊6823嘛,咪電訊咯(同和記唔同呀下)。最新鮮滾熱辣係 Now台收咗入去。賺錢唔賺錢?唔知,「EBITDA就賺嘅」,蔡東豪名句,下個月你拎EBITDA交租丫,或者拎EBITDA派息。當然啲租重嘢,利息開始 折舊之類,全部一lot過同埋 電訊啲嘢一齊一條大數啦(但其實,係有拆過出嚟的,文入面講)
最後,節目預告。你見漏左一間,邊間?惡名昭彰嘅8號仔。好多好多人問,Mirror紅喎,Viu台廣告好喎(記住,Viu台在8號仔,Now台在6823,但反正6823都在8號仔入面),咁係咪業績會好勁?
這個嘛,今日出業績你咪知(所以未寫)。我應該週末會寫一篇。但畀定兩樣嘢你:傳統媒體,仲有得玩?Facebook 一個月廣告收入100億美金,你可以研究下係咩概念。
另外,8號仔入面,仲有一大抽唔係Viu台嘅嘢嘛。
週末應該會詳細講,個撚個都想要懶人包,係呀,一句解得完嘅,我仲日日花咁多時間睇嘢?你資質高我100倍?
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
和記3月費 在 Meeeepmore Asia Facebook 的最讚貼文
儲值卡市場風起雲湧,最近3香港夥拍同系嘅百佳超級市場推出咗震撼價嘅So Sim月費計劃!我哋而家一齊睇下呢張卡有咩特別啦!
Alfred Mak 麥卓華
#SoSIM #3HK #百佳 #儲值卡 #Z世代達人
和記3月費 在 MEeeep More Youtube 的最佳貼文
儲值卡市場風起雲湧,最近3香港夥拍同系嘅百佳超級市場推出咗震撼價嘅So Sim月費計劃!我哋而家一齊睇下呢張卡有咩特別啦!
SoSIM可以算得上係市面上最平嘅儲值咭,只賣港幣$33。開卡就已經包咗有效期30日嘅 50GB 42mbps限速數據,到量後會降速到128kbps,開卡頭120日更加包多50GB社交數據、每晚23:00-第朝07:00嘅7.2mbps歡樂通宵任用數據,同埋10000分鐘本地通話時間,如果用得晒啲數據,呢個價錢絕對係無懈可擊。
我就搵咗張SoSIM番嚟試下!打開包裝放入手機,基本上唔需要做任何設定,就已經上到網喇。等我搵幾個點同大家測試下速度係點先!以Samsung Galaxy S10+試,速度去到42mbps以上,算足秤!試埋歡樂通宵時段嘅7.2mbps任用數據又點先!測速都去到10mbps,睇YouTube、mytvsuper都一樣唔疾,OK收貨! 試埋俾唔俾Wi-Fi分享Hotspot先!無論用iPhone定Android手機都一樣無問題㗎!不過呢張卡暫時未支援VoLTE功能,如果上緊網有電話入,就會落番3G。
呢張卡開卡後有效期係120日,不過一開就會扣晒$33面值,要增值先可以喺30日後再開數據計劃。除咗一般嘅數據Plan之外,最吸睛嘅就係$33包30日60GB FUP數據喇,無講錯,再開Plan係多10GB!如果怕用唔晒? 亦有一個$88包90日 120GB FUP嘅數據計劃!如果你張卡夠錢,30日或以上嘅數據計劃係會自動續期,不過包嘅數據就無得累積帶落下個月用。開卡嘅120日10000分鐘用晒之後,每分鐘通話收費都只係$0.05,你亦可以HK$48買180日 10000分鐘通話、50GB社交數據同歡樂通宵組合,平均一個月都係$8!
唯一唔方便嘅係呢個年代仲要去百佳先買到增值券,唔可以同其他3HK嘅增值券共用。增值券可以喺任何一間百佳系嘅超市Counter買,唔同嘅面值會延長張卡唔同日數嘅有效期,好似$200增值券就可以延張1年有效期,喺指定網站登記埋,仲有額外嘅「易賞錢」送㗎!另外提提你喇,呢張卡暫時唔支援帶Number MNP過台㗎!
如果你每月數據容量大,又唔想上台,又唔介意冇得MNP,呢張卡絕對係超值之選!不過如果你只係想keep Number或者只需要好低嘅數據用量,年卡都仲係較抵嘅選擇!
So Sim可以喺十間指定嘅百佳超級市場買倒,官方表示,將來會擴充到全線分店。
![post-title](https://i.ytimg.com/vi/qfWG0E0UZLk/hqdefault.jpg)
和記3月費 在 Edmond Poon Youtube 的精選貼文
掉富貴竹後健康下滑,師傅上門驅鬼元氣大傷!內地奶奶變蛇精報仇!(恐怖在線重溫 第2076集)
第2076集 (14 Oct 2016)
大陸聽眾和記分享奶奶化蛇精回來報仇事件
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
相關影片:
1. 師傅早喺3月已預言香港7月疫情再大爆仲會持續到... 〈恐怖在線〉[嘉賓 廖子龍師傅]第3049集 2020-07-09 (https://www.youtube.com/watch?v=URpv08-oS3Y)
2. 因為一次拍靈異電影結果心甘畀個男靈體跟足七年〈恐怖在線〉[嘉賓 Frankie師傅]第3057集 2020-07-21 (https://www.youtube.com/watch?v=HDECBikuoZg)
3. 法科師傅住圍村鬼屋!同家仙講數業主即退租!主題公園工程無拜神出現怪事!(恐怖在線重溫 第2067集) (https://www.youtube.com/watch?v=NyE_FfhbK3E)
#恐怖在線 #潘紹聰 #富貴竹 #StayHome #WithMe #跟我一樣 #宅在家
![post-title](https://i.ytimg.com/vi/aWLDSzbeAMY/hqdefault.jpg)
和記3月費 在 SoSIM 全港首試- 50GB數據只需HK$33有無伏? 3HK x 百佳 ... 的推薦與評價
![影片讀取中](/images/youtube.png)
儲值卡市場風起雲湧,最近 3 香港夥拍同系嘅百佳超級市場推出咗震撼價嘅So Sim 月費 計劃!我哋而家一齊睇下呢張卡有咩特別啦!SoSIM可以算得上係市面上最 ... ... <看更多>
和記3月費 在 3HK - Home | Facebook 的推薦與評價
3 香港是領先的流動通訊服務營辦商,致力在5G新世代轉型為數碼營辦商,為個人及 ... 3 客戶只要綁定My3 App同易賞錢App 帳戶 ,就可以用積分找月費,每月最高仲可以 ... ... <看更多>