莓瑰牛角 ($29)
-
未食過人人都大讚嘅Bakehouse，
但品穀係目前為止我心目中嘅牛角包首選，
食咗好多次抹茶同芝麻牛角都唔厭🤤
🔙 品穀麵包Posts回顧 👉🏻 Voracious品穀
莓瑰牛角係牛角系列中第二新嘅口味，
下次介紹埋仲正啲嘅最新焦糖榛子牛角😆
.
.
🔻
同以往嘅抹茶同芝麻牛角唔同，
呢款並唔係用上爆餡忌廉作為餡料，
取而代之嘅係混入荔枝肉嘅自家製雜莓果醬，
甜度輕微反而酸香十足，
另闢蹊徑係走清新輕盈嘅路線☺️
.
牛角包表層塗上玫瑰糖漿並灑上玫瑰花瓣，
唔單止係令整個麵包賣相更加典雅高貴，
果香嘅酸甜佐以玫瑰花嘅淡雅清香配合起嚟令味道層次上皆有所昇華🌸
.
而牛角包本體就固然從來唔會令人失望，
外皮酥脆之餘內層濕潤亦略帶煙韌感，
中間氣孔均勻呈漂亮蜂巢狀，
唔會過份鬆散或死實，
牛油味濃而不烈、油膩感亦唔過火，
喺酸甜嘅雜莓果醬下仍然發揮出陣陣幽香🤤
.
—————-—————-
📍品穀 (佐敦)
佐敦白加士街61號地舖
————-——————-
.
Voracious麵包
⋯⋯⋯⋯⋯⋯⋯
Voracious佐敦
👆🏻👆🏻👆🏻👆🏻👆🏻
