#正文社旅遊書 #我是旅行嘉 #中亞之旅 #蒙古國 #成吉思汗 #Dalanzadgad #南戈壁 #大漠 #KhustaiNationalPark #哈斯台國家自然景區 #蒙古野馬
《我是旅行嘉》- 中亞之旅蒙古國 (18)
上次同大家講咗蒙古野馬，今次就介紹下呢啲野馬居住嘅景區Khustai National Park（哈斯台國家自然景區）。呢個自然景區佔地 約500平方公里，大約有半個香港咁大。
景區喺93年成立嘅時候，係為保護普氏野馬嘅（Przewalski's horse ）啲種馬係世界上僅存的野馬，可惜 1969 年被確定為野外滅絕。現時普氏野馬全部源自十幾匹人工飼養野馬近親交配生出嚟，係佢地前景嘅一大隱憂。普氏野馬喺馬匹世界中屬於「中等身材」，高約 1.2米，身長約 2.1米，成年馬體重約 300 kg。
景區現存嘅野馬並唔多，所以我喺三個山頭總共見到成10幾隻，再加埋見到佢哋奔跑，實在係非常之幸運。通常嚟到呢個景區你都要喺呢度住一晚嘅，因為呢啲野馬一係好早一係黃昏至會出嚟，搵食呀嘛。
咁呢度亦都有蒙古包或者房間住，當然蒙古包嘅待遇就會好啲。亦都有熱水沖涼，不過就唔係喺蒙古包入邊嘅。當日去到嘅時候，天氣都幾凍，於是就要燒炭，不過唔使驚，蒙古包通常都漏隙嘅，唔會焗死，但係就要小心處理啲隙啦，如果唔係半夜凍醒就無人好似照顧啲野馬咁照顧你㗎啦。
#正文社旅遊書 #我是旅行嘉 #中亞之旅 #蒙古國 #成吉思汗 #Dalanzadgad #南戈壁 #大漠 #KhustaiNationalPark #哈斯台國家自然景區 #蒙古野馬
