🐘說好的小飛象電影🐘
話說幾個月前同哥哥仔去睇「胡桃夾子」既時候見到「小飛象」真人版嘅電影預告，當時哥哥仔就已經話好想睇，因為覺得小飛象好可愛，又好想知道佢同佢媽媽之間既故事，而我都應承咗佢會帶佢嚟睇🥰近期每次見到「小飛象」既電影海報佢都提醒我，直至今日真係帶咗佢同細佬一齊嚟睇，仲要有埋爆谷+汽水既至尊享受，佢真係開心到飛起😂睇完更係愛上咗小飛象，仲留低啲戲票珍藏添💕
🐘小飛象真人版電影嘅畫面真係好靚，所有動物都拍得栩栩如生，小主角嘅演技都好好，好欣賞佢哋嗰份勇氣同埋智慧，好正面！小飛象Dumbo好可愛💕而同佢媽媽Jumbo之間嘅母子情梗係描述得真摯感人，好幾個場景我都聽到有小朋友感動到爆喊😭我一向都唔鍾意劇透嘅，所以大家快啲入場睇下啦，大人同埋小朋友都會鍾意㗎💕
#迪士尼真人版 #小飛象 #鬼才大導添布頓 #親子電影 #親子好去處 #第一次一家四口去睇戲 #哥哥由細到大都好乖坐定定唔會大叫唔會嘈唔會喊 #細佬食晒嘢就坐唔定 #完成睇到一套電影算係好叻豬
